يغيظ

شئ يغيظ

السلام عليكم ورحمة الله وبركاته

أحبائى أعضاء المنتدى

بجد ايه رأيكم وبصراحه
لما نلاقى ان معظم المواضيع الأكثر مشاركة بتكون المواضيع اللى ما لهاش لازمة ولا بتقدم أمتنا لقدام على العكس .........
دا مش شئ يغيظ

لما نلاقى المواضيع اللى متعلقة بدينا واسلامنا تفتقر للمشاركات
دا مش شئ يغيظ

لما يدخل اعضاء يشاهدو المواضيع وما يعلقوش او يقولو مشكور
دا مش شئ يغيظ

للأسف الشديد
ألاقى موضوع مثلا متعلق بالقدس والمسجد الأقصى يفتقر للمشاركات واللى يغيظ أكتر مشاهداته كتير يعنى خلاص العضو دخل شاف الموضوع ومعلقش عليه
دا مش شئ يغيظ

المفروض وأنا بطلب من إدارة المنتدى ان تتخذ خطوة جدية فى الموضوع دا
وليكن مثلا
# تحديد عدد المواضيع اليومية أو تحديد عدد من المواضيع لكل عضو فى الشهر وأن تزيد مشاركاته الايجابية فى معظم المواضيع المرتبطة بينا كلنا
وبطلب كمان
# ان يكون هناك مواضيع لازم اعضاء المنتدى كله تشارك فيها والمواضيع دى تكون مثلا زى المواضيع المتعلقة بأمتنا بإسلامنا بالقدس
انما الموضوعات الأخرى المتعلقة بهوايات الأعضاءزى الالعاب او الفنون او...... فكل واحد يبقى ليه الحرية فى المشاركة
يمكن اكون غلطان ومش على صواب
يمكن تكون نظرتى للأمور ووزنى ليها خاطئ
يمكن اكون مبالغ زيادة عن الازم
بس بجد انزعجت لما لقيت موضوعات كتيره متعلقة بينا كلنا
عشانالموضوعات دى هى قضايا أمه بحالها بس للأسف تفتقر للمشاركات فى حين ان نسب المشاهدات عاليه جدا
وفى حين ان الموضوعات المتعلقة بأمور حياتيه عادية تتزاحم بالمشاركات
ياريت أكون وضحت وجهة نظرى
ومنتظر النقد الهادف البناء اللى يقدم منتدانا ونرتقى بيه
ويقدم أمتنا لقدام ولو خطوة
انا بانصح نفسى بالكلام دا الاول
شكرا واسف ان كنت اخطأت

---

az dyd/

عندك حق ياسبيل
بس الاكتر فى المواضيع الى حضرتك بتتكلم عنها دى
بتكون كبيره
واكتر المشاهدات مش بتقرأ الموضوع
الى بيشاهد يشوف الموضوع كبير ولا لا
لو كان صغير بيقراه
كان كبير بيكون حسب الى كاتبه بقى
وفى كتير على فكره واخدين التعليق دا جمايل
الى يعلق على موضوعه يعلق عليه
انا معاك فى كلامك
تقبل مرورى

خودي بالك ياسبيل الحياه

ان مواضيع الاسلامي فيها المقالات الكبيره الا تقريباا اغلب الاعضاء بيبعدواا عنهاا بيكتفواا بقراءه العنوان ومشاهده العناوين الجانبيه

وغير كده موضوع صغير زي ده بيوضحلك قضيه امه اسلاميه وقضيه شعوب عربيه

وفي الاخر لكل عضو وجه نظر خااصه وحريه شخصيه في الرد والتعبير

وسلام عليكم

تم نقل الموضوع لقضاايا وحوارات

شوف يا أحمد يا أخويا
معتقدشى إن تيفا موضوعاتها ملهاش لازمة
لأن مشرفين تيفا مبيخلوش حاجة ملهاش معنى
إحنا مطالبين بالثقافة العامة فى كل المجالات مش بس الدين
والرأى مفتوح فى الحوارات
بس الدين لازم نحط علامات إعجاب
مشكور
هايل
كده والحوارت دى
صدقنى الناس كلها مليانة خير
ومش لازم نعلق علشان يبقى الموضوع تمام
ممكن نكتفى بالقراءة
وأهم حاجة نتأثر بالموضوع
المهم
نرحب بعودتك للمنتدى مرة أخرى
و أتمنى إن الكل يحاول يخلى الموضوع صغير
وبسيط
وساعتها الكل هيقرأ
يعنى صوتى مع ملكة وفارس

