مشكله واريد رايكم فيها

السلام عليكم ..........

انا حبيت اقول مشكله حاسه انها ملهاش حل هى مش لى انا شخصيا بس صحبتى قوى....

المشكله ان ابوها قاسي جدا عليها هى واخواتها ودايما بيفرق بين البنت والولد .. الولد هو السيد والبنت خادمته لدرجة ان اخوها الكبير بقى يهنها هى واختها الاصغر منهم مش قادره اقولكم لدرجة ايه لان مجرد التخيل وحش وحش.... حتى اخوها الصغير اللى في اول ابتدائي بيبهدلها هى واختها
ولما جت تدخل كليه غصبوا عليها حتى اختيار القسم وبتقولى انا بأدى اوامر بس عشان طاعة الوالدين وكمان امها بتتعامل معاهم كده ..... ...... مفيش حنيه مش مصاحبه بناتها مش مهم عندها اى حد..........

المشكله دلوقتى ان ابوها بيفرق فى المعامله بيفضل الصبيان عن البنات وفنفس الوقت بيعمل مشاكل مع ابنه الكبير اللى هو اول فرحته زى مابيقولوا وطبعا دلعهم فيه جرأ ابنه انه يرد عليه ولسانه يطول (سورى) ومعدش بيعمل قيمه لأمه وابوه ودايما صوتهم عالى وبيطرد ابنه من البيت
وامها تعد طبعا تصرخ بصوت عالى يعنى (سورى ) فضايح فى الشارع والعيله والبلد كمان يعنى عيشه تزهق مين يقرب من البيت ده يخاف .......... والبنات ياعينى مغلوبين على امرهم مش قادرين يعملو ا حاجه ...... اقولكم لدرجة حتى المصروف بيقوللهم للذكر مثل حظ الانثيين وبيبقى خمس اضعاف مصروف البنت منهم .... بصراحه الوضع وحش قوى وانا بقول يمكن واحد فى الميليون من اللى بيحصل ودايما الوالدين بيتخانقوا قصاد العيال وبصوت عالى وبيراعوش شعور حد وشتايم وتهزيق ......... كتيييييييييييييير قوى........
كانت عندى النهارده وقعدت تحكيلى .. اتعقدت من الجواز عشان متتجوزش حد يهينها وزهقت وحالتها النفسيه وحشه جدا ومنطويه جدا ... ومش اى حاجه من الدنيا غير انها تموت وتستريح وحاولت فعلا كام مره ومسكت السكينه عشان تموت نفسها ومحدش بيحس ويتعظ ...... انا بقيت متضايقه قوى من اللى بيحصل لها ده هى واخواتها البنات .........

انا طولت عليكم معلشي بس انا قلت اخد رأيكم يمكن المشكله اللى ملهاش حل اجدلها حل معاكم ........... يارب ادعولها وفكروا معلشي معايا اقدر اساعدها بأيه انا بجد قلبى بيوجعنى علشانهم وحاسه ان مفيش فى ايدى حاجه اعملها .......... وجزاكم الله الف خير ..

---

la;gi ,hvd] vhd;l tdih

لا تتعقدي ولا حاجة ياتوتا....

1- اعلمي ان البنت دي هدية من الله عشان تشكريه على النعمة اللي انت فيها.... يعني احمدي ربنا ان البنت دي مش انت.

2- مش كل صوابعك زي بعضها... يعني البنت دي شكلها والله أعلم من عائلة قديمة الفكر.... من الجنوب مثلا لو انت من مصر.... ولو كانت كدة فلا يسعني الا أن أقول لها الله.... أنا من الصعيد المصري وعايش في القاهرة بس بنزل في أحازة آخر السنة... والله بشوف عجب العجاب ومشكلة صاحبتك صغيرة جدا بالنسية للي بشوفه...

3- صاحبتك المفروض ما تتعقدش من الجواز لأني زي ماقلت مش كل الصوابع زي بعضها.... أنا بصراحة عاجز عن التفكير لأن في معلومات ناقصة زي

@ عندها في عيلتها.... قانونهم ان البنت ما تتجوزش الا ابن عمها...والواد يتجوز اللي عايزها
@ هل لها حق الموافقة ورفض اللي بيتقدملها ولا كل شيء عافية...

