لعبه بيس 11 يا عبدو فيها عيب - الصفحة 2

**عبدالرحمن م** · 2013-04-22, 01:57 PM

أنا بعمل اللى أقدر عليه يا أحمد من هنا .. لاحظ إننا فى فترة امتحانات

انت كنت قولتلى فى الإهدائات ان الملف بقى 3 جيجا بعد فك الضغط ؟ .... ممكن يكون سبب المشكلة إن البارتيشن FAT32

بص ياريس .. مبدئياً عاوزك تفك الضغط كمان مرة زى ماتكون لسه محمل اللعبة وجرب تسطبها تانى
وعاوزك تجيبلى صورة للبارتيشن اللى عليه اللعبة المفكوك ضغطها والبارتيشن اللى عليه الملف اللى حملته ..

تروح لـMy Computer وتضغط كليك لمين على البارتيشن اللى عليه الملفات وتختار Properties ..

وبعدين تورينى صورة الخصائص

**احمد12** · 2013-04-22, 02:55 PM

[مشاركات مدموجة]

اوكي بالنسبه للموضوع بتاع الامتحانات ربنا يوفققك يارب قول امين بالنسبه للبارتشين الي فيه الملف

هصورلك الصوره واجبهالك

البرنامج بتاع التصوير معلق مش عارف ليه

وبقولك كمان انا لما فتحت البارتشk لقيت البارتشين fat32

اعمل ايه بقا

معلش اصل برنامج التصوير عنتدي معلق مش عارف ليه المهم البارتشن fat32 قولي اعمل ايه والي هتقولي عليه هعملو

**عبدالرحمن م** · 2013-04-22, 03:13 PM

يعنى بارتيشن الـK ده عليه اللعبة قبل وبعد فك الضغط ؟ .. الإتنين موجودين عالـK يعنى ؟

اللى هتعمله هو إنك هتحول البارتيشن لـNTFS
الطريقة بسيطة بس ركز فى الخطوات ..

1- روح لقايمة ستارت وافتح RUN
2- اكتب CMD واضغط إنتر
3- فى نافذة الكوماند السودا اكتب الأمر ده

كود:

chkdsk k: /f

الأمر اللى فات هيشوف إذا كان فيه أخطاء فى البارتيشن ويصلحها

4- بعد ما ويندوز يخلص اكتب الأمر ده فى نافذة الكوماند السودا

كود:

Convert K: /FS:NTFS

استنى لحد ما ويندوز يخلص التحويل لـ NTFS ويقولك ان العملية انتهت Conversion Complete
5- اتأكد إن البارتيشن بقى NTFS مش FAT32

**احمد12** · 2013-04-22, 04:02 PM

مينفعش انقلها للبارتشنntfs وخلاص

**احمد12** · 2013-04-22, 04:03 PM

انا هنقلعها للبارتشن التاني وخلاص

**عبدالرحمن م** · 2013-04-22, 04:05 PM

انقلها وفك الضغط فى نفس البارتيشن وجرب تسطبها

**احمد12** · 2013-04-22, 04:14 PM

اوكي استنا وهبقا اقولك

اصل انا نقلت المل الي فكيت نو الضغط ححيطيو في لبارتشن التاني لقيت نفس المشكله بردو

فهنقل ملف الضغط هناك
وهبقا اقولك

**عبدالرحمن م** · 2013-04-22, 04:23 PM

انت عندك حاجتين
1- ملف الـISO اللى حملته اللى حجمه 5 جيجا
2- الملفات اللى اتفكت من الملف اللى حملته

انقل الإتنين للبارتيشن الـNTFS وجرب تشغل الـSetup
لو المشكلة ظهرت امسح الملفات اللى فكيتها من الملف الرئيسى، وفك ضغط الملف الـISO من تانى

**احمد12** · 2013-04-22, 06:58 PM

يا معلم والله العظيم حجم الملف الي حملتو 3 جيجا بس

**عبدالرحمن م** · 2013-04-22, 07:22 PM

انت متأكد الأول إن الملف ده محفوظ فى بارتيشن NTFS ؟
لو حملت الملف على بارتيشن FAT32 ممكن مايكونش اتحفظ بالكامل لأن FAT مابيسمحش بالملفات الكبيرة

انت لما بتيجى تفك ضغط الملف اللى حملته فيه أى رسايل بتظهر ؟

**احمد12** · 2013-04-22, 07:32 PM

لا مفيش رسايل بتظهر

**احمد12** · 2013-04-22, 07:38 PM

لما نقلتهم في البارتشن التاني اداني نفس المشكله بردو

**عبدالرحمن م** · 2013-04-22, 07:39 PM

والملفات اللى فى الفولدرات دى كلها حجمها أد ايه ؟

**احمد12** · 2013-04-22, 07:50 PM

2.84 جيجا بايت

ومعلش يا عبدو هنتعبك معانا معلش

**عبدالرحمن م** · 2013-04-22, 07:54 PM

اقتباس:

المشاركة الأصلية كتبت بواسطة احمد12

2.84 جيجا بايت

لو قصدك إن حجم الفولدرات كلها 2.8 جيجابايت يبقى اللعبة ماتحملتش صح .. وكان المفروض تظهرلك رسالة خطأ فى التحميل أو فى فك الضغط مش عارف ازاى ماظهرتش ..

الحل دلوقتى إنك تبدأ تحميل الملف من البداية وتحفظه جوا بارتيشن ntfs