وزارة هنديك بالشبشب
اختبار اللغة العربية
ان شاء الله هنشوفك السنة الجاية يا باشا
وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على إيدك اليمين
تليفون المنزل : اتنين صفر و اربعه خضر
=====================
هذا الامتحان برعاية بيبسي كولا ... دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))
========================================
ملحوظة : اجب عن الأسئلة التعجيزية التالية و عددها (6) إجباري و (1) اختياري على أن يكون مجموع الأسئلة (7)
ملاحظة: عجلة الجاذبية 9.8 ( في حالة انك حبيت تنط من الشباك)
يسمح بالغش من اللي وراك أو اللي قدامك أو اللي جنبك ((وطبعاً ماحدش عارف حاجة عشان يديك يا حلو ))
========================================
السؤال الأول ( 20 درجة )
قال الشاعر ريكو في أغنية (( خلي الشعب يعيش )) مايلي :
راحت عليكي يادنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش
==============================
المطلوب
1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات )
2- لماذا أكد الشاعر على القصد الشريف و النية الصادقة ؟ ( 3 درجات )
3- استخرج من البيت الأول محسن ابراهيم و محسن اسماعيل مبيناً نوع كل محسن منهما . ( 3 درجات )
4- استخرج من البيت الثالث صورتين فوريتين مبينا نوع الكاميرا ( 5 درجات )
========================
مساحة خالية للإعلان- ت : واحد اتنين .. الجيش العربي فين
===================================
السؤال الثاني ( 8 درجات )
أعط أسباب ما يلي مع شرح وافي :
1- تم نقل السوق المالي إلى سوق السمك ؟ ( 2 درجتان )
2- إقبال الناس الى شراء نوكيا 9990 و عدم شراء نوكيا 9900 ؟ ( 2 درجتان )
3- إغلاق شبكة الأخبار PNN بعد زواج شارون ستون ؟ ( 2 درجتان )
4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 درجتان )
========================================
*** أخي الممتحن أقلب الصفحة: والله لتندم عالساعة اللي دخلت فيها المدرسة ***
========================================
السؤال الثالث –اختياري- ( 5 درجات )
اكتب الاسم المستوفى من السؤال؟
ما اسم الرجل اللي وضع كرتونة مياه بركة المعدنية رقم 966504 - في سيارة نقل القاهرة رقم 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات )
فاصل إعلاني: غمض عين فتح عين ... اشتري بيتزا تاخد اتنين ....
هذا العرض ساري حتى نهاية الوقت المحدد للإمتحان
==========
السؤال الرابع ( 8 درجات )
ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :
" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله جنبك حياتي دي اجمل حياة "
1-ماذا كان يريد ان يقول عمرو دياب للبت بتاعته ؟ ( 4 درجات )
2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ وياريت رقم بطاقته ؟ (2 درجتان )
3- ما اسم صبي الخياط بتاع ام الموديل اللي كانت مع عمرو في الكليب ؟ ( 2 درجتان )
================================================== =
السؤال الخامس ( 20 درجة )
موضوع تعبير
قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا و اذكر 3 اسباب نت أسباب انفصال الحاج زعبولا عن هند زوجته الاولى......... ( 20 درجة )
==============================
بيبسي كولا
المشروب الرسمي لهذا الامتحان
============================================
*** أخي الممتحن أقلب الصفحة أحسنلك (( اصلك مش عارف اللي فيها ))
============================================
السؤال السادس ( 19 درجة )
اجب عن أربعة فقط من الأسئلة التالية
=============================
1- ما رأيك بتصرفات " رفيع " و " فرحة " في مسلسل الضوء الشارد ؟ مبيناً ماذا سيحدث في فيلم ( تيتو ) بعد مقتل ( تيتو ) في الفيلم و افتتاح المطعم الجديد ؟ ( 5 درجات )
2- ما رأيك بموقف "حسام" من " ثريا" في مسلسل الحقيقة و السراب ؟ ( 5 درجات )
3- من برأيك أقوى وأفضل بوكيمون - هل هو – بيكاتشو ؟ مع التعليل ؟ (5 درجات )
4 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد في كأس العالم الأخيرة في كوريا و اليابان 2002 ؟ ( 4 درجات )
============================================
عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه رصيد مجاناً
================================================== ============
سؤال المساعدة ( لرفع الطلاب الضعاف ) ( 20درجة ) (وملهوش لازمة اساساً )
=============================================
أ – اذكر أسماء 3 من رؤساء بلدية لقرية وكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية ؟ ( 10 درجات )
ب – أذكر أسماء 5 زوجات ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء ؟ ( 5 درجات )
==============================
انتهت الاسئلة و نلقاكم في امتحان الدور التاني ان شاء الله ربنا يعينكم علينا مع تحيات بيبسي كولا الراعي الرسمي للإمتحان
أتمنالكم النجاح
هو ده امتحان الثانويه العامه
هو ده امتحان الثانويه العامه
العرض الشجري
