الرزالة , اتعلم , ببلاش

اتعلم الرزالة ببلاش !!

واحدة واحدة معايا بقى إن شاء الله
هخليك أرذل واحد فى الدنيا دى
نبتدى
الحصة الأولى إزاى تبقى رذل فى المواصلات

لو راكب فى باص أو ميكروباص وجنبك حد نايم اوعى تسيبه نايم
كل شوية اقعد قول وصلنا عشان يصحى مخضوض لو عمل اهبل صحيه وقوله مش انت نازل هنا بيتهيألى
لو مش نايم متسيبوش فى حاله برضه عيب عليك متجيش
ركز على سؤال واقعد اسألهوله كل شوية زى أنت نازل فين طب انت دفعت ولا لأ
لو قاعد هو جنب الشباك جوه وقالك عدينى قوله رجلى منملة مش قادر وخليه ينط زى القرد
أو قوله ماتنزل من الشباك
لو انت فى أتوبيس وقاعد على كرسى وجنبك ناس واقفة استمتع بقى وخدك وقتك
اتمطع بقى وقول ياسلام على الراحة الواحد مكنش عارف هيعمل أيه لو مش قاعد
لو العكس بقى اقعد اسأل كل واحد انت نازل فين واقعد قول بصوت عالى
ياجماعة محدش نازل قريب أصل انا عايز اقعد طول مانت واقف قول كده لحد مايقعدوك
لما الكمسرى يجى ياخد منك الاجرة اسأله على تمن كذا مكان
يعنى قوله هو لغاية الحتة الفلانية بكام طب لغاية الحتة دى بكام
اسأل على تمن كل الاماكن اللى تعرفها لحد مايقولك ياعم خلصنى رايح فين
قوله مانا عشان ابقى عارف بس وتقل فى العيار يمكن يسيبك ويمشى
لما يدى حد تذكرة قوله ورينى كده لو سمحت واقعد اتأمل فيها
لحد ما صاحبها يزهق ويشدها منك
فى مفتش بقى ساعات بيطلع يفتش على التذاكر وبيطلع على السريع كده وينزل
أنت بقى اوعى تديهاله علطول كده أزعل منك والله
دور عليها ساعة حط ايدك فى جيوبك مية مرة هيقولك خلص يا استاذ قوله ثوانى كانت معايا والله
واقلع الجذمة ودور فيها وفى الاخر طلعها من بوقك بعد مايكون هو مات من الملل وقوله مش قولتلك
كفاية كده بقى حرام المفروض تنزل قبل الناس ماتموت منك
أستنى رايح فين أنت نازل عادى كده ولا كأنك رذل ولا حاجة
وأنت نازل هيبقى فى ناس واقفة أعمل نفسك مش عارف تعدى
وحاول تجاهد على قد ماتقدر وتضيع الوقت اللى تقدر عليه
لحد الناس ماتشيلك وترميك

واستنوا الحصص التانية

---

hjugl hgv.hgm ffgha !!

هههههههه

بجد مش قادر امسك نفسى من الضحك

الجيران صحت عندنا

تحفه بجد


بس على فكرة الواد ده مش هينزل من الاتوبيس

فى انتظار باقى الحصص
...

متقلقش خليك معايا
وقول يارب

لا يا عم انا مش راكب الاتوبيس ده

هههههههههههههههههههه
والله ياستاذ محمد انا لو كان جنبى حدبالنظام دة هاخدها مشى احسن
واسيبله الاتوبيس واللى بعدة

وانا اللى كنت مفكره نفسى رزله....دانا طلعت طيبة اوى

لسه استنوا باقى الحصص
بكرة بإذن الله الحصة الثانية
وقولوا يارب

لا يا عم انا مش هركب اتوبيسات خاااااااااااااااااااااالص

دا الواحد مابيصدق يركب اى حاجه وينزل منها
الكلام دا لواحد مزاجه رايق
تلاقى بتوع اداب بيعملوا كدا

تم إضافة الحصة الثانية
https://tefanet.protector.pw/vb/show...4550#post94550

بس إنت مش كده خالص
يا أستاذ
أنا بحبك قوى
إنت فعلا إنسان
كفاية إن أنا بحب فيك حاجات كتييييييييييرة
أولهم إنك بتحب الناس كلها
وبسيط
ألاقيك بتعلم الرزالة