بس الاكتر فى المواضيع الى حضرتك بتتكلم عنها دى
بتكون كبيره
واكتر المشاهدات مش بتقرأ الموضوع
الى بيشاهد يشوف الموضوع كبير ولا لا
لو كان صغير بيقراه
كان كبير بيكون حسب الى كاتبه بقى
وفى كتير على فكره واخدين التعليق دا جمايل
الى يعلق على موضوعه يعلق عليه
انا معاك فى كلامك
تقبل مرورى

شكرا ملكة الرحمة على المشاركة
لكن ياريت نقدر نفهم ان الموضوع مش حكاية كم وكبير وصغير
فيه مواضيع تستحق أن تكتب فى مجلدات
ويحتم على جميع المسلمون ادركها ومعرفتها ووعيها وفهمها فهما جيدا
وتستحق الوقوف عندها والمشاركة فيها لأنها ببساطة مواضيع تشمل قضايا هامة تخص عامة الامة
وشكرا فى النهاية ليكى
أخوكى سبيل الحياة

خودي بالك ياسبيل الحياه

ان مواضيع الاسلامي فيها المقالات الكبيره الا تقريباا اغلب الاعضاء بيبعدواا عنهاا بيكتفواا بقراءه العنوان ومشاهده العناوين الجانبيه

وغير كده موضوع صغير زي ده بيوضحلك قضيه امه اسلاميه وقضيه شعوب عربيه

وفي الاخر لكل عضو وجه نظر خااصه وحريه شخصيه في الرد والتعبير

وسلام عليكم

شكرا يافارس على المشاركة
لكن لا زلت أقول ان الموضوع مش مشكلة اد إيه الموضوع ..... لأ دا المشكلة فى ان الموضوع دا بيتكلم عن إيه ؟؟؟؟؟؟؟
مواضيع اسلاميه يعنى غايتنا... هدفنا.... امالنا....اسلامنا..... ديننا...... أمتنا......
تبقى تستحق من الانسان انه يوقف عندها ويقرأها ويعلق على كل كبيرة وصغيرة داخل الموضوع حتى ولو كان كبير
شكرا يافارس على المشاركة
اخوك سبيل الحياة

شوف يا أحمد يا أخويا
معتقدشى إن تيفا موضوعاتها ملهاش لازمة
لأن مشرفين تيفا مبيخلوش حاجة ملهاش معنى
إحنا مطالبين بالثقافة العامة فى كل المجالات مش بس الدين
والرأى مفتوح فى الحوارات
بس الدين لازم نحط علامات إعجاب
مشكور
هايل
كده والحوارت دى
صدقنى الناس كلها مليانة خير
ومش لازم نعلق علشان يبقى الموضوع تمام
ممكن نكتفى بالقراءة
وأهم حاجة نتأثر بالموضوع
المهم
نرحب بعودتك للمنتدى مرة أخرى
و أتمنى إن الكل يحاول يخلى الموضوع صغير
وبسيط
وساعتها الكل هيقرأ
يعنى صوتى مع ملكة وفارس

شكرا يامحمد على مشاركتك دى
لكن انا بختلف معاك فى حاجتين

# أولا #
إذا كان الموضوع بيتكلم عن قضية تستوجب مننا ان احنا نعرف أدق التفاصيل عنها يبقى لازم نقرأ حتى ولو كانت المواضيع دى كبيرة
موضوع بيتكلم عن القضية الفلسطينية مثلا ومخططات اليهود
نلاقى الواحد يتفقده سريعا ويعلق بأى حاجة ودا ناتج لأنه كتير سمع عن القدس والاقصى واليهود فالموضوع اصبح عادى زى أى روتين جديد
وللاسف لو بنتكلم عن كوره أو لعبه أو حتى اى حاجة تانية تلاقى القراءة الجيدة للنص
وبنقعد امام الماتشات بالساعات
انما موضوع كبير مش هياخد قراءة اكتر من عشرة دقائق أو لو وصل بيك الأمر لربع ساعة
دا حق دبنك عليك وأقصاك ودا اقل واجب ممكن نعمله لانه فى إيدينا
# ثانيا #
مشاركات مشكور وشكرا وجميل وموضوع رائع
بوجهة نظرى لا تغنى ولا تثمن من جوع
لو انا مشكور يباه المفروض توضح مشكور عن ايه وايه اللى عجبك
انا لما بكتب موضوع بكتبه من وجهة نظرى ووجهتى تختلف عن وجهتك يبقى توضح ايه اللى عجبك وتقول رأيك مش تقول مشكور وخلاص
المفروض مشكور دى تبقى تتقال مثلا فى منتدى الالعاب او واحد طلب حاجة وحد عمالها له
فى النهاية باشكرك يااستاذ محمد
اخوك سبيل الحياة

