القسم الجديد المسلم الصغير مطلوب رأى الجميع

السلام عليكم ورحمة الله وبركاته

بالمختصر يا جماعة انا عاوز رأيكم فى القسم الجديد

لأنه انا تفكيرى انه يكون موجه للصغار او بمعنى أصح انه يكون بيخاطب من هم صغار السن

يعنى محتوى المواضيع يكون بسيط ويفضل يكون فيه صور وقليل فى المحتوى عموما يعنى

لكن طبعا كتير هيفهم انه القسم موجه للكبار فى كيفية تعليم الصغار وما إلى ذلك

انا أطلب رأيكم فيما تقتضيه الضرورة او الانفع للجميع وأى آراء او مقترحات أخرى سعيد ان أراها منكم

هل يكون القسم موجه للصغار ؟
ام يكون موجه للكبار ؟

وشكرا

---

hgrsl hg[]d] hglsgl hgwydv l'g,f vHn hg[ldu

بالنسبه لموضوع قسم للاطفال

فاى سن انته هتوجه الخطاب ليه

هل من هم اقل من 10 سنوات

ام سن من 10 الى 15


لو الاول يبقى احنا بنتكلم على ناس مش هتخش المنتدى ولا هتعرف تخشه ولكن فى المقابل نستطيع ان نضع مواضيع لاخواتهم او ابائهم وممكن افلام كرتون اسلاميه اللى هيا بتعلم الطفل اصول دينه الصحيحه وهنا هيكون حديثك للكبار وكيفيه تعليم الطفل وليس الى الطفل نفسه اللهم الا فى الكرتون


اما لو كان الثانى فهنا بنتكلم على مرحله عمريه بيبدا تفكير الانسان فى التكون يعنى ممكن تقولوا عليها فتره التعلم وفيها بيترسخ فى دماغ الشخص افكار هي اللى بتتحكم فيه فى فتره مراهقته اللى هيا من( 15 الى 20 ) فهنا لو هيبقى الخطاب اليه يبقى المواضيع عتكون عن تعليم الفكر الاسلامى الصحيح الذى يجب ان يسير عليه حتى لا يخرج عن الصراط المستقيم وبالمناسبه اجد ان من الظاهر لى ان هناك اعضاء فى مثل هذا السن فى منتدانا وبالتالى سيصبح الامر اكثر افاده

ان شاء الله فى الاجازه نفسى يتعمل قسم جديد لاصعب فتره عمريه (15 - 20) وعارف ان الموضوع صعب او اشبه بالمستحيل كمان فى تغيير فكر الشباب فى تلك الفتره العمريه وزرع افكار جديده بداخله عوضا عن ما زرع فيه من قبل ويزرع فوقه حاليا طبعا بما تعرض الفضائيات الى اصدقاء السوء

المهم

ربنا يكرم ونشوف رائ باقى المشرفين وافكارهم

وربنا يهدينا جميع الى ما هوا فيه صلاح لنا فى الدنيا والاخره

أولا شكرا يا ماندوز على رأيك

ماندوز شايف ان الافيد انه يكون للكبار ,, ممم طيب نشوف رأى الجماعة

انا وصلنى رأى الاخت hagar طبعا لو القسم هيخاطب صغار السن نصه كالتالى

السلام عليكم ورحمه الله وبركاته

اولا :انا حابه اشكر حضرتك على المنتدى الرائع
ثانيا: حابه برضه اهنيك واشكرك على القسم الخاص بالمسلم الصغير
بس انا كان عندى اقتراح
ليه متنشئوش توبك داخل المسلم الصغير على اساس ان اى حد من الصغيرين على حد تسميتكم ليهم يدخل فيه ويسئل السؤال اللى هو عايزه فى اى حكم من احكام الدين وحد يجاوب على سؤاله
لانكم بسم الله ما شاء الله بدأتوا بوضع مواضيع رائعه
فطبيعى انه لما يقرأ معلومه جديده من خلال المواضيع المتاحه انه يجى فى دماغه سؤال فى موضوع مشابه ليه او فى نفس الموضوع
او مثلا عمل حاجه وعايز يعرف الحاجه دى صح ولا غلط سنه ولا فرض ولا ايه بالضبط
وشكرا لكم

