¤§©¤ مع ضيف المُقَابَلَة الثانية "-||فجر الاسلام||-"¤©§¤

لَاتَحْـلُو الْحَيـَاة دُونَ إِبْتِسَامَة وَلَاتَطْمَئِنُ الْقُـلُوب إِلَابِتِـلْكَالْضِحَْكَة ُالصَـافِيَة التِي تَخْـرُج ْمِنَ القـُلُوبْ وَلَا تَطِيـبُ الْلَحَظَـــات ْإِلَا بِطِيبِة الْـروح

إمتزاجاً بالمحبة و بالروح الصادقة
و أمتلاءً بالحنان و الصدق الاخوي..
الذي يجمعنا في هنا

اطروحة رائعة لشخصية من العظماء
الذي يمتلئ بهم المنتدى

,,

من هنا ..
ومن بين هذه السطور
نعاودُ الترحال مع-||فجر الاسلام||-


ولِأنَنَا نؤمِن بِـ أننَا نَتَخَاطب مِن خَلفِ جَمَاد ( الشَاشَة ) ونَقرَأ الْأحرَف والْأحَاسِيس بـ عَيْنِ أحَاسيسِنَا وثَقافتِنَا

فَـ لَا بُد وأنْ نُقيِّد مِن عطَّـر بـ حُضُورها الصَفحَات فِي قِسم الْمُقَابلَات


نَعَم فجر الاسلام هَذَه الشَخصِية التِي تَمتَازُ بـِ ثِقتِها العَالِية بـِ نَفسِها
وشَخَصِيتها القَوية فِي طَرحِ الْمَواضِيع والردُود
لـ تثبت وِجهَة نَظرهُا للجَمِيع

أُرِيد أن أكتُب كثِيراً هُنـا لْأننِي لو أعطيتَ القَلم حُريتَه فـ إنَّه لَن يُكفِيه
جُل مُنْتَديَات الشَبكَة للحَدِيث عَنها


لنُبحِر جَمِيعاً بيْنَ كَلِمَاتِها وإِجَابَاتِها التِي سَتنْتَقِي أَروَعَها لـ تبُوح بِهَا


معنا ومعكم فجر الاسلام ولمدة 7ايام

---

¤§©¤ lu qdt hglErQhfQgQm hgehkdm "-||t[v hghsghl||-"¤©§¤

الاسئلة الاعتياية

الاسم - الاقامه - الهوايات - مهنتك او دراستك -تاريخ الميلاد

لى عوده باذن الرحمن

اح مـــ ــد

شكرا يا عاشق على هذه المقابلة مع النجمة المتألقة دائما


فجر الإسلام



وبجد أنا كنت مستنى اللقاء ده من زمان

بس

هتبقى أسئلتى ف الآخر

أسئلة من العيار الثقيل

منورة الكرسى والله يا فجر

وشكر كتير كتير أوى أوى ليك يا عاشق الجنة لوجود فجر معاناوربنا يعلى مراتبك ؟؟؟

شكرا يا عاشق علي مجهودك ده والمقابلات الجميله ديه
بس ياريت تحط نفسك مره كده

وشكرا مره اخري لأختيار بنوته لذيذه وهي بندقه المنتدي فجر الأسلام

احلي بندقه في المنتدي
ويا فجر انت علي كرسي الأعتراف بس ده مش عقاب كل اللي هيدخل يسألك يبقي بيحترمك
لانك فعلا ذو مواضيع جميله مفيده

وانا علي فكره محضره شويه اسئله وهرجع اسئلهم
وأهلا بيك مره اخري

وانا جايه بعد شويه اوعي تمشي ههههههه

مهما اقول من كلمات و عبارات شكر لا استطيع ان اشكرك يا عاشق على تلك الكلمات الجميلة

