صباح الفل عليكم

طبعا كالعاده صحيت بدرى ودخلت المنتدى

لقيت عم الشيخ اللى رادد فوقيا ده اون لاين

شايفين الراجل بيتعب علشانكم قد ايه سهران الليل كله علشان يطور فى المنتدى

كل واحد يديله ساندوتش فول عرفان بالجميل

واهو كمان يفطر

مش هيبقى لا نوم ولا اكل


المهم

انا النهارده حاجه من 2

يا اتفائل

يا اتشائم

الدكتور الاسبوع اللى فات قال احتمال الدكتور التانىيكون مسافر ولو كده يبقى مفيش دبلومه النهارده


بس انا لسه معرفش وهتاكد النهارده

فلو حصل والدكتور مجاش يعنى النهارده اجازه من الكليه

ويبقى يوم زى الفل

اما لا قدر الله لو الدكتور جه

يبقى يوم دبح

من 7 الى 8

ادعولى

وابقوا اتوضوا قبل متدعوا

نسيتوا تثبتوا الموضوع

انا ثبته علشان يبقى الخناقة دى علنى


والى ما يشترى يتفرج

كل واحد يديله ساندوتش فول عرفان بالجميل

واهو كمان يفطر

مش هيبقى لا نوم ولا اكل

اه صحيح يا ويب ايه رايك فى ان سندوتش الفول الى عند البغل
( ماحدش من بره المنصورة يسألنى مين البغل ده )

رفع سعره بقى بـ 60 قرش
قال ايه علشان الطوب الى بيبقى جواه سعره بقى غالى

البغل ده اشهر واحد بتاع فول وفلالفل وموجود فى طنطا والمحله الكبرى والمنصوره وكانت بدايته فى المحله الكبرى
هتقولو غريبه ازاى اسكندرانى وعارف الحاجات دى
هقولكم ليا قرايب فى محافظة الغربيه
ههههههههههههه
يا جدعاااااااااااان انا واااااااااااااصل برضه
هههههههههههههههههههههههههههههههه
طبعا ده غير كمان محل زيزنيا اللى فى الزقازيق (واخد اسم اسكندرانى)
اما اسكندريه (ارض الوطن)
محمد احمد
ابو ربيع
ابو خالد
جاد
المدهش
كل دى محلات فول وفلافل شعيره جدا فى اسكندريه
ولله الحمد انا دايس فى كل دوووول

ازيكم يااحلي جروب واحلي منتدي واحلي اخوات وحشتوني جدا جدا جدا جدا يارب كلكم تبقوا بخير وكويسين وزي الفل

ربنا معاك يارامي ويكون في عون الناس دي وانا اقول بردو الفول خلص من البلد ليه اتاري الموضوع كبير

تسلمى يا mmr شايفين طبعا من غير بتوع السياحة يبقى مصر مش هنسمع عنها

طبعا ياحبيبتى دة انتوا الى بتأكلونا هى بلدنا دى بقا فيها حاجة غير السواح دة انا خايفة احنا الى نسيح على اخر الزمن

هندسة حتى انتى يا mmr

انا هقوم بدورى بتحذيرك من الانضمام لحزب الاشرار ( انا شرير اذن انا مهندس )

اما عن دخولك كلية هندسة وخلصت فانت تصلى بالليل ركعتين وتستغفر ربنا عن الذنب ده اللى هو دخول كلية الهندسة وربنا يتقبل توبتك

اية دة لالا يامهندسين يااشرار قصدى ياحلوين خلوا سمعتكوا تبقا حلوة قدام الكليات التانية ولو عاوزين تشرروا يبقا من غير ماحد يعرف علشان المهندس لازم يبقا ندوة للباقين
انا بستغفر ربنا علطول بس مش علشان الكلية دة علشان اتعلمت اصلااااااااااااااااا

mrmr هندسه يا مرحبا بيكى فى الحزب بتاعنا
وفكك بقا من حزب الارهاب الدولى بتاع السياحه والبنادق قصدى الفنادق معلش بقا اصلو ارهاااااااااااااب

اهلا بيك ياروميو الحزب منور بأشرارة قصدى باصحابة وبعدين متنساش انهم بناااااااااااااااات لازم ابقا فى صفهم

منورانا يا mrmr
منور بيك ياماندو شكلك كدا....... لألأ اوعا تكون الى بفكر فية لألأ اكيد مش انت ...




