الأكسبلورر ادة الفاير فوكس علقة

انترنت اكسبلورر

هو الافضل والاسهل

مع انى ساعات بشتغل على التانى

صور عجيبة :

ممتاز وبارك الله فيك

صراحة هاي اول مشاركة الي وللصراحة اكتر انا ماجربت لسه الفايرفوكس

بس عندي سؤال ياريت احد يجاوبني عليه

هل لازم اشيل المتصفح القديم الي عندي عشان اقدر اجرب الفاير مثلا ؟؟؟؟؟؟؟؟
معلش لو سؤال فيه شي غلط العفو منكم لسه شوي غشيم

هل لازم اشيل المتصفح القديم الي عندي عشان اقدر اجرب الفاير مثلا ؟؟؟؟؟؟؟؟

لا مش لازم تشيل اى متصفح آخر . . . يعنى على سبيل المثال انا مصطب عندى فيرفوكس وطبعا الاكسبلورر شغال
وأخويا الصغير عادل مصطب متصفح تالت وهو Maxthon

أنا من مؤيدي الفايرفوكس

متصفح رائع جدا جدا جدا

و سريع جدا جدا

يعني انا مع أخويا و حبيبي ويب كراكر

فيرفوكس يا بلاااااش أى متصفح نيلة ما ينفعناش

The Matrix

كده يا ماتريكس يخونك العيش والبتنجان اللى انا مش بحبه


المهم

رغم كل كلامكم

النتيجه واضحه


20/10


هل من مزيد


بس هقلكم حاجه

كتير من المتصفحين ممكن يكونوا مبتدئين فالطبيعى انهم ميعرفوش اساسا الفير فوكس وبكده مش قدامهم غير الانترنت اكسبلور

فهو المفضل لديهم

زى لو نزلت فى الشارع وقلت الويندوز احسن ولا الليونكس

ناس هتقلك مين الليونكس

والباقى هيقلك ويندوز طبعا

فى حين تجد مستخدمى الليونكس متعصبين ليه وتتكلم معاهم تحس ان الويندوز ده حاجه زباله مقارنه بيه

على فكره سمعت ان فى الاماكن المهمه بيستخدموا الليونكس لان ثغراته اقل

فعلا يا ماندوز

ثغرات اللينوكس قليلة جدا و مميزاته عالية بس مين اللي يستخدم بقي

بس ضمن عيوبة انه مش متوفر له برامج زي الأخ ويندوز كدا و لو حصل و لقيت برامج ليه الكل هيستخدمه طبعا

و اصبح دلوقتي جميع الشركات الاجنبية في مصر او صاحبة الادارة الاجنبية كلها شغالة باللينوكس

فاير فوكس .. أسرع في التحميل وفتح المواقع

السلام عليكم ورحمه الله وبركاته
والله يا جماعه انا هقول الصراحه والصراحه راحه
انا عن نفسى بحب استخدم الفيرفوكس جدا ودا لأنى خدت عليه فى الشغل
بس دا ميمنعش ان الأنترنت اكسبلورر بإصداره الجديد جميل
بس الموضوع عمليه راحه نفسيه
ودا كان رأى الشخصى المتواضع
أما بقى عن الإحصائيات العالميه انا حبيت بس اوريهالكو

وهى كاتاتى .....

لاحظوا لعام 2007 ؟












اليكم موقع الاحصائيات العالمي والمعتمد رسمياً وتفاصيل التفوق بداخل الموقع


إضغط هنا علشان تتاكد من الموقع علشان متقولوش انى بألف لسمح الله


https://internet-browser-review.toptenreviews.com/


بس عاوز اقولكوا حاجه مفيش متصفح خالى من العيوب ودا رأى الشخصى





كثرة برامج تصفح الانترنت تثير حيرة المستخدمين
والخبراء يؤكدون ان الاوبرا هو الرقم واحد عالمي


يارب أكون رديت الرد المقنع
ومطولتش عليكو
بس فى النهايه عاوز اقول ان انا من محبى الفايرفوكس يعنى انا مع كراكر بس دا رأى اوعى تزعل يا ماندوز