ياجماعة لازم نخلى بالنا ان فيه مواضيع لازم نشارك فيها كلنا
ومش نشارك مرة دا تبقى المشاركة اكتر من مرة
ودا طبعا لأهميتها مش عشان حاجة تانيه

ياجماعه لازم نعرف ان أمتنا فى حالة يرثى إليها
فى حالة يندى لها الجبين والله

ياجماعة احنا كل حاجة محسوبه علينا
احنا ايه واجبنا تجاه للى بيحصل فى فلسطين والعراق وأفغانستان وغيرها من الدول

ياجماعه احنا لازم نفوق

ياجماعه ياريت نفتكر أيام الأندلس اللى راحت من ايدينا ودلوقت محدش عارف عنها حاجه والمعظم ما يعرفش ازاى احتلت وسلبت منا

ياجماعه احنا هنا واخدين حريتنا نتكلم برحتنا
ياله نتكلم ونحط ايدينا فى ايد بعض ونجدد أروحنا ونشد من عزيمنا وماننساش ابدا القدس ولا العراق ولا الشيشان ولا اخوانا فى الصين ولا فى ..................

أقسم بالله العلى العظيم انى بزعل جدا من نفسى لما بلاقى نفسى باكل من طيبات ربى وبأرتوى
وبشطف بمياه عذبه اخوانا واهلنا محرومين منها ياااااااااااااااااه
اد ايه حاجة قاسيه قوى

احنا فين وعملنا ايه
احنا لازم ماننسهمش ابدا وندعي لهم ونشارك بأى حاجة وعلى طول ندعى لهم ونشتال هم القضية لانها قضية دينا واسلامنا

احنا لازم ننشغل بحال أمتنا


انا بطلب من الادارة مجددا

تعمل حاجة تعمل خطة للوصول والنهوض بامتنا دى من الحاله اللى هي فيها دى من الحضيض إلى القمة ودا على مستوى منتدانا وينتقل الوضع على المنتدايات الاخرى

ولتكن ممثلة فى موضوع يشترك فيه كل الأعضاء بيتكلم عن امتنا
ويبقى الاسبوع دا بنجمع اسباب انهزمنا ايه مثلا ويبقى كل عضو بيبحث ويتقصى الحقائق ويضع سبب من اسباب الهزيمة

يبقى فيه خطة لمنتدانا بيسير عليها وتبقى فيه شروط كل الأعضاء تمشى عليها

اسف للأطالة دى
اسف
بس كل دا طالع من قلب بيتقطع على حال امته اللى بتضيع

واكيد المنتدى مليان قلوب بتان وبتشكى الى الله مايحدث
واكيد المنتدى مليان قلوب تكاد تنفطر على حال امتها

ولكن لازال هناك بصيص امل ودين الله غالب لا محالة وهذه عقيدتنا
بس احنا لازم يكون لينا دور

انصح نفسى اولا بالكلام دا
ثم كل مسلم يغار على دينه

يارب انفعنا بما علمتنا وعلمنا ما ينفعنا وخذ بنواصينا إليك وحول قلوبنا بالحب والشوق إليك واجبرنا واسلل سخيمة صدورنا وعزنا ولا تخذلنا
وانصرنا على من ظلمنا وهئ لنا رشدنا وتب علينا انك نعم المولى ونعم النصير
وبالاجابة جدير ولا حول ولا قوة الا بالله العلى العظيم

