فى حب سيادة الريس

سيدى الرئيس لتانى مرة







سيدى الرئيس لتانى مرة
بقولهالك عشتنا مرة
سيدى الرئيس مفيش مسرة
بنزين وعيش وهلم جرة
سيدى الرئيس لتانى مرة
بقولهالك عشتنا مرة
سيدى الرئيس اسمع كلامي
ولو سمحت حس بألامي
جوه بلدنا بنحتاج محامي
وحقى ضايع وممنوع كلامي
سيدى الرئيس لتانى مرة
بقولهالك عشتنا مرة
سيدي الرئيس هو انت فاهم
ان بلدنا فيها فقر دايم
وخيرها فى سويسرا مساهم
وياخوفى لتكون ياسيدى واهم
اننا لكلا م سيادتك مصدقيين
او اننا عن حكمكم راضيين
او اننا من ظلمكم مش مخنوقيين
سيدى الرئيس لتانى مرة
بقولهالك عشتنا مرة
سيدى الرئيس الحق تاه
مش مصر بردك فيها قناه
وغاز طبيعى وزيت ومياه
والشعب دايخ فين يلقاه
ومفيش ياريس فلوس وياه
سيدى الرئيس لتانى مرة
بقولهالك عشتنا مرة
سيدى الرئيس لو لينا خاطر
عيشين ياريس بين المخاطر
اكل مسرطن وزيت مقاطر
والناس فقيرة وهموم كتييرة
واللى بيسرق هو اللى شاطر
سيدى الرئيس لتانى مرة
بقولهالك عشتنا مرة
سيدى الرئيس الحق ضايع
وعلى القهاوي شبابنا صايع
والكل شايف والكل سامع
سيدى الرئيس لتانى مرة
بقولهالك عشتنا مرة

منقوووول من جروب الرساله

---

tn pf sdh]m hgvds

ما هو يا ( فجر الإسلام ) لو كلامنا ده يوصل و هيأثركان زمانا دلوقتي مباطلناش كلام

جزيل الشكر ...

بس يوصل ويأثر ايه الله يكرمك يا هيروشيما .. هوا الكلام دا لو وصل هياثر
والله احتمال ما نشوفش فجر الإسلام تانى لو الكلام ده وصل

لا يا جماعه متخفوش عليه انا بخير انا بعد اما نزلت الكلام ده على المنتدى رحت استخبيت فى جحر نمله علشان محدش يقدر يوصلى

اولا شكر على الموضوع

انا قريت ان الاخت فجر مستخبيه فى جحر نمله فبحزرها لانى من يومين سمعت على الجزيره ان الحكومه المصريه جندت اكل النمل بيدور فى محافظات مصر على كاتب الموضوع وعلى صاحب المنتدى وعلى المشرفين كمان
اه متخفوش الاعضاء متمش زكرهم بحاجه يعنى هما فى امان

ياله كل بقه يشوفله خليه نحل يستخبى فيها

بس بجد شعر جميل والله يكون فى عونه اللى كتبه رغم اختلافى معاه

شعر جميل جدا

بس ماندوز بيقول انهم بيدوروا على اعضاء المنتدى والمشرفين

طيب انا اروح فين دلوقتى