~:: قول كل اللي جواك هنا ::~

بعد عناء يومك

دعوة

لكي تخرج همومك

اطرح كل ما في قلبك

سلم مشاعرك وأحاسيسك لنا

سنحمل عنك أعباءك

نحن هنا من أجل راحتك

افتح قلبك

وقول كل اللي في نفسك

وهنسمعك

وهنقف بجانبك

بابنا مفتوحلك

حتى لو العالم كله وقفك في مواجهتك

أنت هنا لكي تخرج لنا ما بداخلك

فضفض وقول اللي بنفسك

وعلينا قهوتك

تحيتي

ابن مصر

---

Z:: r,g ;g hggd [,h; ikh ::Z

مش عارف ليه الناس اتغيرت بقوا زى الوحوش ولا احنا اللى جينا فى زمن غلط ياريت حد يقولى

المشاركة الأصلية كتبت بواسطة AlSam3r

مش عارف ليه الناس اتغيرت بقوا زى الوحوش ولا احنا اللى جينا فى زمن غلط ياريت حد يقولى

العالم ماتغيرش أخي الحبيب سمير

لكن احنا اللي غيرنا نفسنا

وبقت الأطماع المادية تغلب على حبنا واحترامنا لغيرنا

وبقى كل واحد هدفه الرئيسي يخطف اللقمة من بق التاني

عشان كده لازم نصلح من نفسنا

ونراجع نفسنا أكتر من مرة

وأكيد هنتعلم وهننجح

أحيانا الأنسان بتسيطر عليه عاطفه شديدة ممكن تكون حنين لماضي أليم أو حاضر تغلب عليه تقلبات الحياة أو مستقبل متردد في اتخاذ اهدافه

طب ده يبقى اسمه ايه ؟؟

مــــــــا شاء الله عليك يا ،ابن مصر ، مواضيييييييييييعك بصراحة منعشة.وبتفصيل أدق مريحة وصادقة
اللي جوايا حلم بحلم بيه" بحلم إن جيوشنا كتير وسيف الدين عدل التحرير "
تفتكر إنه في يوووووووووووووم هيكون حقيقة .؟؟ وليه ..ولما هيجي فين الجند طب والحاكم، حاجت كتير
واثقة انها هتيجي بس مش كل حاجة بالساهل....." اقنعني.

المشاركة الأصلية كتبت بواسطة remove dark

مــــــــا شاء الله عليك يا ،ابن مصر ، مواضيييييييييييعك بصراحة منعشة.وبتفصيل أدق مريحة وصادقة
اللي جوايا حلم بحلم بيه" بحلم إن جيوشنا كتير وسيف الدين عدل التحرير "
تفتكر إنه في يوووووووووووووم هيكون حقيقة .؟؟ وليه ..ولما هيجي فين الجند طب والحاكم، حاجت كتير
واثقة انها هتيجي بس مش كل حاجة بالساهل....." اقنعني.

أختي الكريمة ريموف

حقيقة شغل بالي كلامك وفكرت فيه أكتر من مرة قبل ما أرد

وصراحة أنا وجدت اننا مش محتاجين جند ولا حاكم ولا مال عشان ننتصر

الهزيمة اللي احنا فيها احنا سببها

هسألك وأسأل نفسي وأسال أي مسلم الأسئلة دي

هل أنت مسلم ؟

أكيد هيقول آه

هل أنت موحد؟

بكل تأكيد الجواب بنعم

طيب ايه هو التوحيد ؟

اننا نقول لا إله الا الله محمد رسول الله

جميل

طيب هل طبقنا لفظ التوحيد في حياتنا

هل علمنا معنى لا اله الا الله

المشكلة تكمن في أننا لم يكتمل ايماننا

فنحن مسلمون وبكل أسف بلا اسلام

والغرب متقدمين لأنهم يعتمدون على عقيدة الاسلام بلا مسلمين

فالغش والخيانة والغدر والتقصير في طاعة الرب وعقوق الوالدين

من أكثر ما يتألم له عصرنا

الله سبحانه وتعالى لم نعطه حقه وهو عبادته حق العبادة

كي يعطينا النصر

" وما النصر الا من عند الله "

