توكلنا على الله
(لـعبـــــة بيـــــــــت الرعبــــــــ)
اقتباس:
|
_ايه اكتر حاجة ممكن تخليك تخاف ( الضلمة - حد يخضك - تصحي من النوم فجأة تتكلم وتلاقي الناس مش سامعة صوتك ) ؟؟؟؟؟
|
الكوابيس لأن العقل بيرسم المشاهد اللى عارف إن أنا بخاف منها (خاين) وبيتحكم فى مشاعرى كمان فبيخلينى خايف زيادة
اقتباس:
_اذا تعطلت بيك سيارتك فى مكان بعيد نائى وكنت وحيد
والدنيا ضلمة وحسيت باصوات مخيفة شبابيك
بتتفتح وتتقفل مع العلم ان المكان مافيهوش مساكن
هتعمل ايه؟
|
لأول 3 ثوانى هكون فرحان لأن عندى سيارة بعد كده فيه إحتمالات كتير
يا إما أجرى والحكاية تهدى
يا إما أجرى والبتاع ده يجرى ورايا ومن هنا هيغمى عليا أكيد
يا إما أعمل فيها سياسى وأحاول أقنعه بإن مفيش سبب منطقى للى هو بيعمله وبعدها أجرى
(لــعبـــــــة ديــــســــكـــــفــــــر ي)
جبتو البتاعة اللى فوق دى منين ؟ ......... ما علينا نخش عالأسئلة
اقتباس:
|
_اذكر اكتر ثلاثة مواقف حسيت انك في صراعات ودوامة في حياتك ؟؟؟
|
لما يكون قدامى كتاب كبيير المفروض أذاكره وكل صفحة منه بتخلينى أشد فى شعرى
لما أفضل أفكر فى الدنيا وألاقى إنى مجرد بنى آدم هيعيش فترة من العمر وبعدين ماحدش يفتكره وبعدين أسأل عن الهدف من وجودى شخصياً وازاى الحياة كانت هتمشى من غيرى مع الناس اللى بتعامل معاهم وبأثر فيهم وبعدين أحس إنى معقد
التالتة إن الكمبيوتر يعطل بالظبط قبل الأجازة بيومين من كل سنة بحس فعلاً إن أنا فى صراع ودوامة مش هتنتهى أبداً
اقتباس:
_بين السحاب وفوق الغمام تطوى بك الطائرة مسافات
ومسافات لكنك شارد الفكر_ ساهم النظرات.. بماذا تفكر..؟
|
امتى الطيارة هتقع !
اقتباس:
|
_مين الشخص اللى لو مش موجود معاك بتحس انك ضايع؟
|
أنا
اقتباس:
|
_اذكر ثلاثة مواقف حسيت انك فى صراعات ودوامة فى حياتك؟
|
هو انتوا استحليتوا السؤال ده ولا ايه ؟ ... الإجابة فوق
اقتباس:
|
_ازاى بتخرج من حالة التوهان والدوامة وصراعك مع نفسك؟
|
من المخرج المنطقى لأى مشكلة
(لـــعــــــــبـــة الــــــفنـــجـــــــــــ ـــــــانــــــــ)
اقتباس:
_لو بقيت في لعبة الفنجان تتمني مين يبقي
معاك من المنتدى اسمائهم وليه اختارت دول بالذات ؟؟؟؟
|
اللى سابوا تيفا وراحوا منتديات تانية وبعدين أنط بره الفنجان وأخليه يشتغل باعلى سرعة
اقتباس:
|
_بتقتنع بقراءة الفنجان والكف والحاجات دى؟
|
والله لو طلعلى نوستراداموس نفسه عمرى ما أصدق
(لـــعــــبــــــــة الـــــــــصـــــــــاروخ ـــــــــ)
اقتباس:
|
_لو تحت ايدك صاروخ تحب تسافر فين ؟؟؟
|
القمر وأفضل هناك بقية حياتى لكن مستحيل طبعاً
اقتباس:
_لو معاك ريموت الصاروخ تركب مين فيه من الاعضاء
وتقولة مع السلامة هتوحشنا متجيش تاني  ؟؟؟؟؟؟؟
|
صاحب الأسئلة
(لــــــعـــــــبـــــــة الـــــشــــلالاتــــــــ ـــ)
لأ
اقتباس:
_لو شوفت حد بيغرق وانت مبتعرفش تعوم
وانت الوحيد اللي في الشاطيء ؟؟؟
|
هو ليه الأسئلة الصعبة دى ؟
هحاول أعوم لو عرفت هكمل لو ماعرفتش هجرى بأقصى سرعة أجيب حد بيعرف يعوم
اقتباس:
|
_ايه اجمل وقت بالنسبة لك للتواجد على البحر فيه؟
|
الغروب بالنسبة للبحر ..... الليل بالنسبة للصحرا
اقتباس:
_فى مقولات كتير بتتقال عن البحر
"انه غدار او كتوم الاسراراو........."
