معايا , الطبي , تعلم

تعلم الطبخ معايا

تعلم الطبخ معايا












أيوه أنا مبعرفش أطبخ
بس هتعلم الطبخ وأعلمكم معايا
طريقة سهلة للى مبيعرفوش يطبخوا
كل أسبوع هعملكم حاجة
وانتوا بقى جربوا معايا
وارفعوا الصورة
ونشوف أحسن طبق













تعلم الطبخ معايا




هشرح خطوة خطوة
وعشان إحنا ( الرجالة ) بنحب النظام والشياكة
هنبدأ من أول حاجة فى الطبخ
هنرتب التربيطة بنظام
وهنعمل كل حاجة بالدقيقة
عشان إحنا مبنعرفش فى كلام المطبخ
إستوت - إتأدحت - .... والكلام ده

















تعلم الطبخ معايا



أنا بجد نفسى أتعلم الطبخ
عايز أتعلم كل حاجة فيه
عشان لو زعلت معاها منمش جعان
زى ماقلتلكم هعمل كل أسبوع حاجة
مرة مكرونة ومرة فراخ
مرة بسبوسة ومرة كنافة
يالا عشان لو سافرنا أو روحنا الجيش
أو حتى محدش رضا يعملك أكلك
نبقى إحنا بنعرف نعمل
وبرضه عشان محدش يزلنا ف حاجة
نبقى بنعرف نعمل كل حاجة















تعلم الطبخ معايا


وانت كمان وانتى كمان
لو بتعرفى تطبخى أو حتى مبتعرفيش
إدخلى إعملى زينا
كل أسبوع أكلة
مرة محمر ومرة حلو
هنعمل فطار وغدا وعشا
هتعلم وهعلمكم






●●●





وأخيراً

لاَ خيًرٍٍ فُيَ كًاتِمً الًعٌلًمً

• احترامك للقوانين دليل على وعيــك ورقــي تفكيـــرك .
• احرص ان تكون انت من يلزم الاعضاء بفهم القوانين .
• المنتدى لكم وانشأ من اجلكم فحافظوا على بقاءه .

قوانين المنتدى









إنتظرونى خلال ساعات قليلة مع أول موضوع




●●●

---

jugl hg'fo luhdh hg'fd

المشاركة الأصلية كتبت بواسطة ahmed nagi

عشان لو زعلت معاها منمش جعان
يالا عشان لو سافرنا أو روحنا الجيش
أو حتى محدش رضا يعملك أكلك
نبقى إحنا بنعرف نعمل
وبرضه عشان محدش يزلنا ف حاجة
نبقى بنعرف نعمل كل حاجة

شامة ريحة مؤامرة وانقلابات ويا رجال العالم اتحدوا
لو الموضوع طلع كده انا مش هسكت


مستنية موضوعك
لما نشوف ايه اخرتها مع الرجالة

شامة ريحة مؤامرة وانقلابات ويا رجال العالم اتحدوا
لو الموضوع طلع كده انا مش هسكت


مستنية موضوعك
لما نشوف ايه اخرتها مع الرجالة

خليهم ياخدوا فرصتهم يا ميرا
وانا موافقة علي الاقتراح خصوصا انها هتبقي حاجه جديدة يعني وهتعمل جو بردو
وانتظرونا مع الشيف أحمد في رمضــــــــــــان :d

شامة ريحة مؤامرة وانقلابات ويا رجال العالم اتحدوا
لو الموضوع طلع كده انا مش هسكت


مستنية موضوعك
لما نشوف ايه اخرتها مع الرجالة

يا بنتى ميقدروش يستغنوا عن خبرتنا برضو فى مجال المطبخ
استنى بس لما يحتاروا وساعتها هيلجأولنا ويعدوا يتحايلوا علينا عشان نديلهم معلومة واحدة

خليهم ياخدوا فرصتهم يا ميرا
وانا موافقة علي الاقتراح خصوصا انها هتبقي حاجه جديدة يعني وهتعمل جو بردو
وانتظرونا مع الشيف أحمد في رمضــــــــــــان :d

ماشى
وان شاء الله كل راجل يشارك ليه مريلة مطبخ هدية منى

شامة ريحة مؤامرة وانقلابات ويا رجال العالم اتحدوا
لو الموضوع طلع كده انا مش هسكت


مستنية موضوعك
لما نشوف ايه اخرتها مع الرجالة

خــافى على نفسـكـ ،، الـرجال قـادمــون ،،

وان شاء الله كل راجل يشارك ليه مريلة مطبخ هدية منى

إستنى كده هروح أموت من الضحك واجى ،، إيه ده خفة مووووت ،،

ياعم روح اجرى انتم من غيرنا مش عيشين احنا الاساس ومن غيرنا لهتعرفوا تكلوا ولا تشربوا ليه التكبر دة يلالالالالالالالالالا اعترفوا اننا الاساس فى كل حاجه بقه انت عاوز تتعلم الطبيخ ولو مهما اتعلمت عمرك مهتوصل لمستوى الاكل بتعنا يابنى الست يعنى اكل وطبيخ انت ممكن تقدر تعيش من غيرنا انا ارهنك على ذلك

