بسم اللة الرحمن الرحيم
انا الموضوع ده لقيته فعجبنى جدا
وطبعا ده مفيهوش اى تحيز لاى جانب
احنا هنا ناقر نقير
بس لو فكرنا فيه فى الواقع هنلاقى نفسنا فيه
انا جيبت الموضوع ده النهاردة عشان الشباب يعرفوا البنات هما ايه
عشان يعرفوا ان البنات نعمة كبيرة ربنا أنعم علينا بيها بس لو تم التعامل بين الولد والبنت بالطريقة الصحيحة.
الحقيقة ان لا البنات تقدر تعيش من غير الولاد..ولا الولاد يقدروا يعيشوا من غير بنات
يبقى نعمل هدنة ونكتشف سوا ايه هى البنت وعايزة ايه ومحتاجة ايه.
وبرضه ممكن تقدملنا ايه . البنات يا جماعة نعمة كبيرة اوى وتعالوا بقى نشوف البنات
البنت هى اية
ممكن تشوف بنت تقول اللة البنت دى امووورة اوى وممكن اول ما تشوف واحدة تقول البنت دى مش
حلوة
الحقيقة ان مفيش بنت وحشة
وفى بنات بتووحش نفسها
اى بنت مهما كانت لازم هتلاقى فيها حاجة حلوة ممكن متشوفهااش بس تحسها اوووى
من اولها لاخرها ربنا وهبها الجمااال....... والمرأة رمز الجمال
فى حجات كتير غير الشكل
تفكيرها مثلا
عصبيتها
طبعها
غيرتها
جنانها
ايون جنانها
مفيش بنت وحشة ومفيش بنت مش مجنونة
البنات و الجنان خطين متوازين
نشوف حاجة حاجة كدة نبتدى بروح البنت
الروح
اى بنت بتلاقى فيها رووح معينة روح متشفش بس تتحس روح تديك احساس بالفرحة او الغيظ او بالا ستغراب او بالانبهاار احيانا
المهم انك بتحس فى الاخر انها رووح جميلة روح وهبها ربنا لاى بنت
الغيرة
مفيش بنت مش بتغير ..... بتغير عليك من اصحابك من صحبتاها ....... وممكن كمان تغير عليك من
نفسها
وممكن تغير عليك من نفسك كمان
وفى وسط الغيرة والعصبيةة دى بتشوف نوع تانى من الجمال
جمال البنت فى غيرتها بتشوف فى عنيها نظرة الطفل الغيران من اخوة المدلل
الخجل
اى مجاملة مهما كانت غريبة هتصدقها البنت
ولما تصدقها هتشووف اجمل خدود حمرا فى الدنيا لاى بنت خجولة
هتشووف خجل وانكسار يحسسك بالجوهرة اللى قدامك ومطلوب منك انت تحافظ عليها وهتبقى مسمتع وانت بتموووت علشان
تحافظ عليها والخجل من
اجمل الهبات اللى وهبها ربنا للبنت
والكلام بعيد طبعا عن البنات اللى بتكسر القواعد دى والبنت عمرها ما هتبقى مميزة الا وهى بنت بس
القوة
الضحكة الجميلة والعيون الحلوة ونظرة الخجل اللى فى عنيها بتبقى تحتهم قوة رهيبة
قوتها لما تصمم وتتمسك بقرارها ولن ترجع فية ابدا
قوتها لما تحس انا اتخدعت........ اطنان طيبة ورقة وجماال ممكن تحول لقوة رهيبة فى لحظات
ولاتفة الاسباب واعمقها بالنسبة ليها هى
الحنان
اى بنت جواها بركااااااان حنان وفيضاااااااان طيبة
ممكن هى نفسها متحولش تظهر دة بس بيبان ...... احساس الامومة موجود عند اى بنت ناحية ا حد
ناحية حبيبها او جوزها او اخوها او بباها نفسة
مفيش احلى من انك تشووف نظرة الخوف والقلق عليك فى عنيها
رغم قوتك وصرامتك بتحس انك طفلها
الجنااااان
مفيش بنت مش مجنونة
الجنان خط متوازى مع البنات
طالما بنت تبقى مجنونة على طووول
بس جناان زى العسل ممكن يضايقك بس فى نفس الوقت بيسعدك
جنان ممكن يوديك فى 156666687 دهية
وفى نفس الوقت يخليك تضحك علية من جوواك جنااان تبقى عايز تحدفها من اقرب بلكوونة
وفى نفس الوقت بتبقى عايز تخبيها من اى حاجة ممكن تضرها
وزى ما قولتكوا مفيش بنت مش جميلة
ها ايه رأيكم الوقت...؟ ايه رأى البنات فى الكلام اللى فى الموضوع
وايه رأى الولاد
الموضوع اهو بكل حيادية وبكل طيبة وواقعية
بس لاحظوا ان الكلام على البنات بمعنى البنات لان فى حياتنا ياما بنقابل شخصيات المفروض انهم بنات بس ميقربوش للبنات باى صلة
كدب وغش وخيانة وخداع
المهم رأينا فى البنات وفى الموضوع
مستنى ردودكم
معلشى الموضوع ملطوش
hgfkhj kuli lk uk] vfkh>>>>>>>>>>>>>
البنات نعمه من عند ربنا.............
العرض الشجري
