بحبك , تقدر , عليه , نعد

بحبك .. وعد تقدر عليه ؟!

لمن يجرؤ فقط , تحدى لكل القوانين , تحدى لكل الاوضاع الغلط والظواهر اللى مش
راضيين عنها , تحدى للخجل , تحدى للجبن , رافعين شعار مش هنخاف مش هنطاطى
, إحنا كرهنا الصوت الواطى , فى محاولة لجعل الموضوعات أكثر فاعلية .






ملحوظة :

قد يحتوى الموضوع على كلمات خارجة ليس الغرض خدش الحياء ولكن لزيادة فاعلية
الموضوع الذى يشغل الجانب الأكبر من الحياة والحياء فى هذا الزمان وقد لا يحتوى
وآسف على مجمل الكلام ولكن أتمنى إثارة ضجة لهذا الموضوع الخطير والشائك .





إستكمالا للموضوعات العصرية السابقة أطرح الآن أمامكم



بحبك .. وعد تقدر عليه ؟!








الحـب أحلام على ارض خرافية
يلهينا عن الحاضر يشدنا ويجذبنا فيعجبنا جبروته ,
بالحب نحيا فهو الروح للجسد فلا حياة بدونه
وهو الأمل الذي يسكن أنفاسنا
ويخاطب أفكارنا ليحقق آمالنا
هو سفينة بلا شراع
تسير بنا إلى شاطئ الأمـان






الحب ليس أعمى كما نعتقد
ولكنه مصاب ببعد النظر
فهو لا يدرك الأخطاء إلا عندما يبتعد
وفى النهاية تبقى الفتاة التى أحببتها
ليس لها ماضى فقد ولدت يوم أحببتها





حلو أوى الكلام ده
كلمة بحبك دى وعد
بحبك هقدر أكمل حبنا
بحبك هقدر أتقدم لك وأخطبك
بحبك وهنقدر نتجوز
بحبك ساعدينى وخليكى جنبى
أدينى جنبك أهو
فاتت سنة واتنين وتلاتة واربعة وأنا جنبك
عملت ايه
معملتش حاجة
هنعمل ايه بقى بالحب دلوقتى
وانت لسه واقف مكانك
لا قادر تتقدملى
ولا انا قادرة اشوف حد غيرك
شكلى بقى وحش قدام اهلى
بسمع كلام زى السم
وانت مش حاسس بحاجة





تقدر تعمل حاجة
شاطرين بس نحب ونقول بنحب
نتكلم ونقول بنحب
نحب ونحب


بحبك ... وعد تقدر عليه دلوقتى
ولا هتقول لسه قدامى كام سنة

ياريت اشوف نقاش ف الموضوع دا لان بجد محتاج اشوف النقاش دا
و استفيد من خبراتكوا ؟!

رأيك انت حر فيه قد يكون صح قد يكون غلط مش مجبر انى اكون انا وانت لينا نفس الرااى مش
هفرض رأيى عليه ولا هتفرض رأيك عليا هنتناقش هتقول انت شايف الامور ازاى .. وانا شايفها
ازاى وف الاول والاخر كل الاحترام ليك ولرايك يعنى مفيش تعصب ومفيش اعتراض جامح ومفيش
كلمات جارحه .

---

fpf; >> ,u] jr]v ugdi ?! ku]

الحب قبل ما يكون بالقلب يكون بالعقل
بمعنى انى لما احب حد اشوف هو دا الشخص المناسب ولا لاا
هياخد حبنا دا محور جد ولا تسليه وتضييع وقت على ما تفرج
والمفروض ان اى حد بيحب حد حب صادق فعلاا بما يرضى الله
تكون نيته سليمه يعنى خطوبه وجواز
لان الحب بقدر ما هو مشاعر حلوة وجميله بقدر ما هو مسئوليه بردو