اوعا تكون رئيس العصابة بتاعت الحزب الشرير دة
الحق نفسك واطلب السماح وفك الحزب الشرير دة احسن البنات
كيدهن عظيم وترجعوا تقولوا ياريت الى جرى ماكان

ويلا بقا متنسوش تقولوا على الى فرحكم النهاردةاو بعد الشر زعلكم
مستنيااااااااااااااااااااااااااااااااااااااااااااا اااااكم

جاد

الوحيد اللى اعرفه يا رامى من وسط المولد اللى فوق ده

ويلا بقا متنسوش تقولوا على الى فرحكم النهاردةاو بعد الشر زعلكم
مستنيااااااااااااااااااااااااااااااااااااااااااااا اااااكم

بتسالى عن اللى فرحنى او اللى زعلنى



طب استلمى بقه

النهارده اول مصحيت الصبح

اصطبحت بخبر وحش

عضوه من المهندسين اللى معنا فى منظمه مكافحه الارهاب خانتنا وانضمت الى الارهابيين

وجارى التحقق من شخصيتها لان فى اتجاه داخل المنظمه انها تكون دسيسه وشكل كده والله اعلم سيتم تصفيتها عن قريب علشان متثيرش الفتنه والبلبه داخل حزبنا

المشاركة الأصلية كتبت بواسطة mandozzz

عضوه من المهندسين اللى معنا فى منظمه مكافحه الارهاب خانتنا وانضمت الى الارهابيين

مش عارفة هفضل اعلمك الكتابة لغايت امتى
عيب دانت كبير مش صغير
لما تيجى صلحها وخليها
عضوة من المهندسين اللى معانا فى منظمة الارهاب خانتنا وانضمت الى الطيبين

وعلى فكرة الكلام ده موجه لحزب الاسطوات كله
انا مزاجى وحش انهرده
والعفاريت بتتنطط فى وشى
يعنى اللى وراه حاجة مهمة بكرة يخفى من ادامى انهرده

وعلى فكرة الكلام ده موجه لحزب الاسطوات كله
انا مزاجى وحش انهرده
والعفاريت بتتنطط فى وشى
يعنى اللى وراه حاجة مهمة بكرة يخفى من ادامى انهرده

طب قومى ياله


شوفيلك كتاب ينفعك


طلبه اخر زمن

عضوة من المهندسين اللى معانا فى منظمة الارهاب خانتنا وانضمت الى الطيبين

على فكره انا شاكك فى كونها مهندسه وحاسس انها دسيسه

عضوه من المهندسين اللى معنا فى منظمه مكافحه الارهاب خانتنا وانضمت الى الارهابيين
بصوا بقا انا ممكن اسامح فى حقى لكن حق البنوتات الطيبين الى بتقولوا عليهم ارهابين لأ والف لأ انا طبعا بهدى النفوووووووووووووووووس

وجارى التحقق من شخصيتها لان فى اتجاه داخل المنظمه انها تكون دسيسه وشكل كده والله اعلم سيتم تصفيتها عن قريب علشان متثيرش الفتنه والبلبه داخل حزبنا

تصفيتها كمان شوفوا بقا من الارهابين دة انا ممكن ابلغ عنكم

على فكره انا شاكك فى كونها مهندسه وحاسس انها دسيسه
شك علنى كدا ياخسارة يامهندسين دة الى اتعلمتوة فى كلية هندسة تشك فى اخوك واختك المهندسة