السؤال اللى هو عايزه فى اى حكم من احكام الدين وحد يجاوب على سؤاله

توقفت كثيرا امام تلك النقطه

هل نحن قادرين على اعطاء احكام دينيه ؟

ابسط اكتر

اى سؤال هيطرح اللى هيعمل حد من الناس اللى هترد انها هتخش على اى موقع اسلامى زى اسلام اون لاين وتشوف الحكم الدينى ولكن ما الذى يجعلنا نثق فى هذا الحكم لكى نعطيه للاخرين نعم قد نقراه لنفسنا ولكن لا نعطيه للاخرين لان لو عاد ضرر عليهم سيعود علينا ولكن اذا جعلت الحكم لنفسى فلست بضار احد غيرها

البعض قد يقول ان الصغار لا يعلموا المواقع الدينيه ونساعدهم

ارد واقول يجب ان نعلم اطفالنا ان يبتعدوا عن الانترنت عند الحديث فى امور الاحكام الدينيه او العقيده

لان من وجد اليوم حكم بسماحيه شئ ما سنجد غدا فتوى بتحريمه وكله على صفحات النت

فنصيحه ابتعدوا عن النت فى موضوع الاحكام ويجب ان نزرع فى اطفالنا الابتاعد عنه عند البحث فى امر يخص الدين لان هناك الكثير والكثير من المواقع والطفل لو تعلم ايجاد الاحكام بالنت سيبحث عندم يكبر ويجد مواقع اخرى تقول شئ اخر فيجى ان نجتنب هذه الفكره لان المجتمع الذى نعيشه فى خطر محدق به داخليا وخارجيا

فطبيعى انه لما يقرأ معلومه جديده من خلال المواضيع المتاحه انه يجى فى دماغه سؤال فى موضوع مشابه ليه او فى نفس الموضوع

كلام مظبوط بس هنا المفروض يروح ويسال والده او والدته او شيخ الجامع عن المعلومه دى حتى نعلمه البحث عن المعلومه

والله من كتر الآراء الحلوة الواحد مش عارف يقول حاجة

وأنا من رأيى انه يكون قسم متنوع أو يوجد بداخله قسمين

الأول لتعليم الطفل والثانى لتعليم الآباء وكبار السن كيفية الرد على أسئلة أطفالهم وتوجيههم بالإتجاه الصحيح

وفى النهاية أقول ان هذه الفكرة هى من أروع الفكر فى المنتدى

وربنا يوفقكم

انا متهيالى انك يا كراكر عاوز تخاطب من خلال القسم الاطفال الصغيرين وده من خلال الموضوعين اللى انت حاطتهم


انا من رايى ان الاطفال اهتمامتهم بالنسبة لعالم الكومبيوتر والنت

غالبا هيكون الجيمز او افلام الكرتون

الطفل ده بيكون نتيجة لتكوين وطبيعة المجتمع اللى حواليه

بمعنى انه من الافضل وده من رايى

ان القسم يكون للكبار فى كيفية تعليم الصغار اسلامهم بطرق بسيطة

لانى اعتقد مش لمجرد ان الطفل هيقرأ فى موضوع عن الصلاة هيروح يصلى

بل لازم والده او والدته شايفهم يصلوا ادامه هو هيقلدهم وهم اللى يعلموه

لانى من رايى ان هو لو اتعلم من على النت ساعتها ممكن تفقد حلقة الوصل اللى يجب ان تكون بين الاب والام وابنهما ده لو افتراض ان الولد نابغة ومش كل اهتمامه الجيمز


وكمان مش كل حاجة فى الدين للكبار على النت بتكون صح
فما بالك للصغار

السؤال اللى هو عايزه فى اى حكم من احكام الدين وحد يجاوب على سؤاله

هى ممكن تكون قصدها فى الحاجات البسيطة يا ماندوز والله اعلم

يعنى مثلا اما الطفل يسأل انا كنت صايم فى رمضان واكلت قبل المغرب يبقى انا كده خسرت اليوم

لان مش معقولة طفل هيجى يسأل مثلا فى حكم الطلاق مثلا


انا حبيت اوضحلك ان هى ممكن تكون قصدها كده

وطبعا انت عارف انى انا من المعارضين من الاخذ باى احكام او فتاوى دينية من على النت لاسباب ذكرتها كتير على المنتدى

