عجبى عليك يا بنى ادم يا كبير الدار
قومت الدنيا وماقعدت لما قالوح حمار
هو اسمى شتيمه ولا جنسى ده عار
خلقنى ربى وخلقك ومحدش له اختيار
وانا مهما زاد الحمل فوقى صابر على المشوار
لافى يوم اقول اشمعنا اخويا واخد منه تار
ولا يوم ابص لرزق غيرى واطق منه واغار
ولا ارفع فى يوم عينى على جارتى واصون الجار
ولا مهر ادفع لحمارتى ولا شبكه وسوار
ولا شقه اجمع فى تمنها ولا اجهز دار
ولا حرمى حامل تتوحم عايزه الكافيار
ولا بنت تخرج عن طوعى وتجيب العار
ولا ابنى يدمن ويهلوس ويقع ينهار
عايش فى حالى ومتهنى وليه افكار؟
باكل وبشرب وانهق ومافيش اسرار
وعندى ابن ادم يخدمنى ليل ويا نهار
وان جعت يشترى برسيمى باغلى الاسعار
وفى مرضى يفضل يعالجنى ويدعى الستار
خادم امين من غير راتب ولا حتى ايجار
واللوقت عرفت يابنى ادم
مين فينا اللى حمار!!
tgsti plhv
فلسفه حمار
العرض الشجري
