¤§©¤ المُقَابَلَة الاولى مَع نَجْمِة المنتدى"totaaaa"¤©§¤

تطُل طَلة تُثير الِإنتباه تَشِد حَوَاسَك الخَمْسْ
تَنم عَن إحْساس مُرهَف وَمَوهِبَة فَذَّهة
تُنَبيء بِمُسْتَقبل زَاهِر

**
*
تمْتَزج لُغة الَأمْر بلُغَة اللَيَاقَة فَتَحصُل مِن حَديثِهَا على المرَام
ماذَا أقُولْ /
كُل مَا فِي الأمْر أنَهَا تَتَسَّلَل إلَى القَلب فِي سَكِينَتِهَا
تَلْتَحِمُ فِيهَا القِوَة والعِنْفُوَان بالطِيبَة وَالنَقَاءْ
طَيَبَة مَصْرِيَّة أَصِيلَة

*
الحَقِيقَة مَهْمَا تَكَلمنا ومَهما تَحدَثْنا
سَيظَل القَمَر يَتَكلم بِروَعَتِه
ويِتَحدثْ بأَنَاقتِه

نَعم إِنَّهَـا /

totaaaa .


لَا تَحْـلُو الْحَيـَاه دُونَ إِبْتِسَامَة وَلَا تَطْمَئِنُ الْقُـلُوب إِلَا بِتِـلْكَ الْضِحَْكَةُ الصَـافِيَة التِي تَخْـرُجْ مِنَ القـُلُوبْ وَلَا تَطِيـبُ الْلَحَظَـــاتْ إِلَا بِطِيبِة الْـرُوحْ

معكم لمدة7 أيام
الأخت
" totaaaa"

الاسئلة الاعتياية

الاسم - الاقامه - الهوايات - مهنتك او دراستك -تاريخ الميلاد

لى عوده

---

¤§©¤ hglErQhfQgQm hgh,gn lQu kQ[XlAm hglkj]n"totaaaa"¤©§¤

يا اهليييييييييييييييييييييييييييين وسلامييييييييييييييييين وتحيييييييييتين عليكى
بس الاسئله مش هتبقى اتنييييييييين بقا هتبقى ملييووووووووووووونييييين
وانا ليه الشرف انى اكون اول الى يسالوا بعد عاشق طبعا
ونبدا الاسئله واسيبك معاهم بقا
ايه هى اكتر اكله بتحبيها ؟؟واكتر مشروب بتحبيه؟؟
لما بتكونى مخنوقه بتعملى ايه؟؟
لما بتكونى فرحانه جدا بتعملى ايه ؟؟
ايه المستحيلات الثلاثه بالنسبه لكى؟؟
ايه هى الزكرى التى توجد فى عقلك ولن تمحى بمر العصور؟؟
ما هى ام الامانى بالنسبه لكى ؟؟ ( يعنى اكبر امنيه فى حياتك )؟؟
انا هقولك كام اغنيه كده وتقولى كل واحده تهديها لمين بس مش لازم تاخدى الاغنيه بمعناها كله يعنى خليكى فى الاسم الى هكتبه بس
( القلب الطيب لمحمد فؤاد ) (السود عيونه لمصطفى قمر ) (زى الملايكه لعمرو دياب)
(الله يباركلى فيك لتامر حسنى)
(على بالى لشرين)
مين او عضو او عضوه عرفتيه فى تيفا ؟؟؟ وكان ازاى؟؟ وكان ايه احساسك وانتى بتتكلمى معاه؟؟
اكتر موقف محرج حصلك وانتى صغيره ؟؟؟( عوزينه بالتفصيل )؟
اكتر موقف محرج حصلك على النت؟؟
ايه اكتر حاجه شاغلا بالك اليومين دول ؟؟
اختارى لقب لكل عضو من الاعضاء الى تعرفيهم ومش لازم الاسم الى على المنتدى؟؟
ايه اكتر حاجه تتمنيها فى هذه اللحظه (لحظه قراءه السؤال )؟؟
ايه الى انتى كنتى بتفكرى فيه قبل ما تشوفى الاسئله على طوووووووول ؟؟
ايه هى الحاجه الى كنتى بتخافى منها وانتى صغيره ؟؟ وايه الى بيخوفك لما كبرتى؟؟ ( بعيدا عن الدراسه والنتيجه والامتحانات طبعا لان كلنا بنترعب منهااااا )
ايه هى فلسفتك فى الحياة؟؟
من هو صاحب القلم الذى انجزبتى له فى المنتدى ؟؟
ايه هو اول منتدى اشتركتى فيه ؟؟ وكنتى بتعملى ايه فيه ؟؟
وكفااااااااااااايه كده بقا ونتفرج على الاجاباااااااااااات بقا

أولا احب اشكرك يا عاشق لوجودي معاك في مواضيعك الجميله

واحب اشكرك علي الترحيب الجميل ده وطبعا انا تحت امر اخواتي في احلي منتدي


الاسم - دينا محمد والشهره (توتااااا )
الاقامه - في القاهره في المعادي
الهوايات - التخيل واحيانا التأليف وطبعا اكيد حل المشاكل
مهنتك او دراستك - طالبه في تالثه اداب قسم علم نفس
تاريخ الميلاد - ان شاء الله بدون حسد بقي هههه
1/1/1988
واشكرك مره اخر يا اخي عاشق ومستنيك تااااني ان شاء الله

شكرا يا فرعون لمرورك الكريم وشكرا للترحبيك بيه

يا اهليييييييييييييييييييييييييييين وسلامييييييييييييييييين وتحيييييييييتين عليكى
بس الاسئله مش هتبقى اتنييييييييين بقا هتبقى ملييووووووووووووونييييين
وانا ليه الشرف انى اكون اول الى يسالوا بعد عاشق طبعا
ونبدا الاسئله واسيبك معاهم بقا

اشكرك لكلامك الجميل ليس في ذهني كلام اعبر بيه عن فرحتي بمرورك الجميل

بس ليه كل الأسئله ديه انت بتنتقم مني حراااااااااام عليك والله

علي فكره يا فرعون ليك يوم هههههههه ده في يومك هعمل شويه اسئله بس اصبر عليه

- ايه هى اكتر اكله بتحبيها ؟؟واكتر مشروب بتحبيه؟؟

بحب الفراخ البانيه والمكرونه والبطاطس
احسن مشروب المانجو طبعا والكوكتيل

- لما بتكونى مخنوقه بتعملى ايه؟؟

بمسك الورقه والقلم واكتب علي كل اللي جوايا ( عشان كده تلقي الورقه والقلم معايا 24 ساعه حتي وانا نايمه هههههههه)