فلا احد يستطيع ان يهزم تلك الكلمات الجميلة
ولكنى احس ان هذه الكلمات كبيرة عليا وانا اقل منها بكثير
اشكرك واشكر جميع اعضاء هذا المنتدى لان هذا المنتدى استفدت منه بكثير وكثير
كما عرفت فيه شخصيات جميلة ورقيقة ومثقفة وطيبة جعلتنى احس ان الدنيا بها الخير
ربنا يعلم ان هذا المنتدى له مكانة كبيرة فى قلبى
لانه هو اول منتدى اشترك فيه اما باقى المنتديات التى اشتركت فيها كنت اشترك فيها لمجرد حصولى على برنامج او اى شىء اخر
اما هذا المنتدى فهو يشهد اول موضوع كتبته
كما ان هذا المنتدى تم بنائه بفضل الله على يدى وعلى يد الاعضاء القدامى هنا
لهذا فانا اعتز بذلك المنتدى الغالى
واتمنى ان يصبح من اشهر المنتديات لتحقيق الافادة ونشر الخير

وانا الان فى انتظار اسئلتكم لكى اجاوب عليها ( بس براحة عليا شوية متعملوش فيا زى توتاااااااا )

الاسم - الاقامه - الهوايات - مهنتك او دراستك -تاريخ الميلاد

الاسم: ايات
الاقامة : الاسكندرية
الهوايات: بحب قراءة الشعر و بحب مساعدة الناس
المهنة او الدراسة: طالبة بكلية سياحة وفنادق بس لو منجحتش فى اختبارات المتقدمين لها هيحولونى كلية تانية يعنى انا لسه فى انتظار النتيجة بتاعة الاختبارات الشخصيةادعولى انى انا انجح ان شاء الله

تاريخ الميلاد:28/9/1990

اهلا بيكي ياقمر علي الكرسي واخيرا هنعرف معلومات عنك وهنهريكي اسئله بس دا

والله من حبنا فيكي انتي بجد انسانه مثقفه ومخك كبير اوي وانا عن نفسي بتعجبني

ارائك جدا لانها بتعبر عن شخصيه وعقليه متفتحه ومتفهمه لامور الحياه كويس اوي

وبجد شكرا جدا ياعاشق علي اختياراتك المتألقه دوما

انا هسأل شويه اسئله خفيفه كدا ويارب ما اكون تقيله عليكي

1- اكتر حاجه ممكن تضايق فجر ؟

2- ايه الحاجه اللي متقدريش تسامحي فيها ؟

3- ايه الحاجات اللي بتعمليها وانتي مبسوطه اوي انك بتعمليها ؟

4- الي اي مدي ممكن يسيب الجرح اثر في قلبك؟

5- اكتر اكلات بتحبيها ؟

6- اكتر حد بترتاحي له "في المنتدي ,خارج المنتدي"؟

7-مين اكتر حد اثر فيكي وفي شخصيتك وكان قدوة ليكي؟

8- بتحبي تعملي ايه اول ما تصحي من النوم ؟

9- ايه هي احلامك؟ وايه اكتر حلم عايزاه يتحقق؟

10- موقف عملتيه وتتمني ان الزمن يرجع بيكي ورا عشان تمحيه من حياتك "احكيلنا عليه"

كفايه دول دلوقتي بس انا هرجع تاني ان شاء الله

اهلا بيكي ياقمر علي الكرسي واخيرا هنعرف معلومات عنك وهنهريكي اسئله بس دا

والله من حبنا فيكي انتي بجد انسانه مثقفه ومخك كبير اوي وانا عن نفسي بتعجبني

ارائك جدا لانها بتعبر عن شخصيه وعقليه متفتحه ومتفهمه لامور الحياه كويس اوي

وبجد شكرا جدا ياعاشق علي اختياراتك المتألقه دوما

انا هسأل شويه اسئله خفيفه كدا ويارب ما اكون تقيله عليكي

اهلا بيكى يا ايناس وشكرا لكلامك الجميل ده وربنا يستر انا حاسة انها اسئلة اصعب من الثاانوية العامة

1- اكتر حاجه ممكن تضايق فجر ؟

لا كتييييير متعديش
يعنى انى اكون شايفة ادامى غلط ومش قادرة اقول انه غلط احسن اللى حوليا يغلطونى عشان قلت ان ده غلط
وبرضه لما يكون حد زعلان منى بضايق اوى
وحاجات تانية كتير