اولا بشكرك يا احمد على طرحك للموضوع
انا وحدة من الناس بقالى فترة بتكلم فى الموضوع ده
ومش انا بس
فجر الاسلام وماندوز وحمتو وشابون وابن مصر ولوست انجل ..... الخ
كل دول كانوا زعلانين من موجة الموضوعات التافهة اللى اجتاحت المنتدى فى الفترة الاخيرة
والافظع من الموضوعات التافهة الردود كمان التافهة
ولما اتكلمنا مع بعض الاعضاء وحبينا نفهمهم ناس كتير زعلت وحصلت مشاكل

والنتيجة حصل انقسام فى المنتدى وبقى حزبين
حزب الصغيرين اللى ماشى مع التيار
وحزب الكبار اللى ضد التيار
وكل حزب شغال مع نفسه وبدماغه
وكل واحد منهم مبيدخلش غير موضوعات اصحابه المتفقة مع اهوائه
والردود بقت مجاملات زى ماقالت ملكة الرحمة

والحقيقة انا قلت قبل كده ان الاتنين غلطانين والاكتر حزب الكبار
لانه اتجاهل الحزب الصغير ومحاولش يحتويه ويدخل موضوعاته ويحاول يرتقى بفكره
واول ما فكر يعمل حاجة ايجابية كانت العقاب

المشكلة من وجهة نظرى اكبر من وجود موضوعات تافهة فى تيفا نت
المشكلة فى اهتمامات الشباب دلوقتى
اغلب اللى بيدخل المنتدى مش داخل عشان يستفيد ومعندوش وقت يستفيد
اللى داخل داخل يرفه عن نفسه ويلعب ويهزر ويضحك
والترفيه بالنسبالهم مجرد اللعب والهزار وبس
انا مش ضد الترفيه والهزار واللعب
بس ليه ميبقاش الترفيه واللعب فى اطار هادف
وليه كل انشطتنا عالمنتدى تبقى ترفيهية
وليه كل ترفيه لازم يكون لعب وهزار وميبقاش قراءة موضوع مفيد
؟؟؟؟؟

شكرا برنسيس على ردك
للأسف الشديد
الحاجة اللى بتتعب الواحد وبتخنقه الموضوع اللى بيسموه ترفيه دا
ازاى نترفه واخونا بيتقتلو ؟؟؟؟؟
ازاى نفرح ونلعب والمجازر فى العراق وفلسطين وافغانستان وغيره
يااااااااااااه

سؤال مالوش اجابة

بس زى ما قولتى كدا العيب على الكبار لأننا ما ارتقناش بفكر الصغار
ودا لانهم نشأوا وجدوا المجتمع كدا وشافونا كدا

مأساة

عارفه يابرنسيس
صلاح الدين سألوه قالو له انت ما بتضحكش ليه يأمير المؤمنين ؟؟ أين ابتسامتك ؟؟
قال كيف اضحك والأقصى مستهان والله لا اضحك الا بتحريره
فكرمه الله بتحريره

انا احنا فعلا مأساه

شكرا برنسيس
ياريت تغلقى الموضوع أو تحذفيه
اخوكى سبيل الحياة

يعني يا احمد انت اقترحت المشكله ووضحتهاا بالنسبه للمنتدي وبالنسبه للامه الاسلاميه

ممكن زي ما اقترحت مشكله تقترح حلولهاا من وجهه نظرك

و الانسان من واقع موضوعاته هيقدر يغير كتير سواء في الاسلامي او الفرفشه باسلوب ديني

انما من واقع عرضك لمشكله بدون حلول تقريباا مالهااش لازمه وكله هيقول رايه في المشكله بس من غير حلول

ارجوا سرد الحلول في نقاط مع التوضيح بالنسبه للمنتدي !!!!!!!!

مع العلم بان
انا بطلب من الادارة مجددا

تعمل حاجة تعمل خطة للوصول والنهوض بامتنا دى من الحاله اللى هي فيها دى من الحضيض إلى القمة ودا على مستوى منتدانا وينتقل الوضع على المنتدايات الاخرى

ولتكن ممثلة فى موضوع يشترك فيه كل الأعضاء بيتكلم عن امتنا
ويبقى الاسبوع دا بنجمع اسباب انهزمنا ايه مثلا ويبقى كل عضو بيبحث ويتقصى الحقائق ويضع سبب من اسباب الهزيمة

يبقى فيه خطة لمنتدانا بيسير عليها وتبقى فيه شروط كل الأعضاء تمشى عليها


طلبك ده فيه شئ من الانانيه اولا

وحبس حريه الاعضاء ثانياا

وفيه قسم اسمه قضايا وحوارات ممكن تعرض فيه الا انت عايزه ثالثاا


ومع العلم مره تانيه ان لكل شخص وجه نظر في قرائته للموضوع وحريه شخصيه في الرد والتعبير ودي رابعااا

واعترض علي الكلام ده كله خامسا

فارجوا ان يكون طلبك وحلولك للموضوع خارج اطار الابعاد السابقه !!!!!!

