امممممممممممم

اولا انا لاحظت ان اسمى جه فى الاعضاء اللى غايبين واللى بيتعاتبوا لغيابهم

بس انا عذراهم لان اللى بيعاتبونى لسه جداد نسبيا واول سنة دراسية تمر علينا وهم معانا فى المنتدى

لكن اللى هم الاعضاء القادامى المحترمين اللى بقلهم سنين فى المنتدى اكيد كانوا بيلاحظوا ان نسبة مشاركتى عامة اثناء الدراسة بتقل جدا

فسامحونى ان الفترة اللى فاتت كنت مشغولة فى ابحاث كتيرة فمكنتش متابعة حتى الموضوع ده اتبعتلى عشان ابص عليه وانا مبصتش مش تجاهل لكن عشان كنت مشغولة واتبعتلى تانى بس الحمد لله خلصت الابحاث فقلت ادخل وبص

اولا وباختصار شديد كلنا مجتمعين حول نقطة المواضيع الغير مقبولة الحمد لله

بالنسبة لمنتدى الفرفشة انا مع الخطة اللى قالها مندوز وركزوا فيه على الحاجات اللى هى زى الفوازير مثلا اللى بتنمى الذكاء

طيب بالنسبة للاساتذة المحترمين اللى هم من رايهم ان فى مواضيع طويلة فاما بيلاقوها طويلة مش بيقروها
فعلا فى ناس كده طبيعتهم كده ولازم هنا نحترم طبيعتهم
انا احيانا وبعترف ادخل الاقى الموضوع كبير مش بقراه دى بتكون طبيعة اشخاص فلازم نحترم هذا الصنف من الناس ونخلى كم موضوعنا فى المعقول ولو هو كبير نجزءه

طيب فى مواضيع بتكون منقولة وغالبا بتنزل فى المنتدى العام كلماتها كويسة بس احيانا بتصيب بالملل ومجرد انك بتقرأ سطور لا تهدف لشىء طب نعمل ايه نقلل من الموضوعات دى

المنتدى الاسلامى هو فى حلم او احلام ليا فيه بس لما بنفذه غالبا بنفذه لوحدى وانا احيانا بيصيبنى يأس
حلمى انه ردوده لا تقتصر على مشكور وجزاك الله كل خير لاء ردوده تبقى نقاش وللاسف النقاش ده مكنش يحصل فى الاسلامى اللى لما ينتج عنه خناقات لانه بيكون فى فتاوى واحكام شرعية واحنا مش مؤهلين لذلك وفى حاجات اختلف فيها العلماء فما بالك احنا

اتمنى النقاش يكون بعيدا عن الفتاوى والاحكام الشرعية اللى احنا مش مؤهلين اساسا اننا نتكلم فيها وان العلماء اصلا بيختلفوا فيها

مثال الموضوع ده
هنا

منتدى البرامج ينشط شوية
والكتب الالكترونية نايم لازم نحط فيه كتب مفيدة

لازم نهتم بكل الاقسام الهادفة واللى عنده معلومة باى قسم ميبخلش بيها
ونهتم بكل المواضيع مش نمشى فى موضوع واحد

وكلنا نحتسب الاجر من عند ربنا بمواضيعنا ومش شرط عشان مواضيع متردش عليها نزعل
انا عن نفسى بدخل اقرا مواضيع ومش برد
مبردش غير لو حسيت ان درى هيفيد او هيضيف

وربنا يوفقنا كلنا

يا جماعة انا ملاحظة ان فى ناس زعلت من كلامى
بس اللى كنت اقصده باختصار
ان الناس اللى انا ذكرت اسمائهم كانوا ضد الموضوعات الغير هادفة من وجهة نظرهم
ومش كلهم طبعا مقصرين ولو فيهم حد مقصر يبقى انا

اما باقى الاعضاء المهتمين بمثل هذه المواضيع
وده مش انتقاص من قدرهم لا سمح الله انا بحترمهم جميعا
بس هم لسبب ما شايفين ان الموضوعات دى مهمة بالنسبالهم ووجهة نظرهم تحترم
بس خلونا نتناقش عشان نوصل لحل مفيد

اولا الاستاذ محمد عاشور قال حاجة مهمة جدا

لو عاوز تغير الناس روح فى صفهم وغير منهم واحدة واحدة
وبكده تضمن النجاح
لكن مرة واحدة صعبة

ده هو الخطأ اللى وقعوا فيه الكبار

والحقيقة انا قلت قبل كده ان الاتنين غلطانين والاكتر حزب الكبار
لانه اتجاهل الحزب الصغير ومحاولش يحتويه ويدخل موضوعاته ويحاول يرتقى بفكره
واول ما فكر يعمل حاجة ايجابية كانت العقاب

ومكمن المشكلة فى النقطة دى

اما بالنسبة للحل اللى قاله ماندوز
انا مش موافقة نسبيا
لانى شايفة ان فئة كبيرة تقريبا مش بيشاركوا غير فى الموضوعات دى
ولو احنا شايفينها ملهاش لزوم هم شايفينها مفيدة
ويمكن بيدخلوا المنتدى مخصوص عشانها
هشيليها مرة وحدة يبقى طفشتهم من المنتدى
هيروحوا يدوروا على اى منتدى تانى يلعبوا فيه براحتهم من غير تحكمات من حد

