مين اسؤا عضو في المنتدى ؟

الاعضاء الموقوفين

على فكره يا ليو انته احسن واحد فى اللى ردوا لانك راعيت مشاعرى وسالت سؤال واحد

جزاك الله خيرا

اما الباقين خصوصا الجوز اللى مستمتعين بالحوار وخصوصا برضه اول واحد فيهم فليكم حساب تانى

انا جايت متأخره بس هسألك برده وعايزك ترد عليا ضروري

واحده من 3 كنت عايز النت يقطع عندهم لغايه ما الموضوع ده يخلص

بس قدر الله وما شاء فعل

وانا أول واحده بحب اتناقش معاك

طب انا مجهز الشوم والسكاكين انتى مجهزه نفسك

- اسمك وسنك وعنوانك ورقم البطاقه ودراستك او شغلك وعندك كام اخ وكام اخت

محمد

22 سنه

درب التبانه- المجموعه الشمسيه- كوكب الارض

مش فاكرها

بكالريوس هندسه وحاليا بعمل دبلومه توليد قوى كهربيه

مهندس كهرباء فى شركه CEPC وعلشان الترجمه انا شغال فى وزاره الكهرباء والطاقه / شركه القاهره لانتاج الكهرباء CEPC /
محطه كهرباء التبين


عندى اخين ومليش اخوات بنات

- ايه هى الامنيه اللى نفسك تحققها واتحققت وايه اللى نفسك تانى تحققه وصعب تحققه

اللى اتحققت ان ربنا كرمنى وبقيت مهندس

الصعب التحقيق احتفظ بيه لغايه ميتحقق وبعدين هقلكم

ايه اكتر شئ ممكن يضايقك ومستحيل تسامح فيه ابداااا

الخداع والخيانه

ايه الشئ اللى حصلك وعمره ما كان فى حسابك يحصل ابدا ولا متوقع وحصل ؟

مممممممممممممممم مش عارف

ايه اكتر موقف حصلك واحرجك وامام احد ما واحكيه بالتفصيل طبعا

للمره الخامسه بعد المليون الاول اكرر موقف دكتور الجامعه

ايه فكرتك عنى وايه رايك فيا من ناحيه تواجدى بالمنتدى ونظرتك ليا كعضوه مش بتدخل كتير ؟

احتفظ بالرد على الجزء الاول من الرد لنفسى اما الثانى فانتى شخصيه محترمه للغايه وارائك عاقله ورزينه لدرجه بعيده موضوع عدم تواجدك باستمرار فده بنتعرض ليه جميعا وكل مره حد يغيب بنشعر بغيابه ونفتقده اكي

يعنى انتى مثلا مش متصور موضوع فى حلال العقد دون رد منك او تحليل منك للموضوع

- بتحب ولا لا ؟ واسمها ايه وعرفتها منين ولو مش بتحب قول سبتها ليه ولسه بتحبها ولا لسه ؟

اظن ان السؤال ناقص

لان فى اختيار تالت

لو محبتش لغايه دلوقتى يبقى محبتش ليه

ومدام السؤال ناقص فمش هجاوب عليه

ايه رائك فى اسئلتى خنقتك ولا لا ؟

هبعتلك على الخاص واقلك

ايه اكتر صفه بتحبها فى نفسك واكتر شئ بتكره فيك ؟

انا لا بحب ولا بكره بس زى مقلت انا متضايق من صفه التهريج معظم الوقت الصفه دى نفسى اقللها

لو رجع بيك الزمن شويا كنت هتتمنى تعمل ايه فى وقت معين محتاجه انت انه يرجع

مظنش انى محتاج لان ما حدث قدره الله والحمد لله انا راضى عما ما مضى بحسناته وسيئاته رغم انى زى مقلت قبل كده لو على الرجوع ارجع علشان مزعلش حد منى

هتغير ايه او هتعمل ايه او شئ حصل زمان وحابب تصلحه او تمحيه من حياتك ؟

نفس الرد السابق

ايه اكتر سؤال سالته ليك وكان صعب عليك انك تجاوبه او قلب عليك اشياء بتضايقك وبتفكرك بشئ مش حابه