بس لو جالى طفل وسالنى السؤال بتاع الصيام هقدر اجاوبه

وان كان من بابا اولى زى ما انت قلت يسأل والده او والدته


الخلاصة من الموضوع انا رايى ان القسم يوجه للكبار لتعليم الصغار اسلامهم مع الاحتفاظ بالطريقة المبسطة

ايوه فعلا يا مندوز انا قصدى الحجات الصغيرة اللى ممكن احنا نفيد السائل فيها مش المسائل المعضله
بس لو حكايه انه يسأل والده او ولدته بصراحه مجتش فى بالى وانا بكتب الرأى بس طبعا ده مهم
وعن رأى فجر انه يكون للكبار بس انا شايفه ان الصغيرين متعلقين اوى بالنت والكمبيوتر فلو قرأ موضوع وسمع عن حاجه اسمها الصلاه وراح وسال والده او ولدته سعتها نكون اديناله فكرة مبدئيه (ودى مجرد وجهة نظر)

انا متهيالى انك يا كراكر عاوز تخاطب من خلال القسم الاطفال الصغيرين وده من خلال الموضوعين اللى انت حاطتهم


انا من رايى ان الاطفال اهتمامتهم بالنسبة لعالم الكومبيوتر والنت

غالبا هيكون الجيمز او افلام الكرتون

الطفل ده بيكون نتيجة لتكوين وطبيعة المجتمع اللى حواليه

بمعنى انه من الافضل وده من رايى

ان القسم يكون للكبار فى كيفية تعليم الصغار اسلامهم بطرق بسيطة

لانى اعتقد مش لمجرد ان الطفل هيقرأ فى موضوع عن الصلاة هيروح يصلى

بل لازم والده او والدته شايفهم يصلوا ادامه هو هيقلدهم وهم اللى يعلموه

لانى من رايى ان هو لو اتعلم من على النت ساعتها ممكن تفقد حلقة الوصل اللى يجب ان تكون بين الاب والام وابنهما ده لو افتراض ان الولد نابغة ومش كل اهتمامه الجيمز


وكمان مش كل حاجة فى الدين للكبار على النت بتكون صح
فما بالك للصغار

اقتباس:
السؤال اللى هو عايزه فى اى حكم من احكام الدين وحد يجاوب على سؤاله


هى ممكن تكون قصدها فى الحاجات البسيطة يا ماندوز والله اعلم

يعنى مثلا اما الطفل يسأل انا كنت صايم فى رمضان واكلت قبل المغرب يبقى انا كده خسرت اليوم

لان مش معقولة طفل هيجى يسأل مثلا فى حكم الطلاق مثلا


انا حبيت اوضحلك ان هى ممكن تكون قصدها كده

وطبعا انت عارف انى انا من المعارضين من الاخذ باى احكام او فتاوى دينية من على النت لاسباب ذكرتها كتير على المنتدى

بس لو جالى طفل وسالنى السؤال بتاع الصيام هقدر اجاوبه

وان كان من بابا اولى زى ما انت قلت يسأل والده او والدته


الخلاصة من الموضوع انا رايى ان القسم يوجه للكبار لتعليم الصغار اسلامهم مع الاحتفاظ بالطريقة المبسطة

بارك الله فيكى وفى رايك المميز

فى انتظار اراء باقى اخواننا الاعضاء واقتراحتهم

ايوه فعلا يا مندوز انا قصدى الحجات الصغيرة اللى ممكن احنا نفيد السائل فيها مش المسائل المعضله
بس لو حكايه انه يسأل والده او ولدته بصراحه مجتش فى بالى وانا بكتب الرأى بس طبعا ده مهم

احيكى على المداخله الاولى التى بعثتيها لكراكر

اما بخصوص المداخله الثانيه ورائ فجر المماثل لرايك فالرد هوا سؤالى

تعريف كلمه صغير

هل من 10 الى 15 ولا اقل ولا اعلى ؟

لازم نشو ف مين اللى ممكن يخش على النت والطبقه اللى هوجه الكلام لهم


لو واحد قال مثلا انا صليت العصر وبعدين افتكرت انى صليت الضهر وصليته بعد العصر هل اعيد صلاه العصر ولالا لاه ؟؟؟؟؟