- لما بتكونى فرحانه جدا بتعملى ايه ؟؟

بضحك وبخرج اتفسح يعني وبحاول ابسط كل اللي معايا حتي لو ايه الثمن

- ايه المستحيلات الثلاثه بالنسبه لكى؟؟

1- اني ابعد عن الله
2- اني احب
3- اني اكون مبسوطه
- ايه هى الزكرى التى توجد فى عقلك ولن تمحى بمر العصور؟؟

مشاكلي مع ابي

- ما هى ام الامانى بالنسبه لكى ؟؟ ( يعنى اكبر امنيه فى حياتك )؟؟

اكبر امنيه اني اخد دكتوره في علم النفس واسافر الي الخارج

- انا هقولك كام اغنيه كده وتقولى كل واحده تهديها لمين بس مش لازم تاخدى الاغنيه بمعناها كله يعنى خليكى فى الاسم الى هكتبه بس

( القلب الطيب لمحمد فؤاد ) اهدي الأغنيه ديه عشان خاطر كل اللي بحبهم فب المنتدي
(السود عيونه لمصطفى قمر )عشان خاطر كل اللي عنيه سواد بس في المنتدي بس
(زى الملايكه لعمرو دياب) لكل عضو او مشرف بيحبني بس اللي بيكرهني لأ
(الله يباركلى فيك لتامر حسنى) لأنسان عزيز عليه قووووي
(على بالى لشرين) لكا اعضاء المنتدي بس

- مين او عضو او عضوه عرفتيه فى تيفا ؟؟؟ وكان ازاى؟؟ وكان ايه احساسك وانتى بتتكلمى معاه؟؟

انا مش فاكره والله بس علي ما اعتقد كان ويب كراكر او ميرووو
بس الأكتر ميرووووو هي اللي اتعرفت علي كتير من الأعضاء عن طريقها بصراحه
وهي اللي عرفتني عن المنتدي كله وساعدتني في الاشراف
طبعا انا حبيت ميرووووو من اول ما اتكلمت معاها والله

- اكتر موقف محرج حصلك وانتى صغيره ؟؟؟( عوزينه بالتفصيل )؟

هههههههههههههههه ما بلاش احسن انا عندي كتير

قبل كده كنت ماشيه في شارع في ناس كتير قووووي وماشيه بقي ومش هحكيلك
مره واحده طلع عليا كام كلب وعملوا دائريه حاوليه ومش هحكي بقي علي الصراخ والجري والضحك اللي كان عليا

- اكتر موقف محرج حصلك على النت؟؟

لما دخلت في منتدي وكنت مشهوره قووي فيه دخلت وكتبت رد في موضوع ودخله بحماس بقي
وكتبت كتير
وفي الأخر
صاحب الموضوع كتب

( هذا الرد غير مناسب للموضوع )

من ساعه الموضوع ده متخلدش علي المنتدي تااااني
هههههههههههههههههه

- ايه اكتر حاجه شاغلا بالك اليومين دول ؟؟

المشاكل اللي عندي وخوفي من الدراسه والتقدير العام

- اختارى لقب لكل عضو من الاعضاء الى تعرفيهم ومش لازم الاسم الى على المنتدى؟؟

اميره ( ذات الردود الجريئه )
انوش ( عفريته المنتدي )
فيب ( عاشق الرومانسيه ومحب الجمال )
عاشق الجنه ( ذات القلم الجميل )
البرنس ( ضحكه المنتدي )
امير الحب ( فرفوش المنتدي )
ويب كراكر ( كبير المنتدي )
مافياوي ( عصابه المنتدي )
ماندوززز ( ذات الردود الدبلوماسيه )
فجر الأسلام ( بنوتته المنتدي )
الطيب احسن/ رامي ( العاقل بس مش قوووي )
عبدووو عزااام ( صاحب مجله الصور في المنتدي )


معرفش حد تااني شخصيا بس باقي الأعضاء كلهم زي العسل
محدش يزعل بقي انا بحب كل اللي في المنتدي


- ايه اكتر حاجه تتمنيها فى هذه اللحظه (لحظه قراءه السؤال )؟؟

اتمني ان كل المنتدي يحبني زي ما بحبهم واتعرف علي كل شخصيه في المنتدي انا معارفهاش

- ايه الى انتى كنتى بتفكرى فيه قبل ما تشوفى الاسئله على طوووووووول ؟؟

ان تكون الأسئله سهله براحه عليا شويه دا انا غلبان ههههه

- ايه هى الحاجه الى كنتى بتخافى منها وانتى صغيره ؟؟ وايه الى بيخوفك لما كبرتى؟؟ ( بعيدا عن الدراسه والنتيجه والامتحانات طبعا لان كلنا بنترعب منهااااا )

بصراحه انا بخاف من كل حاجه
لما كنت صغيره بعيد عن النتيجه والذي منه كل انواع الحشرات

لما كبرت بخاف برده من جميع انواع الحشرات وبخاف قوووي من المشاكل بتاعتي بس

- ايه هى فلسفتك فى الحياة؟؟

حب لأخيك ما تحب لنفسك
احب الجديد ليا ولمن حاولي

- من هو صاحب القلم الذى انجزبتى له فى المنتدى ؟؟

كل الاعضاء والله بس خصوصا وبلا مجامله
عاشق الجنه و ma852003

- ايه هو اول منتدى اشتركتى فيه ؟؟ وكنتى بتعملى ايه فيه ؟؟

منتدي بصمه ابداع وكنت عضو عادي بس مميز وكان نفسي اني اعمل حلال المساكل واتعمل الحمد لله

-- وكفااااااااااااايه كده بقا ونتفرج على الاجاباااااااااااات بقا

بعد ايه بتقول كفايه بعد ايه حرااام عليك والله
ده القلب علي القلب رحمه

ارحموا ما في الأرض يرحموكم ما في السماء



شكرا يا فرعون لمرورك والأسئله الجريئه ديه
وشكرا يا عاشق ان انت خليتني في موقف زي ده

