ليه الحزن علطول ماسكني ؟
وعلى كفوفه شايلني ؟
معرفش ماله كدا حاببني ؟
وياريته .. ياريته ... يكون دلوقتي سامعني ...
عشان يبعد عني ويسيبني
أول ما شفت الدنيا وعاشرتها
لقيت الهم طايلني طايلني
ومن كل حاجة تفتح النفس يحرمني
علطول جوايا إحساس غريب بيخنقني
الدنيا غريبة أوي ... غصب عنها بتاخدني
معتش عارفا فين أنا ؟!
وليه أنا دلوقتي موجودة هنا ؟
ليه ميكونش لينا دنيا لوحدنا ؟
دنيا تسعنا وتحبنا ؟
وتكون أكيد على قدنا
مش الدنيا اللي تنهش لحمنا
ترمينا ،، نشيلنا وتحطنا
والله الدنيا صعبانة أوي عليا
وهيا عاملة زي الرمل اللي بينزل بين إيديا
زي الوردة الحمرا اللي بتموت قصاد عينيا
طيب تعالى نفكر مع بعضينا شويا
لو كان فيه حاجة اسمها ديمقراطية ..
لو كان فيه اختراع اسمه حرية
كان بالزمة كل داه حصل ؟
كل الفساه لآخره وصل ؟
كان التخلف والعبط اشتغل ؟
طب ليه ما نحاولش نصلح نفسنا ؟
ليه مندورش على حضن كبير أوي ضمنا ..
يحمينا ،، يحرسنا ،، ويحبنا
وفي كل أزمة عمره ما يتخلى عننا
عمره ما يسيب الناس تاكلنا وتنهش زي الأسود في لحمنا
يلا معايا نعيد بناة حياتنا ...
نعيد الإبتسامة لآباءنا وأمهاتنا
لأهالينا وقرايبنا وإخواتنا ..
معايا ولا عليا ؟
بقلمي الحزين
ليه الحزن ماسكني ؟
العرض الشجري