والحل لازم يكون تدريجى
اولا نعمل استفتاء وناخد رايهم فى الموضوعات دى
ونشوف بيستفيدوا منها ايه
وممكن الاستفادة دى تيجى من حاجة غير الموضوعات دى

ثانيا وثالثا هقولها بعد ما اعرف مقتنعين بوجهة نظرى ولا لا

جزاك الله خيرا يا سبيل علي طرحك الموضوع
وشاكرين تفاعلك وحرصك علي التغيير للافضل
وانا بتفق معاك في النقط الي انت وضحتها في الموضوع
وزي ما فيه مواضيع مش هادفة فيه مواضيع بردو كويسة ومفيدة ولكن قليلة وبتضيع في وسط الكم الهائل من المواضيع الاخري بسبب كثرتها
وفيه حاجه كمان مأثرة دلوقت الي هيا الوقت حاليا وقت الدراسة وكده ومعظم الناس مش بتدخل او مش بتقدر تشارك في المنتدي وللاسف انا واحدة منهم بسبب ظروف
الامتحانات خلاص كمان اسبوعين بالظبط عندي .

المهم بالنسبة للحل بتاع ماندوز انا بتفق مع أميرة في رأيها
بس انا أفتكر إني أول ما سجلت في المنتدي كانت المواضيع بتاعة العد والأرقام دي مكانتش متاحة ومش مسموح بيها وده وكان ضمن قوانين المنتدي تقريبا
بس في الفترة الاخيرة لقيت انها انتشرت جدا

ويوكون من الأفضل انها تتحول لألعاب الذكاء مثلا والفوازير زي ما باقي الاعضاء اتفقوا في النقطة دي .

وإن شاء الله هحاول اني ابقي متواجدة ودعواتكم معانا بقي وربنا يسهلها إن شاء الله

السلام عليكم ورحمه الله وبركاته

رجعتلكم تااني ومعايا حل صغنون بس ياريت يعجبكم

انا عندي اقتراح نعمل موضوعات هادفه بطريقه تميل الي التحاور وزياده المعلومات العامه والموضوع نحاول نعمله في كل الاقسام او الاقسام المهمه

مثلا جتلي فكره جميله اووووي ويااارب تعجبكم موضوع

اسمه / اختبر معلوماتك الاسلاميه

هيبقي الموضوعه عباره عن سؤال اسلامي عددي او كمي مش هتفرق ؟

انما الاجابه فيه تكون سهله وبسيطه

الموضوع عباره عن لعبه صغير مفيده جداا هو ان العضو يقول سؤال اسلامي والعضو الا يدخل بعده يقول الحل ويقترح هو سؤال تاني وهكذااااا.................. الخ

والموضوع يتحط في القسم الاسلامي مع التثبيت

يبقي كده اقدرنا نحل المشكله من واقع مشكالنا بس بطريقه ايجابيه وسهله وجميله

والفكره ماخوذه من بعض الموضوعات في قسم الفرفشه بس دي بطريقه ايجابيه

عايزين نقترح حلولنا من واقع مشاكلناا مش نمحي مشاكلنا وبكده نريح بالنا ونخسر معاها اعضاء كتير وحاجات كتيره

السلام عليكم ورحمة الله وبركاته

باسمى بشكر كل الأعضاء والمشرفين اللى شاركوا فى الموضوع وباتمنى من الله ان الباقى يشارك
ياجماعه
احنا لازم نفهم ان احنا هنا زى الأسرة بالظبط يعنى بتربطنا تيفا ببعض
فاحنا مسؤلين

أولا ان احنا ناخد بايد بعضنا نوصل لرفعة ورقى المنتدى
ودى بالظبط تبقى خطوة لينا على طريق الجنة نصل فى النهاية ليها
حتى بعملنا على تيفا

بشكر كل من قدم رأى
لكن فى النهاية احنا زى ما قولت أسرة واحدة يبقى لازم نستنى لما باقى المشرفين اللى فى وجهة نظرى هما فطاحل المنتدى
زى سيادة المدير العام ونائبه والمشرفون والشخصيات الهامة يشاركو ويقولو آرائهم وبعدين نختار الأفضل

يااخونا جوايا سؤال كنت مستنى اقوله فى الاخر هو اللى دفعنى
انى اقول شئ يغيظ

السؤال هوا

هو تيفا دا موقعه فين على الطريق اللى مودى للجنة ؟؟؟؟؟؟؟؟؟؟

ياترى قريب اوى
ولا لسه فى بداية الطريق
ولا فى الوسط
ولا فين
ولا تاه ودخل فى طريق فرعى

لازم نخلى بالنا ان موقعه على الطريق اللى مودى الى الجنة دا احنا اللى حددناه واحنا اللى مسؤلين أمام الله

يارب تكون الرسالة وضحت
شكرا
سبيل الحياة