مطفية , سمعت

شمعة مطفية

فتحت النهاردة شباكى على الدنيا

فى وقت الشروق




لقيت الناس

كتير أجناس




برغم جراحها فرحانة

برغم الهم اللى جواهم

برغم الدنيا اللى شاغلاهم

تلاقى الطيبه فى قلوبهم

وتلقى الحب فى عنيهم









دا رايح شغله من بدري

و دا ماشي

و دا بيجري

و دا رايح على غيطه

و شايل فوق كتافه الفاس

ودى شايله شنطتها

جواها كام كتاب وكام كراس

بتحلم تبقى دكتوره

تعالج جميع الناس

وده رايح ع مدرسته

بيحلم يبقا يوم استاذ







ليه نحزن

مادام نقدر نشوف أحلامنا في مرايا

و نلقى اصحابنا حوالينا

في وقت الشدة يحمونا

و ايدهم لينا ممدوده

تعدي بينا سكتنا اللي مسدوده





و ليه دايما نبص لنص الكوبايه الفاضى

مادام نقدر نبص لنصها المليان

دي هي الدنيا يا صاحبي كدا حالها

تبات مهموم تقوم فرحان

و عجلة يومها ما وقفت عن الدوران

شمعة أمل بتنور

الكل على نورها ماشى بيدور








الشمعة بتاعتى فى عز نورها إنطفت

ملكش نصيب يا قلبى تعيش وتتهنى

---

alum l'tdm sluj

المشاركة الأصلية كتبت بواسطة ahmed nagi

ليه نحزن

مادام نقدر نشوف أحلامنا في مرايا

و نلقى اصحابنا حوالينا

في وقت الشدة يحمونا

و ايدهم لينا ممدوده

تعدي بينا سكتنا اللي مسدوده

كلام روووعة وموضوع أروع
مشكور يا أحمد
دمت متألقا

بارك الله فيك

كلمات رووعة واحساس مبدع فعلا ,,

المشاركة الأصلية كتبت بواسطة ahmed nagi

الشمعة بتاعتى فى عز نورها إنطفت

ملكش نصيب يا قلبى تعيش وتتهنى

حتى بعدما انطفأت
أكيد لنورها عودة


احساسك عالى جداااا
دام لنا نزف قلمك