المنشية & أبو الوفا فون

المبارة الأولى



المنشية & أبو الوفا فون



صفر / صفر









تقرير مراسل تيفا نت


أفادنا مراسل تيفا نت بتقرير لأهم احداث المباراة
تتلخص فى النقاط الآتية :

• مباراة ندية حماسية بين الفريقين .
  
• المباراة سيئة فى شوطها الأول .
  
• الإنذارات عنوان اللقاء .
  
• التحكيم ( لا تعليق ) .
  
• التعادل السلبى هو نتيجة اللقاء.

تشكيلة الفريقين



أبو الوفا فون

• إسلام ( حارس مرمى ) .
• إسلام الجميل .
• أمجد المهدى .
• فوزى سمير .
• أبو العلا .
• العربى .
• صلاح .
• محمد أنور .

المنشية

• حارس مرمى من بره البلد معرفش إسمه.
• محمد محمود ابو مهدى (كابتن نادى المنصورة ) .
  
• ياسر المرسى .
  
• أحمد عبد الغنى .
  
• خالد زكى .
  
• محمد مهدى .
  
• خيرى سليمان .
  
• محمود عبد الحميد .
  

نبذة مختصرة عن الفريقين

أبو الوفا فون

• فريق الفانلة السوداء التى كانت دهشة المباراة .
  
• فريق خارجى والإسم من البلد .
  
• فريق النجوم الحاضرة الغائبة .
  
• مستوى إلى حد ما , ربما يتصاعد لاحقا .
  

المنشية

• فريق البلد .
  
• الفريق الذى كان يستحق اللقاء .
  
• فرص خطيرة لا مكان لها إلا الشباك .
  
• حارس مرمى صاعد .
  
• العصبية والتوتر عنوانه ف اللقاء .
  
• مستوى جيد .
  
• ينقصه اللمسة الأخيرة .
  

لقطات من المبارة


































تابعونا فى رمضان وكل رمضان
وحصريا على تيفا نت

---

hglkadm & Hf, hg,th t,k

تسلم يا احمد
بس ممكن تبقى تقول تشكيلة الفريقين ؟

نسيت تحط اهم حاحه ان الكوره اللي كان بتلعب بيها بيضاويه ( مبوزه)
ده مركز شباب البلد رافع راسنا

من الحق هو التصوير كله من جهة واحدة ولا ايه

بجد شغل جامد يا أحمد اشكرك عليه
الفكره هايله ومتنفذه بطريقه ولا احلى
وكمان فكره الطرح ولا اروع

يعنى الموضوع كده متسبك ومش ناقصه اى حاجه
تسلم ايدك وطبعا انت عارف مين الى هيصور يوم متكون انت بتلعب

السباعى بيه يعنى بلاش تاليس وحياه والدك كنت روح صور انت
* قول كله شكر منتاش قادر تقولها متقولش حاجه

السلام ختام
ورمضان كريم

جاااامد يا احمد والله شغل روعه وانا خلاص هتابع الماتشات كلها من تيفا وبس

والله يا أخ أحمد من حقى انقد ومن حقى أقول رأى ومن حقى أوجهك للصواب
لو انته مش حابب تأخذ به انت حر
واحنا قلنا اقبل كده مش فى كل موضوع ندخل نشكر على الفاضى والمليان
ولا انته ايه رأيك

مشكور ياأحمد علي الفكرة اللي أنا كنت عملها في المنتدي بتاعي بس مش كنت هعملها بنفس الجمال ده وهسيبلك السبق الصحفي ده وياريت إنت اللي تبدئه في منتداي

مساء الانوار على كل التيفاويه الى منورين الدنيا

جزيل الشكر ليك يا احمد مره تانيه
بس حابب اقول للسباعى حاجه
انا مقولتلكش متقولش رايك ؟
ومقولتلكش متقولش نقدك البناء ؟

بس الراجل بجد تعب فى الموضوع علشان يوصله ليك بالشكل ده
وتقريبا انت عارف هو بيعمل ايه !!