وعلى فكرة الكلام ده موجه لحزب الاسطوات كله

هههههههه عسل والله

يلا بقا الاسف يبقا علنى واوعوا تقولوا كلمة ارهابين دى تانى

ازيكوا يا عيله وحشتوني
راجع عن قريب بس الميد ترم بتاعي قرب أوي
وأول مره طبق علينا ميد ترم السنه دي
وربنااااااا يستر
وميجربوش حاجه تانيه فينا

ربنا يوفقك يا بوس وان شاء الله تنجح بأذن الله وبتقدير كمان

انا اسفه لغيابي بس والله النت بيفصل بطريقه غبيه

واسفه كمان عشان مش بنزل مواضيع من مده بس ده لاني بصراحه قليل دلوقتي لما بدخل علي النت

عشان المذكره الأمتحانات 29/12 والواحد ميت من الخوف وبدخل علي المنتدي اطمن علي أخواتي

واشوف النقد علي القصه وادخل عل يالموضوع بتاع العائله واشوف عائلتي عامله ايه

المهم انكم وحشتوني كتير

وان شاء الله هبقي معاكم باستمرار لانكم بتوحشوني

المهم نستوني

شوفتوا ايه اللي حصل عندنا في الجامعه

الجامعه مقلوبه

هتقولولي ليه

1- عشان المصاريف السنه ديه كتير موووت مصاريف الجامعه بس غاليت وعاملين مظاهرات وحاجات غريبه

2- عشان أمن الجامعه مانع دخول البنات المنتقبين وديه ازمه لان الجامعه فيها بنات كتير منتقبه

وعاملين احتاجاج وكمان الشباب مش عايزين يخرجوا من الجامعه

3- في قسم في كليه تربيه اسمه تكنولوجيا التعليم أو مكتبات ووسائل تعليميه الكليه ديه بتعمل عملي كتير واكتشفوا

ان نقابه المعلمين رفضه القسم ده وكمان خريج القسم ده مفروض يكون بكلوريس تربيه هما بقي بيقولوا عليه ليسانس

وطبعا بتوع تربيه خربين الدنيا ومش بيحضروا محاضرات احتاجاج عن النظام ده

4- الأخوان المسلمين عاملين مظاهرات عشان رئيس الجامعه شطب اسمهم من الأتحاد

5- كليه صيدله اتحرقت امبارح من احد المعامل وكان في مصابين ربنا يقومهم بالسلامه والمصابين طلاب ربنا معاهم يارب

ويخرب بيت الأهمال

وربنا ينجيهم يارب ومتكونش في اصابات كتير

انا عارفه انها كله حاجات تزعل بس انتوا عائلتي وانا بصراحه زعلانه علي النظام ده قولت افضفض معاكم

عشان اوريكم حاجات تحرق الدم

سوري طولت علكيم استنوا انا جايه تاني

ازيكوا يا عيله وحشتوني
راجع عن قريب بس الميد ترم بتاعي قرب أوي
وأول مره طبق علينا ميد ترم السنه دي
وربنااااااا يستر
وميجربوش حاجه تانيه فينا

ترجعلنا بالسلامة يا بوص


ازيك يا توتاااااااااااا وحشتينى

1- عشان المصاريف السنه ديه كتير موووت مصاريف الجامعه بس غاليت وعاملين مظاهرات وحاجات غريبه

لا حول ولا قوة الا بالله كل حاجة بتغلى والله حرام المفروض يكون اصلا التعليم فى الجامعات والمدارس مجانا ( الله يرحمك يا سعد زغلول)

2- عشان أمن الجامعه مانع دخول البنات المنتقبين وديه ازمه لان الجامعه فيها بنات كتير منتقبه

وعاملين احتاجاج

والله الموضوع ده محير الامن عنده حق وانا ايه اللى يضمنى ان المنقبة دى طالبة وده الكارنيه بتاعها مش يمكن حرامية ولا حاجة ومتنكرة زى اللى حصل مش عارفه جامعة ايه من حوالى سنتين
وفى نفس الوقت المنقبة دى نوع من الاحتشام والادب يعنى نرضى للى داخلة لابسه وحش الكلية ومنرضاش للمحتشمة