المشاركة الأصلية كتبت بواسطة totaaaa

- ايه هى اكتر اكله بتحبيها ؟؟واكتر مشروب بتحبيه؟؟

المشاركة الأصلية كتبت بواسطة totaaaa

بحب الفراخ البانيه والمكرونه والبطاطس
احسن مشروب المانجو طبعا والكوكتيل

طيييييييييييييييب علان بتحبى البطاطس بقا
شويه اسئله كماااااااااااااااااااان ومحدش ليه دعوه بالبطاطس تانى
اكتر موقف حصلك وانتى صغيره ومش ممكن تنسيه ؟؟
ايه هو المكان الى نفسك تروحيه ؟؟
لو انتى معاكى زمام الامور فى العالم ايه اول 3 حاجات كنتى هتعمليهم؟؟؟
ايه رايك فى توتا؟؟ وبكل صراحه
لا يوجد انسان خالى من العيوب ايه العيوب الى شيفاها فى نفسك؟؟
ما هى الصوره الى انتى تتمنى تشوفى نفسك عليها خلال 3 سنوات القادمه مع البعد عن المثاليه ؟؟؟
وكفااااااااااااااايه كده
وانا بسال كده لانك الضيف الاول واسالى عاشق انا بعمل ايه مع الاول لازم اكرمه
واحييييييييه وهى دى تحيتى ليكى

كفايه كده يا فرعون ليه بس كده كل ده
حراااااااااااااااااااااااااااام
القلب علي القلب رحمه

ما علينا عايز ايه يا سيدي تااااني

اكتر موقف حصلك وانتى صغيره ومش ممكن تنسيه ؟؟

مش فاكره كنت صغيره افتكر ازاي
اقولك اضربت مره عشان حفظ القرأن ومن ساعه بحفظ القرأن الحمد لله
وعلي فكره مش ممكن انساه لان العلقه كانت سخنه قووووووووي ههههههههه

ايه هو المكان الى نفسك تروحيه ؟؟

نفسي اروح مرسي مطروح نفسي قوووي
عايز تعرف ليه لاني كنت بروحها علطول وليا فيها ذكريات جميله واصحاب اجمل

لو انتى معاكى زمام الامور فى العالم ايه اول 3 حاجات كنتى هتعمليهم؟؟؟

العدل والمساوه - الأمانه - ارعي ربنا في ما افعل اتجاه اي حد

ايه رايك فى توتا؟؟ وبكل صراحه

ايه توتا انا لأ طبعا مقدرش اقول رأي في نفسي ازاي
بس لو من ناحيه الشخصيه فأنا الحمد لله مش بعرف ازعل من حد وبحب كل الناس
ومش بحب المشاكل

وعلي ما اعتقد هسيب موضوع الرأي ده لكل اللي هيدخل الموضوع هو يقول الرأي في توتااا

لا يوجد انسان خالى من العيوب ايه العيوب الى شيفاها فى نفسك؟؟

مش عارفه والله علي فكره الأسئله غريبه قووووووي
بس اللي بسمعه من الناس
اني طيبه زياده عن اللزوم وساعات ده بيبقي عيب

واقولك الصراحه مش بعرف اطلع نفسي خطأ هههههههه
وبحب اعمل اصحاب كتير وساعات ده بيتقلب ضددي علي فكره بس

وهسيب برده اي حد يدخل الموضوع يقول العيوب اللي شايفه فيه

ما هى الصوره الى انتى تتمنى تشوفى نفسك عليها خلال 3 سنوات القادمه مع البعد عن المثاليه ؟؟؟

بعد تلات سنوات نفسي اكون جيبت تقدير عام كويس وعالي جدااااا
واعمل ماجيستير في نمو الأنسان في جميع المراحل

وان شاء الله اخد الدكتوره ده حلم حياتي وهمووووت وحقق ده


شكرا لكرمك ده شكرا طبعا يا فرعون لأسئله الجريئه ديه ويا سيدي احنا اخوات وانا موجوده

توتاااااااا
انتى مقبوض عليكى
بتهمة
اجمل مشرفه على منتدى تيفا نت
واحلى مواضيع كمان

يلا نبدا التحقيق
فى ساعته وتا ريخه
س:انتى فى اده ضلمه لوحدك مش عارفه تخرجى منها ابدا وقاعده لواحدك واستحاله تطلعى من الاده ايه الحاجه اللى ممكن تفكرى فيها (طبعا غير الطلوع من الاده)؟

يلا جاوبى بسرع
طااااااااااااااااااااااااااااااااااااااااااااااااا اخ


س :ايه الحاجه اللى انتى عايزاها فى المستقبل ومش عايزاها دلوقتى؟

س :ايه اكتر شئ حسيتى انه سبب فرح فى حياتك؟

س: ايه اكتر شئ احزنك فى حياتك؟

امتى حسيتى بالنجاح الكبير؟؟؟
امتى حسيتى بالفشل الزريييييييييييييييييع؟


مين بتحبى تصطبحى بوشه الصبح طبعا غير (مامتك وباباكى واخواتك)

ايه المكالمه التليفونيه اللى جاتلك ومكونتيش متوقعاها؟



يلا جاوبى عالاسئله دى بسرعه
قبل مارجعك الحجز تانى

اهلا بيكي ياتوتاااااا علي الكرسي اخيرا وقعتي طبعا اناعارفه احساسك دلوقتي عايزة تموتي كل اللي هيدخل الموضوع ربنا معاكي وخدي شويه الاسئله دول انا عارفه ان محدش هيرحمك هما شويه صغيرين مش هطول عليكي

1- اكتر حلم نفسك تحققيه في الدنيا ؟

2- لو بتحبي حد وجرحك وخانك في يوم من الايام وبعد وجه تاني يطلب السماح هتوافقي ولا لا؟

3- ايه اكتر حاجه ممكن تحصل لتوتااااا وتفرحها اوي؟

4-مين اكتر حد بترتاحي ليه في المنتدي ,واكتر حد بترتاحي له بره المنتدي؟

5- ايه رايك في الصداقه بين الولد والبنت ؟

6-ايه الصفه اللي مش فيكي وكنتي تتمني انها تكون فيكي؟

7- ايه اكتر حاجه ممكن تزعلك من الشخص اللي قدامك؟

8-اكتر حاجه توتااااا تحب تعملها في حياتها ؟

9-ايه الحاجه اللي عملتيها وندمتي عليها لحد دلوقتي؟

10-ممكن تحبي وتتجوزي عن طريق النت؟

ربنا معاكي ياحبيبتي ولازم تردي علي كل الاسئله وبليز طلب اخير منك بلاش الاجابات

الدبلوماسيه

أنا مش هسأل دلوقتى لكن لاقيت إسمك مكتوب فمقدرتش أمشى من غير ما أكتب رد بس أوعدك بشوية أسئلة إستنونى