كل الى انا قولتهولك توجهله كلمه شكر بسيطه بجانب اى نقد انت عاوز تقوله
وكمان مره يا باشا نقدك فوق فوق فوق راسى

بس خليك فاكر ان هو مش بيقبض فلوس على التعب الى بيعمله ده
كل الى بيخده مننا هو كلمه الشكر البسيطه دى
بس دى بيكون ليها حافز ومعنى تانى بالنسبه ليه
اشكرك واتمنى تكون فهمت وجهت نظرى

السلام حتام

والله يجماعة الموضوع مش مستاهل الاهتمام دة كلة.داالكورةعلى رأى الاجل مبوزة.
بس فى ملحوظة صغيرة .
الصور مفيهاش الدقة الكافية علشان تدل على المباراة .
مثلا الصورة الاولى تلاقى كل لاعب بيجرى فى جنب والكورة مش موجودة.
احنا مبننكرش المجهود اللى الراجل عملة بس احنا بنقول ملحوظات علشان المرة الجاية تبقى الصور احسن .......ولا اية؟

والله يجماعة الموضوع مش مستاهل الاهتمام دة كلة.داالكورةعلى رأى الاجل مبوزة.

الاستاذ اللى قال ان الكورة مبوزة مقالش المرة دى ان كان فيه كورتين جداد النهاردة
ابقى اسأل انت متستناش تسمع من حد ؟؟؟

الصور مفيهاش الدقة الكافية علشان تدل على المباراة .

الصور مصغرة لتلائم المنتدى بالحكم المسموح به للصور
الصور عبارة عن لقطات من المبارة
اللى انا شايفه بصوره
ولو الصور مش عاجبة ساعتك ممكن تشوف واحد يصور

احنا مبننكرش المجهود اللى الراجل عملة بس احنا بنقول ملحوظات علشان المرة الجاية تبقى الصور احسن .......ولا اية؟

حتى كلمة الشكر اللى اكتر من عضو اتكلم عنها
انا مش عاوزها
لا تفيدى ولا هتزودنى
ولا حتى بسمع للنقد الهدام لأنى اتعودت عليه

وشكرا سيدى المواطن

المشاركة الأصلية كتبت بواسطة a7medLight

حتى كلمة الشكر اللى اكتر من عضو اتكلم عنها
انا مش عاوزها
لا تفيدى ولا هتزودنى
ولا حتى بسمع للنقد الهدام لأنى اتعودت عليه

وشكرا سيدى المواطن

لا تــــعـــلـــيــــق

كان فيه كورتين جداد النهاردة

اةة مقولناش حاجه عن الكور لأن الحال اتصلح وجيه كور بس

كان اول ماتش وافتتاح ومفيش كور ومفيش اذاعه حاجه يعني تضايق ولا ايه ؟؟

وكلمه من علي لاعب من فريق نادي المنصوره
<< انا لعبت في دورات كتير مشوفتش دوره زي دي ...الخ>>

قولي انتا ارد عليه اقوله ايه لما يقولي الكلام ده !!!

وطبعا مراسلنا قايم بواجبه علي اكمل وجهه ميرسي يا نجم
بشوفك وانتا بتتعب

بس مين هيصورك بكره
يا الف خساره هكون في المنصوره
مش هشوفه عايز اشوف تقرير تيفاوي رائع

وياريت بقي تصور رابطه المشجعين يعني بعملوا شغل
يعني كفايه الأخ العزيز حمتو ومجهوده

هههههههههههههههههههه
ماشى يا عم هشام
انا عارف انى بعمل مجهود احسد عليه :d

ومتقلقش يا كبير
روح انت المنصوره ولو عاوزنى اصورلك الماتش فيديو
وارفعهولك ع اليو تيوب مفيش مشاكل

احنا عندنا كام اتش يعنى
قشطه يا كبير

بجد يا احمد برافوا عليك
بصراحة انت غطيت المباراه بشكل جميل وواضع
انا حاسس ان انا مش مجرد متفرج بل لاعب كمان

وانا مع كريزي ان الصور لازم تكون حيه
انا عارف ان الصور الحيه متعبه نوعا ما بس هضيف للموضوع
رونق تاني

وانا مستني الماتش اللي بعده