تنصيب , شرح , xp , ويندوز

شرح تنصيب ويندوز xp ,, من الـــ أ الى الــ ي

شرح تنسطيب ويندوز xp من الـــ أ الى الــ ي


الويندوز بايظ
عايز اسطب ويندوز

يييييييييييييه

لسه هشيل وانزل واروح بيه مكتب الصيانه

لا

انا لازم اتعلم اسطب ويندوز

اه

انا هروح واقعد ع ايده ف الخباثه كده واتعلم

ده حال ناس كتير

فقولت لازم الكل يتعلم ينزل ويندوزه بايده



هنبدأ مع بعض ونسمي بالله




اول خطوة عشان تسطب ويندوز لازم يكون عندك سي دي ويندوز

مع ملاحظة ان الشرح ده للنسخ الاوريجنال
يعني اللي مش متغير فيها او معمولها تعديلات كأمثال ويندوز ستايل وفورتكس وغيرهم
الاختلاف ف النسخ دي بيكون بسيط
بس انت لو عرفت تسطب الاوريجنال اعتقد الباقي هيبقى سهل بالنسبه ليك


احتياجات تسطيب نسخه ويندوز

1- سي دي ويندوز XP + السيريال نمبر الخاص بالنسخه
(وتقدر تجيبهم من اي حد من اصحابك او تشتريهم من مكتب صيانه )
او تعاله ليه وانا اعملك واحده

2- سي دي روم طبعا مش محتاجه ذكاء خالص يعني



اول خطوة لازم نعملها اننا نخلي السي دي روم

هي الــFirst Boot بتاعنا

يعني ايه؟؟؟؟

يعني نخلي الجهاز اول حاجه يحس بيها وقت مايقوم النظام او السيستم الخاص بجهازك هو السي دي روم

ليه؟؟

عشان يقرا من السي دي بدايه خطوات السيتب للويندوز الجديد

ازاي؟؟؟


بص معايا

اول مابتفتح الجهاز بيكون ده اول حاجه بتجيلك
مع اختلاف انواع الاجهزة طبعا



بتدوس حضرتك ع مفتاح
Delete اللي فوق الاسهم
او
Del اللي جمب الارقام ف يمين الكيبورد

بينقلك للصفحه التاليه ,,




طبعا بتجيلك الصفحه الزرقا بدون المربع الاحمر اللي ف النص ده

بتروح طبعا ع حضرتك ع advanced Bios Features

وفيه بعض انواع من المذر بورد بيختلف فيها الاسم
بس ف الغالب بتبقى حاجه خاصه بكلمه BOOT

بنختار الاختيار ده وتضغط انتر

وتخش جوه هتلاقي فيرست بوت وسكند بوت وثيرد بوت
بتروح ع الفيرست بوت وتختار السي دي روم
بانك تضغط انتر بيفتحلك مربع فيه اختيارات بتختار الـ cd وتدوس انتر

وبعدها Esc

هترجع تاني للصفحه بتاعت البدايه

بتختار save & Exit

كده احنا خلينا النظام اول حاجه يحس بيها ف بدايه التشغيل هي السي دي روم

وتدوس ييس او حرف Y
والجهاز بيعمل رستارت لوحده

جهازك بيعمل رستارت

وهيقوم لحد ما هيوصل بيك لمرحله البحث عن الملفات اللي هيقوم بيها النظام
وهيديك الكلام ده ف اخر الشاشه تحت اللي هي بتبقى فيها مربعات بيانات جهازك


