قصيدة البتاع
يا للي فتحت
البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه
كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له
مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب
لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول
بقلم الشاعر الحر : أحمد فؤاد نجم
و ده تعليق علي القصيدة :
هي قصيدة كتبها الشاعر منتقدا فيها السادات نتيجة انتهاجه لسياسة الانفتاح بلا ضوابط والتي جرت الويلات على مصر من تكريس للطبقية وآثار ذلك على تطبيق القانون...الخ، وفي نهاية القصيدة يستهزيء بالسادات لأنه قتل على يد بعض أفراد القوات المسلحة (التي يفترض أن تحميه)، فكما هو معروف فقد قتل السادات على يد مجموعة خالد الاسلامبولي، والأخير يعتبر أحد أسباب المشاكل بين مصر وايران، فنتيجة لقيام السادات بايواء شاه ايران الهارب بعد الثورة الاسلامية، قامت ايران باطلاق اسم خالد الاسلامبولي على أحد شوارعها في طهران بعد قتله للسادات انتقاما منه لتوقيعه اتفاقية كامب ديفيد، هذه قصة القصيدة باختصار.
وعجبي
القصيدة و التعليق منقول
rwd]m hgfjhu >>>ggahuv hg'gdr >>Hpl] tch] k[l
قصيدة البتاع ...للشاعر الطليق ..أحمد فؤاد نجم
العرض الشجري
