السلام عليكم ورحمة الله وبركاته
أرجو منكم جميعا أن تشاركونى فى هذا الموضوع
أولا بالنسبة لكل من ردوا على موضوع سلسلة الردود على أعداء الاسلام أشكرهم جدا على الردود والاهتمام بالموضوع رغم انه كان يستحق أكتر من كده بكتير وكنت أتمنى انى أشوف بدل الردود دى مشاركات فى نفس الموضوع لأن ده ديننا يا جماعة واحنا المطالبين بالدفاع عنه وتوصيل الرسالة لكافة الأمم ولو كان حد غلط فى الاسلام من الدنمارك أو من أى مكان فى العالم يبقى المسئول الأول هو احنا لأننا قصرنا ومعملناش اللى علينا
يا ترى يا أخوانى مين فينا يقبل يكون نايم وغافل ومقصر وفاشل وغير قادر على حمل الرسالة وخان امانة التبليغ وضيع مجهودات الناس اللى قبله
طيب ازاى هنقابل ربنا وسيدنا الرسول عليه الصلاة والسلام يوم القيامة وكل الصحابة والناس اللى تعبوا علشان الرسالة دى توصلنا ونطلع مسلمين . يا ريت نعمل حساب اليوم ده اللى ممكن يقع فيه لحم وجوهنا من شدة الخجل بس مش من هول الموقف
أتمنى منكم جميعا تشاركونى فى هذا الموضوع وكل اللى عنده رد على شبهة أو افتراء ضد الاسلام يحطها فورا واللى عنده افتراء عايز رد عليه يحطه بردو واحنا نتعاون وربنا يقدرنا نرد ان شاء الله بس يا ريت الكل يشارك واللى مش عنده اضافة لا برد ولا بسؤال يبقى على الأقل يدخل يقرا الردود لأننا كلنا لازم نبقى ملمين بيها علشان تبقى عندنا حصيلة ثقافية كافية للدفاع عن الاسلام لأن للأسف فى أقلية من الشباب بيصدقوا الافتراءات دى واللى مش بيصدقوا مش بيعرفوا يردوا ويثبتوا العكس بسبب جهلهم بالدين علشان كده بنقول اللى مش عنده اضافة يا ريت يقرا بس على الأقل علشان يرد غيبة سيدنا محمد صلى الله عليه وسلم ويدافع عن دينه.
وصدقونى حتى لو فشلنا فى الرد عليهم واقناع البعض منهم يكفينا شرفا وفخرا اننا أول منتدى يعمل كده ونقابل الرسول عليه الصلاة والسلام واحنا مرفوعى الرأس ويفتخر بينا صلى الله عليه وسلم ويباهى بنا الأمم
يلا بقى مش عايزين الشكر والردود التقليدية عايزين مشاركات واضافات مفيدة وعايزين نثبت للعالم كله اننا مش جهلة ومتخلفين واننا مش عالم تالت وقادرين على الدفاع عن ديننا ونبينا صلى الله عليه وسلم ورد غيبته ولكن كل ده بالحجة والمنطق والدليل ومن غير تجريح فى حد. وروهم بقى عبقرية شباب المسلمين ويا ريت المشاركات تبدأ من اليوم
وفقنا الله واياكم الى ما يحب ويرضى
k]hx g[ldu hgHuqhx ,g;g lk dvyf tn hg]thu uk hghsghl
نداء لجميع الأعضاء ولكل من يرغب فى الدفاع عن الاسلام
العرض الشجري
