يا حامل الهم قول يارب
يا مجروح قوي وحزين القلب
يا ضايع منك طريقك وتايه في كل درب
يا واخد من الدنيا كل لحظة طعن وضرب
ياللي جرحوك وسابوك وملكش أي ذنب
ياللي حالك هموم وشكوي وغلب
اصبر وقول يارب
عندك غيره يحن عليك
عندك زيه قريب ليك
عندك دمعة ماليه عينيك
مين غيره يمسحهالك
مين غيره عالم بحالك
مين تشكيله يرحمك
مين تحكيله يسمعك
مين تبكيله يفرحك
مين تروحله وانت عاصيه يقبلك
مين تلجأله ياّويك ويسترك
يا حامل الهم قول يا رب
ياما داقت وفرجها
ياما ضلمت ونورها
ياما صعبت وسهلها
مد ايدك وقول يارب يا قادر
متخافش من ذنبك دا رحيم وساتر
روحله هتلاقيه مستنيك وصابر
عارف انك هتتوب
وفي يوم هترجع
وتقوله اغفر لي يا غافر
يا حامل الهم متنساش ربنا
متنساش ان الرحيم هو ربك
ان الكريم قوي هو ربك
ان الغفور والحنين بجد هو ربك
ياصاحب الهم
ياما داقت وفرجت
يا صاحب الهم لو تاهت خطاك وتهت في كل درب
اجري عليه بسرعة وقوله يارب
انا حامل هم افرجها يارب
pJJJJJJJJhlg hgiJJJJJJJJJl
حــــــــامل الهـــــــــم
العرض الشجري