ولا واحد ويا بخت من قعد على الكرسى ومتطلعوش منه بمعلومه مفيده

انا سالتك انت اضايقت من اسئلتى وايه رايك فيا السؤال الكام


واوعى تبص فوق شيفاك :@

مش فاكر كمان هعرفك فى الرساله

لو فى نصيحه حابب تقدمها ليا ايه هى (غير ان ابطل اساءل كتير طبعا ) ؟ بصراحه

برضه فى الرساله بالنسبه للموضوع ده

انا سالتك كام سؤال ؟

العبى فى الارقام براحتك ونطى ارقام بس فى النهايه هرد نفس الرد اللى هيخنقك

مش فاكر

19- كرهتنى ؟

عيب عليكى

ملحوظه بالنسبه لاسئله توتاااا

جميع الاجابات اللى فيها هيا الاجابات الرسميه وليست الحقيقيه

وعندكم السن مثال كما شرحت مسبقا

سياداتي سادتي وبعد فاصل طويل معلش اتاخرت عليكو

نعود معا الي فقرة الاسئلة وضيف حلقتنا النهاردة mandoooooooooozzz

هما شوية اسالة خفيفة كده لما ابقي اجيلك تاني بعد فاصل بردو

نبدأ بقي :-
1- مواقف وطرائف لا تنسي في حياة مندوز ؟؟؟؟؟

2- ايه رايك في موضوع الحضري الي الدنيا اتقلبت علشانة ؟؟؟

3- البنطلون الجينز ورنات الموبايل موضة لطلبة الجامعة ايه تعليق سيادتك علي الكلام ده
وممكن نبقي نعملها موضوع والاعضاء كلها تتناقش فيه بعد ما تقول رايك هنا ؟؟؟

4- وانت ماشي مرة في الشارع في امانة الله ومتشيك ورايح معاد مهم فجاة وبدون اي انظار حد
رمي فوقك ميه مش نضيفة وكنت بعدت عن البيت تعمل ايه ؟؟؟؟؟؟؟

5- توتااااا حبيبتي سالتك سؤال وطلع ناقص للاسف اسمحلي اكملهولها بقي

لو محبتش لغايه دلوقتى يبقى محبتش ليه

؟؟؟؟؟؟؟؟

وكل سنة وانت طيب ونروووووووووح لفاصل

انا جيت تاني
ايه رايك مفأجأه اكيد

انا جيت اسئله كام سؤال ممكن ولا ايه
براحتي طبعا


1- عايزه اعرف رايك في المرأه بكل صراحه ؟؟؟؟؟!!!!!

انا عارفه ان سؤال رخم بس اصلي حاسه انك عندك عقده وعايزه افكه

2- بماذا تحلم في المستقبل ؟؟؟؟ وهل تسعي لتحقيق ذلك ؟؟؟

3- مين اكتر عضو زعلان منه في المنتدي غيري انا ( حد تاني يعني ههههههه) ؟؟؟؟؟؟

3- اعطي نصيحه لأعضاء التالي

ايناس
لوست انجيل
اميره
فجر الأسلام
رامي
خالد
احمد فيب
ويب كراكر
عاشق الجنه
توتااااااااا

واليك نصحتين مفتحوين لمن يهدي النصحتين وماذا تقول لهم ؟؟؟؟

4- لو رجع بيك الزمن ايه الحاجه اللي هتعمله وكان نفسك تعمله بس نصيبك مش ساعدك ؟؟؟؟
فهمت السؤال ولا لأ اصلي بصراحه مش فهمها السؤال

5- التضحيه والحنان والحب تمثل ايه بالنسبه لمحمد ( مندوززز ) ؟؟؟

6- ماذا تحب تسمع من الأخرين عنك ؟؟؟؟

7- هل تنتظر مقابل من الذين تحبهم ولا ؟؟؟؟

8- ماهي الصداقه الحقيقه في نظرك ؟؟؟؟

9- عرفت انك مجربتش تعجب وترتبط بحد عايزين كلنا نعرف ليه عشان لو عندك عقده أنا خايفه عليك ؟؟؟؟؟

10 - هل جرحت حد في يوم ( اصحابك - اخواتك كده يعني ) ولحد دلوقتي بتندم انك جرحته ) ؟؟