" وان تنصروا الله ينصركم ويثبت أقدامكم"

"كونوا أنصار الله"

أتمنى أنك تكوني فهمتي المغزى من كلامي

فعندما يقدر المرء على تحقيق ايمانه بحق و قتها ستجدي الأمة منتصرة بأذن البارئ

فنحن مسلمون وبكل أسف بلا اسلام

ارى انننا مسلمون ولكننا لسنا بمؤمنين

وهنا فرق بين الاسلام والايمان

الاسلام طب ال 5 اركان بقيت مسلم

لكن طبق منهجهه علشان تبقى مؤمن

المشاركة الأصلية كتبت بواسطة mandozzz

ارى انننا مسلمون ولكننا لسنا بمؤمنين

وهنا فرق بين الاسلام والايمان

الاسلام طب ال 5 اركان بقيت مسلم

لكن طبق منهجهه علشان تبقى مؤمن

أخي الحبيب ماندوز


قال الإمام محمد عبـدهـ عندما زار أوروبـا :

( وجدتُ في أوروبا مسلمين بلا إسلام ووجدتُ في بلدي إسلام بلا مسلمين ! )

وهذا ما أقصده بالتحديد ، فمعنى ذكري أن هنا اسلام بلا مسلمين

أي أننا جميعا مسلمين ولكن لا نؤدي القيم والمبادئ الإسلامية في حياتنا ، بعكس دول الغرب فهم ليس لديهم اسلام ولكنهم يتعاملون فيما بينهم بمنطلق العقيدة الإسلامية

دمت بود

إلى متى سنظل سجناء للعادات والتقاليد البالية
إلى متى سنظل تحت سيطرة كلام الناس وقد نسينا أن الله مطلع عليم
إلى متى سنظل نقلد الآخرين تقليداً أعمى دون أدنى فهم
إلى متى سنظل سجناء انغلاقنا وجهلنا وتخبطنا
إلى متى سنظل ننتظر فتات فكر الآخر
إلى متى سنظل أمة ضعيفة

ومتى نتخلص من تلك السلبيات التي شوهت وجه أمتنا
تلك الأمة التي كانت معلماً يفكر ويتكلم ليعلم تلاميذه
وأصبح يسمع ليقلد

