®®المقابلة الخامسة بضيافة ((la princesse)) ®®

**mohamed ali** · 2009-05-11, 03:27 PM

حان وقت اللقاء ...

بسم الله الرحمن الرحيم

اسعد الله اوقاتكم بكل خير اعضاءنا الكرام

نلتقي بعد غيبة .. نلتقي علي كل خير ان شاء الرحمن

اليوم .. نلتقي مع ضيفه انتظرناها طويلا

نلتقي مع سفيرة المنتدي في الصعيد

®®المقابلة الخامسة بضيافة ((la princesse)) ®® thumbup1.gif

تشرفت بصداقتها وكما قال الشاعر اللي ماعرفوش ولا اعرفله اسم

®®المقابلة الخامسة بضيافة ((la princesse)) ®® 18.gif

ان كان بدك تعاشر حر اسقيه قبل الحلاوة المر

وان لقيته علي الود القديم صابر !!

يبقي اكيد دي

la princesse

®®المقابلة الخامسة بضيافة ((la princesse)) ®® eLp26511.jpg

نلتقي من اليوم وعلي مدار شوية ايام

®®المقابلة الخامسة بضيافة ((la princesse)) ®® ongue.gif

مع اميره

نوجه اليها اسألتنا ونعرف اراءها

®®المقابلة الخامسة بضيافة ((la princesse)) ®® bc.gif

ولها كل الحق في ان تمتنع عن اي سؤال متي رات انه يعتبر تدخل في حياتها الشخصية

اهلا بكي ميرا في المقابلة

تفضلي استرخي جيدا

®®المقابلة الخامسة بضيافة ((la princesse)) ®® ظƒط±ط³ظٹ ط§ظ„ط§ط¹طھط±ط§ظپ.jpg

ونتمني لكي وقتا جميلا

تحياتي
محمد علي

®®hglrhfgm hgohlsm fqdhtm ((la princesse)) ®®

**Muhamed** · 2009-05-11, 06:47 PM

11 يوم بس يا محمد

حرام

الواحد مستنى بقاله كام شهر علشان 11 يوم بس

طب خليها لاخر الشهر مثلا

بص انا المفروض كل يوم هاخد منها جبايه انى مخشش فليك النص لو كترت الايام ايه رايك

مش منوره الكرسى ومش هتصعبى عليا من اللى هيعمله الاعضاء فيكى

وبما انى لسه مخدتش مقابل سكوتى لاول يوم فهبدأ بشويه اسئله على السريع

" امنيه حياتك"

" اكتر حاجه تخافى منها "

" اصعب قرار خدتيه فى حياتك"

" اقرب عضو الى قلبك"

" اتقل عضو على قلبك"

" اسؤء عضو فى المنتدى"

"احسن عضو فى المنتدى"

" اول عضو عرفتيه فى المنتدى"

"اخر عضو عرفتيه من المنتدى"

"شخص تقوليله يارتنى عرفتك من زمان"

"شخص تقوليله يارتنى ما شفتك"

"شخص تقوليله منك لله"

"شخص تقوليله سدد الله خطاك"

"معلومات منعرفهاش عن الابله اميره"

" معلومات نعرفها عن الابله بس رخامه تعرفيهالنا تانى"

و

و

و

اقوم اصلى حظك المغرب هتوقف اسئله النهارده

لو بكره مفيش مقابل يبقى اضعاف دول

لكن

ابجنى لا تجدنى

**MafiawwY** · 2009-05-11, 10:59 PM

أهلا برنسيس ,, اظاهر محمد على معندهوش كراسي ...

مش مهم خليكي واقفه

متقلقيش من ناحية اسألتي دول كام سؤال صغنن خالص

واحد عاملتي ايه فى الدراسة؟
اتنين عضو/ه تحبي ترميه من شباك تيفا؟
تلاته عضو/ه تفتحيله باب تيفا وتقوليله الباب يفوت أسد؟
اربعه موقف مش عاوزه تنسيه (حلو) + موقف عاوزه تنسيه (وحش)؟
خامسه منتدي اول ماتفتحي المنتدي بتدخليه؟
سيته أكتر اسمايل فى تيفا بتعجبك؟
سابعه عضو/ه قديم مفقود فى المنتدي؟

يلا كفاية كدا علشان نخلي حاجه للايام الجاية

**la princesse** · 2009-05-13, 06:30 PM

اقتباس:

المشاركة الأصلية كتبت بواسطة MafiawwY

أهلا برنسيس ,, اظاهر محمد على معندهوش كراسي ...

