المنشية & شباب الجامعة

المبارة السابعة



المنشية & شباب الجامعة



6 / 1









تقرير مراسل تيفا نت


أفادنا مراسل تيفا نت بتقرير لأهم احداث المباراة
تتلخص فى النقاط الآتية :

• المباراة من جانب واحد لم ترق للمستوى العادى .
• مستوى هزيل لشباب الجامعة وسوء ......
• بداية عبيطة لشباب الجامعة وهدف من غلطة حارس المرمى .
• شباب الجامعة يلعب ولا يلعب .
• المنشية تكسب المباراة بأقل مستوى يذكر .
• التحكيم جميل تكيف مع المباراة وأنهاها قبل موعدها رأفة بالنتيجة .

تشكيلة الفريقين



شباب الجامعة

• فتحى الصبرى .
• أحمد معوض .
• جمال أحمد عبده .
• حامد محمود .
• رمضان سامى .
• أحمد ناجى .
• أحمد حمدى .
• محمد كامل .

المنشية

• ياسر المرسى .
• محمود على .
• أحمد عبد الغنى .
• أحمد أبو مهدى .
• خالد زكى .
• خيرى سليمان .
• محمد مهدى .

نبذة مختصرة عن الفريقين

شباب الجامعة

• خساراة فادحة .
• مستوى أقل من القليل .
• لم يقدموا مباراة بل ظلوا طوال المباراة يبحثون عن الكرة .
• سبب الخسارة هى حمى البداية وغياب اللاعبين الأساسيين .
• غياب حارس مرمى .
• فشل منظم الفريق ( محمد كامل ) فى الوفاء بوعده فى كل مباراة ووضع الفريق فى موقف لا يحسد عليه .
• أحمد ناجى كان حاضرا غائبا لازمه الشد العضلى منذ بداية المباراة .
• الخساراة منطقية وهدف لحفظ ماء الوجه .

المنشية

• نال المباراة قبل بدايتها .إستعرض لاعبيه مهارتهم على الفريق المنافس .
• أضاع أكثر من فرصة مؤكدة .
• محمود على قدم مباراة رائعة من اللمسات السحرية .
• هزموا الشباب هزيمة ثقيلة لن يغفرها التاريخ .

لقطات من المبارة








































تابعونا فى رمضان وكل رمضان
وحصريا على تيفا نت

---

hglkadm & afhf hg[hlum

بجد التغطية ممتازة اشكرك يا أحمد
بس انت نسيت ان انت تقول ان دية نفس النتيجة التاريخية بين الاهلى والزمالك
ونسيت تقول كمان ان الكابتن محمود على كان بيلعبكم لوحده
وان فريق المنشية كان غايب عنه حارس مرماهم بالاضافة لكابتن المنصورة محمد أبومهدى
انا بجد مش عارف أقول لك ايه
حظ أوفر فى المرات القادمة وياريت الهزيمة متأثرش عليكم
وياريت تكملوا المباراة القادمة
وترجعوا ترفعوا رأسنا

بسم الله

مباره من جانب واحد تتلخص في الأتي من وجهه نظري

أولا : فريق المنشيه لم يلعب بنجومه الأساسيين ...
كابتن نادي المنصوره غائب والحارس . ليه ...

ثانيا : فريق شباب الجامعه غياب الحارس المتألق بعد اللي شافه من الماتش الاول
( اصله بحكم في ماتش تاني )

ثالثا : انتشار اكتر من رائع لفريق المنشيه علي النقيض للجانب الأخر ابيض ( محدش عارف هوا بلعب فين )

رابعا : مباره ولا اروع ولا اروع من نجمها الأول الكابتن : ( محمود علي ) نجم الخط كله .

أسباب الهزيمه لشباب الجامعه :

الفريق داخل المباره متوتر عارف انه خسران

غلطه حارس المرمي الكوره ضربه مرمي
يمررها لمهاجم الفريق التاني وضعها من مره واحده في المرمي الشبه خالي.

