دعوه للبدايه من جديد

الموضوع باختصار فى بدايته هوا دعوه نبدأها معا نشد بيها بعضنا الى الطريق الصحيح ندافع عن بعض قدام المغريات الكتيره اللى ماليه حياتنا ونحمى انفسنا من وساوس شيطان الجن ونحمى بعض من وساوس شيطان الانس


دعوه لكى نبدا فيه عهدا نفتخر به يوم العرض على من لا يغفل ولا ينام


دعوه لكى تذكر نفسك كلما نسيت بالموت لانه هيكون زى لطشه الالم اللى هتفوقك من نومك العميق فى بحر السيئات


دعوه هيا للتغير من حاضر ملبد بالغيوم الى مستقبل ملئ بالامل والسعاده وطاعه الخالق عز وجل


بسم الله الرحمن الرحيم

نبدأ الموضوع


حياتنا اليوميه مليانه بالاحداث والمواقف

حاجات مفرحه

حاجات محزنه

حاجات مؤلمه

حاجات مضحكه

حاجات تدعو الى السخريه

حاجات تدعو الى الغضب

حاجات وحاجات وحاجات

كله ده بيدور فى دماغك وانته رايح على السرير وهتنام بعد يوم طويل حافل بالاحداث


تعالوا نبدأ مع بعض جدول يومى بسيط لليوم الذى يحب كل ممنكم ان ينام وهوا راضى عن ما حدث فى يومه المنصرم


تعالوا بينا نشد من ايد بعض علشان نقدر نعيش اليوم ده كل يوم وميدخلش قلبنا النسيان او الملل بعد فتره من قراءه الموضوع او تنفيذ ما فيه


هنبدأ بلحظه الصحيان من النوم

ناس مننا حافظه اذكار الصباح


ناس مننا مش حافظه

مش مشكله كبيره زى مناس متصوره ولا حاجه صعبه للناس اللى مش حافظه

وانما الامر سهل ويسير

كل واحد فينا هتلاقى فى محفظتك او تحت ازاز ترابيزتك ورقه من اللى بتتوزع فيها اذكار الصباح والمساء وانا تعمدت مزكرهاش علشان متوكل على ربنا ان كل واحد فيكم هيدور لغايه ميجبها ومش يستسهل وياخدها فى الموضوع فلا احب ان اضيع عليكم اجر البحث فى الخير

المهم

هتلاقوا ورقه فيها شويه ازكار وابات قرانيه

متخفوش للناس اللى هتكسل

مش هتقروا جزء من القراءن على الصبح

وانما ازاكر وايات مش هتاخد منكم اكتر من دقيقه او 2 ان شاء الله

خلصتوا ازكار

طب ياله كل واحد فيكم على الحمام

ياخد دش سخن كده على الصبح يفوق بيه

خلصتوا الدش وطالعين البخار بيتصاعد بره الحمام (هياخد منك خمس دقايق)

ياله السجاده مستنيه اهى

الله اكبر الله اكبر

صلاه الصبح او الفجر لو ربنا اكرمكم بيه ( خمس دقايق بالكتير)

خلصت صلاه

لو الوقت سمح اختم الصلاه بالتسبيح والسنه (10 دقايق)

اما لو صاحى الصبح على شغل او حاجه هتخرجلها

فعليك بالذهاب الى غرفتك علشان تلبس وتجهز من نفسك ومش هتبقى مشكله لو كنت بتسبح وانته بتلبس القميص والبنطلون يعنى

خلصت لبس يا سيدى وحطت الجيل فى شعرك خلاص (الفيلم ده للولاد هياخد 10 دقايق)

طب سمى بقه وامسك كتاب الله

افتح اول صفحه من سوره البقره اقرأها (دقيقتين او 3)

وحط علامه على الصفخه اللى بعدها علشان تكمل قرايتها بكره ان شاء الله

اخرج من غرفتك حتى تبدأ فى الافطار (هياخد منك 5 دقايق لو بتاكل بسرعه او 10 لو انته هادى فى الاكل )


خلصت فطار

قوم على الحمام اغسل ايدك

ووشوف لو ناسى حاجه وانته خارج او وانته هتبدأ مزاكره حتى

خلاص كله تمام

بسم الله توكلت على الله ولا حول ولا قوه الا بالله

توكل على الله سؤاء انته داخل قوضتك علشان تزاكر

او وانته خارج رايح شغلك او كليتك او مصلحتك اللى انته خارج علشانها

عايزين تعرفوا كل اللى فات ده اتعمل فى اد ايه


نص ساعه بالظبط لو انتوا الصبح ومستعجلين

وساعه الا ربع لو انتم صاحيين الفجر وهتصلوا السنه والتسبيح بعد الصلاه


تفتكروا كل واحد فيكم من ساعه ميصحى لغايه ميخرج من البيت لو كان مبهدل حتى مش بياخد على الاقل ربع ساعه