أعذروني على ركاكة الأسلوب
فإنني الآن منفعلـــــــــة

المشاركة الأصلية كتبت بواسطة la princesse

أعذروني على ركاكة الأسلوب

فإنني الآن منفعلـــــــــة

وأنا هنا من أجل أن أسمعكم

بكل ما تحويه قلوبكم وعقولكم ويطرح على ألسنتكم

ما طرحتيه لا يختلف كثيرا عن ما قلناه أعلاه

فغياب الالتزام والتدين والسعي وراء التقليد الغربي بمحاسنه بمساويئة

هو السبب الفعلي لانفعالك

وأتمنى من الله أن تعود أجيال الماضي مرة ثانية

فهم أصل الفكر والتدبر

وياليتنا نقتدي بهم

تحيتي برنسيستنا

اليوم وأنا ماشي بسيارتي متجه للعمل ، كنت واقف في اشارة

وكان على يساري عامل بنجلاديشي يصلح جزء من الرصيف ،

فتعجبت من وجوده في هذا الحر القارس

درجة الحرارة تتعدى السادسة والأربعين

فنظر إلىََّ فابتسمت في وجهه وأشرت إليه بيدي بالسلام

فابتسم وأحسست بفرحة بقلبة كبيرة جدا وكأنه لم يحس بحرارة الجو أو تعب العمل

حقيقة المال لا يسعد المرء بقدر كلمة طيبة أو ابتسامة تشرح صدره

أتمنى أن لا تفقد ابتسامتك حين تقابل أي أنسان حتى لو كان عدوك

فابتسامتك تنصرك عليه دائما

مش عارفه أقول ايه
بس الى حاسه بيه انى منبوذه
كل حاجه بعملها الى قدامى بيفهمها غلط
والاقى ناس بتقولى انى عملت الحاجه دى عشان حاجه مكنتشى فى دماغى خالص
وبتعامل مع الناس كلها بصراحه ووضوح
وبتخنق لما حد بيفهمنى غلط
عيبى انى مش قادره افهم الناس يتفكر الزاى
وكتير أطنش الناس ومحطش حد فى دماغى
ألاقى نفسى بقيت معزوله عن كل الى حواليا وعايشه لوحدى
أرجع تانى وأحاول أتعايش مع الناس
وترجع الدايره
بصراحه أنا كتير زهقت من عشتى
ومش عارفه اتعامل مع حد خالص
محدش فاهمنى خالص
وتلاقينى اضحك وهذر وكل الى قدامى يفكر أنى هايفه وناقصه تربيه
وأنا من جوايا نار ومش عارفه أعمل ايه؟
بس أنا من جوايا مش قصدى أعمل حاجه من الى الناس بتفهمها

المشاركة الأصلية كتبت بواسطة قطره ندى

مش عارفه أقول ايه

المشاركة الأصلية كتبت بواسطة قطره ندى

بس الى حاسه بيه انى منبوذه
كل حاجه بعملها الى قدامى بيفهمها غلط
والاقى ناس بتقولى انى عملت الحاجه دى عشان حاجه مكنتشى فى دماغى خالص
وبتعامل مع الناس كلها بصراحه ووضوح
وبتخنق لما حد بيفهمنى غلط
عيبى انى مش قادره افهم الناس يتفكر الزاى
وكتير أطنش الناس ومحطش حد فى دماغى
ألاقى نفسى بقيت معزوله عن كل الى حواليا وعايشه لوحدى
أرجع تانى وأحاول أتعايش مع الناس
وترجع الدايره
بصراحه أنا كتير زهقت من عشتى
ومش عارفه اتعامل مع حد خالص
محدش فاهمنى خالص
وتلاقينى اضحك وهذر وكل الى قدامى يفكر أنى هايفه وناقصه تربيه
وأنا من جوايا نار ومش عارفه أعمل ايه؟
بس أنا من جوايا مش قصدى أعمل حاجه من الى الناس بتفهمها