2- ايه الحاجه اللي متقدريش تسامحي فيها ؟

اللى يجى على كرامتى بس الحمد لله ده لسه محصلش وان شاء الله مش هيحصل

3- ايه الحاجات اللي بتعمليها وانتي مبسوطه اوي انك بتعمليها ؟

اما بساعد الناس او اقدم لهم خدمة

4- الي اي مدي ممكن يسيب الجرح اثر في قلبك؟

الى مدى كبير لدرجة انه ممكن يعدى عليه سنين واما افتكره بحس اكنى مجروحة دلوقتى وافضل اعيط ومضايقة

5- اكتر اكلات بتحبيها ؟

كتير بحب البطاطس المحمرة والرز بلبن والقلقاس والبامية و الكفتة كتيييييييير

6- اكتر حد بترتاحي له "في المنتدي ,خارج المنتدي"؟

فى داخل المنتدى اميرة وايناس وتوتاااااا لسه اعرفها من قريب
و خارج المنتدى ليا واحدة صحبتى من الاعدادى دى اقرب واحدة ليا
وليا 3 اصدقاء من بتوع الثانوى دول بنات جدعان اوى واصحاب بجد متهيالى صعب الاقى زيهم تانى

7-مين اكتر حد اثر فيكي وفي شخصيتك وكان قدوة ليكي؟

كتييييييير منهم عمتى الله يرحمها ومدرستى فى الاعدادى وناس تانية كتير

8- بتحبي تعملي ايه اول ما تصحي من النوم ؟

ههههههههههههه اول لما بصحى من النوم بسيب الاوده اللى كنت نايمة فيها واروح على اوده تانية اكمل نومى فيها
ههههههههههههه

9- ايه هي احلامك؟ وايه اكتر حلم عايزاه يتحقق؟

نفسى اكمل دراستى فى الكلية ان شاء الله لما اتقبل فيها بس ادعولى اكمل الدراسة بتفوق
وان جت الفرصة اللى اكمل الدراسات العليا اكملها
لكن اكتر حلم هو ان حياتى تفضل هادية باستمرار

10- موقف عملتيه وتتمني ان الزمن يرجع بيكي ورا عشان تمحيه من حياتك "احكيلنا عليه"

موقف حصلى وانا فى خمسة ابتدائى المفروض اتوبيس المدرسة ينزلنى اروح على البيت على طول بس للاسف مروحتش فضلت اتفرج على المحلات فى الشارع اللى ورانا انا وواحدة معايا فى الباص فماما كانت شافت الاتوبيس ولقتنى لسه مرجعتش راحت نزلت ولقتنى وانا بتفرج على المحلات راحت خدتنى على البيت وبابا عمل الواجب وزيادة كتر خيره وزيادة
ده موقف مش حلو خالص بس بحمد ربنا ان عملته وانا صغيرة مش وانا كبيرة

كفايه دول دلوقتي بس انا هرجع تاني ان شاء الله

تحت امرك بس ربنا يستر على الاسئلة اللى جايه

انا مش هاطول عليكى يا فجر انا ليا سؤال واحد
ايه هو اصعب موقف فى حياتك؟؟؟

انا مش هاطول عليكى يا فجر انا ليا سؤال واحد
ايه هو اصعب موقف فى حياتك؟؟؟

حلو المختصر المفيد ده

فى مواقف صعبة بتمر على حياة الانسان وانا مرت عليا مواقف كتيير
بس اصعبهاموقف وصول خبروفاة عمتى الله يرحمها وموقف وصول خبر وفاة عمى الله يرحمه

الله يرحمهم
بس متتغريش انى سالتك سؤال واحد اللوقت
ده انا بسخن بس
كمان شويه داخل فى التقييييل

