مصر وايام متتالية من الغضب الشعبي ... !!

**عاشق الايمان** · 2011-02-02, 01:01 PM

... , متتالية , مصر , الزغبى , الغضب , وايام

مصر وايام متتالية من الغضب الشعبي ... !!

سلام الله عليكم ورحمته وبركاته

عودة مباركه للنت ولكل التيفاوية

مصر وايام متتالية من الغضب الشعبي

كما شاهدنا في الايام القليلة الماضية ثورات وغضب شعبي من الشمال للجمهورية المصرية من الشعب

مطالبا تحقيق بعد المطالب الشعبية التي تؤمن حياة المواطن المصري مطالبا باسقاط النظام

وكما راينا ايضا خطابا للرئيس محمد حسني مبارك تناول فيه كل مطالبات الشعب ولكن في ايامه القليلة الباقية ان بقت مع التغير

فما راي التيفاوية فيما حصل في الايام القليلة الماضية ورايهم ايضا في تحقيق مطالب الشعب من جانب الرئيس
وايضا هل تنحي الرئيس محمد حسني مبارك في الوقت الحالي سيكون ايضاا متمم للمطالب الشعبية ....!!!!
ام سيكون جزء من استكمال المطالب الشعبية .... !!!

والبقية لكم

lwv ,hdhl ljjhgdm lk hgyqf hgaufd >>> !! hg.yfn

**حبيبـة ابـوها** · 2011-02-02, 01:10 PM

لا اؤيد تنحى الرئيس محمد حسنى مبارك ,,

دائما وابدا مصر فوق الجميع ....

**ملكة الرحمه** · 2011-02-02, 07:39 PM

حسنى ان تخلى عن الحكم الوقتى مصر ممكن تضيع
وعشان هو راجل بجد وبيحمى مصر هيكمل لوقت نهايه عهده ودا
احسن قرار اخده
والاعداد المتظاهره والمطالبه بالتنحى مش عدد بالنسبه للعايزين مبارك
والى بيطالبوا بالتنحى
زى ماقال الرئيس بيعملوا الى فى اجنداتهم الخاصه غير كدا مش هممهم حاجه
والاخوان عارفين من زمان انهم عايزين السلطه مش اكتر
والبلد الايام الجايه ربنا يسترها علينا من الى هيحصل
وربنا يوفقنا للاختيار الصحيح
ونعرف نختار الى يحافظ على مصر
ويكون احسن من حسنى
واتمنى انه ميكونش اوحش

**Muhamed** · 2011-02-02, 08:13 PM

لا اؤيد تخلى الرئيس مبارك عن الحكم باى شكل حتى لا تسفط البلاد فى فوضى

ولكن

1- حل المجلس الذى كان يقال له فى العصور الوسطى مجلس الامه ( طبعا وجيرانه بتوع الشورى)

2- تشكيل لجنه سياسيه تجهز للتعديل الدستورى فى المواد 76 و 77 و 88 ومحدش ينساها 88 دى بتاعت اشراف القضاء

3- استقاله الرئيس من رئاسه الحزب الوطنى الديموقراطى

4- يعلن خلال فتره وجيزه عن محاكمه المسئولين عن اتساع الفجوه بين الرئيس والشعب بتقارير مزيفه ومحاكمه العادلى على ما اتخذه من قرارات خلال 12 سنه خدمه

5- مد قانون الطوارئ حتى الانتخابات واستخدامه فقط من اجل البلطجيه الذين سيظهروا فى الانتخابات

**عاشق الايمان** · 2011-02-02, 10:40 PM

ياجماعة لو كان مبارك صنع الفساد والبطالة في طول مدة خدمته 30 سنة

فقدرت المظاهرات السلمية الا خرجت عن اطارها السلمي انها تصنع البطالة والفساد والخوف في قلوب كل المصريين في اقل من يومين

**حبيبـة ابـوها** · 2011-02-02, 10:50 PM

ياسيدى الفاضل :: الشعب كان ليه مطالب والحمدلله وان شاءلله فى طريقها تتحقق

اصبروا بس المده اللى فاضله دى وكمان ياريت تعطوا الفرصه للحكومه الجديده

المظاهرات كانت جميله جدا وسلميه وادت لنتائج ايجابيه وسلبيه كأنك رميت

طوبه فى مياه راكده ,, ياريت الامور والوضع يستقر علشان البلد دى المفروض اننا بنحبها ..