4- لو على كلامها ده المفروض تحب الجواز مش تكرهه... ليه ؟؟؟؟... لان أنا اللي فهمته من القصة ان في العيلة الراجل فوق البنت..... يعني ما فيش نقاش... لكن مع الزوج حتي لو ها يبهدلها ففي فرصة أو مجال للنقاش والحوار وممكن بمرور الوقت تحول جوزها من وحش كاسر لبني ادم متفاهم

5- حاولي تهوني عليها بالكذب المشروع... مثلا تقوليلها احمدي الله... أنا شفت واحدة بيحصلها كذا وكذا .... وتقولي مواقف أصعب من اللي بتحكيها... انت كدة بتساعديها انها ما تتهورش وتموت نفسها... فمهما كان لا يوجد شيء في الدنيا يستحق ان المؤمن يلقي بنفسه في جهنم


ياريت تردي على السؤالين اللي انا سألتهم

اسف للتطويل......... وشكرا على اهتمامك بمشاكل الغير

2- مش كل صوابعك زي بعضها... يعني البنت دي شكلها والله أعلم من عائلة قديمة الفكر.... من الجنوب مثلا لو انت من مصر.... ولو كانت كدة فلا يسعني الا أن أقول لها الله.... أنا من الصعيد المصري وعايش في القاهرة بس بنزل في أحازة آخر السنة... والله بشوف عجب العجاب ومشكلة صاحبتك صغيرة جدا بالنسية للي بشوفه...

حاسس ان الكلمات دى هتؤدى الى هبوب اعصاير وزاعبيب على هذا الموضوع ربنا يستر



اما عن باقى ردك اخى الكريم فلا اجد حل اكثر اقناعا منه



اما عن رايئ الشخصى فهو:


ان الحل الوحيد للموضوع ده انها ترتبط عاطفيا بشاب يعوضها عن الحنان المفتقد داخل اسرتها


وده هيبقى دورك انتى انك تقنعيها بالكلام ده


يعنى بدل ما تتشائم من الجواز عليها التفكير بالعكس


لكن برضه مش اى جواز


حتى لا تتكرر التجربه ثانيه


لازم يكون انسان طيب وقلبه كبير علشان يعرف يعوضها عن السنين اللى عاشتها وهيا حاسه بالقهر

كانت عندى النهارده وقعدت تحكيلى .. اتعقدت من الجواز عشان متتجوزش حد يهينها وزهقت وحالتها النفسيه وحشه جدا ومنطويه جدا ... ومش اى حاجه من الدنيا غير انها تموت وتستريح وحاولت فعلا كام مره ومسكت السكينه عشان تموت نفسها ومحدش بيحس ويتعظ ...... انا بقيت متضايقه قوى من اللى بيحصل لها ده هى واخواتها البنات ........
.

بصو يا جماعه فى حاله زى الحاله اللى معانا حلها ان هى تستحمل وتقبل باول عريس يجلها ومتعقدش نفسها من الجواز لان اكيد ربنا سبحانه وتعالى هيعوضها كمان متفكرش فى الانتحار لانها لو هربت من اللى بيحصل فى البيت مش هتهرب من جهنم واللعياذ بالله

بعد لما قرات الردود تسمحولي اقول رايي في المشكله

الاب يعيش زمن الولد هو كل حاجه والبنت عار

البنت انهارت من المعامله ده ملخص لما كتب

1- من قراتي للردود اكتشفت ان ولا عضو حاول يقرب من اكثر الحلول ايجابيه وهي

التقرب من الله

حتي ولو كانت بتصلي وبتادي الفرائض مجرد تفكيرها بالانتحار يدل علي نقص في الفكر الديني

2- في رد لا اتفق معه وهو الترزوج من اول عريس يتقدم

طيب ماهو ممكن العريس ده يكون العن واضل وتعيش ايام اكثر سواد من اللي عاشتها

ونرجع ونقول ليت الزمان يعود يوما

3-( ان الله مع الصابرين )

4- هل من الممكن ان تعمل فالعمل مع الفرائض سياخون معظم اوقاتها بالاضافه الي التعامل مع اناس كثير وبالتالي تخرج من هذا النفق المظلم وتري الحياة من وجه اخر

5- الزواج

6-وعلي فكره المشكله بسيطه جدا بالنسبه لبعض المشاكل الاخري فانا اعلم والله العظيم اصدقاء لي كانوا يشتكون من ان ابائهم يريدون اقامة علاقه غير شرعيه مع بناتهن واسف لقول هذا ( وسوف اكتب بعض مشاكلهن فيما بعد )

