اناعارفه انك زعلان جدا عشان مش سالتك بقالي كام يوم وانا طبعا مقدرش علي زعلك فقلت ادخل اسالك كام سؤال علي السريع كدا

بس جاوب من غير دبلوماسيه ومن غير عند عشان اعرف افهم شخصيتك

من اول الاسئله مش ادتنا عقاد نافع


1- ماهي هوايتك المفضله؟

2- من هم اقرب اعضاء اليك؟

3-- تجربه مريت بيها في الحياه واستفدت منها؟

4- يوم من اجمل الايام اللي مريت بيها؟

5- اجمل سن بتحبه؟ واجمل ما يميز هذا السن؟

6-هل شخصيتك فيالمنتدي نفس شخصيتك خارج المنتدي؟

7-اخر هديه جاتلك كانت من مين وبمناسبه ايه؟

8- توتاااا كانت واحده من تلاته كنت عايز النت يقطع عندهم لحد الموضوع يخلص مين الاتنين الباقيين؟

9- اجمل بلد سافرت ليها؟

10- لو في فرصه انك تسافر للخارج اي بلد تحب تسافر ليها؟

11- ايه احلي كلمه سمعتها من الناس عنك؟

12- تلاحظ ان عدد من الافراد اختفوا من المنتدي ماذا تقول لهم؟

13- كل واحد فينا طبعا لازم هيتجوز .. في اي سن تفكر بالزواج ؟ وماالسن المناسب للطرفين من وجهه نظرك؟

14- ماذا تعني لك الصداقه عبر النت؟

15- ماهي اللغات اللي تجيدها؟

16- ليه بتحب الغموض؟

ان شاء الله هاجي تاني ممكن كمان ربع ساعه كدا

1- ماهي هوايتك المفضله؟

كانت القراءه فى الكتب والان القراءه عبر النت

2- من هم اقرب اعضاء اليك؟

ياااااااه دانتى عايزه لسته كبيره اوى

3-- تجربه مريت بيها في الحياه واستفدت منها؟

................................

4- يوم من اجمل الايام اللي مريت بيها؟

اكيد يوم فى شهر فى سنه

5- اجمل سن بتحبه؟ واجمل ما يميز هذا السن؟

الثانويه العامه كنت شاطر وصايع فى نفس الوقت اروح الدرس ومنا خارج اعد العب بلاى ستيشن كان لسه طالع

6-هل شخصيتك فيالمنتدي نفس شخصيتك خارج المنتدي؟

تقريبا هيا هيا

7-اخر هديه جاتلك كانت من مين وبمناسبه ايه؟

مممممممممم كانت كارت موبايل فى عيد ميلادى

8- توتاااا كانت واحده من تلاته كنت عايز النت يقطع عندهم لحد الموضوع يخلص مين الاتنين الباقيين؟

بنت وولد واترككم للتفكير

9- اجمل بلد سافرت ليها؟

مصر

10- لو في فرصه انك تسافر للخارج اي بلد تحب تسافر ليها؟

هوا ربنا يكرم فى احتماليه كبيره لاحدى 3 دول اطاليا واسبانيا والمانيا لمده صغيره كده تبع الشغل

فانا الاحسن اطاليا لانهم قريبين مننا

11- ايه احلي كلمه سمعتها من الناس عنك؟

مش بسمعهم يقولوا حاجه حلوه عليا ودى ميزه على فكره

لكن بالنسبه لسؤالك انا مش بحب اسمع حد يقول حاجه حلوه عندى

اللى يهمنى ان فى غير وجودى يكونوا فعلا واخدين فكره حلوه عنى

12- تلاحظ ان عدد من الافراد اختفوا من المنتدي ماذا تقول لهم؟

خساره اننا افتقدنا اخوات لينا متميزين زيكم ومش هفقد الامل فى عودتكم فى يوم من الايام وتحكولنا اللى حصل

وبالمناسبه انا بتمنى بصراحه عوده عضوين يمكن ناس هنا ميعرفهمش بس بجد الشخصيتين دول من اجمل الشخصيات اللى ممكن الانسان يتعرف عليها وهما هيروشيما وتوتا

13- كل واحد فينا طبعا لازم هيتجوز .. في اي سن تفكر بالزواج ؟ وماالسن المناسب للطرفين من وجهه نظرك؟

والله الجواز ده يكون لما الاول الواحد يلاقى الانسانه اللى تناسبه وبعدين السن مش فارق خالص مدام الواحد شغال وبيصرف على نفسه ويقدر يفتح بيت يعنى غير كده مفيش عامل يأثر لا سن ولا ظروف

14- ماذا تعني لك الصداقه عبر النت؟

عوضتنى عن اصدقاء الواقع الذين ابتعدوا لظروف عملهم

وعلى فكره طبعا كلنا فاهمين الفرق بين علاقات الهاى والباى وبين الكلام المحترم وحتى الكلام المحترم معرضين للخداع فيه

فهيا مخاطره ولكن الاختيار المناسب تجعل النتيجه ممتازه

والحمد لله النت عرفنى على شخصيات بجد احمد الله انى اخ لهم

15- ماهي اللغات اللي تجيدها؟

العربى والعنجليزى

16- ليه بتحب الغموض؟

على فكره اسالى اللى يعرفنى علشان تعرفى اجابه سؤالك ولو لاحظتى ولا واحد منهم استجرى يخش حتى الموضوع ده لانهم ببساطه معندهمش حاجه عايزين يعرفوها