هنا بيقول لحضرتك

دوس اي زرار ف الكيبورد عشان يعمل البوت من السي دي روم
فبتدوس مسطرة او اي حاجه

بيتنقل بيك لصفحه سوداء بالكامل مفيهاش غير سطر واحد فوق



كده هو بيقرا النظام بتاعك بالكامل

وهيبدأ ينقلك لمرحله تانيه



من هنا حضرتك متفرج


هو هنا بيعمل تحضير للملفات اللازمه لاتمام عمليه التسطيب لجهازك

بيقرا معلومات جهازك بالكامل

كل اللي انت هتعمله هتستنى وتسيبه متزعجوش



هيجبلك مرحله الموافقه ع ترخيص استخدام نسخه من ميكروسوفت

هتكون بالشكل ده




حضرتك هتدوس F8 بس

انت لسه نايم برضه



اصحى ياعم انت نمت ولا ايه؟؟؟

يالا

هنا بيقولك لو عايز تسطب ويندوز دوس انتر
ده لو عايز يعني

هتدوس انتر

هيجبلك بعدها مرحله تانيه اللي هي لو هتعمل ريبير

هتلاقي ف الشريط اللي تحت اختيارات انك تعملريبير للنسخه الموجوده

فهنقوله لا ياعم احنا عايزين شغل جديد

سلمني نضيف اسلمك نضيف

هتدوس Esc

مع ملاحظه حاجه

ان لو الهارد جديد
او الهارد مكنش عليه ويندوز قبل كده او قبل المرة اللي انت بتسطب فيها دي

مش هيجبلك الخطوة دي

الخطوة دي هتظهر مع الهارد المستعمل مسبقا وكان عليه نسخه ويندوز

وركزوا قوي فـ الجزئيه دي

دلوقتي دسنا F8 اف 8 وقلناله لا هنسطب جديد ودسنا انتر

هينقلنا لمرحله اختيار البرتشن المستخدم للتسطيب




هي هتكون زي الصورة كده

مع اختلاف طبعا تقسيمه البرتشنات الخاصه بيك

فانت ف الغالب هتختار الدريف C اذا كان هو ده مكان الويندوز القديم عندك

وتدوس انتر

هينقلك لمرحله الفورمات




ف المرحله دي هو بيعمل اعاده تهيئة للدريف عشان يستقبل الويندوز الجديد

بيفرمطه وينضفه ويرتب ملفات السيستم الخاصه بجهازك

الافضل اللي انا بفضله بصراحه هو الفورمات Fat عادي بدون كويك

لانه بيعيد ترتيب سيستم الدريف

وبيعالج معالجه كويسه الى حد ما لو الدريف فيه بادات او اي مشاكل

انما لو انت عارف ان هاردك مليان بادات

فتوكل على الله وخليك ف الفات كويك

بس توقع ف اي وقت النسخه هتقع منك
عن تجربه كتيره قوووووووووووى


هيبدا دلوقتي مرحله الفورمات بالشكل ده

وحضرتك هتتفرج




ثم هيعمل تشيك سريع للدريف

ويبدأ ينسخ الملفات اللازمه من السي دي على الدريف لبدء عمليه السيتب

وبرضه هتتفرج




هيخلص نسخ الملفات ويروح رايح لمرحله الاستعداد للرستارت




كل ده وانت بتتفرج برضه

بس هنا ممكن لو ايدك بتاكلك ع الكيبورد
دوس مسطرة هيرستر بسرعه

---

avp jkwdf ,dk],. xp << lk hgJJJ H hgn hgJJ d

كده عملنا اول مرحلتين

الاولى
خلينا السي دي روم هو الفيرست بوت

التانيه
حضرنا الدريف للسيتب ونسخنا ملفات السيتب الاساسيه

دلوقتي الجهاز بيعمل رستارت

هتسيبه بقا مش هتدوس على حاجه



هيخلص ويفتح معاك بالشكل ده



برضه تتفرج وممكن تعمل واحد شاي وتيجي
او
تأكل حبه فشار


وفجاة هيروح مديك الرساله دي


هتدوس حضرتك Customize
هيفتحلك نافذه الويندو دي


فيها من فوق 3 اختيارات

اول حاجه هتعملها هتروح لــ Languages
هتعلم على اول اختيار زي ماهو موجود ف الشكل قدامك
لو متعلم خير وبركه
مش متعلم هتعلم عليها هيفتحلك ويندو صغيره هتدوس اوك
وتدوس ف نفس الويندو دي
ع regional option
هيجيلك بالشكل ده