انا عندى الحل يجيبوا على كل باب ست تكون تبع الامن بتاع الكلية
المنقبات ميكشفوش وشهم الا ادامها فى الحجرة الصغير ة بتاعه الامن اللى بتكون عند كل باب

3- في قسم في كليه تربيه اسمه تكنولوجيا التعليم أو مكتبات ووسائل تعليميه الكليه ديه بتعمل عملي كتير واكتشفوا

ان نقابه المعلمين رفضه القسم ده وكمان خريج القسم ده مفروض يكون بكلوريس تربيه هما بقي بيقولوا عليه ليسانس

يالهوىىىىىىىىىى ده انا كنت اموت بحسرتى لو كنت مكانهم
وبعدين التربية معروفة طول عمرها انها بكالوريوس مينفعش ده استعباط االلى يخلوه ليسانس بيقللوا من درجة شهادته
ونقابة المعلمين دى ترفضوا ليه هو مش خريج تربية زيه زيهم

4- الأخوان المسلمين عاملين مظاهرات عشان رئيس الجامعه شطب اسمهم من الأتحاد

لا عادى ده فى كل الجامعات المشكلة دى بسمع عنها فى كل سنة
ومتهيألى مبتتحلش فى معظم الاوقات بتفضل اساميهم مشطوبة

- كليه صيدله اتحرقت امبارح من احد المعامل وكان في مصابين ربنا يقومهم بالسلامه والمصابين طلاب ربنا معاهم يارب

ويخرب بيت الأهمال

يالهوىىىىىىىىى للدرجة دى اهمااااااااااااااال
ربنا مع المصابين ويقومهم بالسلامة
ويارب متكون الاصابات جامدة

استغفر الله العظيم يارب الله يكون فى عونك يا توتااااااااا

بقلك ايه حولى جامعة الاسكندرية احسنلك هتنورينى والله

انا شفت مظاهرتين لغاية دلوقتى عندنا
الاولى كانت عند اداب انا لقيت ناس حوالى 40 او 50 واحد كده ماشيين مع بعض ورايحين عند الباب والناس بتسالهم فى ايه محدش بيرد
الامن اول لما شافهم راح قفل باب اداب
راحوا الناس دى زعقوا وقالوا كلام كده مش عارفه ايه ومشيوا
الموضوع كله مكملشى 10 دقايق ومكنتش حاجة جامدة زى اللى عندك يا توتاااا

اما المظاهرة التانية فاشتركت فيها كل الكليات اللى فى المجمع بتاعنا اللى هو المجمع النظرى ( اداب وتجارة وتربية وحقوق وسياحة )
والكليات التانية المنفصلة زى الطب والصيدلة والعلوم والهندسة والزراعة والفنون الجميلة

لالالالالالالالالالالا متتخضوش كده زمانكم بتقولوا الاسكندرية اتحرقت

دى المظاهرة دى عشان الادمان
لا للادمان جايبين من كل كلية كام طالب كده رافعين لافتات بكلياتهم ولافتات تانية لا للادمان وماشيين بيلفوا فى المجمع ووراهم عربية علىها سماعات كبيرة ومشغله عاشت بلادنا عاشت حرة لولادها

ع العموم يا جماعة بما اننا هنا معظمنا طلبة فياريت نناقش مشكلة اخوانتا اللى فى جامعة القاهرة

طيب فى الاول فى ملحظوظه

يعنى ايه الكلمه دى

وكمان الشباب مش عايزين يخرجوا من الجامعه

ثانيا

4- الأخوان المسلمين عاملين مظاهرات عشان رئيس الجامعه شطب اسمهم من الأتحاد

مهو الطبيعى كل سنه ان ده بيحصل وبيطلعوا بمظاهره كام يوم واوقات بيتشد شويه منهم امن دوله كمان