طبعا اوعى حد فيكم وانتوا عارفين نفسكم يعاند ويخش يرخم

1-ماهي المساحة التي تسمح فيها بالتدخل في حياتك ؟

2- حكمه تؤمن بها وترددها كثيراً ؟

3- حــــــــــلم واحد فقط نفسك يتحقق حتى ولوكان مستحيــــــــــــــــــل ... تتمني يكون هذا الحلم ايه ؟؟؟

4- كلمه او حكمه او بيت شعر تعبر عن شخصيه مندوز؟

5- اقرب اعضاء ليك "عايزة تلات اسماء بس" مش عايزة الليسته بتاعتك؟؟؟

6- احكيلنا علي تجربه مريت بيها في حياتك واستفدت منها؟

7- وقولي الاتنين الباقيين اللي مش عايزهم يدخلوا ؟

8- لـو طُـلـب مـنـك عـمـل (اسـتـبـيـان) لأخـذ رأي الـشـعـب فـي خـمـسـة أمـور عـاجـلـة!
مـاهـي هـذه الأمـور الـتـي سـتـطـلـبـ أخـذ رأيـهـم فـيـهـا ولـمـاذا؟

9-لكل إنسان منا خطوط حمراء ..
فماهي الخطوط الحمراء عند ماندوز والتي لاتسمح لأحد بتجاوزها ..؟

10- قولي ليه مش بتريحني وترد عليا باجابات واضحه؟

توضيح صغير بس" لو رديت عليا بوضوح مش هدخل اسالك تاني "

1-ماهي المساحة التي تسمح فيها بالتدخل في حياتك ؟

9-لكل إنسان منا خطوط حمراء ..
فماهي الخطوط الحمراء عند ماندوز والتي لاتسمح لأحد بتجاوزها ..؟

تقريبا السؤلين نفس المعنى والاجابه بسيطه اسمح للجميع بمعرفه كل شئ ولكن ان تحفظه على زكر شئ فاكيد ان ده خط احمر وقليلون من يعبرونه وعلى فكره لا يوجدد خط احمر واحد ولكن مجموعه من الخطوط ومش لازم اللى عدى واحد منهم انه معدى الباقى وهكذا

2- حكمه تؤمن بها وترددها كثيراً ؟

.
.

3- حــــــــــلم واحد فقط نفسك يتحقق حتى ولوكان مستحيــــــــــــــــــل ... تتمني يكون هذا الحلم ايه ؟؟؟

زماااااااااااااااااااان زكرته فوق القمر مع النصف الاخر وباصين على الارض من هناك ونرى روعه خلق الحالق سبحانه وتعالى

4- كلمه او حكمه او بيت شعر تعبر عن شخصيه مندوز؟

اذا اردت الاقتراب فلا تلومن الا نفسك

5- اقرب اعضاء ليك "عايزة تلات اسماء بس" مش عايزة الليسته بتاعتك؟؟؟

كراكر

عاشق الجنه

............

التالت ناس كتير اوىىىىىىىىىىىىىىىىىى

6- احكيلنا علي تجربه مريت بيها في حياتك واستفدت منها؟

اظن السؤال ده حطيت ........ يعنى مش فاكر او مش فى دماغى اجابه

7- وقولي الاتنين الباقيين اللي مش عايزهم يدخلوا ؟

قلت سابقا سايبها لتفكيركم ولو عيزين تخشوا تكتبوا اسماء مفيش مشاكل وانا اقلكم اه ولا لاه لكن مش هقول كده علطول

8- لـو طُـلـب مـنـك عـمـل (اسـتـبـيـان) لأخـذ رأي الـشـعـب فـي خـمـسـة أمـور عـاجـلـة!
مـاهـي هـذه الأمـور الـتـي سـتـطـلـبـ أخـذ رأيـهـم فـيـهـا ولـمـاذا؟

1-تفضلون العيش بسلام وامان وتطبيع مع امريكا

2-تفضلون ان تجدوا مرتبات مجزيه واسعار معقوله مقابل التطبيع مع اسرائيل

3-تفضلون العيش فى حروب واعلان الحرب على اسرائيل ومن ورائها وتتحملوا عاقبه ذلك

4- تريدون ديموقراطيه تسمح باختراقنا من الاعداء ام ديكتاتوريه تحمى وحده الصف

5-بتشجع الاهلى ولا الزمالك











10- قولي ليه مش بتريحني وترد عليا باجابات واضحه؟

ولو لاحظتى ولا واحد منهم استجرى يخش حتى الموضوع ده لانهم ببساطه معندهمش حاجه عايزين يعرفوها