مش مهم خليكي واقفه

ماشى يا عادل
ميرسي لحسن الضيافة
تتردلك قريب ان شاء الله

اقتباس:

متقلقيش من ناحية اسألتي دول كام سؤال صغنن خالص

واحد عاملتي ايه فى الدراسة؟

عملت واحد ليسانس آداب فرنساوى وبعمل واحد دبلوم تربوي وقربت اخلصه ان شاء الله عشان اعمل بعده واحد تمهيدى ماجستير

اتنين عضو/ه تحبي ترميه من شباك تيفا؟
زى ماقلت قبل كده
اى عضو داخل ومش فى نيته انه يفيد ويستفيد
وخصوصا الناس اللى بتقول مشكووووووووور

تلاته عضو/ه تفتحيله باب تيفا وتقوليله الباب يفوت أسد؟
نفس الاجابة السابقة

اربعه موقف مش عاوزه تنسيه (حلو) + موقف عاوزه تنسيه (وحش)؟
الموقف الحلو هو اى نجاح حققته فى اى مجال فى حياتى
والموقف الوحش اى فشل مريت بيه

خامسه منتدي اول ماتفتحي المنتدي بتدخليه؟
لا انا لما بدخل مبفتحش منتدى معين
لانى بجيب قائمة المشاركات الجديدة كلها

سيته أكتر اسمايل فى تيفا بتعجبك؟

سابعه عضو/ه قديم مفقود فى المنتدي؟
tota , only me only u

يلا كفاية كدا علشان نخلي حاجه للايام الجاية

**la princesse** · 2009-05-13, 01:59 PM

اقتباس:

المشاركة الأصلية كتبت بواسطة mandozzz

11 يوم بس يا محمد

حرام

الواحد مستنى بقاله كام شهر علشان 11 يوم بس

طب خليها لاخر الشهر مثلا

بص انا المفروض كل يوم هاخد منها جبايه انى مخشش فليك النص لو كترت الايام ايه رايك

مش منوره الكرسى ومش هتصعبى عليا من اللى هيعمله الاعضاء فيكى

وبما انى لسه مخدتش مقابل سكوتى لاول يوم فهبدأ بشويه اسئله على السريع

اصتبحنا وصبح الملك لله

اقتباس:

" امنيه حياتك"
باختصار شديد: الجنة - رضا الله ورسوله - رضا الوالدين - النجاح بشكل عام في شتى مجالات الحياة - وتكوين أسرة مسلمة يرضى الله عنها ويفرح بها الرسول صلى الله عليه وسلم

" اكتر حاجه تخافى منها "
عادات وتقاليد بالية ملهاش اصل فى الدين ولكن البعض أعطاها السلطة وأصبحت تتحكم في حياتنا بشكل مبالغ فيه

" اصعب قرار خدتيه فى حياتك"
لسه موصلتلهوش

" اقرب عضو الى قلبك"
فجر الاسلام ولوست انجل

" اتقل عضو على قلبك"
محدش

" اسؤء عضو فى المنتدى"
اى عضو داخل ومش فى نيته انه يفيد ويستفيد
وخصوصا الناس اللى بتقول مشكووووووووور

"احسن عضو فى المنتدى"
كل واحد بيدى على اد الامكانيات اللى ربنا اداهاله
ييبقى احسن عضو هو اللى بيفيد المنتدى بكل الامكانيات اللى ربنا اداهاله

" اول عضو عرفتيه فى المنتدى"
.........

"اخر عضو عرفتيه من المنتدى"
كل يوم بعرف ناس جديدة

"شخص تقوليله يارتنى عرفتك من زمان"
كل الناس اللى عرفتها فى حياتى

"شخص تقوليله يارتنى ما شفتك"
محدش

"شخص تقوليله منك لله"
واحد صاحبنا

"شخص تقوليله سدد الله خطاك"
كل الناس

"معلومات منعرفهاش عن الابله اميره"
the complicated simple girl

" معلومات نعرفها عن الابله بس رخامه تعرفيهالنا تانى"
اهم معلومة منهم انى احتمال ارتكب جريمة قتل فى محافظة مشهورة من 6 حروف فىها الاهرامات وابو الهول معكوسة

**mohamed ali** · 2009-05-12, 12:40 AM

تم تعديل المدة لحين الانتهاء من الاسئلة

وتم اضافة الكرسي

**la princesse** · 2009-05-13, 06:49 PM

اقتباس:

المشاركة الأصلية كتبت بواسطة mohamed ali

تم تعديل المدة لحين الانتهاء من الاسئلة

وتم اضافة الكرسي

ماشى يا محمد
ميرسي على المقدمة الرقيقة
وعلى الكرسي المريح جدا
وعلى الاسئلة ال......

