اضحك وفرفش معانا

**بنت الشام** · 2009-01-27, 09:00 PM

أربع أشخاص حرابيق طالعين بتكسي, بدّن ياكلوا الأجرة ع الشوفير

قام اتفقوا أنو ينزلوا بسرعة بس توقف السيارة وفعلا وقفت السيارة قام فتحوا الأبواب بسرعة واشتغل الركض رجليهم تدق بضهرهم من السرعة وفاتوا ببناية عالعظم وطلعوا أول طابق....تاني طابق....تالت......هيك حتى وصلوا لأخر طابق لزقوا بالحيطان ولا حِس ولا نفس,بعدين واحد منهم لكش اللي جنبو وقال له: يا ترى شو صار بالشوفير؟؟؟ قال له: لك أنا الشوفير بس قلي شو القصة؟!

- فيه عجوز طبّوا عليها حرامية وسرقوا التلفزيون، قامت لحقتهم ركض عشان تعطيهيم الريموت كونترول.

- في واحد فـتـح حـسـاب فـي الـبـنـك .... أعطوه بـطـاقـة صـراف الـكـتـرونـي .... راح غــلـّـفـهـا.

- في ولد يقول لأبوه: يابا، بدّي أكمل دراستي برّا .....
قال له أبوه: ما عندي مشكلة يابا، هلأ بخلـّي أمك تفرشلك بالجنينة، بس انتبه من البرد.

- وحدة ضاعت شنطتها راحت تبلغ الشرطة قالولها ولا يهمك روحي البيت و إحنا بنطلع الشنطة من تحت الأرض.

وهي رايحة شافت بالشارع عمال البلدية يحفروا، قالت لهم: شدّوا حيلكم يا شباب، الشنطة لونها بني.

- مرة واحد وجعه ضرسه قام راح لعند الطبيب وقال للدكتور: دخليك يا دكتور هالضرس عذبني كتير شوفلي صرفة معاه، قام الدكتور خلعلوا كل أسنانه عدا الضرس المنخور، صُعق المريض وقال له شو عملت؟
قاله له الدكتور: إيه، خليه مثل الكلب لحاله

- في واحد مسطول حامل 3كرتونة بيض شاف قشرة موز بالشارع قال يا حبيبي راحو البيضات

- المريض: مشكلتي يا دكتور انه الكل بيتجاهلني
الدكتور: اللي بعده.

hqp; ,tvta luhkh