11- ماذا تمثل الحياه بالنسبه لمحمد ؟؟؟؟؟

12- ما رايك وبصراحه في حلال العقد ؟؟؟؟

14 - ماذا تحب في تيفا ؟؟؟؟ وهل انت مشترك في منتديات اخري ؟؟؟

15- بتعمل ايه علي النت ؟؟؟ وايه اكتر حاجه بتحب تعمله علي النت ؟؟؟

16- من اكمتر الناس اقرب الي قلبك ( مفتوح عايزه اي شخصيه )

17 - ايه رايك في حياه الجامعه ؟؟؟ بما انك كنت في جامعه القاهره علي ما اظن!!!!!!

18 - عايزك تقول شخصيه محمد في سبع كلمات او اقل؟؟؟؟

19- السؤال ده سريع وصريح ؟؟ بتفكر في ايه دلوقتي؟؟ بسرعه

20- تعمل ايه لو حد خانك ماذا يتصرف محمد في هذا الموقف ؟؟؟

انا عارفه انك اتخنقت مني قووووي اكتر من انك مخنوق
بس انا اسفه لأطاله عليك بس لازم تجاوب

ولك مني سلامي
وشكرا ليك

مش رادد


انتى بتهزرى يا توتااا بجد


20 سؤال منهم اسئله تتجاوب فى صفحه


بقلك ايه انتى وحظك الصبح قبل مروح الشغل على حسب مصحى


واوعى تقربى من التوبيك ده تانى


انا هطلع قاعده

ممنوع دخول العضو مرتين الى الكرسى علشان ميصعقش بالكهرباء

مش رادد


انتى بتهزرى يا توتااا بجد


20 سؤال منهم اسئله تتجاوب فى صفحه


بقلك ايه انتى وحظك الصبح قبل مروح الشغل على حسب مصحى


واوعى تقربى من التوبيك ده تانى


انا هطلع قاعده

ممنوع دخول العضو مرتين الى الكرسى علشان ميصعقش بالكهرباء

مندوززززز

محمد يا محمد يا محمد
أصلي بجرب اسمك لاني اول مره اعرف انك اسمك محمد ههههههههههههههههه

مندوزززز انت لازم ترد عليا والله والله

عشان تثبت انك مش .........
ومش ............

لازم ترد عليا بليز

هزعل منك هترد عيا بزوق بالعفيه هترد
لو مش ردت عليا هعرف انك لسه زعلان

يالا بقي
هستنا ردك عليا وبصراحه وبالتفصيل احسن ازعل

وبعدين انا دكتور نفسويه بتاعت المنتدي ادخل اي موضوع او اي قسم مليون مرهع براحتي
هههههههههههههههههههههههههه

يبقي شوف بقي مين اللي هيمنعني يا عم محمد ههههههه

عايزه اشوف ردك بزوق احسن احط 20 سؤال تاني وهيبقي انت الا خسرنا
ولو مش رديت هنزعل موضوع كامل عنك

يالا ده تهديد يرجي التنفيذ احسن ما انفذ التهديد

انتى عرفتى اسمى ازاى

بس برضه الاجابه انتى وحظك الصبح

انتى عرفتى اسمى ازاى


بس برضه الاجابه انتى وحظك الصبح

عرفت من اي مكان المهم عرفته

كده يا محمد
مش هقولك بعد كده يا مندوزززز
ههههههههه

وعايزه الرد بقي علي الأسئله
احسن انت حر

1- عايزه اعرف رايك في المرأه بكل صراحه ؟؟؟؟؟!!!!!

