اديها كمان حريه

**mohamed ali** · 2007-05-03, 02:32 PM

ايديها كمان حرية !!!

هناك حرية يتمتع بها المصريون ليس لها مثيل في العالم ، حرية
النهيق

العلني !! ، عذرا قصدي الغناء ...

فكل واحد من حقه ان يغني في دورات المياة مثلا ... - دي حرية شخصية منصوص عليها في الميثاق الدولي لحقوق الإنسان

- لكن هنا ممكن كل واحد يعبي شريط كاست بأي ضوضاء ويسميها أغاني ، كده عيني عينك ، من غير لا خيا ولا خشا !!

وفي تارخنا زمان نري أمثلة عديدة علي ذلك ، تبدأ بسلمتها ام حسن ، من العين ومن الحسد

( طبعا بيحسدوها علشان عدوية باشا غنالها )
مرورا بتراثه الغني الذي يخلد فهلوة المصريين : واللي برة مين ، دا إحنا معلمين ، لو الباب يخبط نعرف برة مين !! ولا ننسي : كداب يا خيشة كداب اوي ، دانا كنت فكرك فهلوي ، وكذلك كانت سلسلة الأغاني العاطفية الملتهبة : النار النار النار ، انا قلبي قايد نار ، ولا كله كوم والغزل العفيف كوم تاني

: وسطك ولا وسط كمنجة ، دا عودك مرسوم عالسنجة ، انا كنت بأحب المشمش ، دلوقتي باموت في المنجة ، المنجة ، المنجة !! وبصراحة الأغنية دي كان لها دور كبير في زيادة صادراتنا من الفواكة !!

أو الاغاني التي تدعو للحوار الحيموقراطي مثل : كلمني كلم كلم ، كلمني ، فهمني فهم فهم ، فهمني ! والتي دخلت الإبداع بمدخلها غير المسبوق : اية الأسيتوكي دا ، اللي ماشي يتوك دا !!! وهي السيفونية الخامسة لحمدي باتشان

وأغنية الدعوة للسلام وإصلاح ذات البين : كوز المحبة اتخرم إديله بنطة لحام !!!

وفي تارخنا المعاصر ....

طبعا اكيد بما اننا في عصر التكنولجيا والانترنت غني (الفنان الكبير) لبيل جيتس ..:

حاشوفلي كمبيوتر .. كويس نص عُمر ... واخودلي كورس ويندوس ، عند المهندس عمرو
باحبك يا بيل جيتس .. واكره مين يعاديك ، خليت حياتنا والله ، بالأوفيس حاجة شيك .. بالأوفيس حاجة شيك وهيييييييييييييييييية
قول يا جيتس قول ... ولهلب العزول ... كلنا كنا زيك ، لولاش اكل الفول

وهية هية هية

وطبعا ريكو عمل الصح في أغنيته شبرااا ، علشان كدا مش هعترض !! (اصلي شبراوي )

والقائمة كبيرة ومعروفة ،، ومافضلش غير حبيبي يا عم حسن يا بتاع الجيلاتي !!

ويالا نرووووووح المولد ... المولد ... كله في المولد ... المولد ... كله في المولد ...

يمكن ...

وعجبي
مع الاعتذار للاستاذ يوسف جاهين

h]dih ;lhk pvdi

اديها كمان حريه

ايديها كمان حرية !!! هناك حرية يتمتع بها المصريون ليس لها مثيل في العالم ، حرية النهيق العلني !! ، عذرا قصدي الغناء ... فكل واحد من حقه ان يغني