يا شماتة ابلة ظاظا فيا

**AlSam3r** · 2009-05-12, 12:44 PM

ياريت تقوليلى ايه اصعب حاجه تخلى الانسان يبكى فى حياته وايه هيه بالنسبه ليكى

**la princesse** · 2009-05-13, 06:57 PM

اقتباس:

المشاركة الأصلية كتبت بواسطة AlSam3r

ياريت تقوليلى ايه اصعب حاجه تخلى الانسان يبكى فى حياته وايه هيه بالنسبه ليكى

الندم ثم الندم ثم الندم
ثم
فقدان شخص قريب لقلبك
ربنا يبعدك عن الاتنين

شرفنى جدا مرورك يا AlSam3r

**ابن مصر** · 2009-05-12, 03:17 PM

انا شوفتها معديه هنا في المنتدى من كام يوم حد فيكم شافها

**la princesse** · 2009-05-13, 07:05 PM

اقتباس:

المشاركة الأصلية كتبت بواسطة ابن مصر

انا شوفتها معديه هنا في المنتدى من كام يوم حد فيكم شافها

بقى فينا من كده
بتفتن عليا

ماشى يا ابن مصر لك يوم
واوعدك انه قريب جدا

**adam_shokry** · 2009-05-13, 05:38 PM

على فكره المحافظه مش من 6 حروف بس هى فيها رقم سته وبعدها شهر صح ولا ايه يا عم ماندوز
ويا ترى اسمها ايه المحافظه دى اللى هيجاوب هيفوز برحله لجزر الصعيد الهادى لمشاهدة اهم الترع
والمستنفعات

**la princesse** · 2009-05-14, 09:11 AM

اقتباس:

المشاركة الأصلية كتبت بواسطة adam_shokry

على فكره المحافظه مش من 6 حروف بس هى فيها رقم سته وبعدها شهر صح ولا ايه يا عم ماندوز
ويا ترى اسمها ايه المحافظه دى اللى هيجاوب هيفوز برحله لجزر الصعيد الهادى لمشاهدة اهم الترع
والمستنفعات

لا هم 6 بس انت عدهم كويس
انا عارفة ان مستوى المدارس فى الجيزة وحش بس مش لدرجة انك 23 سنة وبتعد غلط

عموما لكم الله
بس محدش يجيب سيرة الصعيد الهادى تانى بقى الا لما ييجى الاول ويشوفه بنفسه
وبطلوا فرجة على المسلسلات العربي عشان لو مجابتلناش تخلف عقلى وبله مغولي على الاقل هتجيبنا ورا

**Muhamed** · 2009-05-13, 05:38 PM

والعوده مره اخرى بما انى لسه برضه مخدتش اى مقابل

اقتباس:

اصعب قرار خدتيه فى حياتك

بما انك لسه موصلتهوش يبقى نرخم ونقول تفتكرى ايه اصعب قرار ممكن تاخديه فى حياتك

اقتباس:

" اول عضو عرفتيه فى المنتدى"
.........

حضرتك فى حقوق طبع ونشر وانا مسجل النقط كبراءه اختراع ليا ومحدش يقلدها لو سمحتى

اقتباس:

اهم معلومة منهم انى احتمال ارتكب جريمة قتل فى محافظة مشهورة من 6 حروف فىها الاهرامات وابو الهول معكوسة

اسكتى مش بعد التقسيمه الجديده للقاهره الكبرى لقه فى محافظه اسمها 6 اكتوبر والهرم راح تبع الجيزه ووحلوان بقت محافظه لوحديها وخدت معاها القاهره الجديده

شوفى بقه بعد التقسيمه الجديده جريمه القتل هتعمليها فى اى محافظه

نقول بقه شويه اسئله جديده

" يوم مش هتنسيه "

" يوم تتمنى تنسيه"