بدونها لا تكتمل الحياه ويجب دراسه عيوبها بدقه جتى لا نتصطدم بالواقع حين التعامل معها يعنى ببساطه المراه كشكل خارجى كانها كريزه الحياه ولكن عند التعامل عن قرب معها نبدا فى رؤيه عيوبها لذلك لابد عند النظر اليها ان نرى عيوبها حتى لا نتصطدم بشئ اخر حين نتعامل معها عن قرب

انا عارفه ان سؤال رخم بس اصلي حاسه انك عندك عقده وعايزه افكه

لو رديت هتفهمى وانا مش عايزك تفهمى

2- بماذا تحلم في المستقبل ؟؟؟؟ وهل تسعي لتحقيق ذلك ؟؟؟

الحلم كما سبق انا زكرت احتفظ بيه لنفسى لحين تحقيقه

وبالطبع اسعى لتحقيقه

3- مين اكتر عضو زعلان منه في المنتدي غيري انا ( حد تاني يعني ههههههه) ؟؟؟؟؟؟

زى مقلت مش بزعل غير من العضو الموقوف لانه اكيد عمل تصرف يزعل

3- اعطي نصيحه لأعضاء التالي

ايناس

اقتلى توتااا لو شفتيها



لوست انجيل

الصبر مفتاح الفرج اصبرى على ابتلاء ربنا لغايه البكالريوس بعدها هتلاقى الدنيا بمبى



اميره

خليكى زى منتى كده يعنى احتفظى بشخصيتك كما هيا


فجر الأسلام

ابعدى عن طريقى احسنلك. نهايتك قربت

رامي

لسه مش ناوى تعمل اللى اتفقنا عليه بقى انا زهقت

خالد

يارب تكون بخير وقريب من الصراط المستقيم


احمد فيب

نفس الرد السابق

ويب كراكر

نفس رد اميره بس حكم عقلك شويه فى بعض خطوات حياتك

عاشق الجنه

لسه بدرى اوى يا احمد . اسمع كلامى

توتااااااااا

متركبيش المترو تانى علشان انا قررت فى فتره امتحاناتك هشوف المترو بيتغذى من اى محطه كهرباء واتصل بيهم يقطعوا الكهرباء على المترو علشان تغنى ظلموه يوم الامتحان كل ده علشان رد لجميلك فى الموضوع ده

واليك نصحتين مفتحوين لمن يهدي النصحتين وماذا تقول لهم ؟؟؟؟

للعالم : لا تغدر ولا تخون ولا تخدع

لنفسى : حاول ان تصلح من عيوبك

4- لو رجع بيك الزمن ايه الحاجه اللي هتعمله وكان نفسك تعمله بس نصيبك مش ساعدك ؟؟؟؟

للمره التانيه قدر الله وما شاء فعل

الحاجه اللى كنت عايز اعملها انى اخش اتصالات بس ربنا قدر الكهرباء االحمد لله بعد التخرج لقيت ان الكهرباء اجمل

فهمت السؤال ولا لأ اصلي بصراحه مش فهمها السؤال

انا فسرته بالطريقه اللى تعجبنى

5- التضحيه والحنان والحب تمثل ايه بالنسبه لمحمد ( مندوززز ) ؟؟؟

اكيد بتمثل الشخصيه اللى هرتبط بيها

6- ماذا تحب تسمع من الأخرين عنك ؟؟؟؟

النقد الموضوعى يعنى العيوب الحقيقيه

7- هل تنتظر مقابل من الذين تحبهم ولا ؟؟؟؟

اول صفات الحب = التضحيه يعنى اعمل الخير وارميه البحر لو حد انتظر مقابل من حاجه عملها للى بيحبه يبقى مش بيحبه

8- ماهي الصداقه الحقيقه في نظرك ؟؟؟؟

تمنى الخير- المشاركه فى الاحزان - تدوم مع طول الزمن

9- عرفت انك مجربتش تعجب وترتبط بحد عايزين كلنا نعرف ليه عشان لو عندك عقده أنا خايفه عليك ؟؟؟؟؟

طب انا عايز اعرف بقه عرفتى منين

لما تردى على سؤالى هرد على سؤالك

10 - هل جرحت حد في يوم ( اصحابك - اخواتك كده يعني ) ولحد دلوقتي بتندم انك جرحته ) ؟؟

لو حصل ياريت يسامحنى
وعلى فكره لو حد جرح حد صعب يعيش وهوا حاسس ان الحد ده مجروح منه