وياريت كمان المعارضين او ايا كانوا يهدوا ويستقروا ولا داعى ان الامور تزداد سوءا..

نريد مصر حره مستقره امنه عادله ,,

وبلاش تقنعونى اننا البلد الوحيده اللى فيها مساوئ احنا مش ملايكه احنا بشر ..

وربنا يسترها ويحمى مصر دائما وابدا لانها فووووووووووووووووووووق الجميع.

**Lost Angel** · 2011-02-02, 11:54 PM

اقتباس:

فقدرت المظاهرات السلمية الا خرجت عن اطارها السلمي انها تصنع البطالة والفساد والخوف في قلوب كل المصريين في اقل من يومين

السؤال هنا بقي مين الي خرج المظاهرات السلمية دي عن اطارها ؟؟؟؟!!!
ومين الي امر الشرطة بالانسحاب يوم 28 ؟؟؟؟!!!
ومين الي فتح السجون ؟؟؟!!!
ومين الي دخل الجمال والاحصنة وشوية بلطجية في ميدان التحرير علي الرغم من المفروض ان كل الي بيدخل بتفتش ؟؟؟!!!
اسئلة كتير وللاسف مفيش اجابة واضحة .
مش معقول الشباب الي خرجوا يوم 25 يناير وقعدوا لحد 1 فبراير هما الي موجودين دلوقت في ميدان التحرير

وحسبي الله ونعم الوكيل في كل من ساهم في المهزله الي بتحصل دلوقت
وربنا ينتقم منهم

**عاشق الايمان** · 2011-02-03, 12:28 AM

اقتباس:

المشاركة الأصلية كتبت بواسطة lost angel

ومين الي دخل الجمال والاحصنة وشوية بلطجية في ميدان التحرير علي الرغم من المفروض ان كل الي بيدخل بتفتش ؟؟؟!!!
اسئلة كتير وللاسف مفيش اجابة واضحة .
مش معقول الشباب الي خرجوا يوم 25 يناير وقعدوا لحد 1 فبراير هما الي موجودين دلوقت في ميدان التحرير

انتي دخلتي الاحداث في بعضهاخالص

اولا حالة التفتيش كانت في مظاهرات الملايين من الشعب حتي تكون مظاهرة سلمية دي في يوم

انما بعد خطاب الريس بدا يكون فيه انقسام مابين مؤيد ومعارض وده في يوم تاني بتاع الجمال وكدة يعني

عموماا
احنا شعب عشوائي بيثور علي الصح والغلط بدون علم بمجرد استحواذ فكرة معينة علي عقولهم تستحوذ علي افكارهم حتي لو كانت خاطئة
يبنوا ثورتهم علي هذة الفكرة بدون علم عن مصداقيتها

وعلي هذا الاساس تبدئ تحصل المشاكل

المفروض يكون فيه ضبط نفس مهما كانت الضغوط الداخلية او الخارجية من افراد خارج تنظيمنا الثوري او داخل تنظيمناا
حتي لا نصل الا ما وصلنا اليه حالياا

**Muhamed** · 2011-02-03, 01:27 AM

اظن بكره لما تطلع القنوات الفضائيه بفضيحه تاريخيه بعمل لقاءات بالناس اللى اتقبض عليها ومعرفه مين اللى بعتها ميدان التحرير على الاقل لازم يتاخد قرار قوى ضدهم اى ما يكونوا

يعنى ايه اعضاء مجلس شعب كلاب يبعتوا كلابهم علشان يمشوا المظاهرات

ويعنى ايه شرطه سريه النهارده الداخليه قالت ان الكارنيهات وقعت

طب ازى الحال لو بكره الكرنيهات كان جنبها صاحبها فى الفيديوهات اللى هنتشتر بكره !!!!