ولى عودة

توتاااااااا
انتى مقبوض عليكى
بتهمة
اجمل مشرفه على منتدى تيفا نت
واحلى مواضيع كمان

يلا نبدا التحقيق
فى ساعته وتا ريخه

ليه بس يارامي انا عملتلك حاجه
بس اقولك علي حاجه تنفع وكيل نيابه ههههههههههه
ربنا يخليك يارامي وشكرا علي المقدمه الجميله ديه وفي نفس ذات الوقت ترعب


س:انتى فى اده ضلمه لوحدك مش عارفه تخرجى منها ابدا وقاعده لواحدك واستحاله تطلعى من الاده ايه الحاجه اللى ممكن تفكرى فيها (طبعا غير الطلوع من الاده)؟

هقرأ قرأن واصلي واكيد ربنا هيكون معايا

يلا جاوبى بسرع
طااااااااااااااااااااااااااااااااااااااااااااااااا اخ

ليه بس المعامله ديه دا انا غلبان وبعدين انا برئ يا بيه والله برئ

س :ايه الحاجه اللى انتى عايزاها فى المستقبل ومش عايزاها دلوقتى؟


عايزه ربنا يكون راشي عني بس في كل وقت
واللي عايزه في المستقبل الدكتوره
عشان مش هينفع اكيد اخده دلوقتي هههه

س :ايه اكتر شئ حسيتى انه سبب فرح فى حياتك؟


نجاحي في الدراسه ولما احس ان ربنا راضي عني وراضي اهلي عليا وحب الناس ليا

س: ايه اكتر شئ احزنك فى حياتك؟


لما خسرت حياتي في بعض الحظات

امتى حسيتى بالنجاح الكبير؟؟؟

لمالقيت حب الله و لقيت حب الناس ليا

امتى حسيتى بالفشل الزريييييييييييييييييع؟

لما خسرت معركه قبل كده في حياتي



مين بتحبى تصطبحى بوشه الصبح طبعا غير (مامتك وباباكى واخواتك)

كل اصحابي اللي بحبهم من قلبي وكل اللي في المنتدي


ايه المكالمه التليفونيه اللى جاتلك ومكونتيش متوقعاها؟

مكالمه من شخص عزيز عليا من هنا في المنتدي
من غير ذكر اسماء ههههه


استنوا بقي انا هرجع تاااني عشان خاطر ايناس واحمد
استنوني

اهلا بيكي ياتوتاااااا علي الكرسي اخيرا وقعتي طبعا اناعارفه احساسك دلوقتي عايزة تموتي كل اللي هيدخل الموضوع ربنا معاكي وخدي شويه الاسئله دول انا عارفه ان محدش هيرحمك هما شويه صغيرين مش هطول عليكي

ربنا يخليكي يا انوش يا احلي اخت ليا اشكرك علي المقدمه الجميله ديه واهتمامك بيا


1- اكتر حلم نفسك تحققيه في الدنيا ؟

نفسي اخد دكتوره في علم النفس ادعولي بقي


2- لو بتحبي حد وجرحك وخانك في يوم من الايام وبعد وجه تاني يطلب السماح هتوافقي ولا لا؟

بصي علي حسب الموقف يعني لو الموقف بسيط ممكن ولو صعب شويه هيأخد وقت
بس في الأخر انا مش بعرف ازعل من حد مهما حصل

3- ايه اكتر حاجه ممكن تحصل لتوتااااا وتفرحها اوي؟

اني احس ان الناس بتحبني وفي قبول بيني وبين الناس

4-مين اكتر حد بترتاحي ليه في المنتدي ,واكتر حد بترتاحي له بره المنتدي؟

اكتر حد من ( انوش وميرووو وفجر ) & ومعايا بقي هنا ( البرنس وفيب وعاشق )


5- ايه رايك في الصداقه بين الولد والبنت ؟

هي موجوده بس لما تكون بحدود بس انا مش بصحاب شباب الا في منتدي تيفا بس لانهم محترمين الحمد لله


6-ايه الصفه اللي مش فيكي وكنتي تتمني انها تكون فيكي؟

الصبر ( عندي صبر بس مش قوووي نفسي يكون عند صبر بس ببقي عايزه كل حاجه بسرعه )


7- ايه اكتر حاجه ممكن تزعلك من الشخص اللي قدامك؟

الكدب والخيانه والتوقيع بين الناس


8-اكتر حاجه توتااااا تحب تعملها في حياتها ؟

ارضي ربنا في كل افعالي
واكتب في منتدي تيفا واكلم اعضاء تيفا الميه ميه دول


9-ايه الحاجه اللي عملتيها وندمتي عليها لحد دلوقتي؟

اني سمعت كلام أهالي مره وخسرتا كل حاجه
( بس طبعا لازم اسمع كلام اهالي بس برده لازم افكر بعقل )


10-ممكن تحبي وتتجوزي عن طريق النت؟

معتقدش يا انوش ومتسألنيش ليه لاني مش عارفه

ربنا معاكي ياحبيبتي ولازم تردي علي كل الاسئله وبليز طلب اخير منك بلاش الاجابات

الدبلوماسيه

ربنا يخليكي يا انوش والله يا ايناس الأجابات مش دبلوماسيه عادي يعني

أنا مش هسأل دلوقتى لكن لاقيت إسمك مكتوب فمقدرتش أمشى من غير ما أكتب رد بس أوعدك بشوية أسئلة إستنونى


ولى عودة

شكرا لوجودك يا احمد وكلامك الرقيق
وانا مستنياك ان شاء الله

اشكرك مره اخري

ازيك يا توتا

حرام عليك يا جماعة دة توتا اختنا بردة كل دة اسئلة ليها

اللة يكون فى عونك يا توتا دول مسكينك تقطيع مش رحمينك خالص

بس دة طبعا علشان مبسوطين انك انت الى معانا

انا بة هبدا بالاسئلة بتاعتى

ما رايك فى :

الزواج:

الحب:

الخطوبة:

الحياة:

الموت:

الصداقة:

الكراهية:

السعادة:

النظام:

الموت:

_________________________________________________


من هو؟

افضل صديق:

افضل صديقة:

افضل اسم:

__________________________________________________ _

لمن تقولى هذة الكلمات؟

حقك علية:

علمنى حبك:

انت عمرى:

فين ايامك:

وداع:

عنيك وحشانى:

غلطة:

توام روحى:

طولت عليكى كتير يا توتا معلش

مستنية ردك ان شاء اللة

( totaaaa)

رائعةٌ هي كـ روعةِ حلولِ الربيع ..
كـ روعةِ فراشات الطبيعة وهي تداعبُ زهرهـا ..
كـ روعةِ روحهـا، وتعاملهـا، وطيب خلقهـا ..!