عادى يعنى

ثالثا

ازمه لان الجامعه فيها بنات كتير منتقبه

هوا حضرتك فى جامعه ايه

رابعا

5- كليه صيدله اتحرقت امبارح من احد المعامل وكان في مصابين ربنا يقومهم بالسلامه والمصابين طلاب ربنا معاهم يارب
ويخرب بيت الأهمال
وربنا ينجيهم يارب ومتكونش في اصابات كتير

خدى بالك من الالفاظ ربنا يكرمك

الكليه كلها اتحرقت ولا معمل فى الكليه اتحرق

بس قدر ولطف والحمد لله ان مفيش حالات وفاه لانى اللى اعرفه ان معامل صيدله زى معامل علوم كده احماض وحاجات غريبه كده ولو فى نيتروجين بقه

ربنا يستر علينا جميعا

ويرحمنا زى مقلتى من الاهمال اللى متفشى بقوه داخل حياتنا للاسف ولا نشعر به الا مع حدوث كارثه

مسااااااااااااااااااااء الخير يا احلي عيلة في احلي منتدي عاملين ايه في البرد ده
الجو في المنصورة تمااااااااااااام مطر وهوا وبرد وكل حاجه

ازيكوا يا عيله وحشتوني
راجع عن قريب بس الميد ترم بتاعي قرب أوي
وأول مره طبق علينا ميد ترم السنه دي
وربنااااااا يستر
وميجربوش حاجه تانيه فينا

اه والله يا بوس ربناااااااااااااااااااااا يستر انا الميد ترم بتاعي يوم السبت
وحطين اتقل 3 مواد ورا بعض ادعووووووووووووووووووولي اوووووووووووووي

انا اسفه لغيابي بس والله النت بيفصل بطريقه غبيه

حمدلله علي سلامتك يا توتااااا ولا يهمك يا جميل المهم انتي بخير

اقتباس:

3- في قسم في كليه تربيه اسمه تكنولوجيا التعليم أو مكتبات ووسائل تعليميه الكليه ديه بتعمل عملي كتير واكتشفوا

ان نقابه المعلمين رفضه القسم ده وكمان خريج القسم ده مفروض يكون بكلوريس تربيه هما بقي بيقولوا عليه ليسانس

يالهوىىىىىىىىىى ده انا كنت اموت بحسرتى لو كنت مكانهم
وبعدين التربية معروفة طول عمرها انها بكالوريوس مينفعش ده استعباط االلى يخلوه ليسانس بيقللوا من درجة شهادته
ونقابة المعلمين دى ترفضوا ليه هو مش خريج تربية زيه زيهم

4- الأخوان المسلمين عاملين مظاهرات عشان رئيس الجامعه شطب اسمهم من الأتحاد

ههههههههه دي بقت حاجة طبيعية جدا احنا عندنا في الكلية كل يومين كده تلاقي شوية طالعين بمظاهرة تقريبا هيبقي مقرر علينا في الكلية بعد كده

ع العموم يا جماعة بما اننا هنا معظمنا طلبة فياريت نناقش مشكلة اخوانتا اللى فى جامعة القاهرة

فكرة حلوة يا فجر دي مبقتش جامعة دي بقت كوسة من الي الواحد بيشوفه

أولا شكرا لردك يا فجر وشكراي ا لوست انجيل وشكرا يا مندوزززز

وطبعا انا بتكلم معاكم لان ممكن المشاكل ديه تكون في جامعه
بنتكلم فيها

وانا معاكي يا فجر ان مفروض المنتقبه ترفع النقاب عشان الشبوهات
وممكن يحطوا ببساطه واحده هي اللي تشوف بس ده مش موجود
والملحوظه التانيه انهم عايزين النقاب يطلع في الجامعه بصفه عامه مش علي باب الأمن بس
لأ في الحرم الجامعي كمان يعني تتدخل الحرم تقلع النقاب فهتي قصدي