طبعا اوعى حد فيكم وانتوا عارفين نفسكم يعاند ويخش يرخم

أتهدد؟؟!!.... لم يكن بنيتى الدخول ولكن.... انت اللى جبته لنفسك

1-ما هو اجمل كتاب قرأته باستثناء القرآن الكريم
2- ما هو أجمل صوت محبب الى قلبك أيضا بعد القرآن الكريم
3- ماهى عيوب الشعب المصرى من وجهة نظرك
4- ما الذى يعرقل محاولات الأمة العربية لاسترداد كرامتها ومكانتها السابقة فى كافة المجالات
5- ما هى أهم أمانيك للعرب بوجه عام ولمصر بوجه خاص ولك انت على وجه التحديد
6- هب أنك قد منحت جائزة اختيار منصبا هاما فى الدولة ... اى منصب ستختار؟ وماذا ستضيف اليه؟
7- أى المجالات العلمية يستهويك بخلاف الهندسة؟ واذا عاد الزمن بك هل ستختاره بديلا عنها فى دراستك؟
8- صف لى بايجاز الشخصيات الاتية
الداعية عمرو خالد
الصحفى محمود سعد
الشيخ خالد الجندى
د. سعاد صالح
د. عبلة الكحلاوى
د. عادل عبد العال
الشيخ محمد متولى الشعراوى
د. محمد سيد طنطاوى
د. على جمعة
د. محمد هداية
د. مصطفى محمود
د. زغلول النجار
الصحفى وائل الابراشي
الصحفية منى الشاذلى
الصحفى مفيد فوزى
اظن كفاية شخصيات
بعد رأيك فى كل منهم.... من كان الأكثر افادة للأمة العربية؟؟؟
9- حدد أعظم 3 شخصيات قابلتها على المستوى الانسانى
10- ايهما الافضل صديق وفى أم شريكة مخلصة أم منصبا هاما؟
11- ما هى أعظم نعمة خصك الله بها؟؟ وأعظم ابتلاء ابتلاك به؟؟
12- يقال ان الشخصية هى مجموعة من الصفات التى كونها الانسان من معطيات الحياة وقد يأخذ كثير منا بعض صفاته من الحيوان
سأذكر بعض الحيوانات التى لها صفات مميزة وأترك لك اختيار الشخصية المناسبة لها من شخصيات المنتدى حسب تشابهها مع صفات ذلك الحيوان
الأسد
الثعبان
الفراشة
الثعلب
العصفور
اليمامة
الفراشة
السلحفاة
الجمل
القط
الفهد
الحصان
الزرافة

ياااااااااااا لهوي !!!!!

ماندوزز هيقعد يصف دول كلهم !!!

خلوا عندكم رحمة شوية ، الراجل مش هيقدر يا جدعااااااااان

ههههههههه

أتهدد؟؟!!.... لم يكن بنيتى الدخول ولكن.... انت اللى جبته لنفسك

اتفضلى يا ست ايناس اهم بدأو يهلوا

كله منك


اما ست الكل اميره هانم منوره

تيجى اطلبلك شاى

ولا اقلك الشاى مش من مستواكى انا بقول اطلبك ازازه سم فيران تمزمزى فيها عقبال مخلص التهمه

ومن الاول فى بعض الاسئله همتنع لانى مش هقدر ارد عليها

1-ما هو اجمل كتاب قرأته باستثناء القرآن الكريم

قصص الانبياء = انبياء الله

2- ما هو أجمل صوت محبب الى قلبك أيضا بعد القرآن الكريم

امتنع

3- ماهى عيوب الشعب المصرى من وجهة نظرك

بينسى بسرعه رهيبه

4- ما الذى يعرقل محاولات الأمة العربية لاسترداد كرامتها ومكانتها السابقة فى كافة المجالات

فى استعراض سريع للتاريخ الاسلامى بوجه عام سنجد ان الامه العربيه لا تنتفض الا عند حدوث الكوارث
متى حصلت حطين او عين جالوت الاولى كانت بعد احتلال الصليبين لجزء كبير من الاراضى الاسلاميه وهنا ظهر صلاح الدين

والثانيه جاءت عند هجوم التتار واحتلالهم ايضا لكل البلاد حتى وصلوا الى مصر

بعدها بكام سنه ظهر الانجليز والفرنساويين وهجموا واحتلوا وظهر محمد على

وومن بعده مصطفى كامل وسعد زغلول نتيججه للاحتلال

وعندما حدثت حرب 48 ظهر على اثرها الضباط الاحرار ومنها الى الثوره

وعندما احتلت اسرائيل الاراضى العربيه 67 جاءت حرب اكتوبر

وهنا توقف الزمن

اعدائنا اكتشوا ان الحروب الواسعه سيخسروا فى نهايتها سؤاء بعدت او قربت مهما حاولوا ....

انظروا الى تعامل اسرائيل منذ تلك الفتره حتى امريكا نفسها لما تدخل الا مرتين

مره فى لبنان وشفتوا اللى حصلها

ومره فى العراق وشفتوا اللى حاصلها

يعنى ببساطه الامه العربيه لن تفوق الا لما تنضرب قلم جامد على الوش وكام دوله تحتل من قبل قوه معينه

وهنا فقط

سنستعيد كرامتنا

5- ما هى أهم أمانيك للعرب بوجه عام ولمصر بوجه خاص ولك انت على وجه التحديد

للعرب اتمنى ظهور خلافه اسلاميه بحيث نكون دوله واحده تمتد من المحيط الى الخليج

لمصر ان يقيها الله من كل شر سؤاء من الداخل او الخارج


ليا انا اتمنى ان اتزوج الزوجه الصالحه ويهبنى الله بالخلف الصالح ويدخلنى معهم فى فردوسه الاعلى

6- هب أنك قد منحت جائزة اختيار منصبا هاما فى الدولة ... اى منصب ستختار؟ وماذا ستضيف اليه؟

