اتهام موجه ضد الكابتن احمد شوبير - الصفحة 2

**ابن مصر** · 2010-03-20, 03:53 PM

شوبير عشان ناجح الغيرة هتاكل الأعلاميين التانين ونفسهم انهم يسقطوه ويمسكوله ذله

الأسد يمرض لكنه لا يموت

**سندريلا** · 2010-03-20, 09:09 PM

الأسد يمرض لكنه لا يموت
فعلا يااحمد صحيحه هذه الجمله
شكرا علي مرورك

غاوي وجع القلب · 2010-03-21, 04:00 AM

اقتباس:

المشاركة الأصلية كتبت بواسطة ابن مصر

شوبير عشان ناجح الغيرة هتاكل الأعلاميين التانين ونفسهم انهم يسقطوه ويمسكوله ذله

الأسد يمرض لكنه لا يموت

والاسد كان ماشي بمبدأ خدوهم بالصوت ليغلبوكم

بس للاسف الاسد بيموت دلوقتي

واتلمت عليه كل الحيوانات

استنوا العزاء فيه قريب يا صاحب الشهره

**silver_shadow** · 2010-03-21, 10:10 AM

ايه ياجماعه ده
انتوا كلكم على شوير ليه ده
طب حتى احترموه كاهلاوى

**MohanneD** · 2010-03-21, 10:50 PM

اقتباس:

شوبير عشان ناجح الغيرة هتاكل الأعلاميين التانين ونفسهم انهم يسقطوه ويمسكوله ذله

الأسد يمرض لكنه لا يموت

هههههههههههه أسد دنا بخاف من الكلب يطلعلى أسد
شوبير أسد ؟؟؟!!!! الحقونى ى ى ى ى ى ى

اقتباس:

انتوا كلكم على شوير ليه ده
طب حتى احترموه كاهلاوى

أؤكدلك ان مفيش ولا أهلاوى بيحب شوبير أو بيحترمه
شكلك مش متابعة كويس الدنيا ماشية ازاى استنى هوريكى حاجة
جماهير الأهلى بتهتف بحب شوبير

**silver_shadow** · 2010-03-22, 07:53 AM

احب اعرفك يامهند
انى متابعه كويس جدا
بس عالاقل انا مابحبش اجح في حد
ويمكن دى اهم مبادئ الاهلاويه

بصرف النظر عن شوبير
احنا اتعلمنا من الاهلى اننا مانجرحش في حد
بص ياسيدي انت مابتحبش شوبير براحتك
تفتكر ده حينقص حاجه من شعبيته؟؟
بس مافيش داعى انك تعد كل شويه تجرح فيه وفى اللى بيدافعوا عنه
واحترم وجهة نظرهم زى مااحترموا وجهة نظرك

وبعدين ايه قصة مافيش ولا اهلاوى بيحب شوبير دى
مين قال لحضرتك؟؟
عملت استفساء
ولا سالت اكتر من 30 مليوووووووون **جوا مصر بس** اهلاوى
اِكدلك انك لو بتفتح مواقع اخرى محترمه وتشوف الاستفساءات هناك
حتعرف مين اللى بيحب شوبير

**سندريلا** · 2010-03-22, 05:53 PM

سلفر براحه شويه في الرد
لوسمحتي
ومهند ماغلطش
هوا بيقول رأيه
بليز بلاش كدا

**MohanneD** · 2010-03-22, 11:30 PM

والله فكرة كويسة
انتى ممكن تعملى الفكرة دى,
استفتاء للاهلاوية كام واحد بيحب شوبير
وكام واحد غيرك انتى وسندريلا بيحبو شوبير

اقتباس:

بصرف النظر عن شوبير
احنا اتعلمنا من الاهلى اننا مانجرحش في حد

لما جمهور الاهلى بالكامل داخل الاستاد يشتم شوبير هل معنى دا ان شوبير عنده شعبية بين جماهير الاهلى
واذا كان جمهور الأهلى اللى اتعلمتى منه متجرحيش حد عمل كده, تخيلى الشخص اللى خلاه يوصل لكده بقى يبقى ايه

يا silver shadow كامل احترامى ليكى زى مقلت قبل كده
بس انا بتكلم وبجيب أدلة تثبت وجهة نظرى , انتى للأسف بتجادلى وبس
على فكرة انا بعرف اميز بين المواقع المحترمة والغير محترمة

اقتباس:

سلفر براحه شويه في الرد
لوسمحتي
ومهند ماغلطش
هوا بيقول رأيه
بليز بلاش كدا

تعاطفك لوحده مش كفاية يا سندريلا
اتبرعى ولو بكومنت

**ابن مصر** · 2010-03-23, 08:04 AM

اقتباس:

لما جمهور الاهلى بالكامل داخل الاستاد يشتم شوبير

مفيش الا الشوية بتوع الألتراس

اقولك حاجة يامهند

في ظل الاعلام الفاشل في مصر حاليا

مفيش غير 3 تقدر تاخد منهم كلام صحيح ومعلومات صحيحة 100%

أحمد شوبير وعلاء صادق واحمد حامد

غير كده مادورش

**Muhamed** · 2010-03-23, 08:16 AM

اقتباس:

أحمد شوبير وعلاء صادق واحمد حامد

يا مسيطنا مع بلاتر انته يا جامد

تعليق صغير على الموضوع

شوبير اللى خلاه يتشتم من التراس اهلاوى او ديفلز او وايت نايت او يلو دراجون كان موقفه بوجه عام من روابط الالتراس

حاليا مدحت شلبى فى الحلقه الاخيره ماشى على درب شوبير تفتكروا لو كمل كده هيتشتم زيه

**Sir.7amato** · 2010-03-23, 11:48 AM

اقتباس:

أحمد شوبير وعلاء صادق واحمد حامد

كابتن كابتن احمد حامد ده بيجى على قناة إيه

**ابن مصر** · 2010-03-23, 01:03 PM

اقتباس:

المشاركة الأصلية كتبت بواسطة Sir.7amato

كابتن كابتن احمد حامد ده بيجى على قناة إيه

ميلوتي رياضة

**محمد الجزار** · 2010-03-23, 03:41 PM

مرتضي لشوبير: لمياء فضحت علامات فى جسمك..ولو كنت راجل قلنا لماذا قتل جدك
فتح المستشار مرتضى منصور النار على الكابتن احمد شوبير خلال برنامج "وجه الحقيقة" الذي يقدمه الإعلامي يعقوب السعدي عبر قناة أبو ظبي .
بدأ المستشار مرتضي منصور حديثه علي أن القضية التي تم حبسه بمقتضاها قضية "عبيطة" تم تلفيقها له بعد حديثه بشكل غير مقبول علي أحمد نظيف رئيس مجلس الوزراء.

وعن سر العداء القوي بينه وبين أحمد شوبير قال منصور "أنا لا أعرفه بالأساس، هو حارس مرمي فاشل وخريج معهد تعاون، هذا حجمة، يريد التسلق علي مرتضي منصور، أنا اصغر مؤلف قانون في مصر وأصغر رئيس محكمة وأصغر رئيس نادي وعضو مجلس شعب ومحام نقض لي اسمي في البلد، لم يكن حارس مرمي جيد لقد اهتزت شباكة بنصف دستة أهداف في اليونان، إذا أراد أن يقارن نفسه بأحد فبعادل المأمور وهو أحسن منه ولا بمرتضي منصور، هو في النهاية حارس مرمي، ما هي ثقافته؟, إنه يقع علي وجهه".

وسرد مرتضي منصور ما ذكره الحكم القضائي بمنع برامجه مضيفاً "أنا تاريخ كيف يقارن نفسه بي، لقد قالت المحكمة أنه نموذج للإعلام المشبوه، أصحاب زوجته وبناته يفبركون المكالمات علي الهواء، لقد كان يكلم فتاه في سن ابنته بطريقة بذيئة وهي هبه غريب الصحفية بجريدة "الفُجر" بضم الفاء".

ووجه منصور حديثه لأحمد شوبير قائلاً "لقد أكدت لمياء ناصف في تسجيلها أنها كانت زوجتك ووصفت ما تخفيه ملابسك من علامات ولو كنت رجلاً اخلع ملابسك ، هذه السيدة تم حبسها بمدينة الشارقة في قضية نصب كبري، قام بتهريبها لسوريا بعدما علم بوجود اتفاقية تبادل المجرمين، ذهبت لمقابلته بالجزائر وذهب لمقابلتها بالسودان".

وأضاف منصور "لقد ظل يهاجمني لعام ونصف العام، أقول له يابني افهم أنا متواضع، المحكمة قرفت منك، لقد كان يأتي لي ليحصل علي 500 جنيه كمعونة في وقت سابق، لقد تملكه الغرور بعدما عرفت الشهرة طريقه".

وعن تلميحات أحمد شوبير له بالشذوذ قال مرتضي منصور "كان يقول أن الصول زكريا يأخذني في أحضانه، أقول لك اسأل والدتك –جليلة- أو أخوالك، جدك عبد الفتاح والد والدتك مات مقتولاً في الفندق بطنطا ليه؟، أنا راجل أوي، كن محترماً ومؤدباً، ولو راجل اكشف لمصر كلها لماذا قُتل جدك!".

وعن كون أحمد شوبير الأغلي أجراً بين الإعلاميين قال مرتضي منصور أن الأفلام الإباحية هي الأغلي في الاسعار، في إشارة إلي أن ما يقدمه أحمد شوبير إعلام غير جيد.