دورة قواعد

أحبائى الكرام
طبعا معظمنا متعقد من الانجليزى خالص
وانا كنت واحد من الناس دى بس قدر الله لى أن تكون دراستى
انجليزى


المهم
انا الوقتى عاوز احبب الناس فى الانجليزى
خصوصا ان هو سهل وبسيط جدا واحنا اللى مصعبين العملية على نفسنا خالص


فمن هنا
انا هبدأ أعمل نظام كدا عبارة عن مواضيع تسهل الانجليزى علينا ماشى
وزى نظام دورة كدا


فأرجو من كل اللى مهتم وعاوز يبقى حاجة فى الانجليزى
انه يتابع الموضوع دا وانا هثبته فى توقيعى
واتمنى من الادراة تثبيته لاحقا


والموضوع هعمله فى نظام دروس سهلة خالص بإذن الله
ويكون الدرس الواحد فيه مم معلومة لخمسة بالكتير
والدرس هيبقى يوميا بإذن الله

تقبلوا تحياتى
سبيل الحياة

---

],vm r,hu]

شوف ياجميل

الجملة في اللغة الإنجليزية تتكون من ثلاث حاجات رئيسية :



Subject ...الفاعل


Verb ..الفعل

Object.. المفعول به

والكثير مننا بيغلط في التركيب دا
ولازم تعرف ان التركيب دا ثابت ما بيتغيرش أبدا ماشى

شوف حبة الأمثلة دى كدا

They study geography ,,,,,,,, هم يدرسون الجغرافيا

They ......Subject

study....Verb


geography...Object

لو تتبعنا الترتيب الصحيح

أولا ..S

ثانيا ..V

ثالثا ....O

كتير مننا بيغلطوا ويرتبوا الجملة حسب القواعد العربية

فيقولوا ايه مثلا:

Study they geography

فدا غلط ان احنا نبدأ بالفعل زى العربى

فكل لغة لها قواعدها الخاصة بها ..


والخلاصة ياعم الحاج بتاع الدرس الأول


الجملة في اللغة الإنجليزية لازم نحط الفاعل فى الأول وبعدين الفعل وبعدين المفعول به ..





ماشى الكلام أقابلكم فى الدرس التانى
محدش ينسى لو فيه حاجة غامضة او مش مفهومة
يقول على طول علشان نوضح

السلام عليكم
مافيش حد عاوز يتعلم انجليزى ولا إيه
ولا الناس اللى عوزا تتعلم شاركت وفهمت ومش عوزه تعلق
مش فاهم ياريت ياجماعه تشاركوا بردود ولو بكلمة شكر حتى على الأقل
وبطلب منكم الردود

جميل والله ياغالى تابع . .

الشرح هيكون مرجع موجود والناس هتوصله من محركات البحث وهنا برضوا

شكرا كراكر جارى الشرح

الأول فاكرين الدرس الأول يارجاله ولا ايه ؟؟؟

يبدو انكم ذاكرتم كويس وما فيش مشكلة خالص
وكمان مش عوزين نعيد الدرس الاول خالص
شطار

بصوا بأه
الوقتى أنا هشرح لكم الضماير
Pronouns
بس خلى بالكو كويس


في البداية لازم نعرف يعنى إيه ضمير ؟

الجماعة بتوع الانجليزى بيقولو ان الضمير
دا عبارة عن كلمة بتيجى عشان تحل محل الاسم
يعنى تكون بديله ليه

مثال عشان نوضح الكلام الصعب دا
mona eats apple
لو حبينا نغير اسم منى بضميرهنلقاها كده
She eats apple

عوزك تفتح مرخيرك كويس عشان الحته دى مهمة جدا
احنا عندنا 9 أنواع للضمائر فى الانجليزى



اوعى تخاف دا عدد بسيط وحاجة سهلة الواد بتاع الابتدائى عرفهم
احنا هناخد بس أول نوع الوقتى والباقى بعدين ماشى

أولا
ضمائر إسم الإشارة
Demostrative pronouns

this
that
these
those
such

أمثلة
That is incredible!


this
that
these
those
such


أمثلة
That is incredible!
وهذا لا يصدق!
I will never forget this
أنا لن أنسى أبدا هذا
Such is my belief
هذا في اعتقادي



نكمل المرة الجاية
ماشى ياشطار

والله فكره جميله وياريت الشرح يفضل بالمستوي ده بحيث يفيد في الحياة العملية مش شرح مدارس