لي عوده ولكن مجرد سؤال رجاء الاجابه عليه بكل صراحه

ايه اهم عيوب تيفا طبعا ده لمصلحة تيفا عشان نتفادي العيوب دي

منتظر الاجابه الواقعيه وليست الدبلوماسيه بفارغ الصبر

لي عوده ولكن مجرد سؤال رجاء الاجابه عليه بكل صراحه

ايه اهم عيوب تيفا طبعا ده لمصلحة تيفا عشان نتفادي العيوب دي

منتظر الاجابه الواقعيه وليست الدبلوماسيه بفارغ الصبر

طبعا كلنا عارفين ان مفيش حاجة كاملة لان الكمال لله وحده

وبما اننا مش كاملين يبقى عندنا عيوب

وانا هقول عيوب منتدى تيفا عشان نشوف حل لها

1 ان فى عدد من الاعضاء تولوا الاشراف و للاسف الشديد لا يستحقوها لانهم مش متابعين الاقسام بتاعتهتم كويس وقليل اما يفكروا ينزلوا مواضيع وطالبنا كتير باعادة فتح باب الترشيح بس للاسف لغاية دلوقتى متفتحش
وبالعكس انا شايفة اعضاء هم المهتمين بالاقسام دى اكتر من المشرفين
2 ان احنا هنا مش مهتمين بالاعضاء الجدد ومش بنشجعهم اوى
3 اختفاء كتير من الاعضاء اللى كانوا نشطين
4 وجود بعض المواضيع المكررة
5 فى اقسام هنا مش مهتمين بها خالص يعنى نسينها زى قسم اخبار التكنولوجيا وتحرير الفيديو
انا من رايى ان الاقسام اللى مفيش اقبال عليها نغيرها ونحط بدالها اقسام نكون مقبلين عليها
6 فى بعض الاعضاء كانوا بينزلوا مواضيع دلوقتى بيكتفوا بردود وشكر

الحقيقة دول ابرز العيوب هو اكيد ممكن حد تانى يمكون شايف حاجة تانية بس ده اللى انا شايفاه
وانت يا محمد طلبت اقول بصراحة ودى الصراحة اللى عندى

انا جيت تاني زي ما وعدتك يافجر بس يارب ما تكوني عايزة تموتني

شويه اسئله علي السريع كدا

1- احكيلنا علي اكتر حاجه عملتيها وفرحتي من نفسك اوي؟

2- موقف عمليته في انسان غالي عليكي وندمتي عليه؟

3-هل جربتي الحب؟

4- كلمه تقوليها لاعضاء المنتدي؟

5- حياتك لا تسمي حياه من غير مين؟

6- طموحاتك في المستقبل؟

7- لو جرحتي حد واتأسفتي ولم يقبل الاعتذار ايه ممكن تعمليه عشان يسامحك ولا

هتكتفي بالبعد والاسف؟

8- ماذا تعني ليكي هذه الكلمات:

الحب

الصداقه

الانانيه

الحياه

الكدب

التوتر

النجاح

علي فكرة انا ممكن ارجع تاني

المشاركة الأصلية كتبت بواسطة فجر الاسلام

طبعا كلنا عارفين ان مفيش حاجة كاملة لان الكمال لله وحده

وبما اننا مش كاملين يبقى عندنا عيوب

وانا هقول عيوب منتدى تيفا عشان نشوف حل لها

1 ان فى عدد من الاعضاء تولوا الاشراف و للاسف الشديد لا يستحقوها لانهم مش متابعين الاقسام بتاعتهتم كويس وقليل اما يفكروا ينزلوا مواضيع وطالبنا كتير باعادة فتح باب الترشيح بس للاسف لغاية دلوقتى متفتحش
وبالعكس انا شايفة اعضاء هم المهتمين بالاقسام دى اكتر من المشرفين

هو ممكن نغير لا يستحقوها انا لسه جديد برده ومعرفش الناس دول كانوا شغالين قبل ما اجي ولا لا
ممكن حصلهم ظروف
بس اقدر اقول فعلا ان بعضهم مش شغال دلوقتي خالص

2 ان احنا هنا مش مهتمين بالاعضاء الجدد ومش بنشجعهم اوى

بصراحه انا ملاحظها اوي اوي اوي اوي وامعرفش ليه بحس اننا عاملين زي البيت مش عاوزين حد يدخل علينا
مجرد احساس