انا يا مندوززز في جامعه حلوان
هتقولي ليه معظمهم منتقبين
هقولك عشان في الغالب في جحامعه حلوان بتكون أقاليم وكده
وفي ناس فعلا كتير لابسه نقاب

غير انهم مش عايزين المنتقبين اصلا يسكنوا في المدن الجامعيه
قبل كده السنه اللي فاتت فصلوا واحده من المدينه الجامعيه عشان معاهم كتب أسلاميه وعشان منتقبه
ومن ساعاته مش عايزين المنتقبين يسكنوا في المدينه الجامعيه

ولو مش مصدق ممكن تنزل تشوف الوضع الحالي عندنا في جامعه حلوان ههههههههه

معاكم توتااااااااا ( مشرفه حلال العقد ) اللي جاله عقده
من أمام الحرم الجامعي في جامعه حلوان
توتااااااااااااااااااااااااااااااااااا القاهرررررررررررررره

أولا شكرا لردك يا فجر وشكراي ا لوست انجيل وشكرا يا مندوزززز

وطبعا انا بتكلم معاكم لان ممكن المشاكل ديه تكون في جامعه
بنتكلم فيها

وانا معاكي يا فجر ان مفروض المنتقبه ترفع النقاب عشان الشبوهات
وممكن يحطوا ببساطه واحده هي اللي تشوف بس ده مش موجود
والملحوظه التانيه انهم عايزين النقاب يطلع في الجامعه بصفه عامه مش علي باب الأمن بس
لأ في الحرم الجامعي كمان يعني تتدخل الحرم تقلع النقاب فهتي قصدي

انا يا مندوززز في جامعه حلوان
هتقولي ليه معظمهم منتقبين
هقولك عشان في الغالب في جحامعه حلوان بتكون أقاليم وكده
وفي ناس فعلا كتير لابسه نقاب

غير انهم مش عايزين المنتقبين اصلا يسكنوا في المدن الجامعيه
قبل كده السنه اللي فاتت فصلوا واحده من المدينه الجامعيه عشان معاهم كتب أسلاميه وعشان منتقبه
ومن ساعاته مش عايزين المنتقبين يسكنوا في المدينه الجامعيه

ولو مش مصدق ممكن تنزل تشوف الوضع الحالي عندنا في جامعه حلوان ههههههههه

معاكم توتااااااااا ( مشرفه حلال العقد ) اللي جاله عقده
من أمام الحرم الجامعي في جامعه حلوان
توتااااااااااااااااااااااااااااااااااا القاهرررررررررررررره

طبعا احب اطمنكم ان بين توتا دلوقتى محاصر وعربيات الامن المركزى راكنه وساده الشارع واحتمال يكون الناس اللى بنضارات سوداء وبدل ملهاش لون بيخبطوا على باب بيتها علشان يعزموها على كوبايه شاى فى المديريه


المهم نعود الى النقاش


فى موضوع المنقبات والمدينه الجامعيه


فى اظن كل فتره تلاقى حادثه خيانه زوجيه وان العشيق يلبس لبس منقبه ويزور الزوجه الخائنه بلبس النقاب

طي نفترض ان فى منقبات فى المدينه

الامن اللى على البوابه هيعرفهم منين

ومش ممكن ولاد يخشوا بلبس نقاب

ولا دى كمان هيجبوا واحده تقعد على البوابه

والمدينه زى منتى عارفه بتفتح ل 10 او 12 على حسب يعنى

فصعب تلاقى واحده توافق على ظروف العمل بالامن للساعات دى

المهم

موضوع البنت اللى بكتب اسلاميه

فدى عايزه شويه معلومات زياده

يعنى كان معاها مثلا مصحف او تفسير او حتى كتب احاديث

ولا كتب خاصه من اللى مش بنلاقيها الا مع فئه معينه من الطلبه ولا نعلم كاتبها

دى محتاجه انك تسالى وتعرفى ما محتوى تلك الكتب


بالنسبه لوضع جامعه حلوان فانا الصبح منا رايح الشغل قبل ميجى اتوبيس المحطه بيعدى عليا الاشكال اللى موجوده عندكم