انت ايه رايك؟؟
|
مخيف لإنه واسع وله هيبة وأسوأ من الصحرا للى مش عاوز يتوه ده غير إنه غامض وجواه حاجات العلم ماقلش فيها حرف
ومطمئن لأنه المكان الوحيد فى العالم الواقعى اللى ممكن تبعد فيه عن البشرية وإزعاجها وأذاها
(لــــعـبــة الــــقـطــــــــــــــــ ــــار)
اقتباس:
_اية مواصفات اميرة او فارس احلامك ؟؟؟
ولقيت الفارس او الاميره ولا لسه ؟؟
|
ماظنش المواصفات هتنطبق على أى اميرة حيث إن التفهم والتقدير هو المطلوب والأميرة دايماً بتكون راسها لفوق بدون تفهم أو تقدير لأى حد حواليها
اقتباس:
_ولو اتخدعت فية بعد كدا هترمية من القطار
ولا لاء  ؟؟؟
|
لو إنخدعت يبقى أنا اللى اترميت من القطر
اقتباس:
ولو رميتة هترمية ازاي ياريت بالشرح ؟؟؟؟
|
هربطه بالقطر الأول وبعدين أرميه
لنفس المكان اللى بيروحوه البنى آدمين
اقتباس:
|
_قطار المشاعر متجه لفين؟؟
|
(لـــــعبـــــــــــة الـبـــــســــــــــــاطـ ــــــ)
اقتباس:
_لو لقيت شنطة فيها مليون جنيه ""
هتعمل اية بالفلوس اشرح بالتفصيل ؟؟؟؟
|
مليون جنيه بس مش هيكفوا حاجة
اقتباس:
_سمعت عن عروسة البحر..تفتكر هى حقيقة ولا مجرد حكاية
خيالية للتسلية؟؟
|
بجد مش عارف ده متوقف على الصورة اللى بتترسم لما نسمع المصطلح
لو إنها فى غاية الجمال وعندها ديل سمكة لأ طبعاً
أما لو بالشكل ده
ليه لأ
اقتباس:
_لو تخيلت ان عروسة البحر ظهرت لك هتعمل ايه
وهتطلب منها ايه؟؟
|
لو تخيلت ولا لو حصلت بجد ؟
لو تخيلت يبقى هتخيل المحادثة واللى هتكون أغرب محادثة تخيلها دماغ بنى آدم حيث إنها مش هتكون بالعربى
أما لو حصلت بجد وكانت فعلاً بالشكل اللى فوق هطلب الرحمة
(لـــــــعـبـــــــة الاخطـــــــــبــــــــــ ــــوطــــــــ)
اقتباس:
|
_اية البلد اللي نفسك تروحها ؟؟؟
|
وده ايه علاقته بلعبة الأخطبوط ؟
بلدى وهى متقدمة
أبداً
اقتباس:
|
_جملة بتحب انك تقولها لنا ديما وتلح عليك؟؟
|
اكتبوا مواضيع بقى كله منقول منقول ههههههه
(لـــــــعـبـــــــة الدبـاديـــــــــبـــــــ ـ)
اقتباس:
|
_اهدي 5 اشخاص في المنتدى دباديب هديه مع ذكر اسمائهم ؟؟؟
|
أكيد مش هديها لكراكر يعنى هيقولى ايه اللى انت جايبه ده يا عبدالرحمن الفالانتين لسه بعيد
لكن ممكن أخليه للى عاوز دبدوب ييجى هو أو هى تاخده
اقتباس:
_ بتحب تجيب هداياك عملية يعنى حاجة للشخص تنفعه فى
حياته ولا هدايا تذكارية او رمزية؟؟
|
دلوقتى هتكون هدايا عملية ليها فايدة واضحة فى جانب مهم من الحياة الواقعية
بعد الخطوبة هدايا ولا ليها أى لزمة
واخيراااا
اقتباس:
|
_اية اللعبة اللي كان نفسك تركبها ؟؟؟ ولية ؟؟؟
|
المخرج عشان المغرب قرب يدن وعاوز أقوم
اقتباس:
|
_مين من الاعضاء كنت تحب يكون معاك في الملاهي ؟؟؟
|
العضو اللى جاى دوره فى العذاب يعنى ...
غريبة فى دنيا عجيبة استلمى العذاب
اقتباس:
|
_كنت حاسس بأية وانت في الملاهي اوصف شعورك ؟؟؟
|
تايه
اقتباس:
|
_حاجة كان نفسك تقولها ومسكت نفسك ومكتبتهاش ؟؟؟
|
كفاية كده
ملاهي تيـفــا
.gif)
العرض العادي