هتخلي الحاجات اللي عليها السهم زي ماهي كده

وتدوس اوك

هياخدله وقت بسيط ويرجعك لنفس الويندو الاولى اللي هي دي



هتدوس نكست
هينقلك للخطوة التاليه ,,


هتكتب اي نيم
واي اورجنيزيشن

وتدوس نكست هيوديك لمرحله السيريال نمبر



هتكتب السيريال نمبر بتاع النسخه
وتدوس نكست

مع ملاحظه ان اي خطأ ف السيريال نمبر مش هينقلك للمرحله التاليه



الخطوة اللي بعدها ,,

اعدادات التوقيت


هتظبط الTime zone

+2 Cairo

وتدوس نكست

هيحمل معاك ويكمل عادي

وفيه بعض النسخ بيطلب منك تكتب السم الجهاز بتاعك مرة تانيه بعد مرحله السيريال

بتختلف من نسخه لاخري

بس مفيش منها اي مشكله هتكتب الاسم بتاع الجهاز بتاعك
ولاحظ ان الاسم ده
هو اللي جهازك هيظهر بيه على شبكه النتوورك مع الاخرين

هيرجع الجهاز يكمل باقي الخطوات وهتتفرج انت برضه



فـ بعض الاوقات هيديك اعدادت الشبكه بتاعتك ده في حاله ان كارت النتوورك الخاص بيك اتعرف لوحده
زى كروت اللان بيلت اوت



هتبقى رساله بالشكل ده
دوس نكست وكمل عادي
كل ده تقدر تعدله من داخل النسخه لو جهازك بيحتاج اعدادات مختلفه



هو كده قرب يفنش السيتب بتاع النسخه

انت كده مش هتعمل حاجه ابدا
هو هيخلص ويعمل رستارت مع نفسه برضه



عمل الرستارت

لو مفيش حاجه اتعرفت لوحدها هيديك رساله
هتدوس اوك
هتتكرر
هتدوس اوك تاني

هيفتح معاك كده


هتدوس هنا Skip

هينقلك لخطوة تانيه ,,


هتعلم فوق على No
وتدوس نكست



Not right now
وتدوس نكست


هنا هتكتب ف خانه

الاولى
هتكتب اسمك او اي اسم
شرط انه يكون مش زي الاسم اللي كتبته ف مرحله التسطيب

الثانيه والثالثه و ................ الخ
دا لو اكتر من واحد بيقعدو على الجهاز وعايز تعمل لكل واحد فيهم اكونت

وهتدوس نكست
وبعدين فينش

Welcome

مبروك عليك الويندوز يا سيدى


لوكلوك لوكلوك لوكلوك

ايه الراجل اللى عمال يرغى من الصبح دا .ايه مش ناوى يخلص بقى ولا ايه .؟!؟!؟

خلاص قربت اهه استنى شويه بقى

اكمل الشويه دول



هتبدأ حضرت تعرف تعريفات البورده بتاعتك
من السي دي المرفق مع الجهاز


وعشان تظهر ايقونات ماي كمبيوتر والانترنت والحاجات دي

كليك يمين ف اي مكان ف الدسكتوب
وتختار اخر اختيار
بروبرتس
properties

هيظهرلك الويندو دي


هتختار من فوق

دسكتوب
Desktop
وبعدين تدوس ع اللي فـ المربع الاحمر

هيديك ويندو بالشكل ده



هتحط علامه صح ع كل الحاجات اللي عايزها تظهر ع الدسكتوب عندك

وتدوس اوك ف الويندو الاولى
والتانيه


خلاص انا خلصت اى خدعه

شرح وافى ومبسط مانشو

تم التقييم...

3aShe2
..منور ياغالى..
.وشكراً على التقييم.

شغل عالي آخر حاجه ,,
بارك الله فيك على الشرح الوافي

بارك الله فيك