أهلا وسهلا أختي الكريمة قطرة ندى

تشرفت بتواجدك بالموضوع وأعجبتني صراحتك وهو هدف الموضوع

الصراحة دائما ما تكون راحة

شوفي يابنتي

حالتك دي حالة بتمر على كل الناس وأنا أولهم

دي حالة تسمى انعدام ثقة ، بتصيب الأنسان في بعض الأوقات

لكن في حقيقة الأمر هو نوع من فقدان الثقة بالنفس

متقلقيش الأمر عادي جدا

وأقولك على موقف حصلي ،،،

أنا من عادتي أتعامل مع الجميع باحترام وتقدير لفظا وفعلا

بعض الزملاء نظروا لي اني أنافق عشان أوصل من احترامي للمدراء

واستخدام الألفاظ المناسبة لمكانة كل منهم

مما وصل الشك إلى نفسي وتساءلت هل أنا بالفعل منافق ؟

ومن أكثر أصدقائي بالشركة هو المدير العام

فتناقشت معه في هذا الأمر وقال لي بالعكس نحن نتشرف باحترامك للجميع

ولا تقلق مما يقوله أو يلمح به الأخرون فهم أعداء نجاحك

وان التفت إليهم سوف تعيش حياة يائسة

فبما أنك متأكد من أنك تفعل الشئ الصحيح فلا تلتفت بما يفعله الحاقدون

لذا أختي الكريمة

لا تلتفت بما يقوله الأخرون لكي أو يلمحوا لكي به

وكوني أكثر ثقة بنفسك

ولا تتحدثي بغير طبيعتك حتى لا تفقدي صورتك الحقيقية

وكوني دوما قدوة لنفسك بما في داخلك بقيمة كبير يجب استخراجها

والعمل على توظيفها التوظيف الصحيح

فلا تجعلي لنفسك قناع لكي ترضي الأخريين

فرضى البشر غاية لا تدرك

ومهما حاولتي فلن تستطيعي

لذا كوني كما أنتي كما خلقك الله

بطبعك بحريتك باحترامك لذاتك ولا تقلقي فالأخرون يحتاجون وقتا كي يتأكدوا من طيب نفسك

لكي تحيتي

مشكور على كلامك لقطره ندى
وهى طيبه قوى يعنى بصراحه
وعلى فكره أنا وهى زى التوأم
مشكور ابن مصر

المشاركة الأصلية كتبت بواسطة golgman

مشكور على كلامك لقطره ندى

المشاركة الأصلية كتبت بواسطة golgman

وهى طيبه قوى يعنى بصراحه
وعلى فكره أنا وهى زى التوأم
مشكور ابن مصر

أنا هنا من أجل أن أرسم البسمة على وجوه الأخرين

من أجل بناء حياة تقل فيها الهموم والمشاكل

أنا هنا من أجلكم ومن أجل ابتسامة أمل تملأ وجوهكم

لكي تحيتي جولجمان على التواجد العطر

انا الأيام دي بترن في وداني كلمات أغنية خالد سليم ..عيش حب الناس وعيش تلقى الناس بيوت فاتحة قلوبها .. فووت حب ماتتنسيش وإزاي يا دنيا ما شفتكيش ومن النهارده ماعشتكيش انا كنت فين ومنين وليه وإزاي زماني ما حسكيش

كل ما اسمع الكلمات دي بحس بإنتعاش داخلي بيخليني أستحمل أي شيئ مهما كانت صعوبته .. اللهم ارزقنا القناعة

افتح قلبك

وقول كل اللي في نفسك

وهنسمعك

وهنقف بجانبك

>>>طق طق طق >> تطرق الباب
<< انا هنا اريد ان اكتب ما يكنه قلبي للعالم

.. اليكم ..

مرت ايام عصيبه

وهتز قلبي الحزين ينادني

لما هذه الغيبه..؟؟

الغيبه!!!!!؟؟؟

وظل الالم يصرخ وانا لا ابالي

لا اباااالي..؟؟

لان ليس لليد حيله

وان صرخت سيظل صوتي مزيف

والكل سوف يعاني

لا حرف ولا كلمه ولا جمله

سوف تغير الحاضر والماضي

لكن سوف يبقى جرح....

وسيظل العالم غافل وعاصي..

عاصي؟؟؟!!

سوف اريكم العالم يوما

واخبركم بان الزمن قد يئسى

لم يعدُ الصبر موجودا

ولا القلب يخلــــــــص حبـــا

قد علمت بان القلب قد يبسا

والدمع اصبح مجـــرد كذبـــــا

فقط هذا قليل ماجمعته في يوما

وماخفي كان اعظـــم ذنــبا

قد تاتي الريح لتمحيا القهرا

.وتجف بعدهـــــا الدمعـــــا

ولكن من سوف يحصدها

ويعينها على الخير دربــــا؟؟

هل لي بســـــــوال حــــقا؟؟

ام اني مجرد بائس حمقــى!!!!

لا استـــــــــحــق أي نبرا

وهذا قدر ضعيف قد اعطا

عجبا لكي تنصنعي حربا

وتوزعي في الروح الغضبا

وتعني الشر دوما

وهذا شعار العالم في غفلا

ساعدكم بأن اجد حلا..

