ساعات كدا بيمر بيك موقف تحس ان انت ترانزيت ........ محطة ......كنبة يعنى؟؟؟؟
يعنى اللى تعبان ييجى يرتاح عندك وبمجرد ماربنا يفرجها عليه.......ولا هو هنا
اللى محتاج حد يحكيله يترمى فى قلبك ويحكى .......ولما تخلص المحنة ....السلام عليكم
اللى محتاج قلب يحس انه بيحبه....ومحتاج حد يحس انه مهم عنده.......يختارك للمهمة دى
انك تكون بس بالنسبة لصحابك ..كشكول محاضرات
وبالنسبة للى فى البيت ..كمالة عدد
وبالنسبة لشغلك ..حد على كرسى
بالنسبة للطريق الصحراوى .......رست هاوس......
ياترى الانسان هو اللى بيعمل فى نفسه كدا ولا الناس هى اللى بتجنى عليه ؟؟؟
ولايمكن دى حاجة كويسة انك تكون محل راحة حد..........بس
يعنى بيعرفك عشان راحته هو بس .....
هل دا عادى؟
يعنى مش من حق الانسان يصرخ ويقول انا مش كنبة ياناس
طب ازاى الواحد يوازن الموقف دا؟
ماهو انا بحب اكون محبوب من الناس والدليل الوحيد على حبهم انهم يكونوا معايا فى الضيق قبل الرخاء
بس لو مالقتهمش وقت الضيق هتبئا المصيبة مصيبتين
وتلاقى نفسك مكنتش اكتر من كنبه
Hkh la ;kfm dh khs
أنا مش كنبة يا ناس
العرض الشجري