"يوم تتمنى يبقى النهارده"

"يوم تتمنى انه ميجيش"

" رغم ان يكى 2 اخوات بنات مين الانسانه اللى تمنيتى انها كون اختك وعلى فكره المطلوب اسم واحد رخامه بقه "

" كررى السؤال السابق لاخ ولد

"

"الفتره من ابتدائى الى نهايه الثانويه العامه تشاركينا كده باحداث لو افتكرتى الفتره دى هتفتكريها يعنى احداث فى الزاكره بتاعتك مضحكه او محزنه غريبه او فيها عبره فى الفتره دى "

"كررى السؤال السابق فى المرحله الجامعيه"

"كررى السؤال اللى قبل السابق فى مرحله ما بعد الجامعه - ودخولك الجيش بقه وتعيينك فى مدرسه الضباط الاحتباط - سورى المكان يعنى اللى اشتغلتى فيه

"

وانا جاى تعبان من الشغل ومش قادر اكتب اكتر من كده

ومازالت الملحمه مستمره

على فكره حظك رهيب ان محمد منزل الموضوع فى فتره امتحانات الاعضاء فمحدش فاضى يخش المنتدى اساسا لكن تقولى ايه بقه ربنا كبير ورزقك بواحد قاعدلك كل يوم كده وانتى عارفه ديته

ابجينى لا تجدينى

**la princesse** · 2009-05-20, 02:32 PM

اسفة جدا جدا على التاخير كان عندى امتحان

اقتباس:

المشاركة الأصلية كتبت بواسطة mandozzz

والعوده مره اخرى بما انى لسه برضه مخدتش اى مقابل

لا اله الا الله
انا عملت ايه وحش فى حياتى

بما انك لسه موصلتهوش يبقى نرخم ونقول تفتكرى ايه اصعب قرار ممكن تاخديه فى حياتك

الله اعلم
دى حاجة بتاعت ربنا

حضرتك فى حقوق طبع ونشر وانا مسجل النقط كبراءه اختراع ليا ومحدش يقلدها لو سمحتى

وانا بقتدى بحضرتك

اسكتى مش بعد التقسيمه الجديده للقاهره الكبرى لقه فى محافظه اسمها 6 اكتوبر والهرم راح تبع الجيزه ووحلوان بقت محافظه لوحديها وخدت معاها القاهره الجديده

شوفى بقه بعد التقسيمه الجديده جريمه القتل هتعمليها فى اى محافظه

احتمال اعملها هنا فى المنتدى

نقول بقه شويه اسئله جديده

" يوم مش هتنسيه "
يوم الثلاثاء

" يوم تتمنى تنسيه"
يوم معين كنت حاسة فيه باحباط شديد

"يوم تتمنى يبقى النهارده"
اليوم اللى هوصل لهدفى فيه

"يوم تتمنى انه ميجيش"
لا انا الحمد لله مؤمنة جدا بالقضاء والقدر
وراضية باى حاجة جاية من عند ربنا لانها اكيد فيها خير
بس طبعا بردو بقول يا لطيف الطف بنا فيما جرت به المقادير

" رغم ان ليكى 2 اخوات بنات مين الانسانه اللى تمنيتى انها كون اختك وعلى فكره المطلوب اسم واحد رخامه بقه "
لا بقى هم 2
رخامة بردو
لوست وفجر الاسلام

" كررى السؤال السابق لاخ ولد

"
يمكن لان مش عندى اخ فعوضت الحكاية دى بانى اعتبرت اى شخصية كويسة عرفتها اخ ليا
وفى كتير هنا من المنتدى اعتبرتهم اخواتى بجد ومن بره المنتدى كمان
بس مش هحدد اسماء لان انت بتقول عايز اسم واحد بس

"الفتره من ابتدائى الى نهايه الثانويه العامه تشاركينا كده باحداث لو افتكرتى الفتره دى هتفتكريها يعنى احداث فى الذاكره بتاعتك مضحكه او محزنه غريبه او فيها عبره فى الفتره دى "
ياااااااااااااه
مقدرش انسى ايام المسرح والشعر والمناظرات والموسيقى
كانت ايام جميلة جدا
ومن كتر هواياتى مكنتش ببقى فاضية للمذاكرة
لغايت لما بابا امر بوقف اطلاق النار