حاضر ياعم محمد
انت تأمر
أهم حاجة تتابع ومتحرمناش من مشاركتك

تمام والله بارك الله فيك . . . تابع الدروس ياأستاذ احمد

وطريقتك فى الشرح مبسطة جدا بس ابقى خلى الدرس اكثر دسامة شوية

من عينى ياكراكر
بس مش عاوز حد يقول ان الموضوع معقد
لأنى هعمل امتحانات واللى مش هيأجب هيضرب

فيه حاجة وقفت عليكم
طب الحمد لله
ياله النهاردة ناخد باقى أنواع الضمائر
وأنا طبعا كنت عاوز نمشى واحدة واحدة بس كراكر قالى إيه
خلى العملية دسمة شوية
المهم

احنا عرفنا انهم 9 انواع
اخدنا ضمائر اسم الاشارة
ياله ناخد النوع التانى
هوا
الضمائر الشخصية Personal pronouns
ودى بتيجى مكان الاشخاص او الاشياء
وهيه نوعين


أول نوع >>
" الضمائر الشخصية Subject personal pronouns"
بتحل محل الفاعل وكمان بتيجى قبل الفعل


بنلاقيهامتمثلة فى
I, you ,he , she , it , we
I , he , she , it دول نستخدمهم للمفرد
We دول نستخدمهم للجمع
You دى فى الحالتين مفرد وجمع
خد حبة الأمثلة دى عشان نفهم أكتر

She took the bus last night.
He is aschool boy .
We are Muslims .
I stayed at home.
You need another blanket .



تانى نوع >>
" الضمائر الشخصية Object personal pronouns"


بتحل محل المفعول به وبنلاقيها بعد الفعل والفاعل

وهي نفس اللى فاتم بس محولين إلى ضيغة المفعول به لأنها تستخدم بداله
وهي
Me ,you , him , her ,it , us

برضه شوف الأمثلة دى عشان توضح الرؤية
John took it
Umar gave me abook
We sent you a letter.
He adores her.
I saw it with my own eyes.
They have just invited us to their wedding.
We went with him.

هاه نكتفى بكده ولا نكمل
نكمل ماشى نكمل

النوع التالت من الضماير
الضمائر الملكية Possesive pronouns

ودى ببساطة خالص تفيد الملكية أو يعنى ملكية حاجة معينة
وبنلاقى تحت النوع دا الضماير دى
Mine , yours ,his , hers , ours , yours , theirs

برضه شوف الأمثلة دى عشان توضح الرؤية

This book is mine.
This pencil case is yours.
Mary is a relative of his.
I've found hers.
Ours need watering.
Yours are bigger than mine.
These are your notebooks and those are theirs.

النوع الرابع من الضماير
الضمائر الإنعكاسية Reflexisive pronouns

ودى بتشير إلى الفاعل وبتنعكس عليه وبتتصاغ ازاى بأه؟
عن طريق إضافة Self للمفرد أو selves للجمع
ياله نشوف كده الموضوع دا

فتصبح

yourself
himself
herself
itself
ourselves
yourselves
themselves
برضه شوف الأمثلة دى عشان توضح الرؤية

The queen herself was among the demostrators.
The mayor himself spoke for the abolition of the dealth penalty.


النوع الخامس من الضماير
الضمائر الإستفهامية Interrogative pronouns

ودى بأه اللى بتستخدم في صياغة الأسئلة
أو لفرض سؤال معين
وهي التي تبدأ ب Wh
وهذه الضمائر هي :
what, which, who, whom, and whose.

برضه شوف الأمثلة دى عشان توضح الرؤية

What did you say؟
ماذا قلت ؟

Who said that?
من الذي قال ذلك ؟

Which do you prefer?
ماالذي تفضله؟


النوع السادس من الضماير
ضمائر النفي أو الضمائر المنفية Negative pronouns

ودى بنستخدمها لنفي العبارة أو الجملة الإسمية
والضمائر دى هي
no-one, nobody, neither, none and nothing
برضه شوف الأمثلة دى عشان توضح الرؤية
لايوجد Nobody is here

She is neither a British nor American
هي ليست بريطانية ولاأمريكية


النوع السابع من الضماير
الضمائر التبادلية Reciprocal pronouns

ودى بتفيد وتشير إلى تبادل شيء معين بين شخصين
و الضمائر دى هيه :
each other / one another
برضه شوف المثال دا عشان توضح الرؤية بس ركز

لو كتب خالد لأخته سامية رسالة
وبرضه
كتبت سامية رسالة لأخوها خالد
نقول
They write to each other
أو نقول
one another once a month
الاتنين صح


النوع الثامن من الضماير
ضمائر الوصل Relative pronouns

ودى بتربط مجموعة من الكلمات بأسماء معينة أو بضمائر تانيه
وهي
(who/whoever/which/that)
برضه شوف المثال دا عشان توضح الرؤية بس ركز شوية
The student who studies hardest usually does the best
الطالبة التي تدرس جيدا هي التي تقدم الأفضل عادة .