اسباب فوز فريق المنشيه :

الفريق داخل المباره بثقه كبيره جدا

بلعب بأعمده اساسيه مع بعض البدلاء

انتشار جيد من الفريق في كل مراكز الملعب

نجم خط الوسط المتألق مع خط الهجوم الثنائي الخبره

وجود سد عالي في الدفاع

وفي النهــايـه .
نتمني لفريق شباب الجامعه التوفيق في مباريته القادمه

وشكراً ...

أتمنى من الإدارة ترشيح أحد الأعضاء لمتابعة المباريات القدامة لأنى لا أستطيع أن أتحرك بسبب الشد العضلى الفظيع اللى أنا حاسس بيه

وشكرا ,,,

بسبب الشد العضلى الفظيع اللى أنا حاسس بيه

والله انا لاحظت انك عندك شد من اول منزلت للملعب
ومكنش المفروض تكمل الماتش وتخرج .

وده سببه يا باشا انك مش بتلعب كتير والمفروض انك تسخن قبل متلعب
لأنك مبتلعبش من فتره وانا شرحك قبل ملعب لازم اسخن لظروف رجلي
كان لازم تسخن يا معلم يلا الف سلامه .

مليون مبروك لفريق المنشيه الى بجد يستحق الفوز ...
على الرغم انه كان ليس بتشكيلته الاساسيه
ولكن ظروف فريق شباب الجامعه كانت لها السبب الأساسى فى الفوز لفريق المنشيه




طبعا زى ما أحمد وضح لكم أن شباب الجامعه لم يكن بتشكيلته المراده ولكن
( كنا بندور على أى حد يلعب )
ظروف مؤسفه لفريق شباب الجامعه أدت به فى النهايه الى هزيمه ساحقه ..

كنت اتمنى أن يكون فريق شباب الجامعه فى أحسن حالاته
حتى يكون لديه القدره على انتزاع المباراه من المنشيه بكل جداره
ولكن يلا ربنا عاوز كده

* فى نهايه كلامى احب اوجه كل الشكر للكابتن أحمد عبد العال
منظم الدوره لوقوفه بجانب الفريق ودا ظهر قبل المباراه بنص ساعه

* جزيل الشكر للدكتور إبراهيم عبد العال على مجهوداته التحفيزيه لفريق شباب الجامعه ..

واتمنى من الله ان يوفقنا فى بقيه المباريات القادمه .

وبشكرك يا احمد جدا على التغطيه الرائعه

أتمنى من الإدارة ترشيح أحد الأعضاء لمتابعة المباريات القدامة لأنى لا أستطيع أن أتحرك بسبب الشد العضلى الفظيع اللى أنا حاسس بيه

أنا موجود يا احمد ولا يهمك
وأن شاء الله أحاول اغطى المباريات القادمه لحد ما تقوم بالسلامه إن شاء الله

تحياتى للجميع
7amato

يا أحمد والله كتر خيرك انك عرفت تكمل الماتش النهارده ..

وبصراحه الفريق التانى مش صعب يعنى ولا حاجه

أنتوا محتاجين اتنين نجوم فى الفريق وهو يبقى تمام عشان توصلوا
وأنا موجود لو احتجت اى مساعده

شكراً يا احمد على التفطيه .... بس فيه فرق كبير جدا فى سن الفريقين زى فريق من اعدادى بيلاعب فريق من الجامعه مثلا!

هيا الدوره دى غريبه اوى كدا ليه !!

حتى نلاحظ فى أكتر المتشات نتائج غريبه بين الفريقين ..!

أريد توضيح فى النقطه دى ... هل دا نتيجة عدم تنظيم للدوره ولا ايه بالظبط ؟؟؟؟؟

هيا الدوره دى غريبه اوى كدا ليه !!

حتى نلاحظ فى أكتر المتشات نتائج غريبه بين الفريقين ..!