البلد كانت بدات تتقبل الخطاب لكن بالهبل والغباء السياسى اللى حصل النهارده

جزء كبير من اللى كان مقتنع اتاكد ان الحزب الوطنى ناوى على خرابها من تانى

**حبيبـة ابـوها** · 2011-02-03, 04:32 PM

تجميد ارصدة احمد عز وحبيب العادلى وزهير جونه والمغربى ومنع سفرهم بالخارج

**zezo_love323** · 2011-02-03, 09:01 PM

اؤيد خلع مبارك عن الحكم
لقد اضاع باقى رصيدة
لماذا لم يزيح احمد عز من قبل
ولماذا ترك حبيبة العادلى فى منصبة
لماذا لم يتدخل عندما علم ان الانتخابات مزورة
لماذا يترك الحبل على الغارب للشرطة لتعذيب افراد الشعب
لماذا سمح لمستشارية ان يتلاعبوا بة ويعطوة تقاريركاذبة
الم يعرف ان الشعب يعانى من كل شئ
الم يعرف ان البطالة وصلت لارقام كبيرة
الم يعرف بان الاسعار نار وان المرتبات ضعيفة
اين هو واحكام القضاء (كان فين)
الم يعرف ان المحكمة حكمة برفع بداية المرتبات الى1200 جنية
لماذا لم ينفذ الحكم
ولماذا ولماذااااااااااااااااااااااااااااااااااااااااااااا اا

**Lost Angel** · 2011-02-04, 03:47 PM

بالعكس يا عاشق انا مش بدخل الاحداث في بعضها الاحداث دي كلها مرتبطه ببعض
وليها سبب في الي بيحصل وانا بقول ان كل دي اسئلة ملهاش اجابه وغيرها كتير
ولازم يتم محاكمة كل من له يد في ذلك وعلنا بتهيقلي ده ممكن يهدي الناس شوية
احنا مش عايزين ندخل في حوار يوصلنا لنقطة مسدودة
المطلوب دلوقت انه يكون فيه ضبط نفس زي ما بتقول ونفكر بالعقل
ومنبصش للمصلحة الشخصية ونشوف المصلحة العامة ودمتم...

زيادة علي الخبر اللي حبيبة قالته جمال مبارك لن يترشح لرئاسة الجمهورية .

**Lost Angel** · 2011-02-04, 05:04 PM

بيان عاجل : النائب العام يصدر قرار بمنع وزير التجارة السابق رشيد محمد رشيد من السفر وتجميد رصيده
ولسه البقية تأتي
اللهم أهلك الظالمين بالظالمين واخرجنا منهم سالمين

**Muhamed** · 2011-02-04, 05:51 PM

ياريت اليومين الجايين تطلع قرارت اقوى

التحفظ على الاموال والمنع من السفر ليست اثبات ادانه

حتى الان لم يتم اعتقال او القبض على اى منهم

فى المقابل لابد من حساب المسئولين عن تاجير البلطجيه

ولابد من اصدار قرار يهد الحزب الوطنى واللى بيعمله من هبل فى المظاهرات والفنانات اياهم اللى طالعين يعيطوا فيها

**Lost Angel** · 2011-02-04, 09:11 PM

رشيد: "كانوا عايزنى وزير الأسبوع اللى فات والنهارده يطلعونى فاسد"

كشف المهندس رشيد محمد رشيد وزير التجارة والصناعة السابق، مفاجأة من العيار الثقيل وهى سفره إلى أحد الدول الأوروبية قبل 4 أيام وإقامته فى مكان آمن بها وبعلم من السلطات المصرية ورئاسة الجمهورية.

وأضاف رشيد فى تصريحات خاصة لـ "اليوم السابع" أنه مندهش من قرار النائب العام المستشار عبد المجيد محمود النائب العام اليوم الجمعة، بمنعه من السفر خارج البلاد، وتجميد حساباته فى البنوك، كإجراء وقائى لحين استكمال إجراءات التحقيق معه.

وعن سبب الاندهاش أكد رشيد أنه كان على اتصال دائم بالفريق أحمد شفيق رئيس الوزراء طيلة الأيام الماضية حيث عرض عليه شفيق تولى مهام وزارة التجارة والصناعة ثلاث مرات متتالية وهو الأمر الذى يعد ثقة كبيرة من الحكومة المصرية فيه، وقال رشيد "أنا مش فاهم ازاى كانوا عايزنى وزير الأسبوع اللى فات، والنهارده يطلعونى فاسد ويطلعوا قرار بمنعى من السفر والتحفظ على أموالى وكأنى متهم".

وشدد رشيد أن سفره للخارج تم بعلم من السلطات المصرية التى لم تمانع أبدًا، و قال لم يكن هناك وقتها أى شبهات تدور حول تورطى فى أى قضية فساد.وأكد رشيد على أنه سيأتى إلى مصر فى أقرب وقت للمثول إلى التحقيقات، نافيًا إجراء أى اتصالات بينه وبين الحكومة المصرية بعد صدور القرار.

