حيطه , راجل , ولا

ظل راجل ولا ظل حيطه

جلست بعض السيدات فى النادي فتحدثت سيدة وبدأت تخطب فى وسط سيدات النادي

وقالت: قالوا ضل راجل ولا ضل حيطة..

ياختى بلا نيله
ـ عمرك سمعتي عن حيطه بتشخر طول الليل ومتخلكيش تعرفي تنامي؟
ـ ولاّ حيطه تدخل من باب البيت تجعّر عايزه الغدا..

وبعدين تطيّن عيشتك عشان الملح طلع زياده في البامية؟

ـ ولا ممكن ترجعي البيت فى يوم تلاقي الحيطه بتبوس في الشغالة؟
ـ طب شفتي حيطه تملا سقف الشقة دخان والارض سبارس؟
ـ ولاّ حيطه تصحيكي من عز النوم فى نص الليل عشان معرفش ايه طلع فى دماغها
ـ ولاّ حيطه تدوخك وراها عشان تشوفيها بتكلم مين فـ نص الليل فى التليفون
ـ طب الحيطه معروف مكانها طول الليل..
انما المحروس يدوخك وراه عشان تعرفي كان سهران في انهي داهية..
قال ايه عنده شغل
ـ ولاّ في حيطه تحاول تطلّعك غلطانه فى كل كلمه تقوليها عشان تثبت للعيال ان الحيطه بتفهم عنك
ـ ولا حيطه تقعد تقولك ماتخرجيش بالفستان ده أحسن اقطّعه
ولما تطلبى منها فلوس عشان تجيبى فستان غيره تعمل
ودن من طين وودن من….
طيب ده حتى الحيطه ليها ودان

---

/g vh[g ,gh pd'i

هههههههههههه
لا تعليق

حلو اوي يا محمد
وفعلا اتضح ان ضل حيطه ارحم بكتيييييير من ضل راجل

مشكورين ع المرور
تسلموا

خليت البنات تشمت فيناا كده يا محمد يا جزار

المهم كنت راكب مع سواق تاكسي وقعد يحكيلي عن قصه حياته وولاده ومره واحده دخل علي الكلمتين دوول

بيقولك الواحده من دول وهي متجوزه لما تتكلم مع ده ومع ده الناس تقول في سرهاا ليهاا راجل يحكمهااا

انما الواحده لما تكون مش متجوزه وتقعد تتكلم مع ده ومع ده الناس هتقول عليهاا كلام زي الفل والسمعه هتبقي قشطه

وده بقي الا ينطبق عليه ظل راجل ولا ظل حيطه

اه ونسيت انقله للقسم الترفيهي

شكرا ليك يا محمد

والله احيانا فعلا رجاله تغيظ وتضايق من كتر التحكمات
وعصر سى السيد
بس الحق يتقال ساعات تلاقى ستات جباااااااااااااره
بمعنى الكلمه
وهى اللى مشيه بيتها على حق وكل يوم خناق لما الراجل يطفش منها
وفى الاخر هقولك مينفعش الحياه من غير
حنية ست وعقل راجل
وفى الاخر لازم اشكرك طبعا
تقبل مرورى

فينك ياسى السيد

لو كان سى السيد موجود مكنش الستات دول اعدوا فى النادى اللى انا مش بعد فيه من أساسه ولا الكلام دا اتقال

أمينة مكانتش بتطلع بره البيت من غير إذن سى السيد

فاكرين اما راحت الحسين ههههه ورجليها اتكسرت

لمى هدومك وعلى بيتكوا يا أمينه

ههههه ..

هو ضل الحيطه لما يكون الراجل مش قد كلمه راجل
بيكون احسن مليون مره
مشكور استاذ محمد

طيب لية اخدنا المثل من الجانب السىء
بجد ضل راجل فعلا ولا بيت كامل مش حيطة واحدة
مش كل الرجالة بالصورة الوحشة الى هى وصفتها دى
وبعدين ياجماعة الرجالة النصف التانى ماينفعشى نعيش
من غيرهم ولا هما يعيشوا من غيرنا
وتقبلوا مرورى

جميلة قووووووووووووووووووووووي منك يا محمد

ما فيش تعليق

ربنا يحميك بانتظار المزيد