11- ماذا تمثل الحياه بالنسبه لمحمد ؟؟؟؟؟

بوابه للاخره

12- ما رايك وبصراحه في حلال العقد ؟؟؟؟

قسم فكرته ممتازه بس تقريبا كل مره حد يخش لو كان عضو معانا بنعرفه بس ما علينا الفكره بجد ممتازه جدا وهيا المشاكره فى ايجاد حلول لبعضنا مشكلته ان الناس بتخاف وعلى فكره مشرفته كانت فى احد الردود فيه قالت جمله كده استوقفتنى بس قلت مش مشكله مدام الموضوع نفسه بيتكلم عن المشكله دى بس طبعا ده مثال ان حتى المشرفه اوقات بتخاف تحط مشكله خاصه بيها

14 - ماذا تحب في تيفا ؟؟؟؟ وهل انت مشترك في منتديات اخري ؟؟؟

لو حد عرف سر الحب لظهرت ملايين المصانع التى تنتجه

حب الاشياء لا سبب له
ممكن تقولى راحه نفسيه

بس هقلك حاجه اكتر حاجه شدتنى فى تيفا هوا الجو الاسلامى يكفى انه مش زى باقى المنتديات التى تهدف فقط لجذب الاعضاء من اقسام اغانى وافلام بل والظاهره الجديده المنتشره الافلام الخاصه

الحمد لله ان تيفا يتميز عن كل دول بانه لا يحتوى على كل تلك المهاترات

وبالطبع مشترك فى منتديات اخرى لانه مهما كان لازم اطلع على مواضيع جديده من اكثر من مكان ولو عجبنى موضوع بنقله هنا

15- بتعمل ايه علي النت ؟؟؟ وايه اكتر حاجه بتحب تعمله علي النت ؟؟؟

زى مقلت قبل كده بدور عن اى حاجه وكل حاجه سؤاء شغل او معلومه او برنامج او لعبه حتى بشوف المواقع الرياضيه بخش على تيفا كده يعنى

اكتر حاجه احب اعملها انى اقعد كده فى المنتدى العام امخمخ فى موضوع او اجيب موضوع جميل واحط تعليق عليه او حتى اتناقش مع حد فى اى موضوع مطروح للنقاش

16- من اكتر الناس اقرب الي قلبك ( مفتوح عايزه اي شخصيه )

كتيييييييييييييييييييييير

17 - ايه رايك في حياه الجامعه ؟؟؟ بما انك كنت في جامعه القاهره علي ما اظن!!!!!!

حلوه على ما اظن دى

اتفضلوا شوفوا الكليه بتاعتى عملت فيا ايه علشان محطوطه بره الحرم الجامعى جه اليوم الل توتا تقلى فيه على ما اظن

هزلت وزبلت كمان

المهم بصى فى الايام بتاعتى اللى هيا اتغيرت عن دلوقتى لانى لما بروح الكليه بلاقى حاجات غريبه

ما علينا

المهم

على ايامى كانت الجامعه مقسومه
الحرم الجامعى 70% ولاد وبنات فى الشكل المعروف لينا كحياه جامعه وال 30% هما الملتزمين دينيا

وكليتنا كانت الحمد لله نفس النسب بس معكوسه يعنى 70 متدين و30 العكس

وكلمه تدين ممكن تقولى ولد يحافظ على صلاه الجماعه

او علاقته بزميلاته لا تتخطى الكلام عن العلم

الطرف الاخر كمثال نظام هاى وباى والسيجاره وهنخرج فين بالليل

البنت
هتلاقى المتدين اللى هيا لابسه زى محترم تعاملها باحترام مع زميلها الولاد وبرضه الكلام مقتصر على العلم فقط

الطرف الاخر

هاى وباى برضه واللبس اللى انتى اكيد شايفاه لانه مش يختلف من جامعه لاخرى والهزار بالايد مع الشله اللى اكيد معظمها ولاد وطبعا مش مشكله نسيب محاضرات مدام قاعدين مع الشله

وللاسف كليتنا لما دخلتها لقيتنا دلوقتى اصبحنا كنسبه الحرم الجامعى . المهم ربنا يستر على الجيل ده لانى عندى مثال حى

جيل التمنينات اللى كانوا بيلبسوا فوق الركبه والمنظر من 5 الى 6 سنين

التطور الحمد لله كان للافضل

من 5 سنين بقه بدأت مرحله هبوط اخرى وبدل ما البنت تلبس عريان بقت تلبس ضيق وتظهر مفاتنها بس من تحت اللبس ومش مشكله الاحمر والاصفر فى الوش الخ

