ايها الشاعر العظيم .... اتلهى على عينك

اذا كان احدكم من هواة الشعر سواء جاهلي ,حداثي او حلواني او حتي فيومي وللاسف قريحتة جافة كحلق صائم

ففي ست خطوات سوف تكون شاعر يشار الية بالبنان و بالحذاء ان اراد

يفضل ان يكون معاك حد كبير و انت بتكتب الشعر ثانيا يحبذ انك تكون لابس جلبية علشان تكون واخد راحتك علي الاخر

بجانبك منديل محلاوي-قزازة سبرتو-كبريت-5 بيضات-بيكنج بودر ..
اية دة..؟؟!!
معلش دي حلقة طبق اليوم
نرجع لموضوعنا صلي علي النبي

اولا
اختر فِكرة عبثية لا تهُمُ أي شَخص "حَبَذا لو كَانَت الفِكرَة من عَالم المَخْلوقات غير البَشرية"
مثال:
غزل بين جحش و انثاة؛ مصرع نملة وهي تحمل قطعة سكر؛ خرتيت يتثاءب؛ كلب يهوهو.. إلى آخره

ثانيا
في البداية.. وجه طاقاتك لوصف المشهد الماثل أمامك بطريقة واضحة.
مثال:
كانت بغلة بيضاء جميلة تسير أمامي وهي تحمل حزمة فجل لذيذة..
فاجأتها سيارة سوداء قبيحة وقامت بقتلها سقطت الفجلة..
إني حزين..

ثالثا
احذف الأسماء الدالة على الشخصيات.مثال:
كانت بيضاء جميلة تسير أمامي حاملة قطعة لذيذة..
وهاجمتها قبيحة وقتلتها سقطت الحزمة..
إني حزين..

رابعا
احذف كل ما يُمكن أن يَجعل القارئ يفهم القصة لعبكلة الدنيا و خليها سودة في خلقتة
مثال:
كانت تسير أمامي..
هاجمها القبح وخطف الحياة من بين يديها...
إني حزين..

خامسا
الجملة المبنية للمجهول أمر أساسي في الشعر الحداثي.. استخدمه بكثرة.مثال:
سُيِرَت نَحو المَوْت..
اغتِيلَت بيدِ الغَدْر وسُلِبَتِ الحَيَاةُ مِن بَيْن يَدَيْها...
حُزنٌ يَسْكُننِي..

سادسا
اقرأ ما كتبت..إذا فهمت حاجة يبقي انت فاشل فأعد الخطوات أعلاه كَرّة أُخرى..إذا لم تفهمه..فلا تبتأس يا عزيزي فقد بداء عصرك كشاعر يشار الية بالفجل و الرمان
و استعد لنيل جائزة البوليتزر في الشعر بس هات معاك حاجة تاخد فيها و يفضل كيس علشان متنقطش

ملحوظة
لا اضمن لك الحصول علي نتائج اكيدة لكن يفضل ان يكون قرائك من مرتادي المصحات النفسية و مصابي الفصام وسلس البول والعشي الليلي ويفضل ان تكون علاقتة باللغة العربية محصورة في كلمتي بابا و ماماو انجغغ
و في حالة فشلك الذريع بالرغم من سهولة توضيح الامر
ارجع للمكونات المذكورة اعلاه
و قم بفقش الخمس بيضات علي ام راسك و رشة بكينج بودر و ادلق نص قزازة السبرتو علي نافوخ السيادة و اشرب النص الاخر
وولع في نفسك ثم انتظر 20 دقيقة و تقدم ساخنا مع الشاي

ملحوظة جوة الملحوظة : المنديل المحلاوي علشان تحطة تحت فنجال الشاي

ملحوظة تانية إلى حين تفكيري في ملحوظة ثالثة

اذا البلية لعبت معاك ووجد شخص اكثر تخلفا منك وعملك الكلام الفاضي دة اغنية و فيديو كليب و دة وارد في الزمن الاغبر دة
يجب ان تصر اصرارا شديدا انك تطلع في الكليب لابس المنديل المحلاوي وواقف علي طشت مقلوب و اللي رايح و اللي جاي في الكليب يناولك علي قفاك

* * * * * * * *
م ن ق و ل

---

hdih hgahuv hgu/dl >>>> hjgin ugn udk;

ههههههههههههه
بقى هو ده الشعر
منك لله يا اخى حرام عليك

هههههههههههه
ياما هانشوف
ده شعر ولا ايه بالظبط
انا مش فاهم حاجه فى اى حاجه
الف شكر على النصائح الشعريه دى ويا حبذا لو مع الشعريه شوربه
هههههههههه

حلـــــــــــو اوى يا مان

شعر على حق مش دلع

دا شعر الخداع

هههههههههههههه


تسلم يا بوب على التشعير

خيلــو

[
ههههههههههههه

بقى هو ده الشعر

منك لله يا اخى حرام عليك


ده يا برنسيس الشعر الحديث اللي بيغنوه مطربي العصر الحديث بس شكلك مش متابعه
الست روبي اللي رقصت الفراعنه

والطرب الاصيل في صوت المبدع ريكو
لاااااااااااااااااااااااا
مش بقلك انتي مش متابعه