الرجل , ايها , سؤال

سؤال لك ايها الرجل

كتير مننا بيسمع ان فلان ضرب زوجته

طيب ليه دا حصل
يقولك عشان هى غلطت
مش فى اسلوب تانى انك تحاول تناقشها
وتعرفها انها غلطانه







فى البعض ماشى بمثل اكسر لها ضلع يطلعلها اربعه وعشرين
دا اسلوب انسان ياخده فى حياته
ولما تتضرب زوجتك وتهينها
الى ربنا خلى بينكم موده ورحمه
وسيدنا محمد اعظم الخلق وصاك عليها
الى هى ام ولادك
الى هى اقرب حد ليك من ابوك وامك
الى لو جرالك حاجه لقدر الله
هتكون هى اول حد اتأذى بأذاك


وفى بعض الرجال بيضربوا من غير سبب
ليه عشان تسمع الكلام
احنا انسان زينا زيك
مش حيوان عشان نمشى بالضرب
لازم تكون حنين معاها
تكون انت حبيبها
اول حد هى تلجىء ليه لما تحتاج لحد
اول حد تفكر فيه لما تتعب
اول حد تلاقيه جمبها
دى الرجوله
عمر الرجوله مكانت بالضرب والهزاءه
الرجوله انك تحميها
صدقنى ايها الرجل
مفيش امرأه على وجه الارض تحب الخناق
ولا تحب انها تزعل جوزها
الى هو نفسها
تحب تخليه احسن حد فى الدنيا
وتقف بجانبه
وتكون عون له
بعض الرجال فاكر ان مراته عباره عن جاريه اشتراها عشان تخدمه وتخدم اهله

اكيد لا عمر مايكون كدا
هى مسئوله انها تريحك وتشوف طلباتك
وتراعى اهلك معاك
وتكون حنينه عليهم
لكن مش استعباد


سؤال اتمنى حد يجاوبنى عليه
ليه لما الرجل يتقدم لخطبه البنت
وفى وقت الخطوبه بيكون حاجه وبعد الجواز حاجه تانيه
وقت الخطوبه بيحسسها انه ملاك
هو واهله
وبعد الجواز تفاجىء بشخص تانى
واهل معامله تانيه خالص
على النقيض
ليه كدا ؟




اخدت الصور من موضوع عاشق الايمان

---

schg g; hdih hgv[g

الحقيقه موضوعك عايز ليه جوانب كتير علشان تردى عليها
وفكرى فى ايه السبب اللى يخلى اصلا الراجل يوصل لمرحلة انه يضربها ..؟؟

بس خلى بالك ان مش كل الازواج كدا فيه ازواج كتير جدا تلاقيهم بيراعوا ربنا
فى كل تعاملتهم وتصرفاتهم ( ورغم انى مش راجل بس هحاول ارد عليكى )

اولا احيانا الست بتكون مستفزة فى اسلوبها ساعات لما تلاقى جوزها عصبى تزعئ وتشد قصاده,,
ساعات تانيه الراجل يكون جاى من برا مرهق وتعبان وهى على ودانه زن فى طلبات عايزة كذا وحصل كذا
وحاجات كتييييييييييييييييييييييير جداااااااااااااااا ممكن توصل لعصبية الراجل..

بس المهم ان يكون العلاقه مبنيه على التفاهم والاحترام وحطى تحت ا لتفاهم والاحترام مليون خط ؛
وكل طرف منهم يراعى شعور الاخر.. والست تختار المواعيد المناسبه علشان تكلم الراجل فى اللى هى عايزاه وكل دا ..
ومادام فى تفاهم واحترام معتقدش انه ممكن يضربها او يؤذيها..

وبصراحه من ناحيه تانيه مبحترمش اى راجل يضرب مراته .. ممكن بكلمه
يعرف ياخد حقه او بتصرف منه عقلانى يعرف ياخد حقه كويس جداااااااااااا

معلش رغيت ولكيت كتير بس ارجو ان تكونى فاهمه قصدى
وتسلمى على موضوعك دا (وشيلى عقدتك من ناحية الرجال شويه علشان لما تتجوزى ان شاءلله )

انا فهمه قصدك ياحبيبه ابوها
بس انا الى مزعلنى من الموضوع دا
ان حد اعرفه
ضرب مراته عشان حاجه هايفه جدا
وهى مغلتطش كل الى قالته حاضر هعمل الى انت عايزه قام ضربها
اما بالنسبه عقدتى من الرجاله
بجد هى غصب عنى
بتعامل معاهم باسلوب اخوى عادى
بس ناحيه الجواز دى مش عايزه اى راجل خالص يجى جنبى ولا يتجوزنى

عموما متاخدين كل الناس مقياس
زى ما ضربها وعمل فيها كدا ممكن بردو يكون ليه حلو وحاجات طيبه تانيه كتيره

وعقدتك دى بئه مع الوقت هتتحل لحد ما ربنا يكرمك ان شاءلله
هتلاقى العمليه بئت ايزى ياعزيزى وربنا يوفقك ياملكه

برافو عليكى بجد موضوع حلو اوى
بس خدى بالك مش كل الازواج كده في ناس عاقله لو زوجته غلطت يناقشها وربنا قال فيما معناه لو غلطت اول حاجه تعملها انك تنصحها منفعش اهجرها منفعش اضربها ودى في اضعف الاحوال
ميرسي ع الموضوع الجامد
تقبل مرورى

المشاركة الأصلية كتبت بواسطة حبيبـة ابـوها

عموما متاخدين كل الناس مقياس
زى ما ضربها وعمل فيها كدا ممكن بردو يكون ليه حلو وحاجات طيبه تانيه كتيره

وعقدتك دى بئه مع الوقت هتتحل لحد ما ربنا يكرمك ان شاءلله
هتلاقى العمليه بئت ايزى ياعزيزى وربنا يوفقك ياملكه

ماشى ياستى
اما اشوف عمك الجديد دا وربنا يسهل بس برده ميضربهاش

المشاركة الأصلية كتبت بواسطة هند

برافو عليكى بجد موضوع حلو اوى
بس خدى بالك مش كل الازواج كده في ناس عاقله لو زوجته غلطت يناقشها وربنا قال فيما معناه لو غلطت اول حاجه تعملها انك تنصحها منفعش اهجرها منفعش اضربها ودى في اضعف الاحوال
ميرسي ع الموضوع الجامد
تقبل مرورى

دا الى انا بقول يتعمل الاول
وبعدين مفيش حاجه اسمها ضرب
احنا مش حيوانات
ميرسى لمرورك ياقمر