للاسف السؤال ده بيتسل كتير وكل واحد يقول منصب ويقول افكاره الخ

المشكله ان الناس من بره شايفه الموقف غير اللى جوا

يعنى انا لو طالب هقول بلاش تعقيد امتحانات والكليات تتخش للى يحب كده

لكن لو انا وزير التعليم هقول كلام غير ده حتى ولو كنت نفس الشخص لان ساعتها هيبقى فى نقط وضحالى مش واضحه على اللى شايف المنصب من بره

على العموم اختار اى وظيفه وكل ما اتمناه ان اراعى الله فى عملى

7- أى المجالات العلمية يستهويك بخلاف الهندسة؟ واذا عاد الزمن بك هل ستختاره بديلا عنها فى دراستك؟

للاسف مفيش

يمكن علوم ما وراءالطبيعه بس دى مش موجوده فى مصر

8- صف لى بايجاز الشخصيات الاتية

ساتحفظ بالرائ تجاه البعض

الداعية عمرو خالد

داعيه هذا الجيل وسار على دربه الكثيرون

الصحفى محمود سعد

............

الشيخ خالد الجندى

اذا اردت ان ترى بساطه الاسلام فاستمع له

د. سعاد صالح

........... يمكن لانى متابعتهاش كتير او ان فى اللى شفته كلام كله عن السيدات

د. عبلة الكحلاوى

اتابع برنامجها على فترات وان كنت لم ارى لها موقف مغاير للمتفق عليه

د. عادل عبد العال

تقريبا شفته مره فى البيت بيتك او القاهره اليوم مش فاكر لكن مش اعرفه كويس

الشيخ محمد متولى الشعراوى

ومن انا لاتكلم عن رجل القرن الماضى

د. محمد سيد طنطاوى

.............

د. على جمعة

..............

د. محمد هداية

الاقرب الي قلبى وجميل فى اسلوبه فى الحوار (ودى وجهه نظرى)

د. مصطفى محمود

زمااااااااان كنت اتابع حلقاته مساء يوم الاتنين وانتظرها اسبوعيا افتقدت برنامجه بشده فى ايامنا هذه

د. زغلول النجار

الاسم الذى ارتبط دائما بالاعجاز العلمى فى القراءن

الصحفى وائل الابراشي

صحفى محترم ومقدم برنامج متميز

الصحفية منى الشاذلى

ينقصها الحجاب لتكون المراه المثاليه

الصحفى مفيد فوزى

...............

اظن كفاية شخصيات

وليه كفايه متيجيبلى الشعب اديلك رايى فيه منا فاضى

بعد رأيك فى كل منهم.... من كان الأكثر افادة للأمة العربية؟؟؟

اكيد الشيخ محمد متولى الشعرواى لان على يده تربى اجيال على تعاليم الاسلام وعلى الاقل فى وجوده الناس كانت بتفهم القران مش بتقراه وخلاص زى دلوقتى

9- حدد أعظم 3 شخصيات قابلتها على المستوى الانسانى

صعب

10- ايهما الافضل صديق وفى أم شريكة مخلصة أم منصبا هاما؟

شريكة مخلصة

11- ما هى أعظم نعمة خصك الله بها؟؟ وأعظم ابتلاء ابتلاك به؟؟

.............

12- يقال ان الشخصية هى مجموعة من الصفات التى كونها الانسان من معطيات الحياة وقد يأخذ كثير منا بعض صفاته من الحيوان

سأذكر بعض الحيوانات التى لها صفات مميزة وأترك لك اختيار الشخصية المناسبة لها من شخصيات المنتدى حسب تشابهها مع صفات ذلك الحيوان

هههههههههههههههههههههههه

يعنى كلكم حيوانات

مش انا اللى بقول كده دى اميره

ياله اتصرفوا معاها بقه

الأسد

كراكر

الثعبان

........

الفراشة

لوست

الثعلب

سى موا

العصفور

احمد لايت

اليمامة

ايناس

الفراشة

تانى

السلحفاة

عاشق فلسطين

الجمل

انسان

القط

عاشق الجنه

الفهد

لوسيفر

الحصان

رامى

الزرافة

توتااا

احسن ان ميرا دخلت وشكلها الشخصيه الاولي من الشخصيتين الغامضين الي مش راضي تقولي عليهم

واحسن بردو لانك مش مريحني ومش راضي تديني اجابات واضحه

"وخد دول كدا علي السريع"

1- فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

2- هل ندمت فحياتك على شي معيّــن ؟؟؟

3- هل انت راض عن نفسك ..؟؟

4- ماهي اجمل اللحظات في حياتك ؟

5- مارايك بالكلمات التاليه :::::
الحب - الرومانسيه - الجمال - رقة المشاعر

6- ايه الشيء اللي يخلي ماندوز فرحاان؟

7- ايه الكلمه اللي بترددها دائما ؟

8- ايه رايك في

توتااااااا

ma852003

فجر الاسلام

رامي

البرنسيسه

لوست

بوس 2

انسان

ادم شكري

وايناس

9- قلم وورقة بين يديك ماذا سوف تكتب من مداد حبره على سطور تلك الورقة ولمن؟

10- سؤال تود أن يوضع على طاولتك ؟

11- لمن تهب ابتسامتك دائما؟

12- من هم الاعضاء الذي تتمنى لقائهم بدون مجاملة ؟

كفايه كدا بس ممكن اجي تاااااااااني

احسن ان ميرا دخلت وشكلها الشخصيه الاولي من الشخصيتين الغامضين الي مش راضي تقولي عليهم