انا راى ان الاتنين حلوين
احيانا يكون واحد اسرع واحيانا العكس
حسب الموقع المتصفح

انا عن نفسي بفضل Internet Explorer لاني استعملت الاتنين ومرتحتش غير مع ده

هو الفاير فوكس سلس ولذيذ وسريع وما لاحظتش فيه مشاكل انما باحس انه مش آمن


ولأن الأمان عندى رقم واحد فأنا بفضل الاكسبلورر على الرغم من انى بحسه بطىء ومش قادر أعرف ايه السبب

يمكن علشان عنده وساوس ان فيه هاكر وفيروسات فى كل حته فبياخد احتياطه زيادة عن اللزوم

ولأن كمان فى الاكسبلورر بتزيد أوى حكاية not responding ودى بتضيع وقت

فمتصفحى المفضل هو








.
.
.
سؤال صعب

هخشللك بمتصفح جديد ههههههههههههه
انا طبعا الفاير فوكس لاغني عنه
بس لظروف النتيجه وانتا عارف مينفعش تيجي من الفاير فوكس
تم استخدام متصفح ماكستون maxton
جامد جدا علي فكره هوا اصلا نسخه من الأكسبلورر بس رائع ومميزات جامده

الفير فوكس طبعا جميل جدااااا

ياجماعه الفير فوكس نمره واحد بلا منازع تعرفو ليه انا جربته على أكتر من منصه تشغيل يعنى الويندوز والماك واللينكس واليونكس وحتى الموبايل إن82 كان كويس وخفيف جدا وكمان بيتيح لك انه يتشكل على حسب نظام التشغيل او المنصه الموجوده فيه وحاجه تانيه جامده موت فرضنا مثلا ان الرامات الى عندك إس دى رام 128 هتلاقى الفير فوكس هياخد منها 10% بس ليه ويشتغل عليهم ويظبط نفسه ويخلى الجهاز ميهنجش تعالو بقى للإكسبلورر لو شغلته أكتر من صفحه هتلاقيه يعلق الجهاز وآه لو فيه تطبيقات جافا موجوده فى المتصفح هتلاقيه يموت الجهاز وكمان مرتبط جدا بالإكسبلورر الخاص بالويندوز مش شكل الفير فوكس لان الفيرفوكس شغال على منصه خاصه بيه اى برنامج مستقل بذاته بعيدا عن مصادر وإمكانيات نظام التشغيل وكده يكون أحسن وحاجه تانيه تعالو مثلا الكهرباء قطعت وانته بتكتب موضوع او حتى وانته بتتصفح النت على الفيرفوكس لما تشغله تانى هتلاقه يوديك لآخر حاجه انته كنت عليها إنما إنترنيت إكسبلورر إبقى قابلنى عاوز برامج مساعده وكله ثغرت وقرف إنما فيرفوكس انته ممكن تطوره بيديك وتظبطه وتخليه تمام وفيه إمكانيات حفظ الملفات أو ما يسمى التاج بالنسبه للصفحات على سيرفر خاص بيه وليه بلاج إنس كتير جدا خلاف الإكسبلورر العقيم الى مش فيه اى حريه فيرفوكس سريع سريع إنما إنترنيت إكسبلورر بطئ نمله لا النمله أسرع منه دا زحلفه
أنا أفضل على الويندوز
فيرفوكس ومتصفح سفارى وكمان المتصفح الخاص بجوجل لما أدخل على حسابى فى جوجل وأشتغل عليه
اللينكس فيرفوكس وأوبرا
اليونكس فيرفوكس
ماك جير أكس فيرفوكس أبرا وسفارى
نظام سيمبيون فيرفوكس لسبب إن النظام لا يدعم غير الفير فوكس
ويندوز موبايل فيرفوكس وسفارى عشان الكاش الخاص بالجهاز قليل جدا وسريع التهنيج مع الإكسبلورر الخاص بالنظام
المهم تلاحظ ان الفيرفوكس صديق لا غنى عنه على كافه منصات العمل

بصراحه اللي اتعامل مع الفايرفوكس وشاف امكانياته وحلاوته هاعيرف ان الاكسبلورر ده راح خلاص وراحت ايامه