تطهير القلب من خبث الصفات:
زى ماالصلاة هى عبادة الجاورح ,لازم تطهرنفسك الاول قبل متصلى ..فبردة العلم هو عبادة القلب وعشان القلب يستقبلة لازم يكون قلبك طاهر من خبيث الصفات يعنى بمفهوم اليومين دول ..بطل خبث على صحابك فى المزاكرة (أظن كلامى مفهوم وكلنا بنعملها)
قال تعالى :"فى قلوبهم مرض فزادهم الله مرضا"
قال الرسول:"ألا وان فى الجسد مضغة اذا صلحت صلح الجسد كلة واذا فسدت فسد الجسد كله ..ألا وهى القلب"
2-توجيه النية فى العلم لله تعالى :
أنك تخلى نيتك وأنت بتزاكر هو ارضاء الله والقرب منه يوم القيامة بالعلم لآنك لو بتزاكر بالنية دى ربنا اكيد هيديك على مزاكرتك حسنات غير كدة كمان هيباركلك في اللى بتزاكره
يعنى حط فى أعتبارك أنك عاوز تزاكر عشان تخد حسنات وكل متزاكر اكتر هتخد حسنات اكتر
3-البعد عن المعاصى والكبائر :
أنا قلت ان العلم هو عبادة القلب فيمنفعش تتعلم وانت قلبك مليان زنوب ومعاصى
قال الشافعى: شكوت الى وكيع سؤ حفظى فأرشدنى الى ترك المعاصى
وأخبرنى بأن العلم نـــــــــــور ونور الله لايهدى لعــــــــاصى
4-أختيار الصديق:
دور على الصديق اللى يشجعك على المزاكرة وابعد عن الصاحب اللى يهبط معنوياتك (لان مفيش صاحب عاوز صاحبة يكون احسن منه ودى شبه قاعدة فى الزمان دة) وعشان تلاقى الصديق الكويس لازم تبدا انت الاول تشجع صحابك وتهتم بيهم وتكون نيتك خالصة لله واكيد ربنا هيرزقك بالصديق الكويس
5-تنظيم الوقت:
اعمل جدول أسبوعى لنفسك على طول بالمزكرة اللى انت ناوى تعملها واخر الاسبوع حاسب نفسك وشوف انت حققت اية من اللى كنت عاوزه وعاقب نفسك لو كنت مقصر وكافأ نفسك لو كنت كويس
أفضل الاوقات للمزاكرة :بعد صلاة الفجر ثم بعد صلاة العصر
6- كيفية الحفظ والمزاكرة الصحيحة:
طبعا دى أهم نقطة
ممكن تقسيمها لعدة نقاط
-مكان المزاكرة:
طبعا مكان هادىء بعيد عن النباتات والانهار والطرق العامة
- وقت المزاكرة:
بعد صلاة الفجر افصل وقت ثم بعد صلاة العصر
-تلخيص المادةالى عدة افكار:
أيا كانت المادة اللى بتزاكرها فانك تقسمها الى عدة مواضيع كل موضوع تلخصه الى مجموعة أفكار وتكتب فى كل فكرة كلمة ع الاقل تفكرك باللى انت حفظتة ...بكدة المنهج كلة اتلخص فى 10صفحات بالكتير اوى ولما تحب تراجعة تفتكر بسهولة
-استخدام الحواس الخمسة فى المزاكرة :
لازم تعرف حاجتين مهمين جدا....
أولا:أن نسبة استخدامك للحواس الخمسة فى التعليم كالتالى
83% فى اللى بتشوفه
11%فى اللى بتسمعه
3.5%فى اللى بتشمه
1.5%فى اللى بتلمسه
1%فى اللى بتذوقه
ثانيا:كيفية استعادة ماتعلمته يتم بالتالى(تقدر تفتكر الشىء ...بنسبة %)
10% اللى قمت بقرائته
20% اللى سمعته
30% اللى شفته
50% اللى شفته وسمعته مع بعض
70% اللى قلته
90% اللى قلته وعملته
يعنى حاول وانت بتزاكر تسمع الكلام وتقوله لحد أو تشرح اللى حفظتة وفهمتة لواحد صحبك ..دة عشان مصلحتك عشان تقدر تفتكرة كويس اوى..70%
-تزاكر بقلم واحد لكل مادة:
متغيروش عشان انت لونسيت اللى حفظته القلم ساعات بيفتكر
- الاكل القليل الحلال:
تجنب كثرة الاكل اوقات المزاكرة لانها بتسبب النوم والبلادة وقصور الذهن وفتور الاحساس وكسل الجسم
وابعد عن الاكل الحرام
الاكل المفيد لتقوية الزاكرة: السمك المشوى لان فية نسبة يود عالية مفيدة لتنشيط المخ والسبانخ عشان نسبة الحديد اللى فيها ..والشكولاته عشان نسبة المنبهات العالية ومضادات الاكتئاب اللى فيها ( والله أعلم)
8- النوم المتوسط:
نسبة النوم المثالية 8ساعات فى اليوم حاول تقلل نسبة النوم عن كدة بس طبعا من غير ميسببلك تعب او ارهاق لانك لو منمتش وفضلت تزاكر من غير متنام وكان عندك امتحان يبقى هتدخل الامتحان منتاش مركز خااااالص وكل اللى زاكرته هيطير منك ...(بس فية ناس متعودة على السهر وقلة النوم )
9 – رضا الوالدين :
طبعا من غير رضا الوالدين يبقى اللى فات دة كلة مالوش لازمة ,بل بالعكس ممكن متزاكرش كتير وتلاقى نفسك بتنجح بس عشان دعوة والديك ليك ورضاهم عنك ........ رضا الوالدين فعلا هو طريق السعادة
10- الدعاء:
تذلل لربك واستعين به وتوكل على الله حق التوكل ..يعنى أعمل اللى عليك والباقى على ربنا
قال تعالى "واذا سألك عبادى عنى فأنى قريب أجيب دعوة الداعى اذا دعان"
قبل المزاكرة ::::
"اللهم لاسهل ألا ماجعلته سهلا وأنت تجعل الحزن ان شئت سهلا"
عند المزاكرة::::
"اللهم يامعلم ابراهيم علمنى ويامفهم سليمان فهمنى"
بعد المزاكرة:::::
"اللهم أنى استودعك ماعلمتنى امانة ووديعة ,فاردده الى عند حاجتى الية "
عند النسيان::::
"اللهم ياجامع الناس ليوم لا ريب فيه أجمع على أجابتى"
ارجو الدعاء لى بالنجاح وللمسلمين جميعا
v,ajm k[hp ;dtdm hgl.h;vm hgwpdpm 10 kwhzp g;dtdm hgl.h;v
روشتة نجاح كيفية المزاكرة الصحيحة 10 نصائح لكيفية المزاكر
العرض الشجري
