ورشة عمل دمى وألعاب

**قمر الليالى** · 2009-05-07, 10:31 PM

نبدأ بسم الله :

الباترون :

ورشة عمل دمى وألعاب dohaup_213034681.jpg

الطريقة :

1- نبدأ بعمل الدائرة .. ممكن بطريقة السلاسل وممكن بطريقة ( الدائرة السحرية ) وهي طريقة شاهدتها في أحد مقاطع الفيديو .. تخليلك الدائرة مغلقة تماما وهي كالتالي :

راح تلفي الخيط على أصباعك كما في الصورة بحيث تعملي شكل اكس طرف الخيط القصير من تحت والطويل (اللي موصول بالبكرة ) من فوق .. تمام ؟؟

ورشة عمل دمى وألعاب dohaup_1401378984.jpg

ثم تدخلي الصنارة من تحت الخيط القصير

ورشة عمل دمى وألعاب dohaup_322005917.jpg

ثم تسحبي الخيط الطويل بالصنارة وتخرجي راح تتكون عندك دائرة على أصباعك ..

ورشة عمل دمى وألعاب dohaup_1216327347.jpg

بعد كدة تعملي سلسلة وتخرجي اصباعك وتبدأي تشتغلي داخل الدائرة 6 غرز حشو

ورشة عمل دمى وألعاب dohaup_671668804.jpg

ثم تسحبي الخيط القصير وحتلاحظي انه الدائرة تنغلق :

ورشة عمل دمى وألعاب dohaup_981052039.jpg

ثم تنهي بعمل غرزة منزلقة في أول غرزة في الدائرة ..

ورشة عمل دمى وألعاب dohaup_2135435767.jpg

تابع

,vam ulg ]ln ,Hguhf

**قمر الليالى** · 2009-05-07, 10:32 PM

2- علمي أول غرزة أو آخر غرزة بخيط لونه مختلف أو استخدمي طريقة العد .. راح يكون شغلنا حلزوني يعني مافي سلاسل بداية والعمل كله بغرزة الحشو

3- أشتغلي فوق ال 6 غرز 12 غرزة يعني فوق كل غرزة غرزتين في نفس المكان زي طريقة القبعة بالضبط

4- اشتغلي فوق ال 12 غرزة 18 غرزة يعني فوق أول غرزة غرزتين وفي ثاني غرزة غرزة واحدة فقط وهكذا لنهاية السطر ( 2 1 2 1 2 1 )

5 - السطر اللي بعده 24 غرزة .. ( 2 1 1 2 1 1 2 1 1 ) غرزة توسعي وغرزتين لا

6- السطر التالي غرزة توسعي و 3 غرز لا ( 2 1 1 1 2 1 1 1 2 ) ويصير عددها 30 غرزة ..

7 - الآن راح تشتغلي بدون زيادة يعني فوق كل غرزة غرزة وحدة بس 30 غرزة

8- كرري السطر السابق مرة أخرى

**قمر الليالى** · 2009-05-07, 10:34 PM

1- خلصنا 7 أسطر .. في السطر الثامن راح نوسع تاني ... حتبدأي أول غرزة توسيع بعدين تتركي 4 غرز بدون توسيع ثم وحدة توسيع وهكذا ( 2 1 1 1 1 2 1 1 1 1 2 ) 36 غرزة

2- السطر التاسع تشتغلي كله بدون توسيع وحيكون عدد الغرز برضه 36 ..

3- السطر 10 - 11 زي التاسع تمام

4- السطر 12 نوسع كل 5 غرز .. يعني تبدأي أول غرزة فوقها غرزتين بعدين 5 غرز تشتغليها عادي فوق كل غرزة غرزة .. بعدين غرزتين فوق الغرزة اللي بعدهم ( 2 1 1 1 1 1 2 1 1 1 1 1 2 ) 42 غرزة .. واذا حابة تعملي لون الجسم مختلف عن الرأس غيري اللون الآن ..

5- السطر 13 الى 17 تشتغليهم بدون توسيع 42 غرزة

فاضلنا 5 سطور ونشطب .. تابعوني ..

**قمر الليالى** · 2009-05-07, 10:35 PM

نتابع معا :

1- السطر 18 راح نبدأ بالتناقص عشان تنقفل البيضة .. أول غرزة وتاني غرزة تشتغليهم مع بعض غرزة تنقيص .. اللي هي تعملي غرزة حشو بس قبل لا تسحبي الخيط من الحلقتين اللي عالسنارة تدخليها في الغرزة الثانية وتشتغلي غرزة حشو .. فتصير عندك 3 حلقات على السنارة تسحبيها كلها مع بعض .. حتنقصي 6 مرات كل خمسة غرز مرة .. يعني الأولى والتانية تنقيص ثم 5 غرز عادية ثم تنقيص ثم 5 غرز عادي وهكذا لآخر السطر .. ويصير عندنا 36 غرزة ..

2- السطر 19 برضه حننقص 6 مرات نبدأ بغرزة تنقيص ثم 4 غرز عادي ثم تنقيص وهكذا حتى يصبح لدينا 30 غرزة في السطر ..

3- السطر 20 نفس الشي ننقص 6 مرات كل 3 غرز ويصير عدد الغرز 24

4- السطر 21 ننقص 6 مرات كل غرزتين ويصير عدد الغرز 18

نكمل مع بعض :

هذا شكل بيضتي عند السطر 21 :

ومن الداخل :

1- الآن راح نحشي البيضة .. في العادة بتكون الحشوة قطن .. لكن أنا أفضل القماش لأنه بيكون أقسى .. وبيعطي شكل متماسك أكتر .. جيبي أي قماش قديم وقصيه الى قطع صغيرة حتى ما تتكتل جوة :

وابدأي بحشو البيضة بها .. احشيها لمن تكتمي أنفاسها :

وكل ما حسيت انك خلصت افعصيها حتى تتأكدي انها اتماسكت تماما :

لو انفعصت معاك معناته لسة تحتاج حشو أكتر ..

2- بعد الانتهاء من الحشو نشتغل السطرين الباقين عشان نقفل خلاص .. السطر 22 راح يكون 12 غرزة .. تنقصي مرة ايوة ومرة لا .. يعني غرزة تنقيص ثم غرزة عادية ثم غرزة تنقيص الى آخر السطر

3- السطر الأخير راح يكون كله غرز تنقيص وتصير معاك 6 غرز فقط .. واذا ما انقفلت كملي تنقيص لحد ما تنقفل ..

4- الآن ارسمي الفم بالقلم الأسود في السطر السابع .. وأحضري خرز أسود أو لولو أو زر أسود .. وألصقيه فوق الفم .. في السطر السادس أو الخامس .. واختيار شكل ومكان الملامح يؤثر على الشكل النهائي كثيييييييييييييرا ..

وممكن تعملي حجم أصغر بتنقيص عدد من السطور :

وممكن اضافة أي اكسسوارات أخرى مثل الوشاح أو الملابس .. واليدين عبارة عن خيط مربوط في طرفه خرزة لكن أنا مهي متوفرة عندي .. وممكن اضافة الشعر بطريقة سهلة اللي حابة تعرفها تخبرني وأنا انزلها ان شاء الله ..