اجابه خاطئه

انا اتكلمت ان ميرا احدى الشخصيات اللى تعرفنى كويس واللى كانوا مش دخلوا الموضوع ومسالوش وانتى خليتينى استفزهم علشان يخشوا

1- فأي قرار تتخذه هل ..... تحكم عقلك أم قلبك فيه ... ؟؟ ومن الأسبق فالتحكيم

قلبك أم عقلك ؟؟؟؟؟؟؟؟

بعد ما القلب يقرر العقل لا يستطيع الرفض فى حين لو قرر العقل لازم يتفلتر من القلب

2- هل ندمت فحياتك على شي معيّــن ؟؟؟

مبحبش اندم على حاجه عدت

3- هل انت راض عن نفسك ..؟؟

محدش راضى عن نفسه(كشخصيه) لانه لا يوجد انسان كامل ونحن مليئين بالعيوب ولكن الحمد لله على كل شئ فى الحياه نفسها

4- ماهي اجمل اللحظات في حياتك ؟

لم تاتى بعد

5- مارايك بالكلمات التاليه :::::
الحب - الرومانسيه - الجمال - رقة المشاعر

الحب = كلمه كتير تتقال ومحدش فاهم معناها

الرومانسيه = حاله يعيشها الانسان ولا يستطع وصفها

الجمال = صفه تختلف من شخص لاخر فى تحديد مستواه ونوعه

رقه المشاعر = صفه من النادر تواجدها بشكلها الحقيقى

6- ايه الشيء اللي يخلي ماندوز فرحاان؟

رؤيه فرحه الاخرين

7- ايه الكلمه اللي بترددها دائما ؟

مكرر

8- ايه رايك في

توتااااااا

الغامض رقم 2 فى المنتدى

ma852003

العضو المثالى وافتقد تواجده

فجر الاسلام

زعيمه الارهاب

رامي

ربنا يكون فى عونه على اللى فوق

البرنسيسه

لا تعليق

لوست

خليفتى فى للاعب

بوس 2

متخيل صورته بشكل كامل لانى اعر واحد كربونه منه

انسان

الملك المتوج فوق صفحات الادب

ادم شكري

اسمه الحقيقى عادل

وايناس

روحى ووووووووووو .................. وفلى العيال

9- قلم وورقة بين يديك ماذا سوف تكتب من مداد حبره على سطور تلك الورقة ولمن؟

...................

10- سؤال تود أن يوضع على طاولتك ؟

هوا سؤال لم يسأل بعد

11- لمن تهب ابتسامتك دائما؟

للجميع

12- من هم الاعضاء الذي تتمنى لقائهم بدون مجاملة ؟

كراكر

عاشق الجنه

المنحوس الفرعون الصغير

رامى ( بعيدا عن مركز الارهاب اللى بوظ اول لقاء بنتيها السودا)


هيروشيما

المنصوره عروس النيل


لوسيفر

السلام عليكم بجد يا ماندوز انا كنت عايز احطلك اسئله علشان اتعرف عليك اكتر بس هما قاموا بالواجب وزياده بس بجد من خلال اجاباتك انا اكتشفت بجد ان انت شخصيه محترمه وممتازه جدا حبيت ادخل اسلم عليك واهديك كل شكر وتقدير وباقه حب
مع تحياتي اســـــــــــــــــــــلاــــــــــــــــــــــــم

1- أين تقضي معظم وقتك ؟

2- أين تجد راحة البال ؟

3- أين تذهب لو أخدت أجازةانهارده؟

4- من علمته الرماية فرماك ؟

5- من أي شيء تغضب ؟

6- متى تبكي بحرقه؟

7- متى تجلس لوحدك ؟

8- متى تقول لا..؟

9- متى تكون أناني ؟

10- ما أجمل مافي الحياة في نظرك؟

11- هل أنت عاطفي ؟

12- شخـص لا ترفض له طلب ؟

13- باقة ورد لمن تهدينها؟

14- سفينة و شراع ..

و مجذاف واحد ..

إلى أين تبحر ؟؟

علي فكره

ممكن ارجع تاني

اخى ماندوووووز

بعد التحيه
بصراحه انا متابع من الاول وشايف الضغط الكبير عليك
وكنت مش عايز اسئلك واقول ياد اسكت كفايه الى هو فيه
بس بعد تفكير عميق قلت ........
(ماجتش عليا انا )
المهم ياسيدى
انا مش هطول عليك
انا لاحظت انك قارنت التاريخ العربى بالحاضر العربى فى اجابتك عن الحل للكبوه العربيه
فى رأيك دراستنا لماضينا تقدر توفرلنا قد ايه من حلول
وهل الحلول لها القدره على اعطاء نفس تأثيرها فى الماضى
.................................
كلنا بنتمنى الخير لمصر
يوم الاحد الموافق 2/3/2008
مسكت جريده الاهرام فى الصفحه الاولى اسفل الصفحه
لقيت خبر على الرغم من ان ناس كتير ماتاخدش بالها منه لكن صدمنى
او بمعنى اصح اعجزنى عن التفكير او التصرف
الخبر بيقول مصرع 2 واصابه 7 فى مشاجره بحلوان فى سباق الاولويه فى طابور الخبز
مش عايز اقلك رأيى عشان ماأثرش على رأيك
احب اعرفه
...............................
( عشت فى النفاق فخلقت الحقيقه وعندما صدق لسانى عشت الحقيقه )
تحدث باستفاضه
..............................
انا ملاحظ ان انتاجك الادبى قليل
هل هو قليل فعلا ؟ ولا بتبخل علينا بيه؟ ولا غير مهتم
................................
وفى الاخر بقى انا عايز اعرف مين صاحب فكره انى امسك الادبى وكمان
انت اخترتلى الجمل اشمعنى