^^نبدأ بسم الله ^^


) نبذه مختصره عن توتاااا؟ هواياتها ؟

• ماذا تحبين و تكرهين في شخصك؟

إن ذكرتُ لكِ كلمة " حب " وطلبتُ منكِ تَعليقاً بسيطاً عليها

فماذا ستقولين ؟؟


تفضلـ أن تبتسمـى حتي وإنت حزين أمـ تفضلـى أن ترحلـى بمفردك في صمت حتي تهدأ ثورة حزنك ؟



وماذا تعنى الاحلام اليكى ..؟


ماذا تمثل ذكريات الامس لكى ؟؟





بالطبع لم تخلوا حياتك من التجارب

منها التى اذاقتك الالم تندمين على انكى خضتيها
ومنها تودين تكراراها

فاذكريها لنا؟؟



شخصيات انسبها لأعضاء المنتدى:

عضو حساس:


عضو مثقف:

عضو حزين:

عضو متألق:

عضو أخلااااق:

عضو حبوووب:

عضو غامض :

قرار إتخذتـيه ونـدمتى عليـهـ فيـمـا بعد .. مـا هو ..؟!


مـا اصعب موقفـ مــر عليكى ..؟ وكيفـ كـان تصرفك فيــه ..؟

مـا أكثر المواضيع الـتي تجذبك للمشاركه فيهــا .....؟

ان شاء الله تكون اسئلتى خفيفة عليكى

دمتى بود

السلام عليكم ورحمة الله وبركاته

اخواني الكرام واحبتي جميعاً

لدينا ضيفه عزيزه وغاليه تمتلك من الاخلاق الشي الذي لايوصف

خلوقه وذووووووووق وطيبه وحنونه وصاحبة اعصاب هادئه جدا

يعرفها الصغير قبل الكبير وكل من سجل بالمنتدى قديم او جديد

صاحبة ردود رائعه وثقافه عاليه وحنكه جميله جدا * تقدر تتحكم باعصابها

وقت الغضب شعبيتها كبيره وحازت على احترام الجميع

لا اقدر ان اعطيها حقها من الوصف قلمي ركيك امام هذه المشرفه الرائعه

انها الاخت العزيزه totaaaaaaaaa قلم مميز ومشرفه

محبوبه لدى الجميع **


بسم الله نبدا !!



مساءكم حُب صادق مساء ممزوج بالشوق

وسط الحب نهمس باعذب الهمسات

ووسط الحزن نرمي باغلىالدمعات

ووسط الظلمة نشعل الشمعات

مساء يُخلد على نبضات قلب كل عاشق وولهان

مساء يسوده غيوم وضباب في ليلة شتاء باردة

يداعب قمرها سحاب ليلتكن الدافئة

مسائكم اجمل من لقاءالعشاق وعذاب المُحبين

مسائكم فرح من غيرحزن

مسائكم حب من غير فراق

مسائكم شوق من غيرألم

أسمحيلى لي أن أرحب بكن من هنا

من وسط هذاالمنتدي العظيم الحبيب ,

من أعلى منصه على هذا الصرح الكبير
من شرفات منتد ي تيفا ,

من بساتين الود والحب والاحترام ,

من منبع الصدق والاخلاص ,

من أرق وأحلى الامنيات ,

من أسمى آيات الصداقة الطاهرة

أرحب بكن ترحيباً خالصاً ,

ترحيباً مليئاً بكل معاني الحب والتقدير ,

ترحيباً عاجزاً عن شكر حضورك الكريم

وقدومك الميمون

انتهيت من المقدمه والاستقبال والى الاسئله اختى العزيزه ومعذره منكى على التاخير ولكل سب مسبب عزيزتى!!





- كيف عرفتي تيفا نت ؟
2- ما علاقة اسم توتا بشخصيتها الحقيقيه ؟
3- ماذا يعني لكي الرحيل او الوداع وما الفرق بينهم ؟
4-توتا كطفله من هي وماذا تتذكر من طفولتها؟
5- خطط وطموحات رحيل في المستقبل ؟
6/موضوع اعجبك ... ما هو ...؟؟ ولمن؟؟؟؟ ولماذا؟؟؟

7/موقف طريف حدث معكِى في المنتدى؟؟ ما هو؟؟

8/عندما تغضبي... فإلى أين تتجهي؟؟؟

9/متى تبكي توتا ؟؟

10/لمن تشكي توتا همومها؟؟

11/ما هو مؤهلات الصديقه المثاليه بالنسبه لكِى ؟ اي بمعنى صديقه تعطيها جميع اسرارك؟؟

12/كيف تردين على من ينتقدك وامام الاعضاء؟؟

13/الحياه مليئه بالحب والمشاكل اين تجد نفسها totaaaa من كل هذا ؟؟

14/عضو او مشرف تقولي له الله يسامحك واخر الله يسهل عليك واخر ربنا يكون معاك واخر ماهقيتها منك ويجي منك اكثر واخر اتق الله في نفسك واخر ربنا يعطيك الصحه والعافيه ؟؟