3 اختفاء كتير من الاعضاء اللى كانوا نشطين
لكل شخص ظروفه بس عادي نشوف غيرهم والمدير يبعت للباقي رسايل زي ما بيجيلي رسايل من منتديات بكون نسيها

4 وجود بعض المواضيع المكررة
دي تبع الاشراف بقي هانتعبهم معانا شويه

5 فى اقسام هنا مش مهتمين بها خالص يعنى نسينها زى قسم اخبار التكنولوجيا وتحرير الفيديو
انا من رايى ان الاقسام اللى مفيش اقبال عليها نغيرها ونحط بدالها اقسام نكون مقبلين عليها

بجد فكره نفسي اقلها وانا طلبت قبل كده عمل قسم او تغير اسم قسم بس لم يحالفني التوفيق في الطلب وتم رفضه

6 فى بعض الاعضاء كانوا بينزلوا مواضيع دلوقتى بيكتفوا بردود وشكر

مش لاقيلها حل


الحقيقة دول ابرز العيوب هو اكيد ممكن حد تانى يمكون شايف حاجة تانية بس ده اللى انا شايفاه
وانت يا محمد طلبت اقول بصراحة ودى الصراحة اللى عندى

بصراحه انتي قولتي معظم العيوب وشكرا لاهتمامك بالرد والصراحه في الاجابه وارجو الاهتمام من كراكر بالموضوع وبالعيوب دي

انا جيت تاني زي ما وعدتك يافجر بس يارب ما تكوني عايزة تموتني

يا اهلا وسهلا شرفتينى

شويه اسئله علي السريع كدا

واضح انها على السريع ده كل سؤال منهم قضية لوحدها

1- احكيلنا علي اكتر حاجه عملتيها وفرحتي من نفسك اوي؟

اما نجحت فى تالتة ثانوى و عوض شوية الدرجات اللى خسرتهم فى تانية ثانوى
وكمان كان الكل متوقع ان درجاتى هتقل عشان شايفينى انى مبذكرش اوى
وكانت مفاجاة والحمد لله لحقت كلية من الكليات النظيفة بس يارب انجح فى اختباراتها ادعولى زى مقلتلكم ولا بتنسوا

2- موقف عمليته في انسان غالي عليكي وندمتي عليه؟

و الله انا بحاول افتكر بس مش لاقيه مش معنى كده انى معملتش موقف فى انسان ورجعت ندمت عليه
اكيد عملت بس انا مش فاكرة ممكن عشان اما بندم على موقف بروح اعتذر واللى قدامى بينسى وانا بنسى
على العموم اما افتكر هقول بس انا دلوقتى مش فاكرة خالص

3-هل جربتي الحب؟

الحمد لله لسه

4- كلمه تقوليها لاعضاء المنتدي؟

خلى بالكم من المنتدى واهتموا بيه وخلوه يرجع زى الاول واحسن وحاولوا صلحوا اخطائه

5- حياتك لا تسمي حياه من غير مين؟

من غير ناس كتييييير منهم بابا وماما واقاربى واصحابى او اقدر اقول حياتى لا تسمى حياه من غير الناس اللى بحبهم

6- طموحاتك في المستقبل؟

انى اتفوق فى دراستى وان جت الفرصة اكمل دراسات عليا اكملها

7- لو جرحتي حد واتأسفتي ولم يقبل الاعتذار ايه ممكن تعمليه عشان يسامحك ولا

ده على حسب الجرح لو انا جرحته جرح كبير احاول كذا مرة ولو جرحته جرح مش كبير لحاول مرة تانية ولو هو مصمم على الرفض خلاص هو حر بس ساعتها اكون عملت اللى عليا امام ربنا
واعتقد ان اللى بيرفض اعتزار اللى قدامه هو اللى خسران

8- ماذا تعني ليكي هذه الكلمات:

[quote][الحب
/QUOTE]

شعور جميل لو الانسان فهمه صح بس افضل حب هو حب الانسان لربه ده هو فعلا الحب الحقيقى