وكان النائب العام المستشار الدكتور عبدالمجيد محمود النائب العام اليوم الجمعة، أصدر قراراً بمنع المهندس رشيد محمد رشيد وزير التجارة والصناعة السابق من السفر خارج البلاد، وتجميد حساباته فى البنوك، كإجراء وقائى لحين استكمال إجراءات التحقيق، وجاء قرار النائب العام بهذا الشأن استكمالاً لما تقوم به النيابة العامة من اتخاذ الإجراءات الاحترازية ضد بعض المسئولين، والتى كانت النيابة العامة قد تلقت بلاغات تناولتهم بشأن جرائم الاعتداء على المال العام.

تيرارارارارارااااااااااااااا

Download34136

**ابن مصر** · 2011-02-04, 10:16 PM

Download54947

مبارك ينصح صدام للتنحي حقنا للدماء

**عاشق الايمان** · 2011-02-05, 01:01 AM

في الوقت الحالي بدأ ظهور بعض من الناس التي لما نسمعها عنها ابداا في تعاملها مع الشعب تظهر وبشكل واضح طمعاا في الرئاسة وتعاطفا مع الشعب لاستغلاله في الوصول لكرسي الرئاسة وليس مساندة لهم في ثورتهم

من وسطهم البرادعي وعمرو موسي ...... الخ

وايضا هناك من يستغل ثورتناا من المعارضة في عرض طلبات ليس الغرض منها خدمتناا وانما هي خدمتهم الاولي قبل خدمة شعبناا

ومازالت الايام مستمرة ومعهاا ستوضح الامور اكثر واكثر

**Muhamed** · 2011-02-05, 06:48 AM

بدايه قصه المنع والسفر والتحفظ على الاموال دا اجراء شكلى لما النائب العام بيفتح التحقيق فى اى بلاغ متقدم ضد اى شخصيه

الفكره ان فى ناس كتيره اوى من الكبار متقدم فيهم بلاغات من زمان بس كانت متجمده علشان اماكنهم

دلوقتى النائب العام فتح البلاغات دى ونتج عنه القرارات دى

بس فى النهايه فتره ولو ملقاش دليل فى البلاغات دى واتوقع ذلك الناس دى كلها هتطلع براءه

بخصوص الشخصيات اللى عاشق اتكلم عنها

اسم البرادعى وعمرو موسى مطروحين من زمان

وان كانت الشكوك تحيط بالبرادعى علشان امريكا والجمعيه المصريه للتغير اللى اسسها السنه اللى فاتت وقال فيها ان حسنى مبارك اخر سنه ليه فى السلطه هيا السنه الجايه وقد كان

عمرو موسى ظهر من زمان برضه من اول مقالوا انتخابات رئاسيه لان ليه رصيد كويس عند قطاع كبير من الشعب

عمر سليمان نفسه اسمه مطروح من زمان وبرضه على الساحه

يعنى ال 3 اسماء الموجودين دلوقتى كمرشحين محتملين معروفين من زمان منطوش فجاه يعنى

**عاشق الايمان** · 2011-02-05, 11:57 PM

اقتباس:

المشاركة الأصلية كتبت بواسطة muhamed

اسم البرادعى وعمرو موسى مطروحين من زمان
وان كانت الشكوك تحيط بالبرادعى علشان امريكا والجمعيه المصريه للتغير اللى اسسها السنه اللى فاتت وقال فيها ان حسنى مبارك اخر سنه ليه فى السلطه هيا السنه الجايه وقد كان

عمرو موسى ظهر من زمان برضه من اول مقالوا انتخابات رئاسيه لان ليه رصيد كويس عند قطاع كبير من الشعب

عمر سليمان نفسه اسمه مطروح من زمان وبرضه على الساحه

يعنى ال 3 اسماء الموجودين دلوقتى كمرشحين محتملين معروفين من زمان منطوش فجاه يعنى

انت قولت مطروحين بس بدأ ظهورهم بشكل دائم مع الشعب في ثورته ضد النظام وضد الرئيس الحالي مع العلم انهم كانوا جزء من هذا النظام في احد الايام
وده الا انا اقصده
محاولة التقرب للشعب في ظل الظروف الحالية تعاطف مع الشعب ضد الرئيس الحالي
بناء خطوة قد تسهل عليه كثيرا في الايام المقبلة

**احلام مستحيلة** · 2014-05-10, 10:18 AM

كل فاسد ساهم فى خراب وتدمير البلد يستحق العقاب