طب قارن بين نفسك وانته خارج كده فى الحاله الاولى عن حالتك وانته صاحى قبل متخرج ب ربع ساعه مثلا ولا واكل كويس ولا فايق وعنيك مقفله وعايز ترجع السرير اساسا تنام تانى

تفتكروا الكلام ده صعب نطبقه

ياريت كل واحد فينا يبدأ بنفسه

وان شاء الله لو كملنا كل واحد يبدأ يكلم اصحابه جيرانه قرايبه

واعلم ان كل ما الدائره بتوسع بيعم الصلاح فى الامه الاسلاميه

ربنا يقوينا ويقويكم على فعل الخير باذن الله

نهايه الجزء الاول

---

]u,i ggf]hdi lk []d]

موضوع جميل أوى يا ماندوز وكمان طريقى سرد الموضوع جميلة أوى
وعجبنى كمان طريقتك ف ى توصيل وجهة نظرك ببساطة وبكلام كله يفهمه
وربنا يقدرنا ونعمل اللى مبنعملوش ف الحاجات دى
وف انتظار الجزء التانى

ومرة تانية بشكرك على الطريقة الكلامية ف كتابة الموضوع

جااااااااااااااااااااااااااااااااااااااااااااااااا ااامد

جااااااااااااااااااااااااااااااااااااااااااااااااا ااامد

!!!!!!!!!!!!!!!!!!!!!!!!!!!!!

هوا ايه اللى جامد؟؟؟؟؟

المشاركة الأصلية كتبت بواسطة mandozzz

!!!!!!!!!!!!!!!!!!!!!!!!!!!!!

هوا ايه اللى جامد؟؟؟؟؟

مش عارف أنا والله إيه جامد دى
يا جماعه بلاش الردود السطحيه دى
لان بيكون شكلها باين جدا أن صاحب الرد ده
مقرأش الموضوع أساسا وكل همه أن يزود مشاركاته وخلاص
ياريت الى يرد على موضوع يرد رد يفيد الموضوع أو على الاقل يعلق على الموضوع
مش جامد .. إيه جامد دى مش فاهم ؟ إحنا بنحكى قصه الشاطر حسن

أشكرك يا ماندوز على الموضوع
فعلا ياريت كلنا نعمل كده
مش عاوز أقولك انا بعمل الحاجات دى كلها
بس والله بحاول اطبق لو حتى جزء منها

فعلا لو كلنا عملنا كده فى حاجات كتير أوى هتتغير

وهذا كان تعليقى على الجزء الاول
منتظر الجزء التانى

تحياتى

ماشاء الله موضوع اكثر من رائع بجد كعادتك يابشمهندس
وعرض سهل وبسيط ولو على الاقل احنا كأعضاء المنتدى التزمنا بالخطوات دى مبدئيا وبدأ كل عضو فينا باللى حواليه انا واثقة ان باذن الله هتتغير فينا وبينا حاجات كتير
مش عارفة ليه حضرتك مكملتش باقى الموضوع
ياريت حضرتك تكمله واحنا مستنيينه وخاصة اننا فى رمضان وفى امس الحاجة كى نغتنم كل لحظة من وقتنا فى هذه الايام المباركة

موضوعك جميل يا مندوززز فعلا بجد
وانا بصراحه معجبه بالموضوع ده
بس هقولك علي حاجه انا بعمل كتير من اللي انت قولته بس بصراحه مش في نصف ساعه ولا ساعه بالظبط في ساعتين
ده الصلاه والأذكار واللبس وتحضير الحاجه ساعتين ( مش عارفه ليه بس اهو )
المهم بقي اني بعمل

انا بقي بصح من النوم اصلي وبعد ما اصلي اقرأ الأذكار وده مش هيكمل حاجه التقيل بقي في اللبس وكوبيه الشاي ههههههههه

موضوعك جميل وانا بصراحه لما انزل من البيت وانا صليت وقريت الأذكار ربنا بيستراه معايا كتير
ولما بنزل عشان مستعجله بصلي وبقرأ الأذكار في الموصلات

انا بعمل كده بس الغريبه ان المشاكل والأكتئاب لا مفر منها بس يكفي اني بنزل من بيتي وربنا يكون راضي عني


شكرا للموضوعك

موضوع جميل جداً يا مندووز ومعظم الحاجات دى بعملها كل يوم والحمدلله

أشكرك جداً لكل الكلمات الجميلة جداً وعلى سردك للموضوع بصورة بسيطة

وياريت لو تكتب لنا الجزء التانى بقى

موضوع جميل ياماندوز جعله الله تعالى فى ميزان حسناتك وجعلنا جميعا ممن يتعظون من المواقف التى تحدث فى حياتنا وندعوا الله ان يثبت قلوبنا جميعا على دينه

موضوع رائع واسلوبك في شرح الموضوع جميل

جعله الله فى ميزان حسناتك لا اله الا انت سبحانك اني كنت من الظالمين