تقبل مروري للمره الثانيه

المشاركة الأصلية كتبت بواسطة فارس بلا جواد

طلبك ده فيه شئ من الانانيه اولا

وحبس حريه الاعضاء ثانيا

ده على اساس انه هيعمل الموضوعات عن نفسه
ايه الانانية فى ان واحد حاسس اوى بالخيبة اللى العرب فيها
وهو صاحي والباقيين نايمين وهو بيحاول يصحيهم
دى اسمها انانية من وجهة نظرك؟؟؟

وهل لما اقنن المنتدى واخلى كل شيء بنظام ووحدود ابقى بحبس حرية الاعضاء
احنا مقلناش مش هنضحك لاننا عارفين ان مش فينا حد زى صلاح الدين
احنا هنضحك وترفه ونعمل كل حاجة
بس كل حاجة بحدود وفى الوقت المناسب
ومبيبقاش كل مشاركاتنا فى المنتدى ضحك ولعب وهزار واحنا فى ظروف......
فى حاجات اهم المفروض نعملها وكلام اهم المفروض نقوله

على فكرة يا سبيل الحياة انا بستأذنك ان الموضوع مش هيتقفل ولا هيتحذف
وان شاء الله هيجيب نتيجة
بارك الله فيك يا أخي
ربنا يكتر من امثالك

شكرا ليك يافارس
لكن انا بس هعلق على حاجة واحدة من كلامك

ومع العلم مره تانيه ان لكل شخص وجه نظر في قرائته للموضوع وحريه شخصيه في الرد والتعبير ودي رابعااا

واعترض علي الكلام ده كله خامسا

ياعم محمد لك حق
لكن لما يكون فيه موضوع يمس دينا يمس غقيدتنا يمس امتنا اللى بتتسول على موائد العلم والفكر وافتقارها للعلماء
يبقى لازم الكل يشارك ويتكلم ويقول
ولو ما اتكلمش يبقى نايم او ميت ولازم نفوقه ونشده لطريق النجاة

أما عن حكاية انى طرحت مشكلة وما طرحتش حلول
انا عبرت بعد المشكلة عن وجهة نظرى
وقولت لازم كلنا نشارك وبعدين كل واحد يطرح وجهة نظره وحله للقضية ليكن
الأمر شورى ياسيدى
لكن انظر الى الموضوع وشوف كدا كام واحد بس من الادارة شارك وقال رأيه ؟!!!!!!!
وكانى عرضت مشكلة خاصة بيا انا بس او بعدد بسيط من الاعضاء اللى شاركو

على العموم متشكر على مشاركتك وفى انتظار أى نقد

شكرا برنسيس
ويارب يجيب نتيجة فعلا

طبعا كلامك صح سبيل المفروض اننا نرتقى بالموضوعات الهادفة اللى تخدمنا كأمة وتنمى ثقافتنا وآرائنا وطريقة معالجتنا للأمور
أنا مش ضد الموضوعات الترفيهية والله بس المشكلة فى الكم
بس برده بالنسبة للموضوعات العامة ومواضيع القسم الإسلامى والنقاش الخطأ فى كاتب الموضوع
المفروض إنه يقدم الموضوع بصورة تجذب القارئ وتجبره على إكمال قراءة الموضوع للآخر وده من خلال تقسيم أفكاره وتقديمها فى صورة شيقة
فإن كانت معلومة يرتبها وإن كانت قضية يناقشها بأسلوب حماسى يجذب القارئ وهكذا

يعنى مثلا إحنا بندخل الموضوع الترفيهى ليه لأنه فى تفاعل كبير مش بيبقى رأى وخلاص بيبقى مستمر ما بينا