الصداقه

مقدرش اعيش من غيرها ولا اقدر اخسر حد من اصدقائى

الانانيه

اكتر حاجة اكرها فى حياتى

الحياه

هى سر الوجود بالرغم من انها فانيه تتمتع فيها بالخير اما الشر يجعلها جهنم فى الدنيا

الكدب

عادة وحشة جدا جدا بس دلوقتى اصبح كتير بيستخدمها

التوتر

من اصعب الشعور اللى بيمر عليا بس هو مبيمرش عليا كتير بس انا مش بحبه

النجاح

ده احلى حاجة النجاح وخصوصا اما تكونى انتى واللى حواليكى ناجحين
النجاح حلو لما تلاقى فى اعين اللى حواليكى وخاصة بابا وماما فرحة واللى هم بيفخروا بهذا النجاح

علي فكرة انا ممكن ارجع تاني

يا سلام هى وكالة من غير بواب
داخلة خراجة وخارجة داخله من غير احم ولا دصتور

هههههههههههههه

على العموم يا ستى تشرفى
بس عاوزة افكرك ليكى يوم

أدينى وصلت ؟!

ف البداية /

أحب أقول إن فجر الاسلام من أبهر الشخصيات التى أبهرتنى ف المنتدى كعضو جديد يصول ويجول ف المنتدى بلا وجهة ولا اتجاه , حسيت إن ليها هيبة كده ومكانة يكفى إن لاقيت اسمى مكتوب بالأسود واسمها مكتوب بالأحمر ؛ ده طبعا خلانى أحاول أعرف السبب اللى خلى اللون معاها كده ومعايا كده وطبعا ده كله بناء على اسمها فكانت تعتبر أول اسم قابلنى ف المنتدى ...

فجر ؛ بعد قراءة مواضيعها ومعرفة شخصية قلمها وجدتها انسانة جميلة جدا , ولن أعلق أكثر من هذا على شخصيتها
منعا للحياء ..

أول حاجة أدهشتنى السن ؟! ولا تعليق ...

الأسئلة

السؤال الاول /
أكتب نبذة مختصرة عن : ( إجبارى )

1- فجر فى المطبخ .
2- فتى أحلام فجر .
3- فجر كـ مشرفة .

السؤال الثانى /
أكتب المصطلح العلمى :

1- عادة تتمنى التوقف عنها .
2- عادة تتمنى دوامها .
3- انسان تدينين له بالعرفان .

السؤال الثالث /
ما رأيك فى هؤلاء ؟ وموضوعاتهم ؟ ووجودهم ف المنتدى ؟ ونصيحة تقدميها لهم ؟ وتقديرك لكل ذلك ؟ لكل منهم على حدة ؟

دول مشرفين ...

SpAnKy la princesse عاشق الجنة totaaaa قمر الليالى 7amato

شخصيات عجبانى ...

نانيس , إيناس , malk ro7y

السؤال اللى أنا عايزه /

سبق وأن قمتى بتثبيت موضوع لى ؟ وقمتى بحذف تثبيت الموضوع مرة أخرى ؟ فلماذا؟


هل أنتى راضية على أدائك كمشرفة ؟


شخصيات تتمنى أن تأخذ فرصة الإشراف ف المنتدى
ياترى ترشحى مين ؟

كفاية كده ولو تلاحظى أصلا إن أنا مابسألشى حد خالص بس دخلت عشان فجر ؟ الشخصية الفولاذية ف المنتدى ؟



أتمنى أن تقبلى مرورى على كرسى عرشك


ممكن أرجع تانى

أدينى وصلت ؟!

اهلا وسهلا بيك

أحب أقول إن فجر الاسلام من أبهر الشخصيات التى أبهرتنى ف المنتدى كعضو جديد يصول ويجول ف المنتدى بلا وجهة ولا اتجاه , حسيت إن ليها هيبة كده ومكانة يكفى إن لاقيت اسمى مكتوب بالأسود واسمها مكتوب بالأحمر ؛ ده طبعا خلانى أحاول أعرف السبب اللى خلى اللون معاها كده ومعايا كده وطبعا ده كله بناء على اسمها فكانت تعتبر أول اسم قابلنى ف المنتدى ...



