!..... فزورة البسبوسه .....!

**MaNsHo0o0** · 2010-03-03, 01:29 PM

...

..

.

بسبوسه متروسه ... بالزبده والكوسه

وملوخيه مهروسه ... علي شوربه ملحوسه

دي أكله معروفه ... للكل موصوفه

تخدوها ملفوفه ... في الوش محدوفه

قلقانه محتاره ... قرفانه خنقانه

منكوبه نكبانه ... من ظورنا مسكانه

بتعدي فوق راسنا ... بدال ماتحروسنا

دايما بتنحسنا ... والفقر يلبسنا

ملهاش عزيز غالي ... وعايشه في العالي

وأنا مهما يجرالي ... بتقول وانا مالي

بلاويها مشهوره ... معذوره مقموره

دي حتي في الكوره ... حدودها محصوره

بنخاف كتير منها ... بنروح بعيد عنها

بنخاف نزعلها ... بالذوق بنخدمها

عبيطه بتلوش ... وعامله بتهوش

في فلوسنا بتكوش ... ومنها بتحوش

براها هله هله ... جواها يعلم الله

دماغها بيضه فله ... اسم الله عليها اسم الله

قرارتها محسومه ... قال يعني محزومه

أخطائها بالكومه ... ويقولو دي حكومه

رجاء:من يعرف حل الفزوره مايتصلش بأي ارقام علشان الارقام كلها متراقبه