18 - عايزك تقول شخصيه محمد في سبع كلمات او اقل؟؟؟؟

غاااااااااااااااااااااااااااااااامض غامممممممممممممممممممممممض غغغغغغغغغغغغغغغغغغغغغغغغغامض غامضضضضضضضضضضض شخصيه محمد عامضضضضضضضضضضضضضضضضضضضضضضضضضضضضضضضضضضضضض

19- السؤال ده سريع وصريح ؟؟ بتفكر في ايه دلوقتي؟؟ بسرعه

هفطر امتى اصل ميعاد فطارى قرب قبل مروح الشغل

20- تعمل ايه لو حد خانك ماذا يتصرف محمد في هذا الموقف ؟؟؟

بيتشطب من حياتى

معلش بقى

سؤال اخير مني :

لو واحد اداك معاد مهم ( في اي حتة ) و انت مش قادر تروح ( عندك ظروف ) و الواحد دة لو قلتلة مش هاقدر هيحسب انك مش بتهتم بية .

لو واحد اداك معاد مهم ( في اي حتة ) و انت مش قادر تروح ( عندك ظروف ) و الواحد دة لو قلتلة مش هاقدر هيحسب انك مش بتهتم بية .

هحاول ارحله لاقصى حد لكن لو الظرف اللى كنت فيه مسمحش هضطر اعتذر مع اخذ ميعاد بعد نهايه الظرف مباشره ولما هقابله افهمه الظرف علشان يعذرنى

شكرا لردك يا مانوززز ( بالمناسبة انا كنت محتاج الرد دة )

شكرا يا مندوزززز لردك علي كل الاسئله وخصوصا العشرين سؤال بتوعي
كنت دخله اكتب اسئله تاني بس مش رضيت عشان قولت حرام بقي

بس شكرا ليك انت شخصيه محترمه وردودك دبلوماسيه جدااااااااا

اناعارفه انك زعلان جدا عشان مش سالتك بقالي كام يوم وانا طبعا مقدرش علي زعلك فقلت ادخل اسالك كام سؤال علي السريع كدا

بس جاوب من غير دبلوماسيه ومن غير عند عشان اعرف افهم شخصيتك

من اول الاسئله مش ادتنا عقاد نافع


1- ماهي هوايتك المفضله؟

2- من هم اقرب اعضاء اليك؟

3-- تجربه مريت بيها في الحياه واستفدت منها؟

4- يوم من اجمل الايام اللي مريت بيها؟

5- اجمل سن بتحبه؟ واجمل ما يميز هذا السن؟

6-هل شخصيتك فيالمنتدي نفس شخصيتك خارج المنتدي؟

7-اخر هديه جاتلك كانت من مين وبمناسبه ايه؟

8- توتاااا كانت واحده من تلاته كنت عايز النت يقطع عندهم لحد الموضوع يخلص مين الاتنين الباقيين؟

9- اجمل بلد سافرت ليها؟

10- لو في فرصه انك تسافر للخارج اي بلد تحب تسافر ليها؟

11- ايه احلي كلمه سمعتها من الناس عنك؟

12- تلاحظ ان عدد من الافراد اختفوا من المنتدي ماذا تقول لهم؟

13- كل واحد فينا طبعا لازم هيتجوز .. في اي سن تفكر بالزواج ؟ وماالسن المناسب للطرفين من وجهه نظرك؟

14- ماذا تعني لك الصداقه عبر النت؟

15- ماهي اللغات اللي تجيدها؟

16- ليه بتحب الغموض؟

ان شاء الله هاجي تاني ممكن كمان ربع ساعه كدا

1- ماهي هوايتك المفضله؟

كانت القراءه فى الكتب والان القراءه عبر النت

2- من هم اقرب اعضاء اليك؟

ياااااااه دانتى عايزه لسته كبيره اوى

3-- تجربه مريت بيها في الحياه واستفدت منها؟

................................

