حاجات من تاليفى

**الطيب احسن** · 2009-06-04, 07:08 PM

زى ما فيه ناس متواضعين فيه ناس منفوخين
على ايه ماحناش عارفين
تكلمه يقوللك انت متعرفش انا ابن مين
وعجبى

زى ما فيه ناس بالغنا فرحانين فيه ناس فقرا بالصبر حامدين
فى التوابير واقفين
عالعيش ومحتاجين
ياكلو طبق الفول وعليه شوية طحين
وعجبى

زى ما فيه ناس مكشرين فيه ناس بيصبحو بالورد والفل والياسمين
عشان كدة هم مبسوطين
بحياتهم وعايشين مرتاحين
مش حاملين هم بكرة ولا هم السنين
بالرغم انهم مش لاقيين
وبيقولو كفاية ان احنا متغديين
وعجبى

انا بقا حيران فى شعب طهقان
مش قادر يفهم انه غلبان
ومسلم نفسه للحيتان
وقاعد يقول للزمان مترجع زى زمان

ودولة ناس مكبوتين وحسرانين
على اللى بيحصل فى فلسطين
عشان حاسين ان هم متجمدين
فى مكانهم ومش قادرين
يعملو حاجة لاخوانهم المحاصرين
والله يلعن اليهود الملاعين
اللى ناسيين ان لينا رب اسمه المتين

ph[hj lk jhgdtn

**CutE GirL** · 2009-06-04, 08:40 PM

شكرا جداجدا جدا على الكلمات الجميلة
واحلى مافيها ان هى عامة
بتفكرنى بكلمات كنت بكتبها عن فلسطين بردة
ودايما يارب بالتوفيق

hema4040 · 2009-06-04, 09:58 PM

haaaaaaaaaaai shkra

**الجمال الصامت** · 2009-06-05, 02:49 PM

جميل جداااااااااااااااااا و كلمات معبرة مليئة بالابداع
و الى الامام دائما

**الطيب احسن** · 2009-06-07, 12:38 PM

اه يا ناس بتقولو عالطيب ضعيف
وعالمنافق ظريف
وعاللى بيستعبط ابودم خفيف
وعجبى

**omar85** · 2009-06-11, 01:14 AM

ضحكتني وانا والله وماليك عليا يمين
مزاجي وحش ومش عارف القيها منين ولا منين
بس ياسيدي متشكرين
هههههههههه
علي الضحكتين دول
هههههههههه
وكل عام وانتم بخير