أنا قبل كدا كنت اقترحت اقتراح علشان كمية الموضوعات كلها مش الترفيهية بس
يعنى كفاية موضوع كل يوم أو يومين للعضو ده هيدى فرصة لبقيه الأعضاء يقراوا الموضوع ويتفاعلوا معاه
كمان هيدينا فرصة نشوف أعضاء تانية ونقرا موضوعات كانت بتوه فى الزحمة
وهيدى فرصة للعضو نفسه إنه يشارك ويتفاعل مع موضوعات زمايله
وبالتالى كلنا هنستفيد وده اللى أنا لمسته فى أول فترة جيت فيها المنتدى بعد ما أميرة كلمتنى عنه

لأنى (( والكلام عن نفسى بس)) بألاقى موضوعات كتيرة ومش باعرف أرد عليها كلها لضيق الوقت فباضطر إنى أحاول أرد على موضوع واحد لكل عضو وممكن تبقى فى موضوعات قيمة وما اعرفش أرد عليها

هو تيفا منتدى كويس جدا وانا باستفيد منه كتير إحنا بس عايزينه الأفضل
تقبلوا رأيى وآسف على تأخرى فى المشاركة

المشاركة الأصلية كتبت بواسطة la princesse

فجر الاسلام وماندوز وحمتو وشابون وابن مصر ولوست انجل ..... الخ
كل دول كانوا زعلانين من موجة الموضوعات التافهة اللى اجتاحت المنتدى فى

خودي بالك يابرنسيسه ان لو الاعضاء دول فعلاا زعلانين

شوفي كام واحد ولسه فيه كمان بتهيالي انتي سايباها مفتوحه

بتهيالي يبقي الموضوع مالوش لازمه والحلول في ايديهم

لان دول ممكن يغيرواا المنتدي بل بالعكس يقليبوه راسا علي عقب بمواضيعهم الهادفه والاسلاميه ومتابعتهم للمنتدي الاسلامي

وهم دول فين من المنتدي دلوقتي ولا مع موجه الفساد كله بياخد ديله في سنانه ويجري

ولا احنا بنحب ندردش بس مشاكلنا ونقول كلام من غير فعل

هو ده عموما شعبنا لسان اد كده انما فعل مفيش فعل نجيب مشكلات وندردش فيهاا انما ندردش في حلولها

انسي

المشاركة الأصلية كتبت بواسطة سبيل الحياة

شكرا يامحمد على مشاركتك دى
لكن انا بختلف معاك فى

إذا كان الموضوع بيتكلم عن قضية تستوجب مننا ان احنا نعرف أدق التفاصيل عنها يبقى لازم نقرأ حتى ولو كانت المواضيع دى كبيرة

شوف يا أحمد
لو عاوز تغير الناس روح فى صفهم وغير منهم واحدة واحدة
وبكده تضمن النجاح
لكن مرة واحدة صعبة
دا حتى الدين نزل تدريج
وبص مثلا على تحريم الخمر كان إزاى
تدريجيا
فلازم نعترف بالبعد عن قضيتنا بس مش كلنا
ومتحكمش من واقع تيفا بس
وإن شاء الله الخير موجود فى أمة نبينا لقيام الساعة
يمكن تقول عليه زى كراكر إنت متفائل قوى
طبعا المؤمن كده
يارب اجعلنا متفائلين مستبشرين
فابشر أخى
و انا معاك عاوزين نغير الناس بس واحدة واحدة
الموضوع يكبر بعد منشوف الصغير ونحب نقرأ موضوعاتك
وواحدة واحدة هتلاقى كله بيقرأ
وبيعلق
ومتشكر لردك الجميل يا جميل

اولا اشكرك يااحمد
على عرض الموضوع
انا فعلا بتفق مع برنسيس فى ان المنتدى فى الفترة الاخيرة سادة موجة من المواضيع الغير حيوية او بمعنى ادق الترفيهية
لو تلاحظ كثرة مواضيع اقسم التسلية والترفيه حتى بقى فيه اعضاء متحصصين للقسم ده فين وفيت على ما يمروا على باقى اقسام المنتدى
لكن زى ما قال مستر عاشور
لازم تروح صفهم وتغير منهم واحدة واحدة
وفارس كمان اشار لحاجة مهمة وهى انك لازم فى عرضك للقضية الشائكة دى تنظر لباقى الاراء صوابعك مش زى بعضيها
لازم نفكر كويس ازاى نوصل لحل
انا شخصيا موجود يومياومعظم الاعضاء المميزين اللى حضرتك وبرنسيس بتقول انهم زعلانين من اللى بيحصل فى المنتدى مبشوفهمش كتير ودا بحد ذاته مش كويس ولازم يكون ليه اضراره اللى هى المواضيع الترفيهية اللى ملت المنتدى
تقبل مرورى

