تحليل لما حدث اليوم فى ماتش الزمالك

**فجر الاسلام** · 2011-04-02, 10:41 PM

أما , ماتش , اليوم , الزمالك , تحميل , جيب

هى البلد دى مش هتنضف ولا ايييييييييه

نفس الاسلووووب القذر اللى حصل فى ماتش مصر والجزائر

واللى بعد كدا اكتشفنا انه انضربنا على قفانا لما ثبت كذب سمير زاهر
لا وفضل فى منصبه والناس بالرغم من اتكشف كدبه فضلت مغيبة عن الواقع

طيب ايه بقة رايكم فى اللىحصل انهاردة فى ماتش تونس
هنتعاطف مع مين مع حسام حسن ولا الوايت نايس
ولا تونس اللى هىكسرت الخوف جوه المصريين ولولا ثورتنا مكناش فكرنا اننانعمل ثورة
ولاتونس اللى استقبلتآلاف المصريين من ليبيا
اللى حصل واللى بيحصل كل يوم بيأكدلى
ان الفساد موجود ومستتب وقادر ان هو يتحكم فى مسار ومصير مصر
والفساد دا فى مراكز قيادية قادرة انها تصدر اوامر
الكورة والاعلام والتاخر فى محاسبة كبار الفاسدين والرشاوى والكوسة اللى لسه موجودين

اة صدقونى لسه موجودين هم مش منتشرين زى الاول بس موجودييين
افكركم فى ماتش مصر والجزائر ألهونا بيه عن الضريبة العقارية وغلاء الاسعار
وفى ماتش انهاردة الزمالك والفريق التونسى
بيلهونا برضو عن المطالبة بمحاسبة اسرة مبارك وكبار الفاسدين والاعلامين الفاسدين ايضا

معقول كل دووول يكونوا قلة مندسة
انا مبقتش احب كلمة قلة مندسة دى لانها الشماعة اللى بنعلق عليها اخطاءنا

فى شريحة كبييييرة من الشعب المصرى لسه الجهل مسيطر فيها وبيتم استخدامها

وان لازالت ايدى الفساد بما تمتلكه الان من مال وسلطة متعاونة مع هذه الشريحة بما تمتلكه من جهل وحب المال اصبحوا قادرون على نشر الفساد وهدم الامجاد والتحكم فى مصير البلاد

اما الناس المحترمة للاسف لا تمتلك سوى اصواتها
هذه الاصوات هى التى صنعت ثورة 25 يناير
ولكن لم تتحكم الى الآن بشكل قوى فى مصير هذه البلد
هى تحاول وتحاول لكنها لازالت تقف تنادى باصواتها فى الشارع ولم تصل الى عجلة القيادة بعد

دى وجهة نظرى او تحليلى لما حدث اليوم

jpgdg glh p]e hgd,l tn lhja hg.lhg; Hlh jpldg [df

**فجر الاسلام** · 2011-04-02, 10:46 PM

ما يجعلنى اتفاءل بعد الشىء ان فى احداث ماتش مصر والجزائر استطاعوا ان يضحكوا على 85 مليون مصرى ...اما الان اصبح لدى 85 مليون وعى بان هناك مخطط لافساد ثورتهم وانهم اصبحوا يفهموا لعبة هؤلاء المفسدين والدليل على ذلك هى ان فى احداث مصر والجزائر وجدنا عشرات الجروبات التى تهاجم الجزائريين والسب والشتيمة ....اما الأن نجد عشرات الجروبات التى تعتذر للتوانسة

**SIMO** · 2011-04-03, 12:50 AM

بجد شيء يخجل والله
انا نفسي اروح لكل واحد تونسي واتأسف له علي الي حصل ده
الناس محترمه وقابلونا هناك في ماتش الذهاب بإحترام ومحصلش ضرب ولا اي حاجه
حتي لو الجمهور نزل الملعب ,.. ليه بقي ضربوا اللعيبه
اكيد في مخطط لكده ومتأكد ان الموضوع ده مش هيعدي ع خير كده
انا مع اني زملكاوي بس انا مع ايقاف الزمالك
وتوقيع أغلظ العقوبات علي ابراهيم وحسام
وعلي جماهير الزمالك الي بجد محترمتش التوانسه
الي استقبلوا المصريين هناك احسن استقبال
وحاجه بجد تفرح منهم
بس للأسف احنا نكرنا الجميل
شكرا جمهور الزمالك الي محترمش الناس

**فجر الاسلام** · 2011-04-03, 01:31 AM

دا دليل انها عملية مدبرة

**Muhamed** · 2011-04-03, 06:23 PM

فى مباره تونس نزل الى الملعب بعض المشجعين من التراس الفريق التونسى

فكان يجب فى مباره القاهره ان يحدث ذلك ايضا ولاظهار المنتالتى واللى وضح لما كان اول من نزل نصف عراه لاظهارها

نزل الى الملعب 10 - 15 واحد وجريوا علشان الكاميرات تصورهم ويخرجوا تانى وده كان باتفاق مع كابو المتش اللى سخن فى العيال الصغيريه

لما نزلوا الامن مسكم وكان هيضربهم جامد مما ادى الى نزول 10 لكل واحد يدافعوا عنه ويخرجوه بسلامه من ارض الملعب

الامن لما شاف الخروج الكبير من المدرجات جرى

مشهد جريان الامن وفتح بوابات الاستاد بتاعت الطوارئ خلت الجمهور اللى ملوش فى اى حاجه ينزل الملعب ومنهم ابوجلابيه اللى اتعلموا جروب فيه اكتر من كام الف دلوقتى

الناس دى بتشوف دائما الاستاد من فوق وكتير جدا منها عيال بمعنى كلمه عيال اصغر من 18 سنه علشان كده شفنا المنظر بتاع الناس اللى بتحضن اللاعيبه وعايزه تشرتاتها وناس بتتمرمغ فى النجيله كانها مصدقت تلمس نجيله استاد القاهره

متستغربوش العيال دى ومقدرش اقول عليهم غير لفظ عيال نتيجه دخولهم فى الالتراس اصبح الملعب هوا حياتهم

طبعا الالتراس انقسموا فيهم اللى نفذ كلام الكابو علشان ينزل سؤاء بقه لحمايه اللاعيبه او لاظهار القوه على حسب اخلاق واقتناع كل واحد وفيهم اللى فضل الانسحاب ودول مكنوش قليلين

على العموم التصرف الامثل الان من وجهه نظرى

الغاء الدورى

الغاء الالتراس

محاكمه قيادات الالتراس