الدورة دى زى العسل
بل بالعكس السماح للفرق الصغيرة بالمشاركة فى الدورة
شئ يدل على تطور الكورة فى البلد

كان ماتش حلو بس كان متأثر بغياب اللاعيبة الاساسية ودة كان هيخلى للماتش مذاق تانى خالص
بس اكيد المنشية فى الحالتين هتبقى الافضل وفريق شباب الجامعة يشد حيلة شوية


[

انا عايز بس اخد رأي الناس في حاجه

ازاي يكون الي منظم الفريق قايل انه جايب ناس تلعب

وبعدها نلاقينا بنجيب ناس واقفه في الشارع بنقولهم تعالوا العبوا حتي لو حافيين

ربنا معانا في الماتشات الجايه

بلاش يا سيمو تبرر الهزيمة بطريقتك... وانت لية ماجبتش لعيبة...ولا لية!! انتو كنتو كدة كدة مهزومين...ولو بلعيبة المنتخب...المهم.."الرووح"...HARD LUCK

عندى كام سوال عاوز حد يجويبنى عليهم

شروط الدورة ايه ليه منظم الدورة بيقول اربع لعيبه من خارج البلد وياسر عبد العال جايب فريق من المنياعشان ابن اخوة ولا ايه

والله العظيم مسخرة للركب نص دسته بس تعرفوا ان شباب الجامعه ده مفهوش حد ينفع
ما يبقاش ان الفريق ناقص الشماعة اللى تعلقوا عليها هدمكوا .......... والله العظيم ياجدع

والله العظيم مسخرة للركب نص دسته بس تعرفوا ان شباب الجامعه ده مفهوش حد ينفع
ما يبقاش ان الفريق ناقص الشماعة اللى تعلقوا عليها هدمكوا .......... والله العظيم ياجدع

يا نهار ابيض هي دي طريقه كلام

بلاش يا سيمو تبرر الهزيمة بطريقتك... وانت لية ماجبتش لعيبة...ولا لية!! انتو كنتو كدة كدة مهزومين...ولو بلعيبة المنتخب...المهم.."

الرووح"

الجدول اتغير يا سيدي ونازلين قلقانين عشان جايبين ناس من الي بيتفرجوا

قلنا لهم البسوا وتعالوا ....سيبها لله

[QUOTE]بلاش يا سيمو تبرر الهزيمة بطريقتك... وانت لية ماجبتش لعيبة...ولا لية!! انتو كنتو كدة كدة مهزومين...ولو بلعيبة المنتخب...المهم.."الرووح"[/QUOTE]


الروح هتيجى منين وهو بيقول جايب ناس من اللى راحين


يتفرجو يعنى مفيش اى نشاط ولا اى استعداد للعب

حتى لو كان اللى رايح يتفرج ده لعيب

والله العظيم مسخرة للركب نص دسته بس تعرفوا ان شباب الجامعه ده مفهوش حد ينفع
ما يبقاش ان الفريق ناقص الشماعة اللى تعلقوا عليها هدمكوا .......... والله العظيم ياجدع

والله العظيم انت ما بتعرف تتكلم

وبعدين مش عاوزين رايك فى شباب الجامعه

احتفظ بيه لنفسك

واتمنى يا سيمو انكوا تنظمو الفريق وتعمل حسابك

ازاي يكون الي منظم الفريق قايل انه جايب ناس تلعب

وبعدها نلاقينا بنجيب ناس واقفه في الشارع بنقولهم تعالوا العبوا حتي لو حافيين

وتعرف اذا كانت الناس دى جايه ولا مش جايه

من بدرى شويه

مش قبل الماتش بنصف ساعه

حظ موفك الماتش القادم ان شاء الله

black heart

والله انت قلت الخلاصه ومفيش كلام يتقال بعد كده

شكرا يا باشا علي ردك الجميل

JONIOR
the moon light

يا جماعه عيب كده دى مش طريقه فى الكلام
وقولنا 5000 مره الى ليه نقد يقوله بأحترام واحنا هنشيله فوق راسنا
بس بلاش الطريقه المستفزه دى فى الكلام
احنا مش داخلين نضايق فى بعض

تحياتى ،،

لا حول ولا قوة الا بالله


ده اللى نقدر نقوله