البوست ده انا مشفتوش ازاى قبل كده

لا بجد جواه حوار مثرى

نهايه الرئيس هل بالخلع ولا بالتعظيم


ناس كتيره قارنت خروج الملك فاروق اللى اتعمله خروج مهيب بخروج مبارك ومحاكمته

ناس تانى قالت فاروق كان اكثر فساد من مبارك ولكن لم يخرج مثلما خرج مبارك

وكان الرد عليهم بان فاروق لم يجلس فى قصره 18 يوم والناس بتموت بره وانما اختار التنحى من اول يوم

فاروق لم يجهز ثوره مضاده او يهرب امواله للخارج

فاروق لم يخرج ويقول انه "طلب من الحكومه تقديم استقالتها" ولكنه كان يقيل الحكومات ارضاء للشعب

فاروق لم يعطى تعليمات للجيش المصرى (باعتراف قادته) بانه صدرت الاوامر لهم لسحق التحرير ولكنه تم رفض تنفيذها

فاروق لم يترك معاونيه يجهزوا لمصطفى محمود (العبيطه) وما تلاها من موقعه الجمل

فاروق لم يوجه اجهزه الاعلام لاظهار الثوره على انها مؤامره خارجيه

يتكلم اخر ويقول طب ما الراجل قعد 10 سنين كويس مش نفتكره الحاجه الكويسه

طب ممكن حد يقولى ما الحكم اللى المفروض المحكمه تقوله على واحد قعد 100 سنه فى الجامع يحسن للناس وجه فى السنه ال 101 وقتل واحد !!!!!!

احنا والحمد لله فى عهد الرئيس السابق لم ارى مصانع ثقيله او تصدير لمنتجات استراتيجيه

انما رايت مصانع شيبسى ولبان وبلاستيك 6 اكتوبر مليانه بيهم

وبرضه لقيت ترعه السلام وتوشكى المشروعين العظيمين اللى لغايه دلوقتى وبعد 20 سنه مش لاقيلهم اى 30 لازمه

وبرضه شفت الكبارى اللى ملت القاهره واللى كانت بتتبنى عمال على بطال

بسمع واحد يقلى المترو انت نسيت المترو والمحمول اقله يا سيدى الكريم عندما تقارن مستوى اداء دوله قارنه بدوله مشابهه لها فى الظروف واحنا والحمد لله احنا كل الدول الناميه عندها مترو انضف مننا واسرع مننا ومفيهوش اهدار مال عام زى عندنا

وللحديث بقيه

يسلم تمك -

بحب فيك دماغك العالية - ردودك الجامدة دى كانت هتعطى للموضوع رونق تانى

مساء الفٍل يا عم ماندوز