4- يوم من اجمل الايام اللي مريت بيها؟

اكيد يوم فى شهر فى سنه

5- اجمل سن بتحبه؟ واجمل ما يميز هذا السن؟

الثانويه العامه كنت شاطر وصايع فى نفس الوقت اروح الدرس ومنا خارج اعد العب بلاى ستيشن كان لسه طالع

6-هل شخصيتك فيالمنتدي نفس شخصيتك خارج المنتدي؟

تقريبا هيا هيا

7-اخر هديه جاتلك كانت من مين وبمناسبه ايه؟

مممممممممم كانت كارت موبايل فى عيد ميلادى

8- توتاااا كانت واحده من تلاته كنت عايز النت يقطع عندهم لحد الموضوع يخلص مين الاتنين الباقيين؟

بنت وولد واترككم للتفكير

9- اجمل بلد سافرت ليها؟

مصر

10- لو في فرصه انك تسافر للخارج اي بلد تحب تسافر ليها؟

هوا ربنا يكرم فى احتماليه كبيره لاحدى 3 دول اطاليا واسبانيا والمانيا لمده صغيره كده تبع الشغل

فانا الاحسن اطاليا لانهم قريبين مننا

11- ايه احلي كلمه سمعتها من الناس عنك؟

مش بسمعهم يقولوا حاجه حلوه عليا ودى ميزه على فكره

لكن بالنسبه لسؤالك انا مش بحب اسمع حد يقول حاجه حلوه عندى

اللى يهمنى ان فى غير وجودى يكونوا فعلا واخدين فكره حلوه عنى

12- تلاحظ ان عدد من الافراد اختفوا من المنتدي ماذا تقول لهم؟

خساره اننا افتقدنا اخوات لينا متميزين زيكم ومش هفقد الامل فى عودتكم فى يوم من الايام وتحكولنا اللى حصل

وبالمناسبه انا بتمنى بصراحه عوده عضوين يمكن ناس هنا ميعرفهمش بس بجد الشخصيتين دول من اجمل الشخصيات اللى ممكن الانسان يتعرف عليها وهما هيروشيما وتوتا

13- كل واحد فينا طبعا لازم هيتجوز .. في اي سن تفكر بالزواج ؟ وماالسن المناسب للطرفين من وجهه نظرك؟

والله الجواز ده يكون لما الاول الواحد يلاقى الانسانه اللى تناسبه وبعدين السن مش فارق خالص مدام الواحد شغال وبيصرف على نفسه ويقدر يفتح بيت يعنى غير كده مفيش عامل يأثر لا سن ولا ظروف

14- ماذا تعني لك الصداقه عبر النت؟

عوضتنى عن اصدقاء الواقع الذين ابتعدوا لظروف عملهم

وعلى فكره طبعا كلنا فاهمين الفرق بين علاقات الهاى والباى وبين الكلام المحترم وحتى الكلام المحترم معرضين للخداع فيه

فهيا مخاطره ولكن الاختيار المناسب تجعل النتيجه ممتازه

والحمد لله النت عرفنى على شخصيات بجد احمد الله انى اخ لهم

15- ماهي اللغات اللي تجيدها؟

العربى والعنجليزى

16- ليه بتحب الغموض؟

على فكره اسالى اللى يعرفنى علشان تعرفى اجابه سؤالك ولو لاحظتى ولا واحد منهم استجرى يخش حتى الموضوع ده لانهم ببساطه معندهمش حاجه عايزين يعرفوها


طبعا اوعى حد فيكم وانتوا عارفين نفسكم يعاند ويخش يرخم

1-ماهي المساحة التي تسمح فيها بالتدخل في حياتك ؟

2- حكمه تؤمن بها وترددها كثيراً ؟

3- حــــــــــلم واحد فقط نفسك يتحقق حتى ولوكان مستحيــــــــــــــــــل ... تتمني يكون هذا الحلم ايه ؟؟؟

4- كلمه او حكمه او بيت شعر تعبر عن شخصيه مندوز؟

5- اقرب اعضاء ليك "عايزة تلات اسماء بس" مش عايزة الليسته بتاعتك؟؟؟

6- احكيلنا علي تجربه مريت بيها في حياتك واستفدت منها؟

7- وقولي الاتنين الباقيين اللي مش عايزهم يدخلوا ؟

8- لـو طُـلـب مـنـك عـمـل (اسـتـبـيـان) لأخـذ رأي الـشـعـب فـي خـمـسـة أمـور عـاجـلـة!
مـاهـي هـذه الأمـور الـتـي سـتـطـلـبـ أخـذ رأيـهـم فـيـهـا ولـمـاذا؟