ياريت ماكونش تعبتك معايا انا عارف انى ماتعبتكش لانى اسئلتى دى دلع بالنسبه للحاجات الى فوق
ادعوا الله ان يهديك لما فيه خيرك وخير من تحب

1- أين تقضي معظم وقتك ؟

فى غرفتى

2- أين تجد راحة البال ؟

فى عالمى الخاص

3- أين تذهب لو أخدت أجازةانهارده؟

الى غرفتى

4- من علمته الرماية فرماك ؟

............

5- من أي شيء تغضب ؟

مكرر

6- متى تبكي بحرقه؟

القهر

7- متى تجلس لوحدك ؟

معظم الاوقات فى الماضى

8- متى تقول لا..؟

عندما يكون الامر من المحرمات الخاصه بى

9- متى تكون أناني ؟

عندما يتعلق الامر بشخص لا يستحق

10- ما أجمل مافي الحياة في نظرك؟

انها بوابه للاخره

11- هل أنت عاطفي ؟

معرفش

12- شخـص لا ترفض له طلب ؟

.................

13- باقة ورد لمن تهدينها؟

..............

14- سفينة و شراع ..

و مجذاف واحد ..

إلى أين تبحر ؟؟

جزيره منعزله فى قلب المحيط واكون مع النصف الاخر (تقريبا مشابه لحلم القمر)

على فكره النقط اما مفيش او كتير او احتفظ لنفسى بالاجابه

انسان

لضيق الوقت

الرد بعد عودتى من العمل

أهلا يا أهلا يا مندوززززززز
قولت انت هترد لما تيجي علي انسان بس
قولت احطلك كام سؤال كده

1- ماذا تفعل لو شعرت او عرفت انك غير محبوب لدي جماعه ولكنك بتحبهم جدااااااااااااا؟؟؟؟؟
طبعا انت مش كده بنقول احنا لو

2- ماذا تفعل لو انجرحت قوووي من ناس بتحبهم قوووي ؟؟؟؟

3- ماذا تفعل لو ارد ان تنصح شخص ولكن انقلبت عليك ( قالوا انك بتوقع او زي كده يعني ) ؟؟؟؟

4- ماذا تفعل لو شاهدت في احد المرات حرامي يقوم بالسرقه ولا احد يشاهد هذا غيرك ؟؟؟؟؟

5- ماذا تفعل لو ارد التعرف علي شخص بتحس انه كويس او مألوف ليك ؟؟؟؟

6- ماذا تريد ان تفعل لترتقي بمنتدي تيفا ؟؟؟؟

7- ماذا تفعل لو في احد المنتدي تم اقافك ؟؟؟؟؟

8- ماذا تفعل لو كنت في رحله وحصل شي سئ وممكن حل هذا الشئ يكون في يدك ولكن يتتطلب منك تضحيه كبيره ؟؟؟؟؟

9- ماذا تفعل لكي ترتقي بحياتك العمليه والنفسيه والأجتماعيه ؟؟؟؟؟

10- ماذا يفعل محمد وهو زعلان قووووووووووووووووووي؟؟؟؟؟

11- ماذا تفعل في توتاااااا لو قالتلك اني هدخل تاني اكتب أسأله تاني عشانك ؟؟؟؟؟



سلامي ليك
وتقبل تحياتي
ولك من كل الأحترام والتقدير
لانك فعلا انسان محترم

انتظرني انا جايه تاني

هوا ربنا يكرم فى احتماليه كبيره لاحدى 3 دول اطاليا واسبانيا والمانيا لمده صغيره كده تبع الشغل

فانا الاحسن اطاليا لانهم قريبين مننا

Boungiorno signora mandozzz

?come stai

tu viaggi italia per la prima volta per lavoro

ابقى فكرنى اعلمك كام كلمة ايطالى عشان متحرجناش ادام الطلاينة
وتقصر رقبة مصر ادامهم

على العموم لو عاوز كورس ايطاليانو انا فى الخدمة
الليفل ب 800 جنيه كاش مونى

بما اننى دخلت لازم اديلك كام سؤال

كده ع السريع اصل الحقيقة انا شايفة الجماعة قايمين معاك بالواجب وزيادة

ايه الحاجة اللى نفسك فيها بس مش قادر تجيبها؟؟؟

اصعب قرار ممكن تاخده ايه؟؟؟؟

اصعب سؤال اتسالك على كرسى الاعتراف؟؟؟؟

A presto

ciao

فى رأيك دراستنا لماضينا تقدر توفرلنا قد ايه من حلول
وهل الحلول لها القدره على اعطاء نفس تأثيرها فى الماضى

دراستنا للماضى تضئ لنا الامل الذى قد يقتله الواقع فى مستقبل جيد

ونعم الحلول لها القدره والدليل ان زمان اوى كانت الحرب درع وسيف ومواجهه وكسبنا

ومن 40 سنه كانت بالطيارات ووالدبابات وتقتل من بعيد وزكاء فى الحرب وبرضه كسبنا

وواثق ان لو حصل نكسه تانى هنقوم بعدها سؤاء بعد سنه 2 ميه بس هنقوم

بس برضه مش هنقوم الا لما تحصل النكسه

.................................