وهذا ماكنت احلم به دوما

فقط انتظروني صبرا

ساحاول المستحيل لأصلا

لايوجد كلمة مستحيل في قاموسي

الا الامل والنصرا

....

في النهايه سوف تبقى هذه مجرد كلمات مبعثره في مذكراتي اردت ان ذكرها هنا

....

انا بقه على طول نفسيتى تعبانه مع انى معنديش مشاكل فى البيت والحمد لله بيتنا مستقر بس مش عرفه اعمل ايه نفسيتى على طول من غير سبب بتعامل مع الناس بكل برائه ووضوح مبحبيش اجرح حد بس احيانا بتجرح مش عرفه اتعامل مع الناس ازاى

اصعب احساس فى الدنيا انى اشعر انى مجرد سلم لتحقيق اهداف الاخرين
كل واحد عايز يستخدمك لمصلحتة بس ومش مهم عندهم اية هى مشاعرك
ولا انت عايز اية
الاحساس دة صعب جدا
بحس انى مخنوقة مش عايزة اتكلم مع اى حد ولا اشوف اى حد
لان حتى اقرب الناس ليك انت مش مهم عندهم

موضوع جميل جدااا ومفيد اكتر يا ابن مصر
وطبعا الي الأمام دائما
وانا معاك واسمحلي ان اشترك معاك في الرد علي أخواتنا الأعزاء

اصعب احساس فى الدنيا انى اشعر انى مجرد سلم لتحقيق اهداف الاخرين
كل واحد عايز يستخدمك لمصلحتة بس ومش مهم عندهم اية هى مشاعرك
ولا انت عايز اية
الاحساس دة صعب جدا
بحس انى مخنوقة مش عايزة اتكلم مع اى حد ولا اشوف اى حد
لان حتى اقرب الناس ليك انت مش مهم عندهم

جميل يا برنسيسه الكلام
بس ليه ليه الأحساس ده موجود أحساسك انك كوبري عشان حد يحقق مصلحه علي حسابك
طب تفتكري ده رأيك انتي وومكن يكون غلط ولا صح
ولا ديه فعلا فكره الناس عنك
طب لو ديه فكره الناس عنك تعالي نشوف كده ايه اللي في شخصيتك يسمح لحد انه يتعامل معاكي كده

ممكن تكوني طيبه وبتحبي تعملي خدمات اللي حواليك عشان كده الناس قرأتك غلط
بصي حبيبتي انا مش عارفه أقولك ايه لأنك انا معرفكيش بس الأحساس وحش
بس خدي باللك ان لازم تختاري الناس اللي انت بتحبيهم
وكمان لما تختاريهم بلاش الثقه السريعه وبلاش حب شديد قووي من غير ما تعرفي اللي قدامك كويس
ولو انت طيبه زياده عن اللزوم خلي طيبتك لها حدود اوكي انا طيبه بس لازم طيبتي متجبش أهانه ليا

ولا بتحبي تساعدي حد ده جميل قووي ساعدي واعرف انك بتساعدي عشان تراضي ربنا مش عشان تراضي انسان "" كان الله في عون العبد ماداما العبد في عون أخيه ""

انت أو اي حد بيحس بنفس الشعور لازم يقعد مع نفسه يفكر في اي اللي في شخصيته يخليه يتعامل معاه الناس كده
طالما الناس كلها بتتعامل مع حد واحد بنفس الطريقه يبقي اكيد عيب في الشخصيه
أعرف شخصيتك عيوبك ومميزتم ادرس عيوبك ومميزاتك وقارن الناس اللي حواليك بيهم هتقدر تتعامل مع كل اللي حوليك بطريقتك مش بطريقتهم هما
لما تعرف نفسك وعيوبك ومميزاتك هتقدر تتعامل في الدنيا لأنك هتبقي واثق من نفسك وفي قدراتك

تحياتي ليكي واي استفسار انا وابن مصر في خدمتك