هما اه اوك مش مبهرجين جامد بس فى نفس الوقت مش متنقبين يعنى لبسهم عادى يعنى

ازيكم يا هيلتى وحشتووووووووووووونى موت

تسمحولى اقطع مناقشتكم فى موضوع الجامعة لانى انا بجد فرحاااااااااااااانة خالص

وعاوزة اقولكم ايه اللى مفرحنى

نبدا الحكاية من اولها

الحكاية بدايتها ترجع من الاعدادى انا كان ليا اتنين صحباتى بحبهم موووووووت

كنا احنا التلاتة مع بعض دايما

بس للاسف فى واحدة منهم زعلت مننا وافترقت عننا وبقينا احنا اتنين وهى واحدة

دى المرة الوحيدة اللى حد من اصحابى يفارقنى والحقيقة الموضوع كان صعب عليا ايامها

هتقولولى طيب مرحتيش انتى وصحبتك تصالحوها ليه هقولكم هى قاطعتنا فجأة وبقت تتهرب مننا لانها زعلانة مننا من غير نقاش و السبب يمكن فى المرحلة السنية بتاعة الاعدادى كان ممكن يكون سبب جامد لكن لو بصيت للموضوع دلوقتى هلاقيه مش محتاج ان هو يحصل فراق

بس ربنا اللى يعلم بالرغم من كل ده ان انا بعزها وبحبها
لدرجة ان من حوالى سنة فكرت اتصل بيها بس اتحرجت خفت احسن تقول بعد السنين دى ايه اللى خليها تتصل
وطبعا انا مشفتهاش خالص من الاعدادى

بس انا و صديقتى اللى فضلت معايا انتيم جدا جدا ( اللى للاسف الشديد والحسرة و الالم دخلت كلية الهندسة )واحيانا كتير كنا بنتكلم مع بعض نفتكر صديقتنا اللى سابتنا
ونسأل يا ترى دخلت كلية ايه؟؟؟؟؟؟؟؟؟

المهم يوم الاحد اتفقت مع صحبتى الانتيم اللى فى الهندسة انى بعد لما اخلص محاضراتى هقابلها على البحر( لان انا كليتى فى المجمع وهى كليتها الهندسة منفصلة عن المجمع )

وانا خارجة من باب الكلية ورايحة اقابل صحبتى ببص قدامى لقيت صاحبتنا اللى فارقتنا من حوالى 4سنين واكتر

انا مش قادرة اوصفلكم ايه اللى حصل جوايا حصلت جوايا فرحة بها شىء من التردد
فرحت جدا جدا ومترددة خايفة انها هتكون لسه زعلانة بس قلت مش معقول تكون زعلانة ده كان مخ عيال كل ده دار فى عقلى فى اقل من ثانية وانا عينى فى عينها ومبتسمين لبعض
وبعد كده رحنا لبعض وحضنا بعض جاااااااااااااااااااااااااااااااامد فى مشهد مؤثر يوسف شاهين ميعرفش يعمل زيه وكادت اعيننا تدمع من الفرح وسألتها دخلت ايه قالتلى تجارة انجلش

وسبحانك يا الله يشاء قدرك انى اقابل صحبتى اللى فارقتنا فى نفس اليوم اللى رايحة اقابل فيها صحبتنا التالتة المهم وقفنا واتكلمنا وقلتلها تيجى معايا عشان نشوف صاحبتنا اللى فى الهندسة اللى مستنيانى ع البحر و طبعا كنت اتاخرت عليها و رحت فى المكان ولسه هتديلى اسطوانة تهزيق عشان اتاخرت عليها قلتلها قبل اى كلام انا معايا لكى مفاجأة

