ردود لشاب ثورجى فاهم

لشاب , توريد , ردود , فاهم

ردود لشاب ثورجي فاهم
الناس عايزة انتخاب العمداء في الكليات و انتخاب رئيس الجامعة و ده يحتاج مجلس شعب.... الناس محتاجة حد أدنى و حد أقصى للأجور و اصلاح ضريبي عشان ده ميسببش تضخم و ده محتاج مجلس شعب..... محتاجين اصلاح التلفزيون فورا و الداخلية، عايزين قوانين تنظم عملهم و مناقشات لمزيانياتهم ...و طلبات احاطة لمراقبة الوزراء...... مش هنقعد سنتين من غير كل ده عشان الأحزاب مش جاهزة ..... و الوطني مش راجع بانتخابات حرة و الأخوان مش هينفردوا عندنا وقت كافي ننزل بمرشحين، الثوار هيعملوا حملات تكسر الدنيا أحنا الحكومة.... ما هيجي الدستور، هو حد قال مفيش دستور جديد؟ دلوقتي رغم غياب الدستور عندنا سلطة تنفيذية و سلطة قضائية، ناقصنا تشريعية..... الأغلبية البسطاء دي لو اقرت التعديلات هتبهرك و هتنتخب مجلس محصلش على فكرة.... هنقول نعم عشان نعم هتجيب دستور جديد ممثل لطوائف الشعب كله..... هنقول نعم عشان انتصرنا خلاص على الحزب الوطني و محدش هينتخبه ثاني.... ......هنقول نعم عشان الدستور الجديد ما ينفعش يتكروت و كفاية على الجيش قوي كده ..... هنقول نعم ثقة في جماهير الثورة و بحثا عن سلطة منتخبة تنحاز لمطالبهم و بعدين نعم تؤدي لدستور جديد لأن الترقيع اللي مش عاجبكم يلزم بدستور جديد.... لا انقلاب ولا عودة، الجيش هيسلم السلطة لما ننتخب رئيس كده كده، الكلام على استمرار الوضع المؤقت مش على انقلاب دائم... مع مشاركة واسعة يقل تأثير ما تصف، و كمان ما هو لا تعني جمعية تأسيسية منتخبة مش هيتدخل فيها عوامل قبلية و عائلية و مال و دين؟.... مضحوك عليك، المادة 190 اللي بتقول 6 سنين مادة انتقالية تنطبق على سنة 71 فقط لا تأثير لها.... بعد اقرار التعديلات و انتخاب المجلس و الرئيس العمل هيبقى بدستور 71 معدلا لمدة ثنة على الأكثر و بعدها استفتاء على دستور جديد... الريس ملوش دعوة بصياغة الدستور وفقا للتعديلات ميقدرش يتدخل أصلا،... ما اللي بقوله السلطة التنفيذية و القضائية موجودة في غياب العقد ده و أنت مش معترض اشمعنى السلطة اللي بينتخبها الشعب تستنى؟.... تعداد الثوار 10 مليون أغلبهم لا اخوان ولا سلفية، دول ربع الناخبين قلقان من ايه؟... الانتخابات تستدعي حملات محلية، الثوار و المرشحين هيقوموا بالتوعية، الثوار تعدادهم 10 مليون يقدروا يوعوا باقي الأربعين مليون ناخب ..... التريث له أضرار كبيرة، و محدش مستعد الأخوان مستعدين للناخبين المعتادين، دول أقل من ثلث من سينزل المرة دي... نعم تجب دستور جديد و هيطبخه الشعب كله من خلال نوابه المنتخبين... الحالتين يجيبوا دستور جديد، الأولويات اذن هي ما عدا الدستور، و سلطة تشريعية منتخبة أولوية و وقف انفراد الجيش بالسلطة أولوية.... و كده كده فيه انتخابات قادمة حيث أن لا تستدعي انتخابات جمعية تأسيسية، يعني الثوار نازلين حملات انتخابية و توعية كده كده..... ردود لشاب ثورجي فاهم