الحلقة الاولى
التسامح
بسم الله الرحمن الرحيم
والصلاة والسلام على سيدنا محمد
اما بعد
احب ابدا اولى حلقات البرنامج بصفة جميلة وهى صفة التسامح
يقول الله فى كتابه العزيز
"خذ العفو وأمر بالعرف وأعرض عن الجاهلين" .
( الأعراف 199)
بصو فى جمال الاية وحلاوتها
ربنا سبحنه وتعالى يأمر نبيه بخذ العفو يعنى ابدا بالعفو
والعفو ده اجمل صفة من صفات التسامح
يعنى تخيل كدة ان انت بايدك انك تعاقب واحد وتديله جزاءه وده من حقك لانه اخطا خطا ولو كان فيك شخصيا وانت عفوت عنه
يا ترى انت هتحس بايه
اكيد هتحس بفرح شديد
عارف ليه
الاجابة فى الاية الكريمة :
وقال تعالى: ((والكاظمين الغيظ والعافين عن الناس والله يحب المحسنين)) (آل عمران : 134).
تخيل بقا ان ربنا بيحبك يا ترى ربنا هيعمل ايه فى عبد بيحبه اكيد هيسامحه عن زنب كنت عامله
شفت بقا ازاى زى ما بتعامل الناس انت هتعامل من ربنا سبحانه وتعالى
طب ايه رايكم يا جماعة فى التسامح بين الازواج
التسامح بين الازواج بيؤدى للحب والوفاء
بمعنى ان ياريت لو كل زوج او زوجة ميتلككش على كل حاجة يعملها شريك حياته والا هتتحول الدنيا مبينهم لجحيم يعنى لازم يكون فيه قدر من التسامح
وكمان التسامح بين الناس فى الشارع
بجد الواحد بيشوف حاجات غريبة بتضايق مثلا لو واحد خبط التانى من غير مايقصد ممكن يبتخانق معاه فى الشارع وصوته بيعلى باقبح الالفاظ طب ليه ما انا ممكن اعاتبه بهدوء واسامحه
وبعدين فيه حاجة عايز اقولها ان التسامح مش معناه انى اتنازل عن حقى لاء ده مفهوم غلط
التسامح بيبين قوة الشخصية
ومن ضمن صفات التسامح انى اقبل اراء الغير واسمعله واناقشه
وكما يقول الاولين رحمهم الله وهى من الاقاويل الشهيرة(رايك صواب يحتمل الخطا ورايى خطا يحتمل الصواب)
او بالمعنى البلدى هات وخد
طب حد هيسال امتا منتسامحش
الحالات اللى ممكن منتسامحش فيها 3 حاجات
1-حدود الله
2-الخيانة
3-تكرار الخطا لان التسامح قوة مش ضعف
ياريت يا جماعة نتناقش فى موضوع التسامح
واى حد عنده موقف سواء عرف يتسامح فيه او ميتسامحش يحكى عليه
سواء مع زميل فى العمل او قريب او زوجه او زوج او خطيب او خطيبه
اى موقف ادخل بس واحكى وخلينا نتناقش فيه
والسلام عليكم ورحمة الله وبركاته
hgpgrm hgh,gn lk fvkhl[ (;hk ogri hgrvNk) (hgjshlp)
الحلقة الاولى من برنامج (كان خلقه القرآن) (التسامح)
العرض الشجري