وفي النهايه فالصديق قد تنجح احيانا في اخرج صديقتها من اعظم المشاكل فلا تتركيها

اخوكم محمد

من قراتي للردود اكتشفت ان ولا عضو حاول يقرب من اكثر الحلول ايجابيه وهي

التقرب من الله


شكرا ليك يا أخي محمد على صراحتك وكلامك جميل جدا ومفهوش نقاش

أنا كان المفروض أذكر النقطة دي بس نسيت مع أنها أهم نقطة

أنا كنت حاططها في الحسبان بس نسيت

السلام عليكم ورحمه الله وبركاته


اولا طبعا احب اشكر mraheem2004 و طبعا ma852003 واكيد الطيب احسن و mandozzz

وطبعا اراء اللي سمعتها فعلا جميله واحب اشكركم لهتمامكم واعطاء ارائكم

انا والله اتكلمت معها كتير وفي كثير من الحلول اللي اتوصلتوا اليه

وخاصا التقرب من الله والتمسك بالحب اللي يعوضه عن الحنان المفقود

بس هي مقهوره قوي ومش عايزه تسمع اي مبررات او حلول يعني بمعني هي دلوقتي بقيت متمسكه بالوضع الحالي يعني يائسه وميؤس منه

في الاخر قولت اعرض المشكله يمكن القي الحل

اما بخصوص السؤالين mraheem2004
الاجابه:

بس انا هقولك المضمون هي مش ليها حقوق في البيت وعدم التحدث اصلا

بمعني هي مش ليها رائ اصلا هي عايشه عشان تخدم وتحس بفرق بين الولد والبنات والقهر والذل وبس

هي ممكن تختار اللي هي عايزه بس بالذل والمواقف اللي ذكرته قبل كده

وشكرا والله هو القادر علي فعل اي شئ
والحمد لله رب العالمين

المشاركة الأصلية كتبت بواسطة totaaaa

السلام عليكم ورحمه الله وبركاته


اولا طبعا احب اشكر mraheem2004 و طبعا ma852003 واكيد الطيب احسن و mandozzz

وطبعا اراء اللي سمعتها فعلا جميله واحب اشكركم لهتمامكم واعطاء ارائكم

انا والله اتكلمت معها كتير وفي كثير من الحلول اللي اتوصلتوا اليه

وخاصا التقرب من الله والتمسك بالحب اللي يعوضه عن الحنان المفقود

بس هي مقهوره قوي ومش عايزه تسمع اي مبررات او حلول يعني بمعني هي دلوقتي بقيت متمسكه بالوضع الحالي يعني يائسه وميؤس منه

في الاخر قولت اعرض المشكله يمكن القي الحل

اما بخصوص السؤالين mraheem2004
الاجابه:

بس انا هقولك المضمون هي مش ليها حقوق في البيت وعدم التحدث اصلا

بمعني هي مش ليها رائ اصلا هي عايشه عشان تخدم وتحس بفرق بين الولد والبنات والقهر والذل وبس

هي ممكن تختار اللي هي عايزه بس بالذل والمواقف اللي ذكرته قبل كده

وشكرا والله هو القادر علي فعل اي شئ
والحمد لله رب العالمين

يا اخت توتا البؤس والتشائم حاله نفسيه عرضيه معرض لها اي انسان يمر بظروف معينه

فذلك طبيعة النفس البشريه

زوال هذا التشاؤم يعتمد في المقام الاول والاخير علي الصديق واقصد هنا الصديق بما تعنيه الكلمه من معاني كثيره فاحيانا يكون تاثير الصديق اقوي من الاخ

البيوت المصريه ملييييييييئة بموضوع التفرقه في المعامله ولكن لو دخلتي في نفس كل اب او ام ستجدين انهم يحبون اولادهم بنفس الدرجه

فدورك هنا ان تقنعي صديقتك بذلك وبان هذه المشكله ما هيه الا محنة من الله عز وجل ونرجو ان تتعداها بنجاح
دورك ان تخرجيها من هذا الجو الحزين الذي اقحمت نفسها فيه

من الناحيه العمليه
ان كنتي تستطيعين بالاستعانه لاحد معارفك لايجاد و ظيفه تناسبها وتناسب تقاليدها وبالتالي تنقليها من عالم الحزن الي عالم السعاده لتنصهر بين الناس وتنسي بعض مشكاكلها