كلنا بنتمنى الخير لمصر
يوم الاحد الموافق 2/3/2008
مسكت جريده الاهرام فى الصفحه الاولى اسفل الصفحه
لقيت خبر على الرغم من ان ناس كتير ماتاخدش بالها منه لكن صدمنى
او بمعنى اصح اعجزنى عن التفكير او التصرف
الخبر بيقول مصرع 2 واصابه 7 فى مشاجره بحلوان فى سباق الاولويه فى طابور الخبز
مش عايز اقلك رأيى عشان ماأثرش على رأيك
احب اعرفه

هم يبكى وهم يضحك

طوابير العيش تؤدى الى الموت

يعنى الاب يروح يجيب عيش للفاطر بتاع اسرته يرجع الى البيت على الاعناق

بس فى نقط للنقاش العلمى

الكثيرون سيقول تعليقا على الخبر ان الحكومه بنت ........ ومفيش عيش واسعار الخ

بس دا يسبب زحمه

بس فى نقطه احب اسال فيها

لو فى ميت واحد واقفين بس فى طابور ومحترمين الطابور اللى واقفين فيه

هتقولوا الواحد عنده شغل الخ

خلاص مدام مستعجل يجى بدرى

لو الناس احترمت الطابور واللى يجى مفيش مشاكل هتحصل

اللى حصل اكيد ان واحد جه عايز يعمل نفسه ناصح زى كل المصريين ودخل فى الصف فواحد تانى اعترض كلمتين على كلمتين اتطور الموضوع ومن هنا حدث الصدام

السبب : 1- الحكومه بنت ال....... اللى مش موفره ابسط حاجه وهوا رغيف العيش

2- عدم احترام المواطنين للنظام فى اى شئ ف الحياه وابسطها طابور العيش



...............................

( عشت فى النفاق فخلقت الحقيقه وعندما صدق لسانى عشت الحقيقه )
تحدث باستفاضه

دا موضوع تعبير ولا ايه

بس هقلك حاجه

عمرى ممتصور ينافق لدرجه توهم الاخرون بصدق كلامه

يعنى ببساطه انا شفتها عن قرب من احد الموظفين مع والدى وكان واضحا ما تقوله من كلامه عن والدى مثلا وعندما تحدثت مع والدى قال لى ان كلامه يفرحه وهذه طبيعه بشريه فى حب الاستماع الى مزايا النفس البشريه ولكن كلامه فى الوقت المهم لا يعتد به يعنى لو اخطأ مش بيتعدى خطئه

فالطبيعى ان لو واحد منافق فضل يقول على فلان دا كذا وكذا وكذا صعب انه يخلى الناس تصدقه او هوا يصدق نفسه وطبعا انا قلت صعب مش مستحيل لان اوقات فعلا الناس بتصدق والنفاق يصنع حقائق



..............................

انا ملاحظ ان انتاجك الادبى قليل
هل هو قليل فعلا ؟ ولا بتبخل علينا بيه؟ ولا غير مهتم

اكتب عندنا اشعر انى اريد ان اخرج شئ

ولكن ايضا عندما يسمح الوقت بذلك

................................

وفى الاخر بقى انا عايز اعرف مين صاحب فكره انى امسك الادبى

وانا اعرف منين اسال كراكر

وكمان
انت اخترتلى الجمل اشمعنى

دور كده فى صفات الجمل الكثيره وستجد فى نفسك تلك الصفه ومتسالش عن تفاصيل لانى مش هقول

1- ماذا تفعل لو شعرت او عرفت انك غير محبوب لدي جماعه ولكنك بتحبهم جدااااااااااااا؟؟؟؟؟
طبعا انت مش كده بنقول احنا لو

اعرف هما مش حابينى ليه اكيد فى حاجه فيا مش مخليهم متقبلينى هدور على الحاجه دى واصلحها

2- ماذا تفعل لو انجرحت قوووي من ناس بتحبهم قوووي ؟؟؟؟

جرح = نسيان يعنى ببساطه على قد الجرح على قد مهنسى الشخص نفسه

3- ماذا تفعل لو ارد ان تنصح شخص ولكن انقلبت عليك ( قالوا انك بتوقع او زي كده يعني ) ؟؟؟؟

اعطى النصيحه ولا انتظر كلمه شكرا دا مبدئى

يعنى لو قالوا كده خلاص دا حقهم انا عملت اللى عليا ونصحت ومش هبرر موقفى او هدافع عن نفسى مدام قالوا كده

4- ماذا تفعل لو شاهدت في احد المرات حرامي يقوم بالسرقه ولا احد يشاهد هذا غيرك ؟؟؟؟؟

رغم انى عارف ان سؤال ليه معنى تانى زى باقى الاسئله بس فى حلين انى اروح للحرامى بنفسى واشوف هيرجع اللى سرقه ولا لاه لو مرضيش هعرف اللى حواليه

5- ماذا تفعل لو ارد التعرف علي شخص بتحس انه كويس او مألوف ليك ؟؟؟؟

هتعرف عليه بالعافيه

اخترع موقف اشوفه بيتكلم مع حد اعرفه والزق نفسى فى الحديث

6- ماذا تريد ان تفعل لترتقي بمنتدي تيفا ؟؟؟؟

..........