قصدى وقف الحاجات اللى كنت بشترك فيها دى
وكان وقت صعب لان المدرسة كانت معتمدة عليا فى المسابقات يعنى وطبعا ناس كتير زعلت منى حتى مديرة المدرسة
بس طبعا كنت لازم اسمع كلام بابا لنى عارفة انه كان شايف الصح

"كررى السؤال السابق فى المرحله الجامعيه"
ايام الجامعة كلها جميلة وذكرياتها متتنسيش
لكن لو هحكى يبقى لما كنت فى امتحان السنة اللى فاتت فى الليسانس
وكنت ناسية ورقة الامتحان اللى فات فى المقلمة اللى فيها الادوات
وطنشت بقى انها موجودة وقلت عادى لو حد من المراقبين اتكلم هقوله ان دى ورقة امتحان
بس اتفاجئت بحظى الحلو ان العميد كان بيمر على اللجان وجه وكان فاكرنى بغش

ولقيته بيتسلل بخفة القطط وبيسحب الورقة وبيبصلى بمكر
بس لما شافها ابتسم ومشى
بس بعد ايييييه
بعد ما وقع قلبي بقى

وكمان مش هنسى بحث التخرج بتاعى اللى بعتبره احلى بحث عملته فى حياتى

L'absurde et la révolte chez Albert Camus

D'après sa pièce Caligula

بمعنى العبث والتمرد عند البير كامو من خلال مسرحيته كاليجولا

"كررى السؤال اللى قبل السابق فى مرحله ما بعد الجامعه - ودخولك الجيش بقه وتعيينك فى مدرسه الضباط الاحتباط - سورى المكان يعنى اللى اشتغلتى فيه

"

متعتبرنيش اشتغلت بجد لان الموضوع كله بالنسبالى كان مجرد تسلية
يمكن لانى مش شايفة نفسي انفع ابقى مدرسة
لكن رغم كده ولله الحمد نجحت فى انى خليت كل الاطفال يحبونى ويتعلقوا بيا جدا
وزميلاتى كمان حبونى جدا رغم ان الفترة كانت قصيرة ومتعدتش شهرين تلاتة
ودى بعتبرها نعمة كبيرة من عند ربنا سبحانه وتعالى

وانا جاى تعبان من الشغل ومش قادر اكتب اكتر من كد

ومازالت الملحمه مستمره

على فكره حظك رهيب ان محمد منزل الموضوع فى فتره امتحانات الاعضاء فمحدش فاضى يخش المنتدى اساسا لكن تقولى ايه بقه ربنا كبير ورزقك بواحد قاعدلك كل يوم كده وانتى عارفه ديته

ابجينى لا تجدينى

انا هنزل اعلان بمنع العضو من انه يدخل يسأل اكتر من مرتين لانه ثبت علميا ان ده غلط على الصحة النفسية والعقلية للضيف والكرسي

**ابن مصر** · 2009-05-14, 09:56 AM

برنسيستنا

أولا أهلا بكي على الكرسي اللي طالما انتظرناكي فيه

وكل يوم نحلم بيكي وانتي مشرفه على الكرسي

وكله نازل أسئلة في أسئلة

وانتي مش عارفه تجاوبي

ووشك يحمر

من كتر الأسئلة المحرجه

هههههههههههههه

ده في الحلم طبعا

لكن في الحقيقة أكيد غير

أسئلتي

دراستك ايه هي ؟

طموحاتك العلمية والمادية ؟

مواصفات الشاب والفتاة الناجحين في نظرك ؟

مواصفاتالزوج الزوجة الناجحين في نظرك ؟

وياريت بدون اجابات دبلوماسية زي ماشوفت فوق

**mohamed ali** · 2009-05-14, 02:35 PM

بسم الله الرحمن الرحيم

توكلنا علي الله

انا المره دي مش هاسال اساله استفهامية زي مابيقولوا بس اساله لنستفاد كلنا من معلومات ميرا في الحياه بصفة عامه وخبرتها الجهنمية في طبخ الملوخية والتحليه بالمهلبية

نعود الي الموضوع

المره دي هاسال عن المنتدي وبعدين هارجع للاساله العامه بعد كده

1 - هل تؤمنين بالتخصص في مجال معين ام كلله علي بعضه
بمعني ان وجدت في الفتره الاخيره ازذهار بعض المنتديات وحاولت البحث عن اسباب رقي هذه المنتديات ووجدت ان هناك سبب واحد مشترك
ان لكل منتدي تخصص في مجال معين

فمثلا لمتابعي الرياضه كلنا سنعرف كورة وستار تايمز وجول ....
للميديا كلا نعرف عرب سيد وما شابه

فهل تري ان التخصص سيكون افيد لمنتدانا .؟!