9-لكل إنسان منا خطوط حمراء ..
فماهي الخطوط الحمراء عند ماندوز والتي لاتسمح لأحد بتجاوزها ..؟

10- قولي ليه مش بتريحني وترد عليا باجابات واضحه؟

توضيح صغير بس" لو رديت عليا بوضوح مش هدخل اسالك تاني "

1-ماهي المساحة التي تسمح فيها بالتدخل في حياتك ؟

9-لكل إنسان منا خطوط حمراء ..
فماهي الخطوط الحمراء عند ماندوز والتي لاتسمح لأحد بتجاوزها ..؟

تقريبا السؤلين نفس المعنى والاجابه بسيطه اسمح للجميع بمعرفه كل شئ ولكن ان تحفظه على زكر شئ فاكيد ان ده خط احمر وقليلون من يعبرونه وعلى فكره لا يوجدد خط احمر واحد ولكن مجموعه من الخطوط ومش لازم اللى عدى واحد منهم انه معدى الباقى وهكذا

2- حكمه تؤمن بها وترددها كثيراً ؟

.
.

3- حــــــــــلم واحد فقط نفسك يتحقق حتى ولوكان مستحيــــــــــــــــــل ... تتمني يكون هذا الحلم ايه ؟؟؟

زماااااااااااااااااااان زكرته فوق القمر مع النصف الاخر وباصين على الارض من هناك ونرى روعه خلق الحالق سبحانه وتعالى

4- كلمه او حكمه او بيت شعر تعبر عن شخصيه مندوز؟

اذا اردت الاقتراب فلا تلومن الا نفسك

5- اقرب اعضاء ليك "عايزة تلات اسماء بس" مش عايزة الليسته بتاعتك؟؟؟

كراكر

عاشق الجنه

............

التالت ناس كتير اوىىىىىىىىىىىىىىىىىى

6- احكيلنا علي تجربه مريت بيها في حياتك واستفدت منها؟

اظن السؤال ده حطيت ........ يعنى مش فاكر او مش فى دماغى اجابه

7- وقولي الاتنين الباقيين اللي مش عايزهم يدخلوا ؟

قلت سابقا سايبها لتفكيركم ولو عيزين تخشوا تكتبوا اسماء مفيش مشاكل وانا اقلكم اه ولا لاه لكن مش هقول كده علطول

8- لـو طُـلـب مـنـك عـمـل (اسـتـبـيـان) لأخـذ رأي الـشـعـب فـي خـمـسـة أمـور عـاجـلـة!
مـاهـي هـذه الأمـور الـتـي سـتـطـلـبـ أخـذ رأيـهـم فـيـهـا ولـمـاذا؟

1-تفضلون العيش بسلام وامان وتطبيع مع امريكا

2-تفضلون ان تجدوا مرتبات مجزيه واسعار معقوله مقابل التطبيع مع اسرائيل

3-تفضلون العيش فى حروب واعلان الحرب على اسرائيل ومن ورائها وتتحملوا عاقبه ذلك

4- تريدون ديموقراطيه تسمح باختراقنا من الاعداء ام ديكتاتوريه تحمى وحده الصف

5-بتشجع الاهلى ولا الزمالك











10- قولي ليه مش بتريحني وترد عليا باجابات واضحه؟

ياااااااااااا لهوي !!!!!

ماندوزز هيقعد يصف دول كلهم !!!

خلوا عندكم رحمة شوية ، الراجل مش هيقدر يا جدعااااااااان

ههههههههه

السلام عليكم بجد يا ماندوز انا كنت عايز احطلك اسئله علشان اتعرف عليك اكتر بس هما قاموا بالواجب وزياده بس بجد من خلال اجاباتك انا اكتشفت بجد ان انت شخصيه محترمه وممتازه جدا حبيت ادخل اسلم عليك واهديك كل شكر وتقدير وباقه حب
مع تحياتي اســـــــــــــــــــــلاــــــــــــــــــــــــم