فجر ؛ بعد قراءة مواضيعها ومعرفة شخصية قلمها وجدتها انسانة جميلة جدا , ولن أعلق أكثر من هذا على شخصيتها
منعا للحياء ..

شكرا لك على هذا الكلام الجميل
والحمد لله انى تركت انطباع جيد عنى فى المنتدى
ولكنى احس انى اقل من هذا الكلام
انا شخصصية عادية مثلكم
و انا بشكر عاشق لانه بالموضوع ده خلانى اعرف قد ايه اعضاء المنتدى هنا بيعزونى
واشكرك يا احمد على كلامك

السؤال الاول /

أكتب نبذة مختصرة عن : ( إجبارى )

هو امتحان ثانوية عامة

1- فجر فى المطبخ

انت بداتها يسؤال محرج اوى هاخد فيه صفر فى الامتحان

للاسف الشديد فجر فى المطبخ لا تعلم الا قليل جدا عن المطبخ دورها الاساسى فى المطبخ تغسل الاطباق اصل بعرف اغسل الاطباق والحلل حلو اوى على اختلاف انواعها
بس طبيخ واكل اعرف احمر البطاطس وقلى البذنجان والبيض فقط
والله انا عارفه ان دى خيبة وماما بتنصحنى انى ادخل المطبخ واحيانا تجبرنى بس اما تجبرنى تحصل حاجة متخلنيش ادخل
بس ان شاء الله انا هدخله عن قريب اه والله انا لما فكرت فى الموضوع لاقيته حاجة وحشة اوى خصوصا ان كل اصحابى شاطرين وهكون ان شاء الله طباخة بريمو

2- فتى أحلام فجر .

اولا لازم يكون بيصلى ومتدين وعلى خلق ويراعى ربنا فيا ويقدر يتحمل مسئولية بيت واسرة

ويقبل شخصيتى كما هى فجر وطبعا فى كل انسان عيوب وله محاسن يساعدنى على ان امحى عيوبى بس ميمحيش الحاجات الحلوة اللى فى شخصيتى وانا كمان هساعده فى كده

3- فجر كـ مشرفة .

اللى يجاوب على السؤال ده انتم مش انا

السؤال الثانى /

أكتب المصطلح العلمى :

1- عادة تتمنى التوقف عنها .

ههههههههههههههه دى عادات مثلا السهر الزايد عن اللزوم لان السهر ده عندى فى الاجازة والدراسة وعادات تانية برضه بس دى اهمها

2- عادة تتمنى دوامها

قراءة الاذكار وعدم شرب الشاى والقهوة اصل انا مبشربهمش وكل اللى يسمع كده يستغرب ويقولى بتسهرى ازاى من غيرهم

3- انسان تدينين له بالعرفان .

لا كتييييييييير على راسهم بابا وماما وبعد كده اقاربى واصحابى واخويا
كل الناس دى ساعدتنى وعملولى حاجات حلوة عشان كده بدين لهم بالعرفان

السؤال الثالث /

ما رأيك فى هؤلاء ؟ وموضوعاتهم ؟ ووجودهم ف المنتدى ؟ ونصيحة تقدميها لهم ؟ وتقديرك لكل ذلك ؟ لكل منهم على حدة ؟

دول مشرفين ...

la princesse

دى حبيبتى مشرفه جميلة ومن احلى المشرفين عندنا
صاحبة الردود الجريئة
انسانة مثقفة وطيبة ومن الذين اثبتوا بجدارة قد مسئولية الاشراف

SpAnKy

الحقيقة معرفش شخصيته اوى لقلة مواضيعه بس عاوزة اقوله خلى بالك من القسم بتاعك شوية