انتوا زعلانين لية يابنات طيب ياريت كل الرجالة تعرف وتتعلم الطبخ هايريحونا
لو انتى حسيتى فى يوم انك مرهقة هاتشيلى هموم الدنيا مين هايطبخ لجوزى وللاولاد لكن كدة اطمنى
مش هايقدر يقول مابعرقشى
وكمان فية حاجة تانية انتى طول النهار بتوقفى فى المطبخ علشان تطبخى له وفى الاخر مش عجبة يالا خليهم يوارونا الشطارة

يا جماعة انتوا فاهمين غلط طبعا
أى نعم أنا قلت الكلام المقتبس فى تانى مشاركة
عشان أشجع الولاد بس

إنما أنا عامل الموضوع ده
عشان نفضل واقفين معاكوا ف المطبخ
وما نفارقكوش لحظة

قمة الحب يعنى
ورمضان كريم

عشان نفضل واقفين معاكوا ف المطبخ
وما نفارقكوش لحظة

قمة الحب يعنى

قمة التثبيت قصــدك ،،

lol

على العموم انا ممكن اتعلم معاكم لانى مبعرفش اعمل اى حاجه انا لو دخلت المطبخ يبقى عشان اعمل شاى بس وده اللى بعرف اعمله لو ظبطه

المشاركة الأصلية كتبت بواسطة ahmed nagi

أنا بجد نفسى أتعلم الطبخ

عايز أتعلم كل حاجة فيه
عشان لو زعلت معاها منمش جعان
زى ماقلتلكم هعمل كل أسبوع حاجة
مرة مكرونة ومرة فراخ
مرة بسبوسة ومرة كنافة
يالا عشان لو سافرنا أو روحنا الجيش
أو حتى محدش رضا يعملك أكلك
نبقى إحنا بنعرف نعمل
وبرضه عشان محدش يزلنا ف حاجة
نبقى بنعرف نعمل كل حاجة

شايفين يا بنات يعنى هو مش عايز يتعلم الطبخ علشان يساعد المدام لا ده علشان يستغنى عنها
تفكير شرير
بس على العموم ودى كلمة حق تتقال يعنى أشهر الطباخين إعلاميا هما الرجال
بس برده حتى دول مش بيعملوا حاجة فى بيوتهم يعنى بالنسبالهم مجرد مهنة

طيب يا استاذ أحمد حضرتك قلت هاجيب وصفات علشان نعملها فين بقى ما جبتش ليه واللا هو كلام يعنى

وبما انكم دايما تاعبينى كدا فانا من كرم اخلاقى وتواضعى المتناهى المتوازى هاقوم بالمهمة دى

وعلشان انتوا لسه مبتدئين يا عينى فهنعمل طبق سريع كدا

الفراخ المقرمشة

ياللا بقى اكتبوا المكونات علشان تنزلوا تشتروها :

دجاجه مقسمه من 8 الي 12 قطعه
-نصف كوب ماء بصل- 2
فص ثوم- 2 م سماق- (بنجيبوا من عند العطار ممكن مطحون أو حبوب ونطحنها فى البيت ......تقول للعطار السماق بتاع الطعام علشان فى منه أكتر من نوع )
2 م كسبره ناشفه-
2 م بهارات- 2 م خل- 2
ملعقه ليمون-
-كوب دقيق
- كوب دقيق ذره

الطريقة

1- تقطع الدجاجه الي 12 قطعه ونغرز فيها الشوكه عده مرات او طرف السكين في عده مناطق حتي نساعد علي دخول التتبيله وتشبعها بيها.
؟؟؟؟؟ ممكن نحط الفراخ فى ماء ساخن علشان بعدين ما يظهرش فيها أى آثار دم

2- توضع عليها التتبيله وهي عباره عن(ماء البصل والتوم والسماق والكسبره والبهارات والخل والليمون)وتترك في التتبيله لمده 12 ساعه

3-توضع قطع الدجاج في الدقيق ( لو ضيفنا للدقيق شوية كسبرة وبهارات وكركم هيدى نكهة أقوى ومركزة )ثم في عصير التتبيله ثم في الدقيق الاصفر

4- فى زيت غزير ساخن اضع الدجاج ثم اخفض درجه الحراره واترك لمده ربع ساعه حتي تمام النضج

*********************
تم بحمد لله وبالهنا والشفا

انا هاقلوكم على طبخة صعبة جدا ، انا بعرف اعملها

ازاي تعمل نسكافية بطعم جميل جدا

الطريقة :

اولا : خد معاك عالاقل 10 جنية .
ثانيا : روح اقرب مطعم او كافتيريا .
ثالثا : اطلب واحد نسكافية و طبق كشري .
رابعا : عيش بقى

شفتوا الطريقة سهلة ازاي ؟!

إنتظرونى فى رمضان 2010

we wait u ahmed
but i don`t know how to cook any thing

يارب علشان انا بردو نفسي اتعلم الطبخ بجد

جهد جبار تشكر عليه اخي بتوفيق في عالم الطبخ

ياسلام لو الموضوع ده كان اتنفذ وبقى عندنا حفلة تيفاوية أسبوعية
والله كنت تلاقى متابعين من كل مكان ،،
لكن الحياة تنادى والبشر بيلبوا (مرغمين) ومفيش نصيب الفكرة تكتمل ..
تحياتى لبدئك الموضوع والفكرة يا أستاذ أحمد
وموفق فى حياتك بإذن الله ..