دى حاجه مشابهه ممكن حد من سن 15 يسالها وهنا مش هقدر اديله رايئ نهائى لانه امر مختلف عليه وهكذا

السلام عليكم

اولا احب احيك يا اخ محمد على الموضوع الجامد ده

ثانيا ومن الاخر انت لازم تعكل الموضع للناس الى هتعرف تشوفه

يعنى الصغار مش هتخش على النت ولو دخلت مش هتخش منتديات زى كده

فانا شايف

تعمل كل حاجه عاوز تعلمها للصغار بس تكلم فيها الكبار

يعنى

تعرف الكبار يقولولوا ايه للصغيرين

وازاى يعلموهم صح وطريقه تعليمهم واقاء النصح للصغار وكده

يارب اكون افدتك براى

شكرا على الموضوع الجامد ده

انا شايفه ان المسلم الصغير مش الصغير بسنه ولاكن ممكن نخليه قسم لتبسيط المعلومات للجميع
واتناولها بشكل بسيط لان الواحد مش ممكن يكون عارف كل حاجه عن تعاليم دينه فيفيد كل مننا الاخر بشكل بسيط

السلام عليكم

اولا احب احيك يا اخ محمد على الموضوع الجامد ده

ثانيا ومن الاخر انت لازم تعكل الموضع للناس الى هتعرف تشوفه

يعنى الصغار مش هتخش على النت ولو دخلت مش هتخش منتديات زى كده

فانا شايف

تعمل كل حاجه عاوز تعلمها للصغار بس تكلم فيها الكبار

يعنى

تعرف الكبار يقولولوا ايه للصغيرين

وازاى يعلموهم صح وطريقه تعليمهم واقاء النصح للصغار وكده

متفق معك تماما فى رايك المحترم

انا شايفه ان المسلم الصغير مش الصغير بسنه ولاكن ممكن نخليه قسم لتبسيط المعلومات للجميع

الله اكبر

ما شاء الله على تفكيرك اوجزتى بجمله كلام كتير يدور بداخلى وخشيت ان اذكره حتى لا يساء الظن فيما ارمى اليه كالعاده .........

المشكله تكمن فى هل نستطيع ان نقنع من هم كبار فى السن وصغار فى الدين بالفكر الاسلامى ام سيكون لهم الافضل ان يحصلوا على المعلومه من الشيوخ الافاضل

السلام عليكم ورحمة الله بركاته

اولا احب اهني المنتدي علي القسم الجديد ده
والاراء كلها بصراحة حلوة جدا

ومن رأي ان القسم ده قبل ما يكون موجه للمسلم الصغير فهو موجه للكبير كمان
لأن للاسف فيه كبار بس ميعرفوش اقل حاجه في تعاليم دينا او احكامه
واحنا ممكن من خلال القسم ده نوضوح فيه هذه التعاليم وبالتالي هتفيد الكبير ومنه يوصل المعلومة للصغير

اما بقي في حكاية السن زي ما مندوز سأل

هل من هم اقل من 10 سنوات

ام سن من 10 الى 15

معتقدش ان هيبقي موجود اطفال اقل من 10 سنوات ولو وجد بنسبة قليلة زي ما الاخوة وضحوا وفجر اكيد هيسلكوا مسار
غير انهم يفتحوا منتديات وكده لو يعرفوها اصلا
فبالتالي هيكون اتجاهنا موجه اكتر للاطفال من فوق سن 10 سنوات

وربنا يبارك بقي ونقدر نوصل ولو حاجة بسيطة

أنا أول ما شفت القسم ده مجاش فى دماغى حتة السن 10و15 ولا حتى 20
أنا قرأت الكلمة كلها على بعضها ومحاولتش أجزأها
المسلم الصغير ده إعتبرته أنا

أيوه أنا

بمعنى إن فيه ناس كتير بعاد عن ربنا وناس ميعرفوش الصلاة والسنة قبل وبعد
وحاجات كتير بنشوف ناس بتعملها

زى مثلا الإمام يسلم فيه ناس بتسلم وبعض الأشخاص بيفضلو شوية وبعدين يسلموا
فأنا فهمت لما شفت إسم القسم إن المسلم الصغير = ترسيخ أساسيات الدين الإسلامى لدى الكبير ان المفروض يكون عارفها وهو زوغير

