المساعده , ارجو

ارجو المساعدة اصيب جهازي بفايروس لايف سكيوريتي بلا نتيوم Live Security Platinum

السلام عليكم ورحمة الله وبركاته

عندي مشكله

اصيب جهازي بفايروس لايف سكيوريتي بلاتين

Live Security Platinum

مو عارفه السبب ولا استطيع فتح الملفات ولاشي ياليت الي عنده خلفيه عن هذا الفايروس يقولي وكيفيه ازالته

ولكم جزيل الشكر

---

hv[, hglshu]m hwdf [ih.d fthdv,s ghdt s;d,vdjd fgh kjd,l Live Security Platinum hglshu]i

لايف سيكيوريتى بلاتينيوم بيعطل أشياء كتيرة فى ويندوز وبيمنع الدخول للريجسترى وتشغيل الملفات بصيغة exe لمنع المستخدم من حذف الفيروس ..
الخبر الكويس هو إن الفيروس معروف وموجودة طريقة إزالته ولكنها بتطلب وقت ومجهود غير قليل ..
فى الوقت الحالى ياريت تزودينى باسم نظام التشغيل عند حضرتك عشان أعرف أهيأ الخطوات ..

خدى بالك إن الفيروس بيبعت رسايل وهمية بإن الجهاز مصاب وبيحاول يخلى المستخدم يشترى برامج بنية حذف الفيروسات اللى مش موجودة أصلاً فياريت ماتتبعيش الرسائل دى نهائياً ..

ليا عودة بإذن الله ..

أخوي نظام التشغيل 64 بت

طيب واسم النظام ؟

سوري على التاخير وندوز 7

جميل ..

الخطوات بإذن الله هكون بنقلهم من الموضوع ده https://malwaretips.com/blogs/live-s...removal-guide/ وهما المفروض سبع خطوات هكون فيهم بس الوسيط ..

التصليحات هنعملها من وضع safe mode

1- شيلى أى (سى-دى)/(دى-فى-دى) من السى-دى روم .
2- اعملى Restart
3- من لحظة ما الجهاز يبدأ يشتغل من جديد وقبل ما واجهة Starting Windows تظهر اضغطى F8 على لوحة المفاتيح بشكل متكرر لحد ما الواجهة دى تظهرلك



4- اختارى منها Safe Mode with Networking واضغطى Enter

هذي طريقه سويته ومانفعت

معليش اخوي تعبتك معي لحظه

سويت الخطوه زي ماقلت

الخطوة التانية هنحذف فيها البروكسى الخبيث اللى الفيروس ثبته

هقسم الخطوة دى لقسمين على حسب نوع المتصفح اللى بتستخدميه (يفضل التنفيذ على الإتنين مع بعض)

--------------
أولاً متصفح Internet Explorer
--------------

1- ادخلى للـ control panel من خلال قائمة start




2- اضغطى على Network & Internet وبعدين اضغطى على Internet Options (لو Internet Options واضحة من البداية اضغطى عليها وخلاص)

3- اضغطى على تبويب Connections من أعلى النافذة وبعدين LAN Settings بالأسفل




4- إلغى علامة الصح من قدام Use a Proxy Server for your LAN وبعدين اضغطى OK ثم OK




------------
ثانياً متصفح Firefox
------------

1- من أعلى اليسار اضغطى على Firefox ثم Options ثم Options




2- من النافذة الجديدة اضغطى على تبويب Advanced ثم تبويب Network أسفله ثم Settings




3- علمى على No Proxy واضغطى OK ثم Ok




كده الإنترنت رجع زى ماكان ..

فى إنتظار التأكيد

معليش اخوي على السؤال الغبي اعيد تشغل الجهاز لانه على النظام الامن

لا يا أختى كافة التعديلات هنعملها من وضع الsafe mode لأنه مستقر أكثر ..

الاختيار لقيته ملغي من نفسه
اكمل عادي

طالما ملغى فى البرنامجين يبقى خلاص نكمل مفيش مشكلة
كل التغييرات هتبقى من الوضع الآمن وبدون عمل ريستارت بين كل خطوة والتانية عشان الفيروس مايستعيدش سلطته ..