15/-ماهي رموزك في الحياة؟

16/الظلام نوع من الرومنسية معها نوع من اليأس والانطواء ايهما ترجحين اختي؟

17/نصيحة منكي لكل عضو وعضوة في المنتدى كل على حدة؟

18/ شي تمنيتيه وعندما أتى تمنيتي ألا يأتي؟

19/شهر رمضان على الابواب فهل استعدت له توتا أم تعتبره كبقية الشهور؟

20/الحياه مليئه بالدروس .. ماهـو افضل درس علمتك الحياه ؟


21/ما هي حكمتك التي تردديها عندما تواجهين موقف صعب؟

22/هل لديك القدرة على فهم الأخرين بسهولة؟

23/ماذا تعني لكي دموع الأطفال* دموع النساء* دموع الرجال؟؟؟

24/اين تجد توتا نقطة التلاقي بينها وبين قلمها ؟

25/هل من كلمة توجهينها لأعضاء تيفا نت ؟

26/ماهي علاقة توتا بربها والى اي مدى تجد نفسها مطيعه لله؟


27/اين موقع توتا من الزواج والحب؟

28/هل في يوم انسان او صديق زعل منك في المنتدى او خارجه وتريدين ان تقولي له شيئ ؟

29/ماهى التجربه التى عشتيها و تتمنى تكرارها وما هى التجربه

التى تتمنى ان تمسحيها من قاموس حياتك ؟؟؟

30/ما هو اكثر خبر افرحك في حياتك * وما هو اكثر خبر احزنك في حياتك ؟؟

31/اختى الحبيه هذه الجمله احبها كثير جدا واحب ان اعرف منكى ما مدى تاثيرها عليكى

بالتقوى تبلغ ما تريد وبالصبر يلين لك الحديد!!

وأعتذر منكي أختي على الاطالة ودامت لكي السعادة والفرحه دائما يا رب

مع خالص حبى وتقدير


خالد

ازيك يا توتا

حرام عليك يا جماعة دة توتا اختنا بردة كل دة اسئلة ليها

اللة يكون فى عونك يا توتا دول مسكينك تقطيع مش رحمينك خالص

بس دة طبعا علشان مبسوطين انك انت الى معانا

انا بة هبدا بالاسئلة بتاعتى

الحمد لله يا قمر الليالي وحشتني ردودك الجميله
كلامك جميل يا قمر بس مش بيان انك هترحمني
شوفتي يا قمر اخواتي بيعملوا فيه ايه كل ديه اسئله

طب انا مش هتكلم بصي البرنس حطط كام سؤال 31 هو ده امتحان ثانويه عامه

المهم ربنا معايا بقي

نعم يا قمر ايه اللي عندك


ما رايك فى :

الزواج: والله قليل اللي بفلح فيه وبدون مجامله بجد ممكن تكون النسبه 10% النجاحه والباقي اكيد فهمتي ربنا يوفق الجميع

الحب: مش عارفه بس ممكن يكون حاجه حلوه اقولك اسألي مجرب انا معنديش خلفيه عن الحب
الخطوبه : فشل فشل فشل سرييييييييييييييييييييييييييييييع

الحياة: الحياه حلوه وانا بحب الحياه قوووي

الموت: مكتوب لا مفر منه بس هو اكيد شئ حلو علي اي مسلم

الصداقة: احلي شئ في الدنيا الصداقه بس الصداقه بدون مقابل

الكراهية: معرفش عنه شئ الحمد لله

السعادة: احلي حاجه في الدنيا السعاده

النظام: اهم حاجه في حياة اي انسان ( وانا خصوصا بموووت في النظام )

الموت: مكتوب لا مفر منه بس هو اكيد شئ حلو علي اي مسلم

_________________________________________________

من هو؟

افضل صديق: فيب _ البرنس ده من المنتدي من بره لا يوجد
طبعا في المنتدي في كتير بس الأسرار وكده دول بس



افضل صديقة: في المنتدي ( انوش _ ميرووو ) وفجر بس لسه العلاقه جديده


افضل اسم: عبد الرحمن _ مصطفي _ نور _ احمد

__________________________________________________ _

لمن تقولى هذة الكلمات؟

حقك علية: لأخ العزيز ( خالد ) ( البرنس )




علمنى حبك: لمجهول



انت عمرى: للمنتدي تيفا



فين ايامك: لأخ العزيز فيب ( احمد ) وده بسبب عدم دخوله المنتدي كتير وبسبب الغيبه



وداع: مش هقوله لحد لاني مش بحب الوداع



عنيك وحشانى: مجهول




غلطة: لأبي



توام روحى: حبيبتي وصحابتي ( مي ) بس هي مش من المنتدي

طولت عليكى كتير يا توتا معلش

ولا يهمك يا جميل انا في الخدمه وشكرا ليكي يا قمر لمرورك

شكرا للمقدمه الجميله ديه يا عاشق
وربنا يقدرنا ونرد الجمايل ديه ( دا انت تعبااني )

) نبذه مختصره عن توتاااا؟ هواياتها ؟
هوايتي هي كل شئ يتعلق بعلم النفس حل المشاكل التوسع في معرفه علم النفس كله كله
اما شخصيتي مش عارفه ده سؤال مفتوح بس اقدر اقولك انا انسانه عاديه جداا بحب الصداقه بحب دراستي نفسي اكون حاجه حلوه وانا بسعي لتحقيق ده ان شاء الله

• ماذا تحبين و تكرهين في شخصك؟
• بحب في شخصيتي الحب بدون مقابل
• انا لما احب اي حد اعطي حب بدون مقابل

اما بكره في شخصيتي هي برده نفس الحب لاني بقع في ناس ربنا لا يوريك
وانا اللي بتعب في الأخر وبتعب لوحدي


إن ذكرتُ لكِ كلمة " حب " وطلبتُ منكِ تَعليقاً بسيطاً عليها

فماذا ستقولين ؟؟
الحب حاجه جميله ونادره ومش من السهل ايجاد حب حقيقي



تفضلـ أن تبتسمـى حتي وإنت حزين أمـ تفضلـى أن ترحلـى بمفردك في صمت حتي تهدأ ثورة حزنك ؟
لما اكون زعلانه وحزينه افضل ان اكون بين الناس وعشان بحب اكون بين الناس
لازم ارسم بسمه خفيفه

وماذا تعنى الاحلام اليكى ..؟
كل حياتي الأحلام ديه كل حياتي اللي جايه


ماذا تمثل ذكريات الامس لكى ؟؟
والله هي الألم وحزن
بس عندي امل في الله انه تكون احسن





بالطبع لم تخلوا حياتك من التجارب

منها التى اذاقتك الالم تندمين على انكى خضتيها
ومنها تودين تكراراها

فاذكريها لنا؟؟
بلاش يا عاشق احسن المنتدي يغرق مياه ودموع وكده
خلينا كده احسن
بس هقول في الأخر الحمد لله



شخصيات انسبها لأعضاء المنتدى:

عضو حساس: فيب


عضو مثقف: ويب كراكر

عضو حزين: مش عارفه يمكن انا ههههههه

عضو متألق: البرنسيسه

عضو أخلااااق: رامي ( الطيب احسن ) _ عاشق الجنه

عضو حبوووب: البرنس _ انوش

عضو غامض : مندوززز

قرار إتخذتـيه ونـدمتى عليـهـ فيـمـا بعد .. مـا هو ..؟!
اني كتبت في التنسيق في الثانويه العامه
كليه تجاره بعد ضغظ طبعااا
وقاعده فيها سنه وحاولت بعد كده من ورا الضغط ده ههههه

مـا اصعب موقفـ مــر عليكى ..؟ وكيفـ كـان تصرفك فيــه ..؟

مش هقدر اقول لو عايز تعرف يبقي بيني وبينك

مـا أكثر المواضيع الـتي تجذبك للمشاركه فيهــا .....؟
كل المواضيع في منتدي تيفا بصراحه
كل المواضيع ذو اهميه وذو هدف

شكرا يا عاشق الجنه علي الأسئله الجميله ديه

السلام عليكم ورحمة الله وبركاته

اخواني الكرام واحبتي جميعاً

لدينا ضيفه عزيزه وغاليه تمتلك من الاخلاق الشي الذي لايوصف

خلوقه وذووووووووق وطيبه وحنونه وصاحبة اعصاب هادئه جدا

يعرفها الصغير قبل الكبير وكل من سجل بالمنتدى قديم او جديد

صاحبة ردود رائعه وثقافه عاليه وحنكه جميله جدا * تقدر تتحكم باعصابها

وقت الغضب شعبيتها كبيره وحازت على احترام الجميع

لا اقدر ان اعطيها حقها من الوصف قلمي ركيك امام هذه المشرفه الرائعه

انها الاخت العزيزه totaaaaaaaaa قلم مميز ومشرفه

محبوبه لدى الجميع **

مش عارفه اقولك انا مبسوطه قد ايه بمرورك وكلامك الجميل ده


- كيف عرفتي تيفا نت ؟
بالصدفه اه والله بالصدفه ( وبعدين بيقولوا خير صدفه.... ) كمل انت بقي
2- ما علاقة اسم توتا بشخصيتها الحقيقيه ؟
ده اسم دلع من اصحابي في الجامعه وانا بعتز بالأسم ده
بس ايه العلاقه مش عارفه
3- ماذا يعني لكي الرحيل او الوداع وما الفرق بينهم ؟
الوداع وداع رحيل بدون عوده
اما الرحيل ممكن يكون له عوده
وانا مش بحب الأتنين
4-توتا كطفله من هي وماذا تتذكر من طفولتها؟
اتذكر الشقوه والحب والحياه الهادئه والقلب الصغير
والطفله التي لا تعني الحياه لها الا السعاده والحب
5- خطط وطموحات رحيل في المستقبل ؟
الدكتوره وبس
6/موضوع اعجبك ... ما هو ...؟؟ ولمن؟؟؟؟ ولماذا؟؟؟
كل موضوعات المنتدي بس بحب قوووي
عاشق الجنه وفيب ومحمد اللي ساب المنتدي
بس ( عشان دمهم خفيف )

7/موقف طريف حدث معكِى في المنتدى؟؟ ما هو؟؟
كان معك انت يا خالد وبلاش بقي هههههههه

8/عندما تغضبي... فإلى أين تتجهي؟؟؟
الي الله والصلاه والقرأن

9/متى تبكي توتا ؟؟
ابكي عندما احس بالظلم من الناس اللي بحبهم قوووي

10/لمن تشكي توتا همومها؟؟
للورقه والقلم ولله قبل اي شئ

11/ما هو مؤهلات الصديقه المثاليه بالنسبه لكِى ؟ اي بمعنى صديقه تعطيها جميع اسرارك؟؟
الحب والشعور بي وحفظ الأسرار وان تكون ذو صدر رحم
ومحترمه وتكون طاعه لله

12/كيف تردين على من ينتقدك وامام الاعضاء؟؟
اقول انا عارفه نفسي وكل ما يقال عليه فهو مش ضدد بالعكس فهي معي وتتدل علي اني نجاحه ومحبوبه
بس مش غرور انما ثقه بالنفس

13/الحياه مليئه بالحب والمشاكل اين تجد نفسها totaaaa من كل هذا ؟؟
في حياتي طبعا الحب
بس مع الناس احب اسمع لأي حد عنده مشكله وممكن يكون معايا الحل حتي لو بالكلام بس

كفايه كده واكمل لما اجي تاااني بقي
يا خالد احسن انت متوصي بيا قوووووووووووووي

مرسي يا اخ العزيز لمرورك

السلام عليكم ورحمه الله وبركاته
اولا ارحب بكل اعضاء المنتدى واقول لكم
وحشتونى والله جميعا ياريت تكونم لسه
فاكرين اخوكم احمد احب اشارك فى الموضوع
الرائع دا :واقول لي توتااااااا الله يكون فى عونك

ربنا معاكى وانا احب اشارك معاكم فى الموضوع دا
بس متخافيش مش هسئل كتير
اهلا بيا انا فى لقاء جديد
معاكم اليوم

توتاااااا عضوة متميزة جدا فى ردودها
ترفض كتابة بعض المنقول
تألف وتبدع لنا دائما
لها تفكير خاص جدا
افكارها غير تقليدية دائما ومعظمها رائعه
متحمسة ونشيطة جدا وعنيدة
نرحب معا بالمشرفة الرائعه
مشرفة المنتدى حلال العقد

نبداء

بسم الله الرحمن الرحيم


_احسن موضوع قراتيه في منتدى تيفا؟


_اسواء موضوع في المنتدى؟

_رسائل سريعه الى
الاخوه في فلسطين
الاخوه في العراق.؟

_عمل دندمتي على فعله؟

نبذه مختصره عن توتااااا؟ هواياتها ؟


حكمتك المفضله ؟ ووشاعرك المفضل ؟ فنانك المفضل ؟

)لمن تعطي هذه المسميات :-

_القلم الذهبي

_مكنسه

_شهاده تقدير

_ورده حمراء

_ورده بيضاء

_ورقه بيضاء

مع ذكر الاسباب؟؟؟



_______________




ما هي سلبيات المنتدى برايك ؟. وكيف يمكن تجاوزها ؟


ساعطيك ورقه وقلم مع القليل من الالوان الخافته واريد منك ان ترسمي لوحه معبره عن حال العالم العربي ؟ ماذا ستفعلين ؟
______________


ما هو مبدأك في الحياة؟

الى اي مدى انت طموحه؟

ماذا تعني لك الاسره والاولاد؟

يقولون انكى تحبي تآكلي البطاطس
بتفكرك بحاجه؟؟؟


من هو اعز عضو تحترمينه حيل وتقدرينه ؟

من العضو اللي فراقه صعب!!!!