فتره عمريه (15 - 20)

بتهيألى القسم ده هيكون فعلا أشبه بالمستحيل لأن معظم أعضاء المنتدى فى هذه الفترة إلا إذا عملتم للقسم باسورد ويتوزع على جميع الأعضاء الأكبر من 20 أو يكتب إعلان ف المنتدى بعدم دخول أقل من 20 سنة عشان الموضوعات تكون حسب رؤية الأعلى من عشرين

المشاركة الأصلية كتبت بواسطة mandozzz

المشكله تكمن فى هل نستطيع ان نقنع من هم كبار فى السن وصغار فى الدين بالفكر الاسلامى ام سيكون لهم الافضل ان يحصلوا على المعلومه من الشيوخ الافاضل

مكن يكون القسم لتمهيد المعلومات فى الاول ولوحده هيحب الدين وهيدور على الشيوخ الكبار ويسمع ليهم يبقى حط رجله على اول الطريق الصح

هو بغض النظر عن المسئله السنيه سواء 20 او اقل من كده او اكتر

فى رايى
ان القسم يكون موجه للكل
لكن باسلوب سهل مبسط مشوق يضمن للصغير الكبير القرأه والفهم السريع
يعنى موجهه لجميع الاعمار والعقول
لان فيه شباب كتير وسنها مش صغير ومدمنه قرأه قصص الاطفال والمغامرات
يعنى مش المشكله فى السن على ما اظن
شكرا ويب على فكرتك الجميله وتوكل على الله
جازاك الله خيرا

انا رايي من راي الجوكر

لازم نكلم الكبار عشان اكيد الصغيرين كلام هيبقي كبير عليهم

واكيد مش هيدخلو ع المنتدي يعني

كلام جميل

ان القسم يكون موجه للكل
لكن باسلوب سهل مبسط مشوق يضمن للصغير الكبير القرأه والفهم السريع
يعنى موجهه لجميع الاعمار والعقول
لان فيه شباب كتير وسنها مش صغير ومدمنه قرأه قصص الاطفال والمغامرات
يعنى مش المشكله فى السن على ما اظن

ياريت يا احمد تيجى على قرايه قصص الاطفال

المشكله مش فى قراءه قصه اطفال وانما التفكير بعقول الاطفال فى التعامل مع المواقف

روح كلم نسبه كبيره من الشباب وقله ان الاغانى حرام وان تامر وحماقى واليسا واخوانهم هيرموك فى جهنم بكل ثانيه بتسمع لكلمات الشيطان اللى بيلقوها والشكل ال...... اللى بيظهروا بيه وناس للاسف بتقلدهم

شوف رد فعله على كلامك علشان تعرف ان المشكله مشكله فكر

بكررهالك تانى ياريت يكون الفكر مقتصر على قراءه قصص الاطفال

بسم الله ماشاء الله , , , عقول نيره وأفكار جميلة جدا وتفكير سليم

كل واحد قال اللى يجول فى ذهنه وكلكم صح

وعلى ذلك وبالمختصر المفيد انا شايف ان الرأى الغالب هوا ان يكون القسم غير موجه للصغار فقط مباشرة ويجب ان يكون موجه للجميع وذلك لأسباب انتم ذكرتموها وعليه سيكون الرأى الغالب هو

ان القسم يكون موجه للكل
لكن باسلوب سهل مبسط مشوق يضمن للصغير الكبير القرأه والفهم السريع
يعنى موجهه لجميع الاعمار والعقول
لان فيه شباب كتير وسنها مش صغير ومدمنه قرأه قصص الاطفال والمغامرات
يعنى مش المشكله فى السن على ما اظن

وبحترم رأى احمد لايت فى انه حس انه هوا المقصود بالمسلم الصغير وفعلا هوا المسلم الصغير مش بالسن يعنى مش الصغيرين وبس
احنا كمان المقصود بينا المسلم الصغير سواء كنا طلبة او خريجين او حتى بنشتغل


وكل الآراء بصراحة مفيدة جدا وأوضحتلى الصورة اللى كنت عاوزها وفعلا ما خاب من استشار

وشاكر لكم رأيكم جميعا جزاكم الله خيرا . .