7- ماذا تفعل لو في احد المنتدي تم اقافك ؟؟؟؟؟

حصل قبل كده ومش هقلكم حصل فى اى منتدى وليه بس سؤالك كان عن التصرف روحت عملت اكونت تانى

8- ماذا تفعل لو كنت في رحله وحصل شي سئ وممكن حل هذا الشئ يكون في يدك ولكن يتتطلب منك تضحيه كبيره ؟؟؟؟؟

................. على حسب الموقف والتضحيه

9- ماذا تفعل لكي ترتقي بحياتك العمليه والنفسيه والأجتماعيه ؟؟؟؟؟

احلم بان اعرف عيوبى كلها حتى اتغلب عليها

10- ماذا يفعل محمد وهو زعلان قووووووووووووووووووي؟؟؟؟؟

..............

11- ماذا تفعل في توتاااااا لو قالتلك اني هدخل تاني اكتب أسأله تاني عشانك ؟؟؟؟؟

ايضا فى رساله للتعقيب على اسئلتك المره دى

اهلا

فجر كمان دخلت

منوره يا حاجه ايناس

تانى واحده من الجروب اللى يعرفونى اللى قلتلك عليه دخل لمجرد الرخامه زى اختها اللى فوق

ابقى فكرنى اعلمك كام كلمة ايطالى عشان متحرجناش ادام الطلاينة
وتقصر رقبة مصر ادامهم

طب منا اخدك تشتغلى مترجمه ليا وهديلك 2 جنيه ونص تمن للترجمه خلال الفتره دى

على العموم لو عاوز كورس ايطاليانو انا فى الخدمة
الليفل ب 800 جنيه كاش مونى

انا قلت 2 ونص عاجبك عاجبك مش عاجبك عندك البحر المالح ولا اقلك الضخر اللى عندكم على الشط ممكن برضه تخبطى راسك فيه

ايه الحاجة اللى نفسك فيها بس مش قادر تجيبها؟؟؟

اسمع خبر ناس كده او اقرا اسمهم فى الصفحه قبل الاخيره بتاعت الاهرام بس مش فى ايدى رامى هوا اللى مش راضى ينفز

اصعب قرار ممكن تاخده ايه؟؟؟؟

...............

اصعب سؤال اتسالك على كرسى الاعتراف؟؟؟؟

لسه متسالش

انا قلت الحق اسألك شويه اسئله كدا قبل ماتقوم من علي الكرسي اصل شايفه الناس مقصره بصراحه فين الاسئله ياجماعه؟؟؟؟


1- امتي قلت لاء بصوت عالي و ازاي بتتعامل مع القيود الي بتفرضها عليك الحياه ؟

2- حب بالنسبه لماندوز يعنى ايه ؟

3- ماضى بالنسبه لمندوز يعنى ايه ؟؟

4- متى يمضي الوقت دون ان تشعر به؟

5- هل تتلقي النقد بصدر رحب ؟

6- نقد لمن توجهه ؟

7- هل انت ممن يقتنعون بسرعة ؟

8- اذا رايت موضوع ولم يعجبك او ازعجك هل تعبر عما يعصف بك او تسكت؟؟

9- ماهو شعورك عندما يطرح عليك سؤال تعجز عن الرد عليه ؟

10- مارأيك بالمنتديات العربيه علي النت وهل تؤدي الدور المطلوب منها او مضيعه للوقت و المال في معظمها؟

11- ما رأيك برجل اليوم....؟

12- فرضا لو اصبحت امرأه ليوم واحد فما الذي سوف تقوم به من ادوار المرأه التي لا تستطيع القيام بها و انت رجل؟؟

13- كل شخص مننا جواه نسبة حزن ياترى نسبة الحزن جوه ماندوز كام في المية؟

14- ايه الموضوع اللي اتكتب في المنتدى هنا واتمنيت بينك وبين نفسك انك كنت صاحب الموضوع؟؟؟

15- لو حبيت شخص مش حاسس بيك ياترى تعمل ايه ؟؟؟؟

16- هاقولك كلمات توجهها لاشخاص في تيفا

- بحبــــــــك
- مواضيعك ممتازة
- انت فين وغايب عننا ليه
- المنتدى وحش من غيرك
- رأيك بيعجبنى
- انت شخصية محبوبة جدا في تيفا
- انت دمك خفيف اوى
- انت شخصية قوية تتحمل الصعاب

17- هل ظلمت حد قبل كده؟؟؟ وعملت ايه لما اتأكدت انك ظلمته ؟؟؟ وياترى سامحك والا لا؟؟؟

18- هل حد ظلمك لدرجة انك قلت مش ممكن اسامح؟؟؟ وياترى ايه الموقف لو ده حصل؟؟؟

19- لو هاتسافر مكان ومطلوب منك تاخد شخصين بس معاك تختار مين؟؟؟

20- دموع ماندوز سهل حد يشوفها ولا صعب ؟؟؟ وياترى مين الشخص اللي ماتخجلش لو شاف دموعك في اى وقت؟؟؟










اكيد فعلا انا منورة زي ما بتقول

ممكن بردو ارجع تاني هفكر كدا واشوف