شكرا لك وجزاك الله كل خير
اقتباس:
قال رسول الله صلى الله عليه وسلم : " لئن يطعن في رأس أحدكم بمخيط من حديد خير له من أن يمس امرأة لا تحل له " .
|
انا عندى تعليق صغير
انا مقتنعة ان المصافحة حرام دى حاجة مقتنعة بها جدا
بس فى حاجة اسمها امانة فى النقل ودى طبعا المفروض تكون بين العلماء
يعنى انا مثلا هذا الحديث عرفت من الشيخ د. عبد الله المصلح اللى بيقدم برنامج مشكلات من الحياة على قناة اقرأ
كان فى سؤال اتسأل له بس للامانة القول مش فاكرة ان كان فى برنامجه اللى على اقرأ ولا على الرسالة
عن برضه المصافحة
فقال بالظبط انها حرام بالرغم من ان هذا الحديث اللى حضرتك ذكرته فيه قول
وراح قال بس مما لا شك فيه ان المصافحة قد تفتح بابا للشهوات
وانا اقتنعت بقوله الحقيقة لانى قلت فى نفسى ان كان النظرة حرام فما بالك بالمصافحة
انا بقه عاوزه اخرج من الحتة دى بنقطة تانية معلش هتوهكم معايا شويةان معظم والاغلبية العظمى من الشيوخ مش بيعتمدوا على مبدأ استفتى قلبك وان فى معظم الشيوخ لو سالتهم على حاجة الحاجة دى فيها اختلاف بيقولوا الراى اللى هم مقتنعين بيه مش بيقولوا الراى التانى و البعض ان قاله يعد يقبح فى الراى الاخر مع ان المفروض على اى عالم ان ظهر فى موضوع ما رايين مختلفين لو حد ساله فيه يقول الرايين ويقول للسائل ان يستفتى قلبه ودى من رحمة دينا لو اطبق هذا المبدأ
بدل ماهم بيشتتوا الناس
يعنى لو رحت تقول لواحد سؤال يقلك جواب لو سالت التانى يقلك جواب تانى مخالف واللى اتنين جايبين ادلة
تتشتت لكن لو الاتنين قالوا الرايين بامانة السائل هيطبق مبدأ استفتى قلبك
كمان نقطة تانية كتير من الشيوخ مش بيقولوا دلوقتى الشافعى قال وابو حنيفة قال الناس دى مبقتش اسمع ذكر اساميهم الا قليلا
ناقص فى شيوخنا نقطة وهى امانة القول والنقل
الا طبعا من رحمه ربى
اسفة للتطويل ويمكن خرجت عن الموضوع الرئيسى بس اعمل ايه كلمة كده اتحشرت فى زورى ومبرتحش غير اما بطلعها