من العضو اللي تحبين تكونين اول من تردين عليه!!!!

من العضو اللي تحسبين الف حساب للرد ماله؟!!!






______________



كفايه كدا عليكى انا عارف انك بتتوترى لما تشوفى الاسئله كتيره

يلا اسئله سهله وبسيطه وعايز ردود بدون مجامله

وصــــــــــــــريـــــــــــــــــــحـــــــــــه

مع خالص تحياتى

mi(vip)do

أكمل الأسئله بقي
علي فكره انا مكندش عارفه انكم بتحبوني قووووووووي كده

هاااااااااااا يا عم خالد عايز ايه تاااني

14/عضو او مشرف تقولي له الله يسامحك ( اع عضو يظلمني من غير ما يتكلم معايا ) واخر الله يسهل عليك ( خالد البرنس ) واخر ربنا يكون معاك( فيب ) واخر ماهقيتها منك ويجي منك( مش فاهمه ) اكثر واخر اتق الله في نفسك ( كل اللي يظلم نفسه ) واخر ربنا يعطيك الصحه والعافيه ( انوش حبيبي ) ؟؟


15/-ماهي رموزك في الحياة؟
التضحيه والحب والأحساس بالأخرين

16/الظلام نوع من الرومنسية معها نوع من اليأس والانطواء ايهما ترجحين اختي؟
الظلام نوع من انواع اليأس والأنطواء
لاني لو رومانسيه هفضل احضن الدنيا واكون بين الناس عشان احس بالحب بجد

17/نصيحة منكي لكل عضو وعضوة في المنتدى كل على حدة؟
خالد ( البرنس ) عايزه اشوفك في المنتدي زي الأول ونصيحه مني خد بالك من شغلك

فيب ( احمد ) ربنا يوفقك في حياتك وخد بالك من اللي انت فيه دلوقتي
انوش نصيحه مني خلي بالك من حياتك اللي جايه ان شاء الله هتكون احسن من دلوقتي
البرنسيسه مستنيه منه هي النصيحه
فجر الأسلام نصيحه مني خدي بالك من حياة الجامعه وخدي بالك قووووي
رامي ( الطيب احسن ) مش عارفه انصحه بالحاجه هو ماشاء الله عليه ربنا يوفقه هقوله ايه
امير الحب خلي عندك ثقه بنفسك وتحدي امام الأخرين
مش عارفه مين تاااني طب اقولك انا عندي نصيحه لكل المنتدي
خدوا بالكم من المنتدي عشان احنا عايزين المنتدي ده يكون احسن منتدي


18/ شي تمنيتيه وعندما أتى تمنيتي ألا يأتي؟
انا تمنيت كتير بلاش بقي

19/شهر رمضان على الابواب فهل استعدت له توتا أم تعتبره كبقية الشهور؟
الحمد لله تماما كل حاجه والحمد لله انا مع الله دائما قلب وعقل بصي طبيعي الواحد بيهتم في رجب وشعبان ورمضان اكتر من اي شهور كصوم وكده
بس كل الأيام بتاعت ربنا وانا لازم اكون مع ربنا في كل الأيام الحمد لله


20/الحياه مليئه بالدروس .. ماهـو افضل درس علمتك الحياه ؟
اتعلمت كتير بس انا مش بحب امشي الا بعقلي
لان لو مشيت ورا الحياه هتعلم برده حاجات مش لذيذه
يبقي خليني بعقلي احسن ( ولو انت رايك ايه )


21/ما هي حكمتك التي تردديها عندما تواجهين موقف صعب؟
ربنا مش بيعمل حاجه وحشه واكيد ده خير ليا والحمد لله


22/هل لديك القدرة على فهم الأخرين بسهولة؟
اااه الحمد لله

23/ماذا تعني لكي دموع الأطفال* دموع النساء* دموع الرجال؟؟؟
دموع الأطفال ( طيبه وحنيه )
دموع النساء ( احيانا تكون طيبه واحيانا تكون دموع تماسيح )
دموع الرجال ( مش بعترف بيها )

24/اين تجد توتا نقطة التلاقي بينها وبين قلمها ؟
في كل وقت محتاجه اعلاف نفسي او اتكلم مع نفسي او لما احس بضمري شويه تلقي القلم ايه والدموع بقي مش هحكايلك

25/هل من كلمة توجهينها لأعضاء تيفا نت ؟
نفسي يكون منتدي تيفا احسن منتدي علي النت كله مده هيتحقق من الأعضاء والمشرفين

26/ماهي علاقة توتا بربها والى اي مدى تجد نفسها مطيعه لله؟
الحمد لله العلاقه كويسه بيني وبين ربي في كل الأوقات انا مع الله



27/اين موقع توتا من الزواج والحب؟
لا موقع لا موقع لا موقع

28/هل في يوم انسان او صديق زعل منك في المنتدى او خارجه وتريدين ان تقولي له شيئ ؟
لأ الحمد لله بس اتمني طبعا محدش يزعل مني

29/ماهى التجربه التى عشتيها و تتمنى تكرارها وما هى التجربه

التى تتمنى ان تمسحيها من قاموس حياتك ؟؟؟

خطوبتي قبل كده اتمني ان امسحه من حياتي
والتجربه نفسي اعشه الأبحاث اللي بعمله في دراستي


30/ما هو اكثر خبر افرحك في حياتك * وما هو اكثر خبر احزنك في حياتك ؟؟
خبر افرحني ___ لما القي حب الناس
خبر احزني ___ وفات عمي ( كنت بحبه قوووي )

31/اختى الحبيه هذه الجمله احبها كثير جدا واحب ان اعرف منكى ما مدى تاثيرها عليكي
بحب اسمعه جداااااااااااااااااا طبعا


بالتقوى تبلغ ما تريد وبالصبر يلين لك الحديد!!

شكرا جداااا يا أخ خالد د انا مش قادره اقولك ......
بلاش بقي خلينا انا الكبيره
بس ليك يوم يا خالد ليك يوم