لي عودة بعد شوية

2 - في الفتره الاخيره وبعد انتشار الفضائيات وجدت بعض البرامج تعرض بعض المقالات لاشخاص معينة مع ذكر اسم المنتدي
هل تجدي في منتدانا من يستطع ان يلفت الانظار بقلمه وهل ان وجد فهو يبخل علينا بقلمه ؟!

**Lost Angel** · 2009-05-17, 09:12 PM

خياااااااااااااااااااااااااااااااااانة ميراااااااا تقعد علي الكرسي واحنا مش موجودين وبنمتحن ازااااااااااي
كده هتتظلم ومش هتاخد نصيبها كويس في الاسئلة
وبعدين يعني انا لو مكنتش فتحت مكنتش هعرف غير بعد ما اخلص امتحانات

بس حظك حلو بقي اني فتحت

والباور الي عندي خلصتها كلها امبارح في امتحان الباور

شوية اسئلة ع السريع بقي عشان معزتك الغالية عندي ومش هوصي باقي الاعضاء الموجودين عليكي طبعا
ماشاء الله يعني قايمين بالواجب معاكي

هل انتي راضية عن نفسك كل واحد فينا ساعات بيحس بالتقصير ومع السبب بقي ؟

ايه اكتر حاجه ممكن تضايقك ؟

لما بتتضايقي مين اول حد بتجري عليه وتفضفضيله؟

حاجه مش ممكن تسامحي فيها ابدااا هيا ايه ؟

أحلي لحظة في حياتك ؟

موقف صعب حصلك ومعرفتيش تتصرفي فيه ؟

اكتر موقف محرج حصلك في حياتك ؟

اكتر حاجه مجنونة عملتيها ؟

حاجه عملتيها وندمتي عليها ؟

حاجه بتحبي تعمليها كل يوم ؟

عادة سيئة عندك ومش عارفه تتخلصي منها ؟

ايه هيا فلسفتك في الحياة ؟

نفسك في ايه دلوقتي ؟
وكفاية كده بقي للاسف مش هقدر اقولك لي عودة مرة اخري

وفي الاخر ربنا يوفقك يا حبيبتي ويحققلك كل الي بتتمنيه ووحشاااااني جداااا والله وادعولي بقي عشان الامتحانات

**la princesse** · 2009-08-02, 01:48 PM

اقتباس:

المشاركة الأصلية كتبت بواسطة Lost Angel

خياااااااااااااااااااااااااااااااااانة ميراااااااا تقعد علي الكرسي واحنا مش موجودين وبنمتحن ازااااااااااي
كده هتتظلم ومش هتاخد نصيبها كويس في الاسئلة
وبعدين يعني انا لو مكنتش فتحت مكنتش هعرف غير بعد ما اخلص امتحانات

بركااااااتك يا حجة لوست
ادى الموضوع استناكى لما خلصتى امتحانات واطمنتى عالنتيجة كمان عشان تفترى براحتك

شوية اسئلة ع السريع بقي عشان معزتك الغالية عندي ومش هوصي باقي الاعضاء الموجودين عليكي طبعا
انا مليش معيز عند حد

هل انتي راضية عن نفسك كل واحد فينا ساعات بيحس بالتقصير ومع السبب بقي ؟
بصراحة مش راضية
حاسة انى مقصرة فى حاجات كتير
وكمان فى حاجات كتير نفسي اعملها ولسه معملتهاش

ايه اكتر حاجه ممكن تضايقك ؟
انى اغلط

لما بتتضايقي مين اول حد بتجري عليه وتفضفضيله؟
اكيد بجرى على اقرب الناس ليا

حاجه مش ممكن تسامحي فيها ابدااا هيا ايه ؟
مفيش حاجة مش ممكن اسامح فيها
ان الله يغفر الذنوب جميعاً إلا أن يشرك به

أحلي لحظة في حياتك ؟
لسه مجتش

موقف صعب حصلك ومعرفتيش تتصرفي فيه ؟
امممم مش عارفة بردو
اعتقد الحمد لله مجاش الموقف اللى يعجزنى اوى كده