مين دىىىىىىىىىى؟؟؟؟؟؟؟؟؟؟

رحت بصت للى واقفة جمبى قالتلى دى .............. قلتلها اه قالتلى هى وكل ده وهى عليها علامات الذهول قلتلها اه
راحوا حضنوا بعض فى منظر مؤثر
و اتمشينا على البحر وخدنا تليفوناتها وخد ايميلها ووصلنا صاحبتنا لكلية الهندسة عشان محاضراتها

بجد الموضوع ده فرحته لسه ماثرة عليا لغاية دلوقتى خصوصا اللى انا بكلمها على الايميل

بس الحمد لله بجد بجد انا ارتحت لان موضوع اللى احنا متخاصمين كان بيتعبنى بالذات لما كنت بسمع احاديث الرسول صلى الله عليه وسلم عن المتخاصمين

معلش يا جماعة طولت عليكم بس بجد انا كنت عاوزة انقلكم فرحتى ويارب اسلوبى فى سرد الموضوع ده تكونوا فهمتوه عشان تقدروا تعرفوا اد ايه انا فرحانة

لانى بجد جزء كبير جوايا ارتاح

واسفة للاطالة وعودة لمناقشة مواضيعكم

والله يافجر كلامك دة فرحنا اكتر ممافرحك
الحمد لله انكوا اتصالحتوا بعد كل الوقت دة .خلوا بالكوا من بعض بقا ويارب متزعلوش تانى ابداااااااااااااااااا
وابقى سلمى عليها

أزيكوااااااااا يا عيله عسل وبركه علينا كلنا
الميد ترم أطبق رسمي أعيط انا ولا أعمل أيه
لأ وأرقام الجلوس نزلت
طب أشمعنا تجاره بس اللي بيجربوا عليها
يلا الحمد لله وياااااااااااااااااااااااااااااااااااااااااااااااا ااااااااااااااااااااااااااارب خير
وربنا يستر
الكل راجع بقوه بعد الأمحانات وأنتظروني بقوه
بس أخلص بس من الهم ده والزل
أنا أه بقعد بس مش كتير وربناااااااااااااا معانا كلنا

والله يافجر كلامك دة فرحنا اكتر ممافرحك
الحمد لله انكوا اتصالحتوا بعد كل الوقت دة .خلوا بالكوا من بعض بقا ويارب متزعلوش تانى ابداااااااااااااااااا
وابقى سلمى عليها

الله يخليكى يا مرمر وان شاء الله مش هنسيب بعض تانى

مع ان فى سؤال سألتهولى صحبتى الانتيم بعد لما خلصنا المقابلة دى

قالتلى يا ترى هى هترجع صاحبتنا اوى زى زماااااااان لان اكيد كل واحد فينا شخصيته اتغيرت

قلتلها خلى الايام هى اللى تجاوبلنا ع السؤال ده

أزيكوااااااااا يا عيله عسل وبركه علينا كلنا
الميد ترم أطبق رسمي أعيط انا ولا أعمل أيه
لأ وأرقام الجلوس نزلت
طب أشمعنا تجاره بس اللي بيجربوا عليها
يلا الحمد لله وياااااااااااااااااااااااااااااااااااااااااااااااا ااااااااااااااااااااااااااارب خير
وربنا يستر
الكل راجع بقوه بعد الأمحانات وأنتظروني بقوه
بس أخلص بس من الهم ده والزل
أنا أه بقعد بس مش كتير وربناااااااااااااا معانا كلنا

يا عينى يا بوص قلبى وربى معاك
متخفش اعمل اللى عليك
انا كمان عندى ميد تيرم بس منزلش جدول الدكتور بيعمله فى اى وقت هو عاوزه
ده فى دكتورة بدنيلنا مادتين لسه هتنزل الكتب يوم الخميس والامتحان بتاعها يوم الاتنين
ومفيش ولا طالب بيكتب وراها اى محاضرة لان نص الكلام مش فى المحاضرة
حتى الورق التلخيص بينزل فى المكاتب بعد نزول الكتاب
والدكتورة دى مشهورة انها بطلع بالمواد
ربنا ستير
شد حيلك