انا وحدة من الناس بقالى فترة بتكلم فى الموضوع ده
ومش انا بس
فجر الاسلام وماندوز وحمتو وشابون وابن مصر ولوست انجل ..... الخ
كل دول كانوا زعلانين من موجة الموضوعات التافهة اللى اجتاحت المنتدى فى الفترة الاخيرة
والافظع من الموضوعات التافهة الردود كمان التافهة

زى ما قالت برنسيس كده ،، الموضوع ده زهقنا فيه كلام

بس زمان فى المنتدى أيام مكان المنتدى لسه محدش يعرفه كان مكتوب كلمه تحت كده بحبها أوى
الجمله دى كانت فيما معناه يعنى
" الموضوعات المطروحه تعبر عن وجة نظر صاحبها وليست عن رأى المنتدى ككل "

يعنى أى واحد بينا بينزل حاجه هنا ،، سواء كانت هادقه أو ليس لها فائده ليست بالضرورة انها تعبر عن المنتدى ككل وإنما تخص صاحبها فقط ،،

دى وجهة نظرى فى وجود أى موضوع هايف أو تافه فى المنتدى ،، كل واحد مننا بيبنى شخصيته فى المنتدى
فى واحد لقينا منه مواضيع كويسه وهادفه ومحترمه وتستاهل النفاش بدون أى تردد تجذب الأعضاء على مناقشتها
واحد تانى قاعد طول الوقت بينزل حاجات ملهاش أى لازمه والله حضرتكوا بتشوفو مين الى بيرد عليه !!
يعنى كل حاجه فى المنتدى الحمد لله ليها قيمتها والحمد لله لدينا أعضاء بتقدر كويس جداً الحلو من الوحش والى يستحق بنقول عليه والله دا راجل كويس وكمان بنساعده وبنشجعه ،، والوحش أكيد مش بيضرنا كتير ،،

اما بقى عن وجهة نظرى الخاصه بموضوع الردود وكده ،،
فى حاجه دايما بقولها للأعضاء الجدد والكلام مش موجه ليك طبعاً يا أحمد بقول كده بس عشان أعرض وجهة نظرى
بقولهم يا جماعه إحنا هنا فى منتدى وكل شغلنا فيه ده مفيش حد بيدينا فلوس عليه او بناخد مكافأه لو عملنا موضوع كويس
فدايما إدى ومتستناش إنك تاخد يعنى متستناش شكر من حد إنتا بتعمل حاجه لله ،،

رجاء بس يا جماعه الموضوع ده معمول من أخ عزيز علينا
محضرش مناقشتنا قبل كده
أى نعم إحنا إتكلمنا فى الموضوع ده قبل كده ،، ومفيش مانع نتكلم فيه تانى وتالت ورايع وخامس
بس بالراحه وبالهدوء عشان لو فى حل إن شاء الله للمشاكل دى نقدر نحلها
مش نقلبها خناقه ونعد نعلق على ردود بعض بكلام ملوش لازمه
ومبقولش منتناقش لا نتناقش بس فى حدود الإحترام وعدم التطاول على وجهة نظر الآخرين لأن كل واحد مننا ليه وجهة نظر خاصه قد تتفق مع البعض والبعض الآخر لا ــ

وفى النهايه تقبلو مرورى ،، وأسف على تأخرى فى الرد يا سبيل الحياة ،،

ok

u wanna solution

i'll tell u

and if u don't like tell me why u don't like

first delet fun section

tell me what is the good thing return to the member when reading or replay or write some thing in

iam not talking about all fun

there r some good section on it that move the mind

but for example there is the "No" play

count to 10 and do some thing

this game if new moderator don't know had been blocked from our fourm

but now i c it all over the fun section

ok here is the first step

delet this type of silly games as it's useless

i see atopic with more than 800 replay all of them no

how many times member waste on it

and this time can be used in something else

if member didn't find this types of games eather will go to general or dissication forum

or stay in fun section ( smart play) not silly games

that's the first step in my point of view

i didn't put it in moderator section caz member involved now

and i need to make them think with us

so do u accept or not