اكتر موقف محرج حصلك في حياتك ؟
مرة زمان وانا فى 1 او 2 اعدادى
الميس بتاعت الدراسات كانت عايزة الكراسات عشان تصححها
وانا كان عندى كراسة التيرم الاول شبه كراسة التيرم التانى بالظبط
فاتلخبطت وخدت بتاعت التيرم الاول
ولما ادتهالها
زعقتلى وقطعتها

اكتر حاجه مجنونة عملتيها ؟
ههههههههههههههههههههه
لالالالالالا بلاش

هقولك بينى وبينك

حاجه عملتيها وندمتي عليها ؟
ثقتى في أشخاص مكنوش يستحقوا الثقة

حاجه بتحبي تعمليها كل يوم ؟
أدخل تيفا نت حتى لو مش بشارك بس بدخل اتفرج
وعلى فكرة عندى اكتر من اكونت والشاطر يعرف

عادة سيئة عندك ومش عارفه تتخلصي منها ؟
انى بسمع أغاني كتير بس مضطرة عشان اقوى الانجلش والفرينش

ايه هيا فلسفتك في الحياة ؟
لا إله إلا الله محمد رسول الله
اطلب العلم من المهد إلى اللحد
إن الله يغفر الذنوب جميعاً إلا أن يشرك به
فصبر جميل والله المستعان على ما تصفون
ادفع بالتي هي أحسن فإذا الذي بينك وبينه عداوة كأنه ولي حميم
ويمكرون ويمكر الله والله خير الماكرين
كذلكِ قال ربك هو علي هين
واعتصموا بحبل الله جميعاً ولا تفرقوا

نفسك في ايه دلوقتي ؟
بجد بجد نفسى اشوفك انتى وفجر ونبقى احنا التلاتة سوا زى امار اكبر انتونى كده

وكفاية كده بقي للاسف مش هقدر اقولك لي عودة مرة اخري

يختى كميلة يا ناااس

وفي الاخر ربنا يوفقك يا حبيبتي ويحققلك كل الي بتتمنيه ووحشاااااني جداااا والله وادعولي بقي عشان الامتحانات

مردودالك يا ثكر

**la princesse** · 2009-08-02, 05:08 PM

اقتباس:

المشاركة الأصلية كتبت بواسطة mafiawwy

صباح الخير حسب التوقيت اللى انه فيه

عامله ايه النهارده يا برنسيس .... متجاوبيش عارف عارف

بس كله يهون علشان خاطر الكرسي الحلو اللى محمد جايبه دا

خدي السرنجتين دول مني علشان تستريحي

هو الاخ تمرجى ولا حاجة

كم وزنك وكم طولك؟
وانت مالك

بتحبي اكتر الوالد ولا الوالدة؟
الاتنين طبعا
يعنى بالصعيدى
tous les deux
بس بابا بيفهمنى اكتر
انا وبابا اصحاب اكتر يعنى
لكن اذا كان عالحب بحب الاتنين طبعا

هل فقدتي حبيب من قبل ؟ ومين السبب؟

فقدت وحدة من اعز صحباتى والسبب الدراسة
اصلها دخلت معتقل اسمه هندسة

حبيتي كم مرة ف حياتك؟ وهل مازال؟

الحمد لله انا بحب كللللللل الناس ودى نعمة من عند ربنا
ان الواحد ميعرفش يكره ولا يجرب احساس الكره ده اساسا

انتي مفرورة؟ ليه لاء؟
ههههههههههه
وايه مخليك واثق انى هقول لا
مش يمكن اقول اه؟؟؟
ماعلينا
المفروض طبعا مش انا اللى اجاوب عن سؤال زى ده
المفروض تسال الناس اللى حواليا
بس اعتقد انى مش بكون مغرورة الا فى حالات معينة بتظاهر فيها بالغرور
عشان اوصل لحد معلومة او اعلمه درس لو كان غلط او تعدى حدوده معايا

اقعدو بالعافيه امممممموه

ابقى شغل الالوان
الكلام مش بيتلون ليه

®®المقابلة الخامسة بضيافة ((la princesse)) ®®

حان وقت اللقاء ... بسم الله الرحمن الرحيم اسعد الله اوقاتكم بكل خير اعضاءنا الكرام نلتقي بعد غيبة .. نلتقي علي كل خير ان شاء