النوع التاسع من الضماير والأخير
الضمائر الكمية Quantifier

ودى بتفيد الكمية والمقدار
وهي
some, any, something, much, many, little, few , a lot
برضه شوف الأمثلة دى عشان توضح الرؤية
I have few litrary books.
أنا أملك بعض كتب الأدب

They like orange so much
هم يحبون البرتقال كثيرا .

وبكدا يارجالة نكون لنتهينا من الضمائر بأنواعها
فاكرين احنا خدنا ايه م الاول
ياريت ن\اكر عشان بدأت المعلومات فى التزاحم
واحنا لسه بنقول ياهادى
ركزوا كده
واوعو تنسو فلوس الحصة
1900بالرلاى
لو لقيتو العملة دى ابقو قابلونى

هاهأقابلكم الحصة الجاية

جيت متأخر شوية على الدرس

اسف..

مع انى معقد من حاجة اسمها جرامر فى الانجلش

بس فهمت شوية

فى انتظار البقية

متابع...

أولاً : بشكرك شكر جاااامد اوى من هنا لحد الكوبرى
بجد إنت إنسان محترم وانا بحترم الإنسان الى بيكون عنده علم ويحاول يفيد غيره بعلمه
والكلام ده أنا لسه قايله لمحمد على فى دورة الفوتو شوب الى هو لسه هيبدأها
ربنا يوفقوا إن شاء الله يا شباب والأجر والثواب عند الله ،،

ثانياً : بفضل دورة القواعد دى تكون كل حصه فى موضوع لوحدها وبعدين تسيب الأخوه الأعضاء يردوا براحتهم بعد الحصه
وكل واحد يقول الى مش فاهمه او يقول هو عاوز يعرف إيه ،، وإنت تكون موجود ومتابع لو حد عاوز أى حاجه ،،
هتعمل مثلا الدوره دى وليكن فى 10 حصص ،،

يبقى ،،
الموضوع الأول .... الحصه الأولى وبتتكلم عن كذا
الموضوع الثانى ... الحصه الثانيه وبتتكلم عن كذا

وهكذا يا كبير ،،،
وبتعمل يا احمد موضوع شامل بقى لكل الحصص ودا يتثبت
ويبقى اسمه دوره قواعد وبيكون كده مرجع لأى حد بيسأل عن حاجه ،،
يارب تكون فاهمنى وإن شاء الله أنا لما أقابلك هفهمك أكتر ،،

تقبل مرورى وإقتراحى ،، وبجد بشكرك من كل قلبى

أهلا ياحبيبى
ماشى أنا منتظرك تعدى عليه
واظبط وتظبط
واللى انت تعوزه يتم ياباشا على طول

أحبائى الكرام

اليوم وجدت دورة فى القواعد أفضل بكتير من شرحى

وهى منسقة ومرتبة وتعرض كعرض تقديمى من البور بوينت

إليكم صور منها













من فضلك
اضغط على الصورة للتحميل

mona eats apple
الحرف الاول كابتل M
بس من النظرة الايجابية عجبني(فتحوا منخريكم) وهذا يدل على اكنك عاوزنا نكون معاك بكل جوارحنا ...
بس الموضوع رااااااااااااااااااااااااااااااااااااااااااااااااا اااااااااااااائع ومررررررررررررررررررررررررررررررريح جدا
واسلوب العرض شيق وممتع

noooooooooooo مين احكا انو ما فيه حد بدوا يتعلم الانجليزي الي ما بدو يتعلم هو حر بخياروا انا بدي اتعلم وغيري بدوا يتعلم شكرا لمجهودك واستمر انا بشجعك وفي غيري ان شاء الله

شكرا على كلامك الطيب دا
وربنا يسهل

الله يجزاكي خير الجزا

عند جد انا نفسي اتعلم واتكلم اللغه الإنجليزيه حتى لو اكلها اكل هههههههههههه

وحابقى إن شا الله على طول معك وعلنا نستفيد من خبرتك يارب

الف شكر ليك بجد

بس المشكلة انه مرضيش يتحمل عندى
معرفش ليه

ياريت لو فى لينك تانى غير الرابيد شير مثلا يبقى تمام اوى


انا فعلا بحب اللغة ونفسى اهتم بيها اكتر من كده