وزود نشاطك شويه فى المنتدى

عاشق الجنة

مشرف عام ويستحقها صاحب الكلمات الجميلة التى تبدو منها شخصيتة الهادئة ودايما لو فى مشكلة فى المنتدى بيحاول يحلها
وصاحب افكار كتيرة يكفى ان هو صاحب فكرة كرسى الاعتراف

totaaaa

توتاااا هى الاخصائية الاجتماعية للمنتدى بجد بحس ان بتساعد اى حد من قلبها يعرض مشكلته فى المنتدى
وكمان دمها خفيف
وكمان هى الوحيدة اللى قدرت تضرب توقعاتى لانى مكنتش متوقعة ان قسم حلال العقد ينجح لانى اعتقد ان مش اى انسان يرضى يكتب مشكلته كده علنى لناس ميعرفهمش اوى ولكنها نجحت اما عملت اليوسر حيران
وبذكائها اصبح هذا القسم من الاقسام المفضلة لدى فى المنتدى

قمر الليالى

لا اتخيل قسم لك سيدتى بدونها
قمر استطاعت ان تهب لهذا القسم الحركة وعند اختفائها نام هذا القسم وبرجعها استيقظ هذا القسم وبدا يستعيد نشاطه بشكل ملحوووووظ

7amato

انت اختفيت فجاة من على المنتدى وحرمتنا من رسايلك الحلوة فى قسم الجوال

لعل المانع يكون خير و ان شاء الله ترجع معاك حاجة حلوة لقسم الجوال

شخصيات عجبانى ...

كل الشخصيات هنا عجبانى بس نشوف انت مخترلنا ايه

نانيس

دمها خفيف وفى نفس الوقت هادية قدرت ترسم شخصية حلوة لها بالرغم من انها بتدخل المنتدى على فترات متقطعة ومن الشخصيات اللى انا بستريحلها من خلال ردودها الدبلوماسية

[quote][ إيناس /QUOTE]
دى حبيبتى انسانة طيبة جدا جدا ومحترمة وحبوبة بتحباا لمنتدى بجد
ومفيش يوم بيعدى الا لازم تطمن فيه على المنتدى

وانا بطلب من الادارة ان المفروض تدلها درجة فى الرتبة زياده يعنى كعضو ذهبى او شخصية مهمة

malk ro7y

ظهرتى بموضوع حلو جدا جدا
عاوزينك تنزلى مواضيع حلوة زى الموضوع ده

سبق وأن قمتى بتثبيت موضوع لى ؟ وقمتى بحذف تثبيت الموضوع مرة أخرى ؟ فلماذا؟

انا فعلا ثبتلك موضوع وبعد كده حذفت التثبيت
اولا انا بحاول اثبت المواضيع اللى بيكون فيها كتب وموسوعات وبرامج دينية لان ملهاش قسم فى الاسلامى المواضيع دى تثبيتها بيكون دائم و
اما مواضيع الكتابة اللى بيكون فيها كلام دى تثبيتها بيكون مؤقت وانا ثيت موضوعك لمده خمس ايام تقريبا وشيلته تانى
انا عندى الاولى فى التثبيت الموسوعات الاسلامية والكتب وقبل كده انا كنت مثبتة مواضيع كتابة بس كنت بثبتها بشكل مؤقت انا قلتلكم كده عشان متستغربوش لو فى موضوع كان متثبت وبعد كده حذف تثبيته

هل أنتى راضية على أدائك كمشرفة ؟

لو انتو راضيين عن ادائى كمشرفة اكيد انا هكون راضية والعكس صحيح

شخصيات تتمنى أن تأخذ فرصة الإشراف ف المنتدى
ياترى ترشحى مين ؟

ارشح ارشح ايناس و محمد ابراهيم و امير الحب يرجع اشراف



[quote][كفاية كده ولو تلاحظى أصلا إن أنا مابسألشى حد خالص بس دخلت عشان فجر ؟ الشخصية الفولاذية ف المنتدى ؟



أتمنى أن تقبلى مرورى على كرسى عرشك


ممكن أرجع تانى
/QUOTE]

وانا فى انتظار عودتكم
وافتكر يا احمد ليك يوم تعد على كرسى الاعتراف

FROM GROUP 1

(COMRADE MANDOZZZ)



AND GROUP 2

(COMRADE RAMY)



TARGET HAD BEEN LOCKED ON




فجر الاسلام

FIRE AT WELL

سؤالى بقه شعورك ايه بعد منا ورامى فجرناكى