وشكرا اختي ونرجو من الله ان توفقي في ذلك

اخوكم محمد

رد الأخ محمد اداني فكرة جديدة وهي انها تدور على شغل تغير بيه الجو....وهي لو بتدرس برضه يبقى كويس واديها بتغير جو كل يوم مع زميلاتها اللي عمرهم ما هيقدروا يهينوها لأنهم أولا بنات زيها وثانيا هما في مستواها شرعا وقانونا فتقدر ساعتها تطلع كل اللي جواها معاهم عكس الأب اللي بيكون فوقها شرعا وقانونا وبيكون صعب التفاهم معاه أحيانا فتضطر أنها تكتم وتبكي وده وحش جدا عليها.... هي على فكرة لما حكت ليك عالمشكلة اتأكدت أنها ذكية وتجيد التصرف عشان ماكتمتش جواها وفضفضت لاحدى زميلاتها.... بس في نفس الوقت واجب عليك تحذريها من أنها تقول الكلام لأي واحدة من زميلاتها لأن ممكن واحة منهم تلف الكلام وتزود عليه وترجعه للأب والأخ وممكن بعدها تتحرم من نفسها الوحيد.... المدرسة أو الكلية.... برضه الأب مهما شد فجواه حب لأولاده كبير.... الا اذا كان من العصر الجاهلي وساعتها أنسي لان أنا شفت من النوع ده كتيييييير وحسبي الله ونعم الوكيل.... هي كمان لازم تحسس العيلة ان ليها شخصية...أنا ما بقولش تتعالى على أبوها بس تتحسه ان هو كبير في البيت.... مثلا أخوها الكبير مد يده عليها تشتكي لابوها... خارجة تستأذن من ابوها... عايزة تكح تستـأذن من أبوها... من الآخر تحسسه ان هو الكل في الكل.... برضه تثق بنفسها شويه وتتجرأ وتتصرف بذكاء قدام أبوها وتحسسه ان هي انسانة بتفكر وممكن تساعده عشان يغير فكرته عنها لأنه كون ان يضربها ويخلي أخوها فوقيها معناه انه معتبرها كحيوان أو شيء لا يمشي ويعيش الا بالضرب.... وانا عرفت منك ان هي ليها حرية اختيار شريك الحياه وده كويس ومعناه ان في شوية انفتاح في العيلة... عشان كدة لازم تستغل الخرم ده عشان ينور حياتها للأبد فتختار أفضل المتقدمين لها من حيث الخلق والدين وترفض أي واحد ما تعرفش عنه حاجة.... انت كزميلتها أنصحك.... خليها تفكر شوية

على فكرة انا حاسس ان عندك براعة في حل المشاكل شوية من نصايحك لها ومن مواضيعك الأخرى... وصدقيني مفيش أحسن منك اللي هايحل المشكلة دي

وأرجو من الله ان المشكلة دي تخلص وربنا ما يجيب مشاكل ........ ااااااااااامين

شكرررررررررررررررررررررررررررررررررررررررررررررررر رررررررررررررررررررررررررا

شكراااااااااااا لمروراكم ورايكم

وان شاء الله هعمل بيه لانها كله حلول كويسه

وربنا ما يجيب مشاكل وشكرا

صراحة الموضوع داه فظيع جدا
وبعدين انا بكره اللي تفكيرهم يكون كدا ؟
البنات + الولاد = واااااااااااااااااحد
هيا أكيد لازم تتعقد من اللي بيحصلها
بس مش تتعقد من الجوااااااااااااز
لإن صراحة الجواز هوا اللي هاينقذها
وباباها زي ما قلتي دخلها تخصص مش عاجبها
طيب ليه متحاولش تحب التخصص داه
لإنها خلاص اتحطت فيه
والإنسان لازم يثبت نفسه في أي مكان يتواجد فيه
( إذا لم تزد شيئاً على الحياة تكن أنت زاداً عليها)

وانا صراحة مش مع باباها خالص في حكاية التسلط ديه
وكمان الخناق قدام الولاد بلوة كبيرة
لازم يكون فيه احترام متبادل ...
وأكيد أبوها فيه في قلبه بعض الطيبة والحنية
ممكن تخلي واحد من إخواتها الأقرب ليه يعني
إنه يفهمه ...
داه طبعاً لو كان فيه حد من إخواتها متفاهم معاها
ولازم تكون قوية الشخصية .. وإن شاء الله ربنا هايساعدها
معلش بس انا ماقرأتش كل ردود الأعضاء بس بإذن الله هاقرأهم
مشكورة يا توتا لطرح الموضوع
أختك : شهد
ربنا معاها ويساعدها

مشكلة متعقدة جدا

انا مش لاقي حل ، بس :

(( و صاحبهما في الدنيا معروفا ))

الحمد لله والصلاة على رسول الله وبعد
صلاح الأب شئ له عامل السحر على الأسرة فكما يقول السلف ( الأب رب )
وبالفعل إن كان فى القصة و أنا على يقين من مغالاة صديقتك عليكى فى سردها للقصة بعض السلبيات التى ينتهجها الآباء ضد الأبناء
إلا أن صديقتك لابد لها من أن تصلح بينها وبين الله ليصلح لها الله والدها
و أدعو الله له بالهداية فهو ولى ذلك والقادر عليه

أ. محمـد عاشـــور
عاشق اللغة العربية