الخطوة الثالثة

--------------
تصليح الريجسترى
--------------

الخطوة دى بسيطة ومش محتاجة أى مجهود ..

1- حملى الملف من الرابط https://malwaretips.com/attachment.php?aid=1000

2- اضغطى على الملف اللى حملتيه هتظهر رسالة اضغطى Yes ثم OK




كده المفروض تقدرى تشغلى البرامج بصيغة exe من تانى ..
بلغينى أما تنهى الخطوة

فى إنتظار تأكيد إتمام الخطوة

اسفه اخوي تاخرت في الرد النت اتصاله ضعيف حملت الملف وكل شي تمام الحين وش اسوي

معليش اخوي تعبتك معي انا ححاول اتبع الطريقه الي انت كاتبها مضطره اطلع اذن المغرب ولو ماعرفت شي راح اسالك راح اتعبك معي عشان افهمجزااك الله كل خير

مفيش أى مشاكل أختى أنا كمان النوم هجم عليا فنمت ..
------

الخطوة رقم 4 هنفذها هى كمان من الوضع الآمن ..
بعدها لازم نكمل للخطوة الخامسة من غير ما نطفى الكمبيوتر أو نعمل restart وفى حالة حصل عن طريق الغلط هنحتاج نعيد الخطوات من الخطوة الرابعة من جديد ..

------
الخطوة الرابعة
إغلاق العمليات الخبيثة العاملة فى الخلفية
------

1- أثناء العمل فى الوضع الآمن حملى برنامج RKill من الرابط ده https://download.bleepingcomputer.co...r/iExplore.exe

2- شغلى البرنامج بالضغط عليه (لبدء عملية البحث) ..



3- انتظرى حتى إنتهاء البرنامج من عملية البحث وإغلاق التطبيقات الضارة ..



4- بعد إنتهاء عملية البحث هتظهر رسالة اضغطى OK وبعدين هيتفتح ملف كتابى فيه تفاصيل عملية البحث اقفليه مش مهم ..




كده نقدر نشغل أى أنتى فيروس عاوزينه بما إن تطبيقات الفيروس اتقفلت ..
أشدد على كلمة "اتقفلت" وليس "اتحذفت" حيث إن الخطوة دى مؤقتة وسيضيع أثرها بعد shutdown أو restart ولذلك ابق الجهاز قيد التشغيل ..

الخطوة الخامسة

--------
حذف ملفات الفيروس الضارة
-------

1- هتحملى برنامج اسمه MalwareBytes من الرابط ده https://www.techspot.com/downloads/4...i-malware.html

2- بعد الإنتهاء من التحميل اضغطى ضغطتين على أيقونة البرنامج لبدء عملية التثبيت



3- ثبتى البرنامج بدون تغيير أى من القيم الإفتراضية أو الخيارات اللى بتظهر أثناء عملية التثبيت ..
4- اتأكدى من ترك علامتين صح قدام الخيارين Update Malwarebytes و Launch Malwarebytes قبل الضغط على Finish




5- لو البرنامج طلب منك عمل restart ارفضى حيث إن العملية هتضيع اللى عملناه قبلاً فى الخطوة الرابعة ..

6- بعد ما البرنامج ينتهى من التحديث ويشتغل لو ظهرت الرسالة بالأسفل اضغطى Decline ..




7- من تبويب Scanner علمى على خيار Perform full scan واضغطى على Scan لبدء البحث عن الملفات الضارة ..




8- انتظرى حتى الإنتهاء من عملية البحث ..




9- بعد إنتهاء البرنامج من البحث هتظهر رسالة اضغطى OK




10 - بعدها هتظهر نافذة فيها نتائج عملية البحث والملفات الضارة اللى اكتشفها (الحمراء) .. اتأكدى من وجود علامة "صح" قدام كل الملفات باللون الأحمر وبعدين اضغطى Remove Selected




11- بعدها البرنامج هيبدأ فى حذف ملفات الفيروس الضارة ، وعند الإنتهاء هيظهرلك رسالة مفادها إن العملية إنتهت وإن المفروض تعملى restart

12- اعملى ريستارت وبعدين شغلى الكمبيوتر فى الوضع الطبيعى (وليس safe mode) ..