أرجو المساعده ياللي عندكم خبرة بالصيانة

السلام عليكم ورحمة الله وبركاته أولا

الحقيقة انا عندي مشكله في الكمبيوتر وهي انه بيقفل أوتوماتيك بعد فترة قصيرة

ودا بيحصل اما يكون فيه لعبة شغاله او اي تحميل علي الجهاز

وحصلت الحكاية دي اول مره بعد ما فكيت الكمبيوتر ونظفته وجيت أشغله تاني قفل بعد 10 دقايق وخرج

رساله ان فيه حرارة زياده فتوقعت ان المروحه تكون بايظه
فغيرت المروحه ومفيش فايده

فممكن يكون ايه ؟
أو ممكن اعمل ايه ؟

ولكم جزيل الشكر

---

Hv[, hglshu]i dhggd uk];l ofvm fhgwdhkm

وهي انه بيقفل أوتوماتيك بعد فترة قصيرة

بيقفل خالص ولا بيعمل ريستارت ويشتغل تانى وهكذا بقى ..... ؟؟

بص يا زعيم ،،

لو بيقفل وبيفتح معاك تانى يعنى بيرستر يبقى ده البروسيسور بيسخن
عشان كده بيعمل ريستارت فى الحاله دى زى ما عملت كده بتفك البروسيسور وتنضفه
وياريت لو فى شويه سيليكون الى هو (مبرد ) يعنى وتتاكد إن المروحه بتشتغل كويسه مفيش حاجه بتحك فيها أو كده
كويس كمان إنك غيرت المروحه عشان ميكونش فى أى مجال للشك ،،

طيب لو الجهاز بيقفل ومعتش بيفتح خالص غير لما انت بتفتحه ،،
دا بقى 99 % الباور صبلاى عاوز يتغير فوراً


وياريت لو يكون عندك منظم كهرباء ،، يكون أفضل كتييييير

والله أعلم ،، مستنى ردك ،،

السلام عليم شكرا يا 7amato علي المساعده

انا هحاول اغير الباور سبلاي لان الكمبيوتر بيقفل خالص مش بيعمل ريستارت

وجزاك الله كل خير

نفس المشكلة بدأت فى الظهور عندى من أسبوع تقريباً ولحد النهارده بحاول أدور على الجزء اللى فيه المشكلة

كل 10 دقايق (أو اكتر فى بعض الأحيان) تظهر الشاشة الزرقاء (blue screen of death) مع رسالة بتتغير من وقت للتانى

زى مثلاً

IRQL_NOT_LESS_OR_EQUAL

BAD_POOL_HEADER

APC_INDEX-MISMATCH

MEMORY_MANAGEMENT

An Attemp was made to write on read only memory

ATIKMDAG.sys

وبتبدأ عملية dumping physical memory to disk وبعدين يحصل restart وفى بعض الأحيان مابيحصلش ريستارت بعد ظهور الشاشة الزرقا وفى أوقات كتير الشاشة الزرقاء لا تظهر والكمبيوتر بيكتفى بعملية تهنيج

غيرت الباور سبلاى بواحد جديد

نضفت الجهاز بإستخدام بلاور

بدأت أفك أجزاء الجهاز جزء جزء

الرامات (أفك الرامة الأولى وأوصل التانية وأشغل الجهاز وأستنى حوالى 10 دقايق على ما المشكلة تظهر فأركّب الرامة الأولى وأفك التانية لكن نفس النتيجة)

تسطيب الويندوز من جديد (لأن المشكلة ممكن تكون من سوفتوير أو درايف غلط ) ومفيش نتيجة على الإطلاق

فك ال3 هاردات هارد هارد وفى جميع الأحيان المشكلة بتظهر

تسطيب الويندوز على هارد آخر

فكيت كارت الشاشة واشتغلت على الكارت القديم (مع تسطيب درايفرات الكارت القديم) ومفيش نتيجة

وضع عجينة للبروسيسور (والنتيجة إن الحرارة زادت من 50 ل70 )

قلت يمكن قللت من العجينة فحطيت كمية أكبر فرجعت الحرارة 50 تانى

كده مش فاضل فى الجهاز غير مروحة البروسيسور والكابلات والموذربورد

ادعولى لإنى اتخنقت